មជ្ឈមណ្ឌលរៀនសូត្រអំពីតំណភ្ជាប់ប្រភពដើម
សូមរៀនពីរបៀបភ្ជាប់កំណត់ត្រា និងបន្ថែមបុព្វការីជនទៅក្នុងមែកធាងគ្រួសារនៃកម្មវិធីស្រាវជ្រាវក្រុមគ្រួសារ ។
តើមានអ្វីថ្មីនៅក្នុងតំណភ្ជាប់ប្រភពដើម ?
សូមស្វែងយល់ពីការធ្វើបច្ចុប្បន្នភាពថ្មីៗនៅក្នុងតំណភ្ជាប់ប្រភពដើម ។
សូមមើលព័ត៌មានលម្អិតសំខាន់ៗអំពីបុព្វការីជនរបស់អ្នក ដោយមិនចាកចេញពីតំណភ្ជាប់ប្រភពដើម ។
ព័ត៌មានលម្អិតជាច្រើនមកពីមែកធាងគ្រួសារអាចកែសម្រួលបាន ខណៈពេលកំពុងធ្វើការនៅក្នុងតំណភ្ជាប់ប្រភពដើម
មូលដ្ឋានគ្រឹះអំពីតំណភ្ជាប់ប្រភពដើម
កំណត់ត្រាប្រវត្តិសាស្ត្រគឺជាភស្តុតាងដែលបញ្ជាក់ថា ព័ត៌មានលម្អិតរបស់បុព្វការីជននៅក្នុងមែកធាងគ្រួសារគឺត្រឹមត្រូវ ។
សូមរៀនពីយុទ្ធសាស្ដ្រមូលដ្ឋានដើម្បីចេះវិភាគប្រភពដើមនៅក្នុងតំណភ្ជាប់ប្រភពដើម
ស្វែងរកព័ត៌មានដែលអ្នកត្រូវការ ដោយមិនចាំបាច់ចាកចេញពីតំណភ្ជាប់ប្រភពដើមឡើយ ។
សេចក្តីថ្លែងការណ៍អំពីមូលហេតុ ជួយអ្នកប្រើប្រាស់ដទៃទៀតឲ្យយល់ពីមូលហេតុដែលអ្នកបានកែប្រែមែកធាងនេះ ហើយជាលទ្ធផល ពួកគេនឹងទំនងជាមិនសូវកែត្រឡប់វិញ ឬផ្លាស់ប្ដូរកិច្ចការរបស់អ្នកទេ ។
សូមរៀនពីរបៀបភ្ជាប់ប្រភពដើមទៅកាន់បុគ្គលច្រើនជាងម្នាក់ ។
ពិនិត្យមើលឯកសារភ្ជាប់ដែលមានស្រាប់
នៅពេលអ្នកផ្តាច់ប្រភពដើមមួយ នោះអ្នកបានផ្តាច់ការភ្ជាប់រវាងប្រភពដើមនេះជាមួយនឹងបុគ្គលនៅក្នុងមែកធាងគ្រួសារ ។
នៅពេលអ្នកមានសំណួរអំពីព័ត៌មានលម្អិតដែលអ្នកមើលឃើញនៅក្នុងតំណភ្ជាប់ប្រភពដើម សូមព្យាយាមមើលទាំងកំណត់ត្រាផង និងរូបភាពប្រភពដើមនោះផង ដើម្បីទទួលបានព័ត៌មានបន្ថែម ។
រៀនពីរបៀបស្រាវជ្រាវមែកធាងគ្រួសារ ដោយមិនចាកចេញពីដំណភ្ជាប់ប្រភពដើម
សូមប្រើប៊ូតុងដែលមានដាក់ស្លាកថា មិនត្រូវគ្នា នៅពេលឈ្មោះនៅក្នុងជួរឈរខាងឆ្វេងនៃតំណភ្ជាប់ប្រភពដើម មិនដូចគ្នាទៅនឹងឈ្មោះណាមួយនៅក្នុងជួរឈរខាងស្តាំ ។
នៅពេលអ្នកដាក់ស្លាកលើប្រភពមួយ អ្នកនឹងបម្លែងវាទៅជាសេចក្ដីយោងមួយសម្រាប់ព័ត៌មានលម្អិតមួយ ដែលមានរាយបញ្ជីនៅលើទំព័របុគ្គលនោះក្នុងមែកធាងគ្រួសារ ។
បង្កើតបុគ្គល និងទំនាក់ទំនងថ្មី
សូមប្រើតំណភ្ជាប់ប្រភពដើម ដើម្បីបន្ថែមបុគ្គលទៅក្នុងមែកធាងគ្រួសារនៃកម្មវិធីស្រាវជ្រាវក្រុមគ្រួសារ ។
ប្រសិនបើឈ្មោះនៅក្នុងជួរឈរខាងឆ្វេងនៃតំណភ្ជាប់ប្រភពដើម រៀបចំមិនបានត្រឹមត្រូវទេ នោះអ្នកអាចប្រើមុខងារអូសទម្លាក់ពីកូនកណ្តុររបស់អ្នកដើម្បីរៀបចំវាឡើងវិញបាន ។
មនុស្ស ផ្តោត គឺ ជា តួ អង្គ សំខាន់ នៅ ក្នុង Source Linker ។ បុគ្គលឯទៀតទាំងអស់ត្រូវបានបង្ហាញទាក់ទងនឹងបុគ្គលនោះ។
សំណួរដែលសួរជាញឹកញាប់
តើអ្វីទៅជាតម្រុយកំណត់ត្រានៅក្នុងមែកធាងគ្រួសារ ?
តម្រុយកំណត់ត្រាគឺជាកំណត់ត្រាប្រវត្តិសាស្ដ្រ ដែលកម្មវិធីស្រាវជ្រាវក្រុមគ្រួសារអាចស្វែងរកបុព្វការីជនរបស់អ្នកជូនអ្នកបាន ។ ជារឿយៗ តម្រុយទាំងនេះអាចជួយអ្នកឲ្យស្គាល់កូន ឪពុកម្ដាយ បងប្អូនបង្កើត និងសាច់ញាតិផ្សេងទៀតដែលបាត់នៅក្នុងមែកធាងគ្រួសាររបស់អ្នក ។ រៀនបន្ថែម អំពីតម្រុយកំណត់ត្រា ។
តើមានភាពខុសគ្នាអ្វីខ្លះរវាងជួរឈរខាងឆ្វេង និងខាងស្ដាំនៅក្នុងតំណភ្ជាប់ប្រភពដើម ?
ជួរឈរខាងឆ្វេងបង្ហាញអ្នកពីព័ត៌មានលម្អិតមកពីកំណត់ត្រាប្រវត្តិសាស្ត្រ ។ ជួរឈរខាងស្តាំបង្ហាញអ្នកពីព័ត៌មានលម្អិតមកពីទំព័របុគ្គលរបស់បុព្វការីជននោះនៅក្នុងមែកធាងគ្រួសារនៃកម្មវិធីស្រាវជ្រាវក្រុមគ្រួសារ ។
តើប៊ូតុង ព័ត៌មានលម្អិត និងប្រៀបធៀប មានតួនាទីអ្វីនៅក្នុងតំណភ្ជាប់ប្រភពដើម ?
ប៊ូតុង ព័ត៌មានលម្អិត ពង្រីកជួរឈរខាងស្តាំនៃតំណភ្ជាប់ប្រភពដើម ហើយប្រាប់ព័ត៌មានលម្អិតអំពីបុគ្គលម្នាក់នៅក្នុងមែកធាងគ្រួសារ ។
ប៊ូតុង ប្រៀបធៀប ពង្រីកទាំងជួរឈរខាងឆ្វេង និងខាងស្ដាំនៃតំណភ្ជាប់ប្រភពដើម ដើម្បីអ្នកអាចប្រៀបធៀបបុគ្គលនៅក្នុងប្រភពដើមនេះ ( ជួរឈរខាងឆ្វេង ) ជាមួយនឹងបុគ្គលដែលមាននៅក្នុងមែកធាងគ្រួសារ ( ជួរឈរខាងស្តាំ ) ។
ប៊ូតុង ប្រៀបធៀប ពង្រីកទាំងជួរឈរខាងឆ្វេង និងខាងស្ដាំនៃតំណភ្ជាប់ប្រភពដើម ដើម្បីអ្នកអាចប្រៀបធៀបបុគ្គលនៅក្នុងប្រភពដើមនេះ ( ជួរឈរខាងឆ្វេង ) ជាមួយនឹងបុគ្គលដែលមាននៅក្នុងមែកធាងគ្រួសារ ( ជួរឈរខាងស្តាំ ) ។
តើប្រអប់ប្រភពដើមរបស់ខ្ញុំគឺជាអ្វី ?
ប្រអប់ប្រភពដើម របស់អ្នកគឺជាបញ្ជីប្រភពដើមមួយ ដែលអ្នកបានរក្សាទុក ។ វាគឺជាឧបករណ៍មួយសម្រាប់តាមដានព័ត៌មានប្រវត្តិដើមទាក់ទងនឹងពួកគេ ។
ការជ្រើសរើសយក បន្ថែមទៅ ប្រអប់ប្រភពដើម នៅក្នុងតំណភ្ជាប់ប្រភពដើម រក្សាទុកនូវព័ត៌មានប្រវត្តិដើមចេញពីប្រភពដើមនោះ ទៅកាន់គណនីកម្មវិធីស្រាវជ្រាវក្រុមគ្រួសាររបស់អ្នក ។ បន្ទាប់ពីនោះមក អ្នកអាចចូលមើលប្រភពដើមនេះម្ដងទៀតនៅពេលណាក៏បានតាមចិត្តរបស់អ្នក ៖
ការជ្រើសរើសយក បន្ថែមទៅ ប្រអប់ប្រភពដើម នៅក្នុងតំណភ្ជាប់ប្រភពដើម រក្សាទុកនូវព័ត៌មានប្រវត្តិដើមចេញពីប្រភពដើមនោះ ទៅកាន់គណនីកម្មវិធីស្រាវជ្រាវក្រុមគ្រួសាររបស់អ្នក ។ បន្ទាប់ពីនោះមក អ្នកអាចចូលមើលប្រភពដើមនេះម្ដងទៀតនៅពេលណាក៏បានតាមចិត្តរបស់អ្នក ៖
- សូមចូលទៅកម្មវិធីស្រាវជ្រាវក្រុមគ្រួសារ ។
- នៅកែងខាងស្ដាំខាងលើ សូមចុចលើឈ្មោះរបស់អ្នក ។
- សូមចុចលើ ប្រអប់ប្រភពដើម ។
តើខ្ញុំផ្តល់មតិកែលម្អទៅកម្មវិធីស្រាវជ្រាវក្រុមគ្រួសារអំពីតំណភ្ជាប់ប្រភពដើមបានយ៉ាងដូចម្តេច ?
យើងចង់ដឹងថា តើអ្នកគិតដូចម្តេចដែរអំពីតំណភ្ជាប់ប្រភពដើម ។ នេះគឺជារបៀបដើម្បីផ្តល់មតិកែលម្អ ៖
- នៅខាងក្រោមទំព័រតំណភ្ជាប់ប្រភពដើម សូមចុចលើប៊ូតុង មតិកែលម្អ ។
- សូមជ្រើសយក emoji ដែលពិពណ៌នាបានល្អបំផុតអំពីប្រតិកម្មរបស់អ្នក ។
- នៅក្នុងប្រអប់មតិកែលម្អដែលបើកនោះ សូមវាយបញ្ចូលគំនិត និងយោបល់ស្នើរបស់អ្នក ។
ខ្ញុំច្របូកច្របល់ហើយ ។ តើខ្ញុំអាចទទួលបានជំនួយជាមួយតំណភ្ជាប់ប្រភពដើមនៅឯណា ?
មជ្ឈមណ្ឌលរៀនសូត្រអំពីតំណភ្ជាប់ប្រភពដើម គឺជាជម្រើសទីមួយដ៏អស្ចារ្យ ។ អ្នកក៏អាចចូលទៅ ជំនួយ និងការរៀនសូត្រអំពីកម្មវិធីស្រាវជ្រាវក្រុមគ្រួសារ បានផងដែរ ឬទាក់ទងទៅ ជំនួយគាំទ្រកម្មវិធីស្រាវជ្រាវក្រុមគ្រួសារ ។
ហេតុអ្វីបានជាការភ្ជាប់ប្រភពដើមសំខាន់ ?
ប្រភពដើមជួយឆ្លើយសំណួរនានា ហើយធ្វើឲ្យព័ត៌មានអំពីបុព្វការីជនកាន់តែមានភាពត្រឹមត្រូវ ។ ប្រភពដើមក៏ធ្វើឲ្យការរុករកមែកធាងកាន់តែក្លាយជាបទពិសោធន៍ទូលំទូលាយ និងបំផុសគំនិតជាងមុនផងដែរ ។ ទាំងនេះគ្រាន់តែជាពីរបីចំណុចប៉ុណ្ណោះអំពី អត្ថប្រយោជន៍នៃការភ្ជាប់ប្រភពដើម ទៅនឹងមែកធាងគ្រួសារនៃកម្មវិធីស្រាវជ្រាវក្រុមគ្រួសារ ។
តើខ្ញុំត្រូវធ្វើអ្វីជាមួយនឹងការភ្ជាប់ដែលមិនទាន់បញ្ចប់ ?
ការភ្ជាប់ដែលមិនទាន់បញ្ចប់គឺជាប្រភពដើម ដែលមិនបានភ្ជាប់ទៅនឹងបុគ្គលទាំងអស់ដែលបានលើកឡើងនៅក្នុងប្រភពដើមនេះ ។ ប្រសិនបើអ្នកមាន ការភ្ជាប់ដែលមិនទាន់បញ្ចប់ មួយ សូមសាកល្បងពិនិត្យមើលវាឡើងវិញ ហើយភ្ជាប់វាទៅនឹងសាច់ញាតិផ្សេងទៀត ដែលបានលើកឡើងនៅក្នុងប្រភពដើមនោះ ។