Veivuke vou ni valenivolavola ni FamilySearch vei ira na kodineita • FamilySearch

Ai Vakamacala Taumada

Oni sa kidavaki mai kina nomuni itavi vou vaka-kodineita ni valenivolavola ni FamilySearch. Sa nomu itavi taumada mo vukei ira na tani me ra sotava na veika sotavi yadua ni valetabu kei na tuva kawa. Na ikarua ni nomu itavi oya mo vakatulewataka na valenivolavola ni FamilySearch. Na ivakamacala e ra ena veivuke ena nomu veikacivi vou.

Era tiko ena mua ni itukutuku oqo eso na isema ki na ikuri ni ivakamacala me veivuke mai na FamilySearch.org Valenivolavola ni Veivukei kei na Vuli.

Rejisita vaka dua na kodineita vou ni valenivolavola ni FamilySearch

Kevaka e sega na nomu akaude ni Lotu, dolava e dua ena https://account.churchofjesuschrist.org/register.
Veitaratara ki na FamilySearch ka rejisitataka kina na nomu veikacivi vou.

Vakatawani ni itutu kei na Veivakavulici

Veitaratara kei na lewe ni nomu matabose e cake ena iteki na veika me baleta na tuva kawa. O koya ena rawa ni vukei iko mo kila vakavinaka na nomu veikacivi ka veivuke ena veika ka koto e ra:

Soli ivakasala kei na veidusimaki.
Tauyavutaka e dua na gauna tudei ni sota me veivosakitaki kina na cakacaka ni valenivolavola.
Veivosakitaka na ituvatuva matailalai me vakataka na auwa ni cakacaka, na vakatawani ni itutu, na gagadre ni veituberi, kei na vakayagataki ni lewenilotu.
Vakacuruma na yacamu kei na veikacivi tudei vaka-kodineita ni valenivolavola ni FamilySearch ena iwasewase ni Qaravi ni Veikacivi ena iVurevure ni iLiuliu kei na Vunivola. Oqo ena vakadeitaka ni sa kila tiko na nomu veikacivi na nomu daunivakasala ni valetabu kei na tuvakawa ni nomu iwasewase.

Mo veivosaki vata kei koya na kodineita e liu ni valenivolavola ni FamilySearch, kevaka e rawa. O kodineita e liu ena rawa ni veivuke ena veisala oqo:

Ena vakarautaka na ivakamacala me baleta na valenivolavola, me vakataka na auwa kei na kena ivakailesilesi ena gauna oqo.
Ena vakaraitaka vei iko na kauwai e tiko baleta na vakatawani ni itutu se leqa tale eso.
Solia vei iko na ki ni valenivolavola.
Vakarautaka vei iko na vosanicuru ni veiliutaki baleta na komipiuta.
Veivosakitaka na itavi taumada.
Vakarautaka na itukutuku ni veitaratara vei manidia ni iyauqaqa kei daunitekinolaji ni iteki.

Gole kina iTikotiko Raraba ni FamilySearch. Curu ki na veilawalawa eso ka koto e ra:

Ira na Daunivakasala ni Valetabu kei na Tuva Kawa
Veitokoni ni Valenivolavola ni FamilySearch vei ira na Kodineita kei na Vakailesilesi

Vakayagataka na ilawalawa ni iTikotiko Raraba mo taroga eso na taro, wasea na vakasama, ka kere veivuke. Curuma na iTikotiko Raraba ni FamilySearch eke.

Mo Lewena na iLawalawa ni iTikotiko Raraba:

Saini i loma ena nomu akaude ni lewenilotu ni (Lotu se FamilySearch) ka semati ki na nomu Naba ni iTukutuku ni Lotu.
Digia na iLawalawa.
Ena lomanibai ni Vakasaqara na iLawalawa vakacuruma na: Daunivakasala ni Valetabu & Tuva Kawa ka tabaka na Curu.
Kiliki ena ilawalawa ni Daunivakasala ni Valetabu kei na Tuva Kawa ena kena macala.
Kiliki ena Sema.
Ena sikirini e cake, ena: ITIKOTIKO > ILAWALAWA > DAUNIVAKASALA NI VALETABU & TUVAKAWA, digia na ILAWALAWA me lesu tale ki na sikirini ni iLawalawa.
Ena lomanibai ni Vakasaqara na iLawalawa vakacuruma na: Valenivolavola ni Veitokoni ni FamilySearch vei ira na Kodineita kei na Vakailesilesi ka tabaka na Curu.
Kiliki ena ilawalawa ni Valenivolavola ni Veitokoni ni FamilySearch vei ira na Kodineita kei na Vakailesilesi ena kena macala.
Kiliki ena Sema.
Mo lesu tale ki na nomu ilawalawa ena veigauna maimuri, ni o saini oti ki na vanua ni iTikotiko, ena sikirini e cake digia na iLawalawa, qai digia na Noqu iLawalawa mo raica kina edua na lisi ni ilawalawa o lewena tiko.

Kevaka e sega ni dua ena nomu iteki e rawa ni vakarautaka na nomu tuberi, mo veivosaki kei na dua na lewe ni nomu mataveiliutaki ni iteki. Sa rawa vua me vakarautaka na itukutuku ni veitaratara me baleta na nomu daunivakasala ni valetabu kei na tuva kawa ni wasewase. Kevaka era sega ni kila na nomu vakailesilesi ena gauna oqo na sala me vakarautaki kina na veika era sotava yadudua na nomu petereni, yalovinaka tuberi ira. Kevaka o vakila ni se sega ni veirauti na nomu kila mo tuberi ira kina na nomu vakailesilesi, veitalanoa kei ira na nomu iliuliu ni matabete.
Na ivurevure kei na iyaya ni veituberi era sa tiko ena tabana ni iVurevure ni Valenivolavola ni FamilySearch.

iKuri ni Gagadre ni Vakatawani ni iTutu

Kevaka o gadreva eso tale na vakailesilesi, mo sota ka veivosaki vata kei ira na nomu iliuliu ni matabete. E rawa nira okati ena vakailesilesi oqo na daunivakasala ni valetabu kei na tuvakawa kei ira na volodia ena itikotiko kei ira na lewenilotu. Na ikuri ni veivuke e rawa ni kunei eke se mai na iTikotiko Raraba ni FamilySearch.

Ripote Vakavula

Na ripote vakavula ni veiqaravi ni valenivolavola vei ira na iwasewase e ra e rawa ni raici eke:

Me Kilai: Mai Iurope e Loma, e sega ni gadrevi ena gauna oqo na kena ripotetaki na veifika oqo.

Iurope
Tokalau kei Iurope
Amerika va-Latina

Vakacavara na ripote ena nomu cakava na veika oqo:

Digitaka edua na vosa ena menu lutu sobu.
Vakacuruma na nomu yaca vakayagataki, kei na vosanicuru.
Kiliki ena Curu.
Vakalewena na ripote.
Kilikitaka na Vakauta.

Me baleta na veiiwasewase oqo, sa rawa me raici ekena ripote vakavula:

Vualiku kei Amerika
Aferika
Pasifika
Filipaini

Vakacavara na ripote ena nomu cakava na veika oqo:

Vakacuruma na nomu naba ni tabanilotu ni valenivolavola ni FamilySearch.
Tabaka na Tomana.
Vakalewena na ripote.
Kilikitaka na Vakauta.

Na ripote e oka kina na levu ni auwa e dola tu kina na valenivolavola, na iwiliwili ni veisiko mai vei ira na lewenilotu kei na vulagi tale eso, kei na veika tale eso. Ena vakayaco-ka vakadodonu na ripote vakavula me baleta na kena vakaisosomitaki na iyaya ni nomu valenivolavola. Sa vakaturi tiko me vakatakilakilataki na mataveilawa ni nomu iwasewase.
Ni oti na kena vakau edua na ripote vakavula, sa na vakau edua na imeli ki na nomu akaude ni FamilyHistoryMail vata kei na itukutuku o a vakauta. E rawa nio vakauta na ripote vei ira na nomu iliuliu ni matabete.

iDusidusi ni Cakacaka ena Valenivolavola ni FamilySearch

Na iDusidusi ni Cakacaka ena Valenivolavola ni FamilySearch e ivoladusidusi taumada ni veivalenivolavola ni FamilySearch. Na ivakamacala me baleta na veiulutaga ka koto e ra ena kunei ena idusidusi ni cakacaka:

Dairekitori ni Soqosoqo kei na iLiuliu ena Lotu (CDOL) (DSLL)
Valenivolavola ni FamilySearch kei na Mape ni Vanua ni Valenivola Veitokoni
FamilyHistoryMail
Kompiuta, Misini ni Tabaivola, kei na Parokaramu Vakomipiuta
Na Maikorofilimu kei na Maikorofisi
iYaya ni Valenivolavola
Tabana ni Qaravi iYauqaqa

Kevaka o sega ni vakadeitaka ni se vakabau tiko e dua na ka o raica ena idusidusi ni veituberi, yalovinaka veitaratara kei na Veitokoni ni FamilySearch mo vukei.

Vatavata ni Veiqaravi ena Valenivolavola ni FamilySearch

Na Vatavata ni Veiqaravi ni Valenivolavola ni FamilySearch e itekitekivu ni veimataveilawa ni FamilySearch kei na veiqaravi tale eso era vakarautaki tu vei ira na petereni ena valenivolavola ni FamilySearch. Cakava na vatavata me tabana ni itikotiko ena veibarausa yadua ni komupiuta ena valenivolavola. Ena rawa na curu ki na Vatavata ni Veiqaravi ni Valenivolavola ni FamilySearch ena https://www.familysearch.org/centers/portal. Me baleta na ikuri ni ivakamacala ni isema ni barausa e gadrevi, raica na itukutuku ka kena iulutaga na: iVakarau ni vakayagataki ni Isema ni Barausa ni iTukutuku Saumi ni Valenivolavola ni FamilySearch.

Valenivolavola ni Veivuke kei na Vuli ni FamilySearch

Na Valenivolavola ni Veivuke kei na Vuli ni FamilySearch e tiko kina na itukutuku kei na ivurevure tale eso me vukei iko ena nomu veikacivi. Mo curu ki na Valenivolavola ni Veivuke kei na Vuli, saini mo curu ki na FamilySearch.org. Kiliki ena icegu taro (?) ena tutu imatau e cake ni sikirini. Vakacuruma na ivakarau ni vakasaqaqara ena lomanibai ni menu ni Veivuke, se kiliki ena isema ni Veivuke kei na Valenivolavola ni Vuli.

iVola ni Tuvatuva-Ka

Na iVola ni tuvatuva-ka ena vakatarai iko mo vukei ira na tani. E rawa ni o vakacurumi ira na lewenilotu ki na ivola ni tuvatuva-ka mera raica kina itukutuku ni nodra vunikau ka tuvana vei ira edua na veika sotavi ni tuva kawa vaka tamata yadua. Mo curu kina iVola ni Tuvatuva-ka, kiliki ena ivakatakilakila ni icegu taro ka qai tarava na iVurevure ni Veivuke.

iTukutuku Veisemati

iVurevure vakarautaki vei ira na kodineita vou ni valenivolavola ni FamilySearch