ជំនួយសម្រាប់អ្នកសម្របសម្រួលមជ្ឈមណ្ឌលស្រាវជ្រាវក្រុមគ្រួសារថ្មី • FamilySearch

សេចក្តីផ្ដើម

សូមស្វាគមន៍មកកាន់តួនាទីថ្មីរបស់អ្នក ក្នុងនាមជាអ្នកសម្របសម្រួលមជ្ឈមណ្ឌលស្រាវជ្រាវក្រុមគ្រួសារ ។ ទំនួលខុសត្រូវចម្បងរបស់អ្នកគឺដើម្បីជួយអ្នកដទៃឲ្យទទួលបានបទពិសោធន៍ព្រះវិហារបរិសុទ្ធ និងពង្សប្រវត្តិផ្ទាល់ខ្លួន ។ តួនាទីបន្ទាប់បន្សំរបស់អ្នកគឺគ្រប់គ្រងមជ្ឈមណ្ឌលស្រាវជ្រាវក្រុមគ្រួសារ ។ ព័ត៌មានខាងក្រោមនេះមានប្រយោជន៍សម្រាប់ការហៅថ្មីរបស់អ្នក ។

នៅចុងបញ្ចប់នៃអត្ថបទនេះមានតំណភ្ជាប់ទៅកាន់ព័ត៌មានដែលមានប្រយោជន៍បន្ថែមទៀតមកពីគេហទំព័រ FamilySearch.org មជ្ឈមណ្ឌលជំនួយ និងការរៀនសូត្រ ។

ចុះឈ្មោះជាអ្នកសម្របសម្រួលមជ្ឈមណ្ឌលស្រាវជ្រាវក្រុមគ្រួសារថ្មី

ប្រសិនបើអ្នកមិនមានគណនីសាសនាចក្រទេ សូមបង្កើតគណនីមួយនៅលើគេហទំព័រ https://account.churchofjesuschrist.org/register ។
សូម ទាក់ទងកម្មវិធីស្រាវជ្រាវក្រុមគ្រួសារ ហើយចុះឈ្មោះការហៅថ្មីរបស់អ្នក ។

ការជ្រើសរើសបុគ្គលិក និងការបំពាក់បំប៉ន

សូមពិគ្រោះយោបល់ជាមួយទីប្រឹក្សាជាន់ខ្ពស់ស្ដេករបស់អ្នកដែលទទួលបន្ទុកខាងពង្សប្រវត្តិ ។ លោកអាចជួយអ្នកឲ្យយល់ពីការហៅរបស់អ្នក និងជួយដូចខាងក្រោម ៖

ផ្តល់ដំបូន្មាន និងការណែនាំ ។
បង្កើតពេលវេលាជួបប្រជុំជាប្រចាំដើម្បីពិភាក្សាអំពីប្រតិបត្តិការមជ្ឈមណ្ឌល ។
ពិភាក្សាព័ត៌មានលម្អិតដូចជា ម៉ោងធ្វើការនៅមជ្ឈមណ្ឌល ការជ្រើសរើសបុគ្គលិក តម្រូវការការបំពាក់បំប៉ន និងការប្រើប្រាស់របស់សមាជិកជាដើម ។
វាយបញ្ចូលឈ្មោះ និងការហៅជាបទដ្ឋានរបស់អ្នកក្នុងនាមជាអ្នកសម្របសម្រួលមជ្ឈមណ្ឌលស្រាវជ្រាវក្រុមគ្រួសារប្រចាំស្តេក នៅក្នុងផ្នែកគ្រប់គ្រងការហៅនៃធនធានសម្រាប់ថ្នាក់ដឹកនាំ និងស្មៀន ។ ការណ៍នេះនឹងធានាថាអ្នកប្រឹក្សាយោបល់ផ្នែកព្រះវិហារបរិសុទ្ធ និងពង្សប្រវត្តិក្នុងតំបន់របស់អ្នកដឹងពីការហៅរបស់អ្នក ។

សូមជួបជាមួយអ្នកសម្របសម្រួលមជ្ឈមណ្ឌលស្រាវជ្រាវក្រុមគ្រួសារពីមុន ប្រសិនបើអាចធ្វើទៅបាន ។ អ្នកសម្របសម្រួលពីមុនអាចជួយតាមរបៀបទាំងនេះបាន ៖

ផ្តល់ព័ត៌មានអំពីមជ្ឈមណ្ឌល ដូចជាម៉ោង និងបុគ្គលិកបច្ចុប្បន្ន ។
ប្រាប់ដល់អ្នកនូវរាល់កង្វល់របស់បុគ្គលិក ឬបញ្ហាផ្សេងទៀត ។
ឲ្យកូនសោចូលក្នុងមជ្ឈមណ្ឌលដល់អ្នក ។
ផ្តល់ឲ្យអ្នកនូវពាក្យសម្ងាត់រដ្ឋបាលសម្រាប់កុំព្យូទ័រទាំងឡាយ ។
ពិភាក្សាអំពីទំនួលខុសត្រូវមូលដ្ឋាន ។
ផ្តល់ព័ត៌មានទំនាក់ទំនងសម្រាប់អ្នកគ្រប់គ្រងអគារ និងអ្នកឯកទេសបច្ចេកវិទ្យាប្រចាំស្តេក ។

សូមចូលទៅកាន់ សហគមន៍កម្មវិធីស្រាវជ្រាវក្រុមគ្រួសារ ។ ចូលរួមជាមួយក្រុមទាំងឡាយដូចខាងក្រោម ៖

អ្នកជំនាញផ្នែកព្រះវិហារបរិសុទ្ធ និងពង្សប្រវត្តិ
ជំនួយគាំទ្រមជ្ឈមណ្ឌលស្រាវជ្រាវក្រុមគ្រួសារសម្រាប់អ្នកសម្របសម្រួល និងបុគ្គលិក

សូមប្រើក្រុមសហគមន៍ដើម្បីសួរសំណួរ ចែកចាយគំនិត និងទទួលជំនួយ ។ ចូលទៅកាន់សហគមន៍កម្មវិធីស្រាវជ្រាវក្រុមគ្រួសារ នៅទីនេះ ។

ដើម្បីចូលរួមជាមួយក្រុមសហគមន៍ ៖

ចូលដោយប្រើគណនីសមាជិករបស់អ្នក ( សាសនាចក្រ ឬ កម្មវិធីស្រាវជ្រាវក្រុមគ្រួសារ ) ដែលភ្ជាប់ជាមួយលេខកំណត់ត្រាសាសនាចក្ររបស់អ្នក ។
សូមជ្រើសរើសយក ក្រុម ។
នៅក្នុងប្រអប់ដែលដាក់ថា ស្រាវជ្រាវរកក្រុម សូមវាយបញ្ចូល ៖ អ្នកជំនាញផ្នែកព្រះវិហារបរិសុទ្ធ និងពង្សប្រវត្តិ ហើយចុចលើ បញ្ចូល ។
ចុចលើក្រុម អ្នកជំនាញផ្នែកព្រះវិហារបរិសុទ្ធ និងពង្សប្រវត្តិ នៅក្នុងលទ្ធផល ។
សូមចុច ចូលរួម ។
នៅផ្នែកខាងលើនៃអេក្រង់ ដែលវាដាក់ថា ៖ ទំព័រដើម > ក្រុម > អ្នកជំនាញផ្នែកព្រះវិហារបរិសុទ្ធ និងពង្សប្រវត្តិ ជ្រើសរើស ក្រុម ដើម្បីត្រឡប់ទៅអេក្រង់ក្រុមវិញ ។
នៅក្នុងប្រអប់ដែលដាក់ថា ស្រាវជ្រាវរកក្រុម វាយបញ្ចូល ៖ ផ្នែកជំនួយគាំទ្រមជ្ឈមណ្ឌលស្រាវជ្រាវក្រុមគ្រួសារសម្រាប់អ្នកសម្របសម្រួល និងបុគ្គលិក ហើយចុច បញ្ចូល ។
សូមចុចលើក្រុម ផ្នែកជំនួយគាំទ្រមជ្ឈមណ្ឌលស្រាវជ្រាវក្រុមគ្រួសារសម្រាប់អ្នកសម្របសម្រួល និងបុគ្គលិក នៅក្នុងលទ្ធផល ។
សូមចុចលើ ចូលរួម ។
ដើម្បីត្រលប់ទៅកាន់ក្រុមរបស់អ្នកវិញនាពេលអនាគត នៅពេលដែលអ្នកបានចូលទៅក្នុងគេហទំព័រសហគមន៍រួចហើយ នៅផ្នែកខាងលើនៃអេក្រង់សូមជ្រើសរើស ក្រុម បន្ទាប់មកជ្រើសរើស ក្រុមរបស់ខ្ញុំ ដើម្បីមើលបញ្ជីក្រុមដែលអ្នកបានចូលរួម ។

បើគ្មាននរណានៅក្នុងស្តេករបស់អ្នកអាចផ្តល់ការបំពាក់បំប៉នដល់អ្នកទេ សូមប្រឹក្សាជាមួយសមាជិកនៅក្នុងគណៈប្រធានស្តេករបស់អ្នក ។ លោកអាចផ្តល់ព័ត៌មានទំនាក់ទំនងសម្រាប់អ្នកប្រឹក្សាយោបល់ផ្នែកព្រះវិហារបរិសុទ្ធ និងពង្សប្រវត្តិប្រចាំតំបន់របស់អ្នកបាន ។ ប្រសិនបើសមាជិកបុគ្គលិកបច្ចុប្បន្នរបស់អ្នកមិនចេះពីរបៀបផ្តល់បទពិសោធន៍ម្នាក់ទល់ម្នាក់ដល់អ្នកចូលរួមរបស់អ្នកទេ សូមបំពាក់បំប៉នពួកគេ ។ ប្រសិនបើអ្នកមិនមានអារម្មណ៍ថា អ្នកចេះគ្រប់គ្រាន់ដើម្បីបំពាក់បំប៉នបុគ្គលិករបស់អ្នកទេ សូមពិគ្រោះជាមួយថ្នាក់ដឹកនាំបព្វជិតភាពរបស់អ្នក ។
ឯកសារធនធាន និងការបំពាក់បំប៉នមាននៅលើទំព័រ ធនធានមជ្ឈមណ្ឌលស្រាវជ្រាវក្រុមគ្រួសារ ។

តម្រូវការបុគ្គលិកបន្ថែម

ប្រសិនបើអ្នកត្រូវការសមាជិកបុគ្គលិកបន្ថែម សូមជួបជាមួយថ្នាក់ដឹកនាំបព្វជិតភាពរបស់អ្នក ហើយពិភាក្សាពីសេចក្តីត្រូវការរបស់អ្នក ។ បុគ្គលិកអាចរួមមានអ្នកជំនាញផ្នែកព្រះវិហារបរិសុទ្ធ និងពង្សប្រវត្តិប្រចាំវួដ ក៏ដូចជាអ្នកស្ម័គ្រចិត្តនៅសហគមន៍ និងសមាជិកផងដែរ ។ ជំនួយបន្ថែមអាចរកបាន នៅទីនេះ ឬតាមរយៈ សហគមន៍កម្មវិធីស្រាវជ្រាវក្រុមគ្រួសារ ។

របាយការណ៍ប្រចាំខែ

របាយការណ៍ប្រចាំខែនៃសកម្មភាពមជ្ឈមណ្ឌលសម្រាប់តំបន់ខាងក្រោមអាចចូលប្រើបាន នៅទីនេះ ៖

ចំណាំ ៖ នៅអឺរ៉ុបកណ្តាល បច្ចុប្បន្នមិនតម្រូវឲ្យរាយការណ៍តួលេខទាំងនេះទេ ។

អឺរ៉ុប
អឺរ៉ុបខាងកើត
ឡាទីនអាមេរិកាំង

បំពេញរបាយការណ៍ដោយធ្វើដូចខាងក្រោម ៖

សូមជ្រើសរើសសមាជិកម្នាក់ចេញពីម៉ឺនុយទម្លាក់ចុះ ។
សូមវាយបញ្ចូលឈ្មោះអ្នកប្រើប្រាស់ និងពាក្យសម្ងាត់របស់អ្នក ។
សូមចុច បញ្ចូល ។
បំពេញរបាយការណ៍ ។
សូមចុច បញ្ជូន ។

សម្រាប់តំបន់ខាងក្រោម របាយការណ៍ប្រចាំខែអាចចូលប្រើបាន នៅទីនេះ ៖

អាមេរិកខាងជើង
អាហ្វ្រិក
ប៉ាស៊ីហ្វិក
ហ្វីលីពីន

បំពេញរបាយការណ៍ដោយធ្វើដូចខាងក្រោម ៖

វាយបញ្ចូលលេខអង្គភាពមជ្ឈមណ្ឌលស្រាវជ្រាវក្រុមគ្រួសារ របស់អ្នក ។
សូមចុច បន្ត ។
បំពេញរបាយការណ៍ ។
សូមចុច បញ្ជូន ។

របាយការណ៍ប្រចាំខែរាប់បញ្ចូលចំនួនម៉ោងដែលមជ្ឈមណ្ឌលបានបើក ចំនួនចូលប្រើពីសមាជិក និងភ្ញៀវដទៃទៀត និងចំណុចផ្សេងៗទៀត ។ របាយការណ៍ប្រចាំខែបង្ហាញដោយផ្ទាល់ថា តើមជ្ឈមណ្ឌលរបស់អ្នកត្រូវផ្លាស់ប្តូរឧបករណ៍ ឬអត់ ។ ការគូសចំណាំគេហទំព័រតំបន់របស់អ្នកត្រូវបានណែនាំ ។
បន្ទាប់ពីដាក់បញ្ជូនរបាយការណ៍ប្រចាំខែ អ៊ីមែលមួយបានផ្ញើទៅកាន់គណនី FamilyHistoryMail របស់អ្នកជាមួយនឹងព័ត៌មានដែលអ្នកបានដាក់បញ្ជូន ។ អ្នកអាចបញ្ជូនរបាយការណ៍នេះបន្តទៅកាន់ថ្នាក់ដឹកនាំបព្វជិតភាពរបស់អ្នក ។

សេចក្ដីណែនាំស្ដីពីប្រតិបត្តិការមជ្ឈមណ្ឌលស្រាវជ្រាវក្រុមគ្រួសារ

សេចក្ដីណែនាំស្ដីពីប្រតិបត្តិការមជ្ឈមណ្ឌលស្រាវជ្រាវក្រុមគ្រួសារ គឺជាក្បួនខ្នាតមូលដ្ឋានសម្រាប់ការគ្រប់គ្រងមជ្ឈមណ្ឌលស្រាវជ្រាវក្រុមគ្រួសារ ។ ព័ត៌មានអំពីប្រធានបទខាងក្រោមមាននៅក្នុងសេចក្ដីណែនាំស្ដីពីប្រតិបត្តិការ ៖

សៀវភៅបញ្ជីរាយនាមរបស់សាសនាចក្រអំពីអង្គការ និងថ្នាក់ដឹកនាំ ( CDOL )
មជ្ឈមណ្ឌលស្រាវជ្រាវក្រុមគ្រួសារ និងផែនទីទីតាំងបណ្ណាល័យដែលជាប់ពាក់ព័ន្ធ
FamilyHistoryMail
កុំព្យូទ័រ ម៉ាស៊ីនបោះពុម្ព និងកម្មវិធីសូហ្វវែ
មីក្រូហ្វីលម៍ និងមីក្រូហ្វីច
ឧបករណ៍ក្នុងមជ្ឈមណ្ឌល
ការគ្រប់គ្រងអគារ

ប្រសិនបើអ្នកមិនប្រាកដថាអ្វីដែលមាននៅក្នុងសេចក្ដីណែនាំស្ដីពីប្រតិបត្ដិការមានបច្ចុប្បន្នភាពឬអត់ទេនោះ សូមទាក់ទងទៅ ផ្នែកជំនួយគាំទ្រកម្មវិធីស្រាវជ្រាវក្រុមគ្រួសារ ដើម្បីទទួលបានជំនួយ ។

ផតថលមជ្ឈមណ្ឌលស្រាវជ្រាវក្រុមគ្រួសារ

ផតថលមជ្ឈមណ្ឌលស្រាវជ្រាវក្រុមគ្រួសារគឺជាចំណុចចាប់ផ្តើមដើម្បីចូលទៅកាន់គេហទំព័រកម្មវិធីស្រាវជ្រាវក្រុមគ្រួសារ និងសេវាកម្មផ្សេងៗទៀតដែលមានសម្រាប់អ្នកចូលរួមនៅមជ្ឈមណ្ឌលស្រាវជ្រាវក្រុមគ្រួសារ ។ ដាក់ផតថលជាទំព័រដើមនៅលើកម្មវិធីរុករករបស់កុំព្យូទ័រនីមួយៗនៅក្នុងមជ្ឈមណ្ឌល ។ ចូលប្រើផតថលសេវាកម្មមជ្ឈមណ្ឌលស្រាវជ្រាវក្រុមគ្រួសារដែលមាននៅលើគេហទំព័រ https://www.familysearch.org/centers/portal ។ សម្រាប់ព័ត៌មានបន្ថែមស្តីពីតម្រូវការបន្ថែមនៃកម្មវិធីរុករក សូមមើលអត្ថបទដែលមានចំណងជើង ៖ របៀបប្រើ ផ្នែកបន្ថែមមាតិកាពិសេសសម្រាប់មជ្ឈមណ្ឌលកម្មវិធីស្រាវជ្រាវក្រុមគ្រួសារ ។

មជ្ឈមណ្ឌលជំនួយ និងការរៀនសូត្ររបស់កម្មវិធីស្រាវជ្រាវក្រុមគ្រួសារ

មជ្ឈមណ្ឌលជំនួយ និងការរៀនសូត្រ របស់កម្មវិធីស្រាវជ្រាវក្រុមគ្រួសារ មានអត្ថបទ និងធនធានផ្សេងទៀតដើម្បីជួយអ្នកក្នុងការហៅរបស់អ្នក ។ ដើម្បីចូលប្រើមជ្ឈមណ្ឌលជំនួយ និងការរៀនសូត្រ សូមចូលទៅកាន់គេហទំព័រ FamilySearch.org ។ សូមចុចលើ សញ្ញាសួរ ( ? ) នៅជ្រុងខាងស្តាំខាងលើនៃអេក្រង់ ។ វាយបញ្ចូលលក្ខខណ្ឌស្វែងរកក្នុងម៉ីនុយប្រអប់ស្វែងរកជំនួយ ឬចុចលើតំណភ្ជាប់ទៅកាន់មជ្ឈមណ្ឌលជំនួយ និងការរៀនសូត្រ ។

សៀវភៅផែនការ

សៀវភៅផែនការជួយអ្នកឲ្យជួយអ្នកដទៃ ។ អ្នកអាចបន្ថែមសមាជិកទៅក្នុងសៀវភៅផែនការ ដើម្បីអ្នកអាចមើលព័ត៌មានមែកធាងរបស់ពួកគេ និងរៀបចំផែនការបទពិសោធន៍ពង្សប្រវត្តិផ្ទាល់ខ្លួនសម្រាប់ពួកគេបាន ។ ដើម្បីចូលប្រើសៀវភៅផែនការ សូមចុចលើ រូបតំណាងសញ្ញាសួរ រួចចុចលើ ធនធានអ្នកជួយ ។

អត្ថបទដែលទាក់ទង

ធនធាន​ទាំងឡាយ​សម្រាប់​អ្នក​សម្រប​សម្រួល​មជ្ឈមណ្ឌល​ស្រាវជ្រាវ​ក្រុមគ្រួសារ​ថ្មី