Fesoasoani mo le taitai faamaopopo fou o le nofoaga autu o le FamilySearch • FamilySearch

Faatomuaga

Susū mai ia i lau matafaioi fou o se taitai faamaopopo o le nofoaga autu o le FamilySearch. O lou tiutetauave autu lava o le fesoasoani lea i isi ia maua ni aafiaga patino tau i le malumalu ma talafaasolopito o aiga. O lau matafaioi lona lua o le puleaina o le nofoaga autu o le FamilySearch. O faamatalaga nei e aoga mo lou valaauga fou.

I le faaiuga o lenei tusiga o loo i ai sootaga i faamatalaga faaopoopo aoga mai le FamilySearch.org Help and Learning Center.

Lesitala o se taitai faamaopopo fou mo le nofoaga autu o le FamilySearch

Afai e le o i ai sau faitotoa o le Ekalesia, ia fatu sau faitotoa i le https://account.churchofjesuschrist.org/register.
Faafesootai le FamilySearch ma lesitala lou valaauga fou.

Faaaufaigaluegaina ma le Aoaoga Faamasani

Feutagai ma le fautua maualuga o lau siteki o loo vaaia talafaasolopito o aiga. E mafai ona ia fesoasoani ia te oe ia e malamalama i lou valaauga ma fesoasoani i mea nei:

Tuuina atu fautuaga ma le taitaiga.
Faatulaga se taimi masani e feiloaʻi ai e talanoaina le faagaoioia o le nofoaga autu.
Talanoaina faamatalaga e pei o itula o le nofoaga autu, aufaigaluega, manaoga mo aoaoga faamasani, ma le faaaogaina e tagata o le ekalesia.
Ta i totonu lou igoa ma le valaauga masani o se taitai faamaopoopo o le nofoaga autu o le FamilySearch a le Siteki i le vaega o le Puleaina o Valaauga o Punaoa mo Taitai ma Failautusi. O le a mautinoa ai o loo iloa e le faufautua o le malumalu ma talafaasolopito o aiga o lou eria lou valaauga.

Feiloai ma le taitai faamaopoopo o le nofoaga autu o le FamilySearch talu ai, pe a mafai. O le faufautua talu ai e mafai ona fesoasoani i auala nei:

Tuuina atu faamatalaga e uiga i le nofoaga autu, e pei o itula tatala o i ai nei ma tagata faigaluega.
Faailoa atu ia te oe soo se atugaluga o le aufaigaluega po o nisi faafitauli.
Avatu ia te oe ki o le nofoaga autu.
Avatu ia te oe le upu tatala a le pulega mo komepiuta.
Talanoaina ia tiutetauave faavae.
Tuuina atu faamatalaga mo fesootaiga mo le pule o fale ma le tagata tomai faapitoa o tekinolosi a le siteki.

Alu i le FamilySearch Community. Auai i vaega nei:

Faufautua mo Malumalu & Talafaasolopito o Aiga
Lagolago a le Nofoaga Autu o le FamilySearch mo Taitai Faamaopoopo ma le Aufaigaluega

Faaaoga vaega o le Lotoifale e fai ai fesili, fefaasoaaʻi manatu, ma maua mai ai le fesoasoani. Faaaoga le FamilySearch Community iinei.

Ina ia Auai i Vaega o le Lotoifale:

Saini e alu i totonu i lau faitotoa o le tagata auai (Ekalesia po o le FamilySearch) e fesootai ma lau Numera o Faamaumauga o le Ekalesia.
Filifili le Vaega.
I le avanoa o loo faapea mai o Vaega o Sailiga e ta i totonu: Faufautua o Malumalu & Talafaasolopito o Aiga ma oomi le Ta i Totonu.
Kiliki le vaega o Faufautua o Malumalu ma Talafaasolopito o Aiga i taunuuga.
Kiliki le Auai.
I le pito i luga o le lau, lea o loo faapea mai: LAU AUTU > VAEGA > FAUFAUTUA O MALUMALU & TALAFAASOLOPITO O AIGA, filifili VAEGA e toe foi atu ai i le lau o Vaega.
I le avanoa o loo faapea mai Vaega o Sailiga ta i totonu: Lagolago a le Nofoaga Autu o le FamilySearch mo Taitai Faamaopoopo ma le Aufaigaluega ma oomi le Ta i Totonu.
Kiliki le vaega o le Lagolago mo Nofoaga Autu o le FamilySearch mo Taitai Faamaopoopo ma le Aufaigaluega i taunuuga.
Kiliki le Auai.
Ina ia toe foi atu i au vaega i le lumanai, o le taimi lava e saini ai oe i totonu o le saite a le Lotoifale, i le pito i luga o le lau filifili Vaega, ona filifili lea o A’u Vaega e vaai ai i se lisi o vaega ua e auai.

Afai e leai se tasi i lau siteki e mafai ona tuuina atu aoaoga faamasani mo oe, faafesootai se sui o le au peresitene o lau siteki. Na te mafai ona tuuina atu faamatalaga o fesootaiga mo lau fautua o le malumalu ma talafaasolopito o aiga o lau eria. Afai e le iloa e tagata o lau aufaigaluega o i ai nei le auala e tuuina atu ai ni aafiaga taitoatasi mo ou tagata e malaga mai, faamolemole aoao faamasani i latou. Afai e te le lagonaina ua lava lou iloa e aoao ai lau aufaigaluega, ia feutagai ma ou taitai perisitua.
O punaoa ma anomea o aoaoga faamasani o loo i luga o le itulau o Punaoa o Nofoaga Autu o le FamilySearch.

Manaoga Faaopoopo mo Tagata Faigaluega

Afai e te manaomia nisi tagata faigaluega, ia fono ma ou taʻitaʻi perisitua ma talanoaina ou manaoga. E mafai ona aofia ai i le aufaigaluega ia faufautua o malumalu ma talafaasolopito o aiga a uarota faapea foi ma volenitia o le lotoifale ma tagata o le ekalesia. E mafai ona maua nisi fesoasoani iinei po o le FamilySearch Community.

O Lipoti Faalemasina

E mafai ona maua lipoti faalemasina o gaoioiga a le nofoaga autu mo eria nei iinei:

Manatua: I Europa Tutotonu, e le manaomia le lipotia o nei fuainumera i le taimi nei.

Europa
Europa i Sasae
Amerika Latina

Faatumu le lipoti i le faia o mea nei:

Filifili se gagana i le lisi autu e faasolo i lalo.
Ta i totonu lou igoa faaaoga ma le uputatala.
Kiliki le Ta i Totonu.
Faatumu le lipoti.
Kiliki le Auina Atu.

Mo eria nei, e mafai ona maua le lipoti faalemasina iinei:

Amerika i Matu
Aferika
Pasefika
Filipaina

Faatumu le lipoti i le faia o mea nei:

Ta i totonu le numera o le iunite o le nofoaga autu o le FamilySearch.
Kiliki le Faaauau.
Faatumu le lipoti.
Kiliki le Auina Atu.

O le lipoti faalemasina e aofia ai le aofaiga o itula e tatala ai le nofoaga autu, o le aofaiga o asiasiga mai tagata o le ekalesia ma isi tagata asiasi, ma isi vaega. O lipoti faalemasina e aafia tonu ai pe o manaomia le suia o masini mo lo outou nofoaga autu. E fautuaina le faailogaina o le saite o lau eria.
A uma ona auina atu se lipoti faalemasina, ona auina atu lea o se imeli i lau faitotoa o MelioTalafaasolopitooAiga faatasi ai ma faamatalaga na e auina atu. E mafai ona e lafoina atu lenei lipoti i ou taitai perisitua.

Taiala mo le Faagaoioiga o le Nofoaga Autu o le FamilySearch

O Le Taiala o le Faagaoioiga o le Nofoaga Autu o le FamilySearch o le tusitaulima faavae mo le puleaina o nofoaga autu o le FamilySearch. O faamatalaga e uiga i autu nei o loo maua i le taiala o le faagaoioiga:

Faasinoala a le Ekalesia mo Faalapotopotoga ma Taitai (CDOL)
Faafanua o le Nofoaga Autu o le FamilySearch ma le Faafanua o le Potutusi Faapaaga
FamilyHistoryMail
Komepiuta, Masini Lomitusi, ma Polokalama Faakomepiuta
Masini Faitau Lolamataninii ma Lauataninii
Meafaigaluega a le Nofoaga Autu
Pulega o Fale ma Fanua

Afai e te le o mautinoa pe o aoga i le taimi nei se mea i le taiala o le faagaoioiga, faamolemole faafesootai le Lagolago mo le FamilySearchmo se fesoasoani.

Saite o le Nofoaga Autu o le FamilySearch

O Saite o le Nofoaga Autu o le FamilySearch o le amataga lea o le mauaina o uepisaite o le FamilySearch ma isiauaunaga o loo avanoa i tagata e faaaogaina le nofoaga autu o le FamilySearch. Fai le saite ma itulau autu i luga o palausa o komepiuta taitasi i le nofoaga autu. Alu i le Saite o Auaunaga o le Nofoaga Autu o le FamilySearch i le https://www.familysearch.org/centers/portal. Mo nisi faamatalaga i le faailo palausa e manaomia, tagai i le tusiga ua faaautuina Auala e faaaoga ai le Faaopoopoga o Anotusi Maualuga a le Nofoaga Autu o le FamilySearch.

Nofoaga Autu mo Fesoasoaniga ma le Aoaoina o le FamilySearch

O loo i ai i le Nofoaga Autu mo Fesoasoaniga ma le Aoaoina o le FamilySearch ia tusiga ma isi punaoa e fesoasoani ia te oe i lou valaauga. Ina ia maua le Nofoaga Autu mo Fesoasoaniga ma le Aoaoina, saini e alu i totonu i le FamilySearch.org. Kiliki le faailoga fesili (?) i le tulimanu taumatau pito i luga o le lau. Ta i totonu tuutuuga o le sailiga i le avanoa o le sailiga o le lisi Fesoasoani, pe kiliki le sootaga tuusao i le Nofoaga Autu mo Fesoasoaniga ma le Aoaoina.

Api o Fuafuaga

E fesoasoani le Api o Fuafuaga ia te oe e fesoasoani atu ai i isi. E mafai ona e faaopoopoina tagata i le api o fuafuaga ina ia mafai ona e vaai i o latou faamatalaga o le gafa ma fuafua ni aafiaga patino o talafaasolopito o aiga mo i latou. Ina ia maua le Api o Fuafuaga, kiliki le aikona o le faailoga fesili ona sosoo ai lea ma Punaoa e Fesoasoani.

O Tusiga e Fesootai i ai

Punaoa mo taitai faamaopopo fou mo le nofoaga autu o le FamilySearch