Talateu
ʻOku talitali lelei koe ki ho fatongia foʻou ko ha kouʻotineita ʻo e senitā FamilySearch. Ko ho tefitoʻi fatongiá ke tokoniʻi e niʻihi kehé ke nau maʻu ha ngaahi aʻusia fakataautaha ʻi he temipalé mo e hisitōlia fakafāmilí. Ko ho fatongia hono uá ke tokangaʻi ʻa e senitā FamilySearch. ʻOku ʻaonga ʻa e fakamatala ko ʻení ki ho uiuiʻi foʻoú.
ʻOku ʻi he fakaʻosinga ʻo e fakamatala ko ʻení ha ngaahi fehokotakiʻanga ki ha fakamatala ʻaonga lahi ange mei he FamilySearch.org Senitā Tokoní mo e Akó.
Lesisita ko ha kouʻotineita foʻou ʻi he senitā FamilySearch
- Kapau ʻoku ʻikai ke ʻi ai haʻo ʻakauni faka-Siasi, fokotuʻu ha ʻakauni ʻi he https://account.churchofjesuschrist.org/register.
- Fetuʻutaki ki he FamilySearch pea lesisita ho uiuiʻi foʻoú.
Fakangāueʻí mo e Akó
Talanoa mo hoʻo aleaʻanga māʻolungá kau ki he hisitōlia fakafāmilí. Te ne lava ʻo tokoni atu ke mahino kiate koe ho uiuiʻí mo tokoni ʻi he ngaahi meʻá ni:
- Fai ha faleʻi mo ha fakahinohino.
- Fokotuʻu ha taimi pau ke mou faʻa fakataha ai ke aleaʻi e ngaahi ngāue ʻa e senitaá.
- Aleaʻi e ngaahi fakaikiikí hangē ko e houa ngāue ʻi he senitaá, kau ngāue, ngaahi fiemaʻu faka-akó, mo hono fakaʻaongaʻi ʻe he kau mēmipá.
- Fakahū ho hingoá mo e uiuiʻi angamaheni ko ha kouʻotineita ʻo e senitā FamilySearch ʻi he konga ki hono Tokangaʻi ʻo e Ngaahi Uiuiʻí ʻi he Maʻuʻanga Tokoni ʻa e Takí mo e Kalaké. ʻE fakapapauʻi heni ʻoku ʻiloʻi ʻe hoʻo ʻetivaisa fakaʻēlia ki he temipalé mo e hisitōlia fakafāmilí ho uiuiʻí.
Fakataha mo e kouʻotineita kimuʻa ʻo e senitā FamilySearch, kapau ʻe lava. ʻE lava ke tokoni ʻa e kouʻotineita kimuʻá ʻi he ngaahi founga ko ʻení:
- ʻOmi ha fakamatala fekauʻaki mo e senitaá, hangē ko e houa ngāue lolotongá mo e kau ngāué.
- Fakahā atu ha faʻahinga hohaʻa kau ki he kau ngāué pe ngaahi meʻa kehe.
- ʻOatu kiate koe ʻa e ngaahi kī ki he senitaá.
- ʻOatu kiate koe ʻa e lea fufū ʻa e pule ki he ngaahi komipiutá.
- Aleaʻi e ngaahi tefitoʻi fatongiá.
- ʻOmi e fakamatala fetuʻutaki ki he pule ʻo e ngaahi naunau mo e mataotao fakatekinolosia ʻa e siteikí.
ʻAlu ki he Komiunitī FamilySearch. Kau atu ki he ngaahi kulupu ko ʻení:
- Kau Faifaleʻi ki he Temipalé & Hisitōlia Fakafāmilí
- Tokoni ki he Senitā FamilySearch maʻá e Kau Kouʻotineitá mo e Kau Ngāué
Fakaʻaongaʻi ʻa e ngaahi kulupu Komiunitií ke fai e ngaahi fehuʻi, vahevahe e ngaahi fakakaukaú pea maʻu ha tokoni. Hū ki he Komiunitī FamilySearch ʻi heni.
Ke Kau ki he Ngaahi Kulupu Komiunitií:
- Hū ʻaki hoʻo ʻakauni mēmipá (Siasi pe FamilySearch) ʻoku fekauʻaki mo hoʻo Fika Lekooti ʻi he Siasí.
- Fili ʻa e Ngaahi Kulupú.
- ʻI he konga ʻoku ʻasi ai e Fekumi ʻi he Ngaahi Kulupú fakahū ʻa e: Kau Faifaleʻi ki he Temipalé & Hisitōlia Fakafāmilí pea lomiʻi ʻa e Enter.
- Lomiʻi ʻa e kulupu Kau Faifaleʻi ki he Temipalé & Hisitōlia Fakafāmilí ʻi he ngaahi ola ho fekumí.
- Lomiʻi ʻi he Kau.
- ʻI ʻolunga ʻi he screen, ʻa ia ʻoku ʻasi ai: PEESI ʻULUAKI> NGAAHI KULUPÚ> KAU FAIFALEʻI KI HE TEMIPALÉ & HISITŌLIA FAKAFĀMILÍ, fili ʻa e NGAAHI KULUPÚ ke foki ki he screen ʻo e Ngaahi Kulupú.
- ʻI he konga ʻoku ʻasi ai e Fekumi ʻi he Ngaahi Kulupú fakahū ʻa e: Tokoni ki he Senitā FamilySearch maʻá e Kau Kouʻotineitá mo e Kau Ngāué pea lomiʻi ʻa e Hū.
- Lomiʻi ʻa e kulupu Tokoni ki he Senitā FamilySearch maʻá e Kau Kouʻotineitá mo e Kau Ngāué ʻi he ngaahi ola ho fekumí.
Lomiʻi ʻi he Kau.
Ke foki ki hoʻo ngaahi kulupú ʻi he kahaʻú, ko e hili pē hoʻo hū ki loto ki he uepisaiti Komiunitií, lomiʻi ʻi ʻolunga ʻi he screen ʻa e Ngaahi Kulupú, pea fili leva ʻa e Ko ʻEku Ngaahi Kulupú ke mamata ki ha lisi ʻo e ngaahi kulupu kuó ke kau ki aí.
Kapau he ʻikai lava ʻe ha taha ʻi hoʻo siteikí ʻo fai ha ako maʻau, talanoa ki ha mēmipa ʻo hoʻo kau palesitenisī fakasiteikí. Te ne lava ʻo ʻoatu ha fakamatala fetuʻutaki ki hoʻo ʻetivaisa ki he temipalé mo e hisitōlia fakafāmili ʻi hoʻo ʻēliá. Kapau ʻoku ʻikai ʻilo ʻe he kau ngāue lolotongá ʻa e founga ke ʻoange ai ha ngaahi aʻusia fakataautaha maʻa hoʻo kau pataloní, kātaki ʻo akoʻi kinautolu. Kapau ʻoku ʻikai ke ke ongoʻi ʻoku feʻunga hoʻo ʻiló ke akoʻi hoʻo kau ngāué, talanoa ki ai mo hoʻo kau taki lakanga fakataulaʻeikí.
ʻOku maʻu e ngaahi naunaú mo e ngaahi naunau akó ʻi he peesi Ngaahi Maʻuʻanga Tokoni ʻa e Senitā FamilySearch
Ngaahi Fiemaʻu Kehe ki he Kau Ngāué
Kapau ʻokú ke fiemaʻu ha kau ngāue tokolahi ange, fakataha mo hoʻo kau taki lakanga fakataulaʻeikí ʻo aleaʻi hoʻo ngaahi fiemaʻú. ʻE lava ke kau ʻi he kau ngāué ʻa e kau faifaleʻi fakauooti ki he temipalé mo e hisitōlia fakafāmilí pea pehē ki he kau ngāue tokoni ʻi he komiunitií mo e mēmipá. ʻE lava ke maʻu ha tokoni lahi ange ʻi heni pe ko e Komiunitī FamilySearch.
Ngaahi Lipooti Fakamāhiná
ʻE lava ke ke hū ki he ngaahi lipooti fakamāhina ʻo e ngaahi ʻekitivitī ʻa e senitā ʻi he ngaahi ʻēlia ko ʻení, ʻi heni:
Fakatokangaʻi ange: ʻI ʻIulope Lotoloto, ʻoku ʻikai fiemaʻu ke lipooti e ngaahi fika ko ʻení he taimí ni.
- ʻIulope
- ʻIulope Hahake
- ʻAmelika Latina
Fakakakato ʻa e lipōtí ʻaki hano fai e ngaahi meʻa ko ʻení:
- Fili ha lea fakafonua ʻi he drop-down menu.
- Fakahū hoʻo hingoa ngāué mo e lea fufuú.
- Lomiʻi e Hū.
- Fakafonu e lipōtí.
- Lomiʻi ʻi he Fakahū
ʻI he ngaahi ʻēlia ko ʻení, ʻe lava ke hū ki he lipooti fakamāhiná ʻi heni:
- ʻAmelika Tokelau
- ʻAfilika
- Pasifikí
- ʻOtu Filipainí
Fakakakato ʻa e lipōtí ʻaki hano fai e ngaahi meʻa ko ʻení:
- Fakahū hoʻo fika fakaʻiuniti ʻi he senitā FamilySearch.
- Lomiʻi ʻa e Hoko Atu
- Fakafonu e lipōtí.
- Lomiʻi ʻi he Fakahū.
ʻOku kau ʻi he lipooti fakamāhiná ʻa e lahi ʻo e houa ʻoku ava ai e senitaá, lahi ʻo e ngaahi ʻaʻahi ʻa e kāingalotú mo e kau ʻaʻahi kehé mo ha ngaahi meʻa kehe. ʻOku kaunga tonu ʻa e ngaahi lipooti fakamāhiná pe ʻoku fakakaukauʻi ke fetongi e ngaahi meʻangāue hoʻo senitaá. ʻOku fokotuʻu atu ke fakaʻilongaʻi ʻa e tuʻuʻanga homou feituʻú.
Hili hono fakahū ha lipooti fakamāhina, ʻoku ʻave leva ha ʻīmeili ki hoʻo ʻakauni FamilyHistoryMail fakataha mo e fakamatala naʻá ke fakahuú. Te ke lava ʻo ʻave e lipōtí ki hoʻo kau taki lakanga fakataulaʻeikí.
Fakahinohino ki Hono Fakalele ʻo e Senitā FamilySearch
Ko e Tohi Fakahinohino ki Hono Fakalele ʻo e Senitā FamilySearch ko e tefitoʻi tohi tuʻutuʻuni ia ki hono fakalele ʻo e ngaahi senitā FamilySearch. ʻOku maʻu ʻa e fakamatala fekauʻaki mo e ngaahi tefito ko ʻení ʻi he fakahinohino ki hono fakalele ʻo e ngāué:
Tohi Tuʻasila ki he Ngaahi Houalotu mo e Kau Taki ʻo e Siasí (CDOL)
Senitā FamilySearch mo e Mape ki he Laipeli Fengāueʻaki ʻi he Feituʻú
FamilyHistoryMail
Ngaahi Komipiutá, Mīsini Pākí, mo e Polokalama Fakakomipiutá
Maikolofilimí mo e Maikolofisí
Ngaahi Meʻangāue ʻa e Senitaá
Pule ki he Naunaú
Kapau ʻoku ʻikai te ke fakapapauʻi pe kuo update ʻa e tohi fakahinohino ngāué ki he tuʻunga lolotongá, kātaki ʻo fetuʻutaki ki he Tokoni ʻa e FamilySearch ki ha tokoni.
Portal ʻa e Senitā FamilySearch
ʻOku hoko ʻa e Portal ʻa e Senitā FamilySearch ko e kamataʻanga ke hū ai ki he ngaahi uepisaiti mo e ngaahi ngāue kehe ʻa e FamilySearch ʻoku ʻatā ki he kau pataloni ʻo e senitā FamilySearch. ʻAi ʻa e portal ko e peesi ʻuluaki ʻi he browser komipiuta takitaha ʻi he senitaá. Hū ki he Portal ʻa e Ngaahi Ngāue ʻa e Senitā FamilySearch, ʻa ia ʻoku maʻu ʻi he https://www.familysearch.org/centers/portal. Ke maʻu ha fakamatala lahi ange ʻi he browser ʻoku fiemaʻú, vakai ki he fakamatala ʻoku ui ko e Founga ki hono fakaʻaongaʻi ʻo e Fakalahi ki he Kanotohi Māʻolunga ʻo e Senitā FamilySearch (FamilySearch Center Premium Content extension).
Senitā Tokoni mo e Ako ʻa e FamilySearch
ʻOku ʻi he Senitā Tokoni mo e Ako ʻa e FamilySearch, ha ngaahi fakamatala mo ha ngaahi maʻuʻanga tokoni kehe ke tokoni atu kiate koe ʻi hoʻo uiuiʻí. Ke hū ki he Senitā Tokoni mo e Akó, hū ki he polokalama FamilySearch.org. Lomiʻi ʻi he fakaʻilonga fehuʻi (?) ʻi he tuliki ki ʻolunga toʻomataʻu ʻo e screen. Fakahū ʻa e fie maʻu ki he fekumí ʻi he feituʻu ki he menu Tokoní, pe lomiʻi ʻi he fehokotakiʻanga Tokoní mo e Akó.
Tohi Palaní
ʻOku fakaʻatā ʻe he Tohi Palaní ke ke tokoniʻi e niʻihi kehé. Te ke lava ʻo tānaki atu ha kau mēmipa ki he tohi palaní ke lava ʻo vakai ki he fakamatala ki heʻenau fuʻu ʻakaú mo palani haʻanau aʻusia fakataautaha ki he hisitōlia fakafāmilí. Ke hū ki he Tohi Palaní, lomiʻi ʻi he fakaʻilonga fehuʻí pea ʻi he Ngaahi Maʻuʻanga Tokoni ki he Tokotaha Tokoní.
Ngaahi Fakamatala Fekauʻakí
Ko hono fakataʻeʻaongaʻi ʻo e naunau fakakomipiuta motuʻá ʻi he ngaahi senitā FamilySearch
Ko Hono Fakaʻaongaʻi ʻo e Portal ʻa e Ngaahi Ngāue ʻa e Senitā FamilySearch
FamilySearch Center Premium Content Browser Extension
Ko hono ʻai ʻo e Portal ʻa e Ngaahi Ngāue ʻa e Senitā FamilySearch ko e peesi ʻuluakí
Ko hono liliu ʻo ha lea fufū FamilyHistoryMail
ʻOku loka ʻa e ʻakauni FamilyHistoryMail
Ngaahi palopalema ʻi he sign-in mo e lea fufū ʻa e ʻAkauni FamilyHistoryMail
Ko hono liliu ʻo e fakamatala ki he senitā FamilySearch ʻi he CDOL
Hū ʻa e senitā FamilySearch ki he CDOL
Ko e maikolofilimi pe maikolofisi ʻoku ʻikai fiemaʻu ʻi ha senitā FamilySearch
Te u teuteu fēfē nai ha lēsoni ʻi he Tohi Palaní?
Ngaahi maʻuʻanga tokoni ʻi he ʻinitanetí maʻá e ngaahi senitā FamilySearch
Fakahinohino ki Hono Fakalele ʻo e Senitā FamilySearch
Fakatonutonu e fakamatala ki he kouʻotineita ʻo e senitā FamilySearch