នៅពេលអ្នកប្រើប្រាស់បានចូលនៅលើគេហទំព័រ FamilySearch.org នោះវាធ្លាប់មានប្រអប់ធីកមួយ ដែលផ្ដល់ជម្រើសឲ្យបន្ដចូលប្រើរយៈពេល ២ សប្ដាហ៍ ។ យើងបានស្តាប់មតិកែលម្អជាច្រើន ដែលនិយាយថា ប្រអប់ធីកនេះមិនបានរក្សាឲ្យអ្នកប្រើប្រាស់បន្ដចូលប្រើបានខ្ជាប់ខ្ជួននោះទេ ។ ជាមួយនឹង ការធ្វើបច្ចុប្បន្នភាពថ្មីៗ ដែលអនុញ្ញាតឲ្យអ្នកប្រើប្រាស់ចូលកាន់តែងាយស្រួលទៅកាន់គេហទំព័រ FamilySearch.org ហើយដោយបានពិចារណាពីមុខងារ បន្ដចូលប្រើ ផ្តល់នូវហានិភ័យសុវត្ថិភាពកាន់តែខ្ពស់ នោះឥឡូវនេះ ប្រអប់ធីកត្រូវបានដកចេញហើយ ។
នៅពេលអ្នកប្រើប្រាស់ចូលទៅកាន់គេហទំព័រ FamilySearch.org ពួកគេនឹងនៅតែបន្ដចូលក្នុងពេលមួយរយៈ ដរាបណាពួកគេកំពុងប្រើប្រាស់គេហទំព័រនេះយ៉ាងសកម្ម ។ សម្រាប់អ្នកប្រើប្រាស់ដែលមិនចូលចិត្តវាយបញ្ចូលឈ្មោះអ្នកប្រើ និងពាក្យសម្ងាត់របស់ពួកគេសាឡើងវិញ រាល់ពេលដែលពួកគេចូលទៅកាន់កម្មវិធីស្រាវជ្រាវក្រុមគ្រួសារ នោះពួកគេមានជម្រើសជាច្រើនសម្រាប់បទពិសោធន៍ចូលដែលរហ័ស និងងាយស្រួល ។
ជម្រើសចូលពីភាគីទីបី
សូមសាកល្បងចូលទៅកាន់គេហទំព័រ FamilySearch.org ជាមួយហ្វេសប៊ុក Google ឬ Apple មុខងារមួយបានបន្ថែមទៅលើគេហទំព័រ FamilySearch.org នៅដើមឆ្នាំនេះ ។ ជម្រើសទាំងនេះបង្ហាញឡើងនៅផ្នែកខាងលើនៃទំព័រចូល ។
សមាជិកនៃ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ក៏អាចប្រើឈ្មោះអ្នកប្រើប្រាស់គណនីសាសនាចក្រ និងពាក្យសម្ងាត់របស់ពួកគេ ដើម្បីចូលទៅកាន់កម្មវិធីស្រាវជ្រាវក្រុមគ្រួសារបានផងដែរ ដោយការចុច ចូលជាមួយនឹងជម្រើសគណនីសាសនាចក្រ ។
ការប្រើកម្មវិធីគ្រប់គ្រងពាក្យសម្ងាត់
ជម្រើសមួយទៀតគឺត្រូវកំណត់រចនាសម្ព័ន្ធកម្មវិធីគ្រប់គ្រងពាក្យសម្ងាត់របស់កម្មវិធីរុករករបស់អ្នក ដើម្បីវាយបញ្ចូលឈ្មោះអ្នកប្រើ និងពាក្យសម្ងាត់ចូលរបស់អ្នកដោយស្វ័យប្រវត្តិ នៅពេលណាដែលអ្នកចូលទៅគេហទំព័រ FamilySearch.org ។
ប្រសិនបើអ្នកមិនប្រាកដពីរបៀបបើកកម្មវិធីគ្រប់គ្រងពាក្យសម្ងាត់សម្រាប់កម្មវិធីស្រាវជ្រាវក្រុមគ្រួសារទេ សូមគ្រាន់តែចូលទៅកាន់ម៉ាស៊ីនស្វែងរកដែលអ្នកពេញចិត្ត ហើយវាយបញ្ចូលអ្វីមួយដូចជា « ដាក់ [ ឈ្មោះម៉ាស៊ីនរុករក ] ដើម្បីចងចាំឈ្មោះអ្នកប្រើ និងពាក្យសម្ងាត់របស់ខ្ញុំ » ។
គ្មានប្រអប់ធីក គ្មានបញ្ហា
មិនថាអ្នកមានឈ្មោះអ្នកប្រើ ១, ៥ ឬ ១០០ នៅក្នុងជីវិតការងារ និងជីវិតផ្ទាល់ខ្លួនរបស់អ្នកនោះទេ វាពិតជាពិបាកចងចាំណាស់ ! នៅក្នុងកម្មវិធីស្រាវជ្រាវក្រុមគ្រួសារ យើងយល់ពីការណ៍នោះ ។ ( នោះគឺជាមូលហេតុដែលដើមឡើយ យើងមានជម្រើសប្រអប់ធីកបន្ដចូលប្រើ ) ។
ទោះបីជាប្រអប់ធីកបន្ដចូលប្រើ លែងមានទៀតក៏ដោយ ក៏យើងលើកទឹកចិត្តអ្នកឲ្យសាកល្បងប្រើជម្រើសមួយ ដែលយើងបានរៀបរាប់ខាងលើដែរ ។ វាអាចជួយដោះស្រាយបញ្ហាដូចគ្នាមួយចំនួន ហើយការរៀនពីរបៀបទទួលបានផលប្រយោជន៍ពីវានៅពេលឥឡូវនេះ អាចជួយអ្នកនៅលើគេហទំព័រផ្សេងទៀត ដែលមានជម្រើសស្រដៀងគ្នានេះបាន ។
ការផ្តល់មតិកែលម្អរបស់អ្នក
យើងតែងតែចាប់អារម្មណ៍ក្នុងការស្តាប់ពីរបៀបកែលម្អគេហទំព័រកម្មវិធីស្រាវជ្រាវក្រុមគ្រួសារឲ្យប្រសើរឡើងជានិច្ច ហើយសង្ឃឹមថាអ្នកនឹងចែកចាយ ។ យើងមានវិធីជាច្រើនដើម្បីទទួលការទាក់ទង ៖
- សូមប្រើប៊ូតុងកែលម្អអណ្តែត ( មាននៅលើទំព័រមួយចំនួននៅលើគេហទំព័រ FamilySearch.org ) ដើម្បីផ្ដល់មតិកែលម្អយ៉ាងងាយស្រួលអំពីមុខងារពិសេសមួយ ដែលអ្នកកំពុងប្រើនៅពេលនេះ។
- សូមចូលទៅកាន់សហគមន៍កម្មវិធីស្រាវជ្រាវក្រុមគ្រួសារដើម្បី ផ្តល់យោបល់អំពីគំនិត ឬរាយការណ៍អ្វីមួយដែលខូច ។
- នៅក្នុង កម្មវិធីឧបករណ៍ចល័តមែកធាងគ្រួសារ សូមចុចលើរូបតំណាងម៉ឺនុយរបារបី ៖ បន្ទាប់មក សូមចុចលើ ជំនួយ បន្ទាប់មក ទាក់ទងមកកាន់យើង រួចហើយ ផ្ដល់មតិកែលម្អកម្មវិធី ។
យើងទន្ទឹងរង់ចាំទទួលមតិកែលម្អពីអ្នក !
នៅ កម្មវិធីស្រាវជ្រាវក្រុមគ្រួសារ យើងយកចិត្តទុកដាក់លើការភ្ជាប់អ្នកទៅនឹងគ្រួសាររបស់អ្នក ហើយយើងផ្ដល់ជូននូវបទពិសោធន៍រុករកដ៏រីករាយ ព្រមទាំងសេវាកម្មពង្សប្រវត្តិដោយឥតគិតថ្លៃ ។ ហេតុអ្វី ? ព្រោះយើងឲ្យតម្លៃដល់ក្រុមគ្រួសារ ហើយជឿថា ការភ្ជាប់មនុស្សជាច្រើនជំនាន់អាចធ្វើឲ្យជីវិតរបស់យើងបានកាន់តែប្រសើរឡើងនាពេលឥឡូវនេះ និងជារៀងរហូតតទៅ ។ យើងគឺជាអង្គការដែលមិនស្វែងរកប្រាក់កម្រៃ ដោយទទួលបានការឧបត្ថម្ភពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ដើម្បីរៀនបន្ថែមទៀតអំពីជំនឿរបស់យើង សូមចុចត្រង់នេះ ។
អត្ថបទដែលទាក់ទង
