ដើម្បីការពារឯកជនភាព កម្មវិធីមែកធាងគ្រួសារដាក់កំណត់ថា តើនរណាអាចមើលឃើញកំណត់ត្រារបស់បុគ្គលនៅរស់បាន ។ មានតែអ្នកប្រើប្រាស់ដែលបានវាយបញ្ចូលព័ត៌មានអំពីបុគ្គលនៅរស់ទៅក្នុងមែកធាងគ្រួសារប៉ុណ្ណោះ ទើបអាចមើលឃើញ ឬផ្លាស់ប្ដូរវាបាន ។
សូមប្រយ័ត្នប្រយែង នៅពេលអ្នកភ្ជាប់អនុស្សាវរីយ៍ទៅនឹងបុគ្គលនៅរស់ ។ នៅក្នុងកាលៈទេសៈមួយចំនួន អ្នកដទៃអាចមើលឃើញអនុស្សាវរីយ៍ខ្លះៗបាន ។ ពួកយើងសូមផ្ដល់អនុសាសន៍ឲ្យអ្នកដាក់កម្រងអនុស្សាវរីយ៍ទាំងឡាយសម្រាប់បុគ្គលនៅរស់ទៅជាឯកជន ។
តើខ្ញុំដឹងថា បុគ្គលម្នាក់ដែលខ្ញុំអាចមើលឃើញនៅក្នុងមែកធាងគ្រួសារនោះកំពុងនៅរស់ឬអត់ដោយរបៀបណា ?
នៅក្នុងមែកធាងគ្រួសារ កំណត់ត្រារបស់បុគ្គលកំពុងនៅរស់មានបដាពណ៌លឿងកាត់ផ្នែកខាងលើនៃទំព័របុគ្គល ។ លើសពីនេះពាក្យ « នៅរស់ » លេចឡើងជំនួសឲ្យកាលបរិច្ឆេទមរណភាព ឬក៏ពាក្យថា « ស្លាប់ » ។
តើខ្ញុំបន្ថែមបុគ្គលនៅរស់ម្នាក់ទៅកាន់មែកធាងគ្រួសារដោយរបៀបណា ?
- អ្នកបន្ថែមបុគ្គលម្នាក់ទៅក្នុងមែកធាងគ្រួសារ ហើយជ្រើសយកជម្រើសនៅរស់ ។
- អ្នកផ្ទេរកំណត់ត្រានៃបុគ្គលនៅរស់ម្នាក់ពីមូលដ្ឋានទិន្នន័យ ដែលអ្នកគ្រប់គ្រងនៅក្នុងកម្មវិធីរបស់ភាគីទីបី ។
ជួនកាលសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ អាចមើលឃើញបុគ្គលដែលនៅរស់ ដែលព័ត៌មានទាំងនោះបានមកពីកំណត់ត្រាសមាជិកភាពនៃសាសនាចក្ររបស់ពួកគេ ។
តើធ្វើដូចម្តេចទើបកំណត់ត្រានៃបុគ្គលនៅរស់ក្លាយទៅជាសាធារណៈបាន ?
កំណត់ត្រារបស់បុគ្គលនោះក្លាយទៅជាសាធារណៈ បន្ទាប់ពីអ្នកបន្ថែមកាលបរិច្ឆេទមរណភាពទៅលើកំណត់ត្រានោះ ។ មែកធាងគ្រួសារមិនគណនាថា តើបុគ្គលដែលត្រូវបានសម្គាល់ថានៅរស់នោះអាចស្លាប់ឬអត់នោះទេ ។ ប្រព័ន្ធនេះមិនផ្លាស់ប្តូរស្ថានភាពទៅជាស្លាប់ ដោយផ្អែកលើឆ្នាំកំណើតនោះទេ ។
តើអ្នករួមចំណែកច្រើននាក់អាចវាយបញ្ចូលបុគ្គលនៅរស់ដូចគ្នាទៅក្នុងមែកធាងគ្រួសារបានដែរឬទេ ?
អ្នកប្រើប្រាស់ច្រើននាក់អាចវាយបញ្ចូលប្រវត្តិរូបមួយ សម្រាប់បុគ្គលនៅរស់ដូចគ្នាទៅក្នុងមែកធាងគ្រួសារបាន ។ កំណត់ត្រានីមួយៗមានអត្តលេខខុសៗគ្នា ។ ប្រសិនបើអ្នកធ្វើការផ្លាស់ប្តូរប្រវត្តិរូបរបស់បុគ្គលនៅរស់ដែលអ្នកអាចមើលឃើញ នោះការផ្លាស់ប្តូររបស់អ្នកមិនប៉ះពាល់ដល់ប្រវត្តិរូបផ្សេងទៀតសម្រាប់បុគ្គលដូចគ្នានោះទេ ។
អត្ថបទដែលទាក់ទង
តើខ្ញុំផ្លាស់ប្ដូរការកំណត់ឯកជនភាពរបស់ខ្ញុំនៅក្នុងកម្មវិធីស្រាវជ្រាវក្រុមគ្រួសារយ៉ាងដូចម្ដេច ?
តើខ្ញុំធ្វើឲ្យអនុស្សាវរីយ៍មួយទៅជាឯកជនដោយរបៀបណា ?
តើខ្ញុំផ្លាស់ប្ដូរស្ថានភាពពីនៅរស់មកស្លាប់នៅលើមែកធាងគ្រួសារដោយរបៀបណា ?
តើខ្ញុំមើលឃើញការរួមចំណែករបស់ខ្ញុំទៅកាន់មែកធាងគ្រួសារដោយរបៀបណា ?
តើខ្ញុំដាក់បញ្ចូលបុគ្គលនៅរស់ ឬបុគ្គលសម្ងាត់ដែលខ្ញុំបានបញ្ចូលស្ទួនគ្នាទៅក្នុងមែកធាងគ្រួសារដោយរបៀបណា ?
តើខ្ញុំអាចបន្ថែមកម្រងអនុស្សាវរីយ៍អំពីសាច់ញាតិនៅរស់របស់ខ្ញុំទៅក្នុងមែកធាងគ្រួសារបានដែរឬទេ ?
តើខ្ញុំអាចចែករំលែកសិទ្ធិចូលប្រើទៅកាន់បុគ្គលនៅរស់ ឬបុគ្គលសម្ងាត់ដែលខ្ញុំបានបន្ថែមទៅក្នុងមែកធាងគ្រួសារបានដែរឬទេ ?