កម្មវិធីស្រាវជ្រាវក្រុមគ្រួសារ ផ្តល់នូវទិដ្ឋភាពជាច្រើនសម្រាប់ការរៀបចំ និងការបង្ហាញពង្សាវលីរបស់អ្នក ៖ រូបផ្តេក រូបបញ្ឈរ តារាងទម្រង់ជាផ្លិត កូនចៅជំនាន់ក្រោយ និងបុព្វការីជនជំនាន់ទីមួយ ។ អាស្រ័យលើគោលដៅ និងចំណាប់អារម្មណ៍របស់អ្នក ទិដ្ឋភាពនីមួយៗអាចផ្តល់ដល់អ្នកនូវច្រកផ្លូវពិសេសមួយសម្រាប់ការរុករកមែកធាងគ្រួសាររបស់អ្នក ។ ថ្មីៗនេះ ទិដ្ឋភាពបញ្ឈររបស់មែកធាងគ្រួសារត្រូវបានធ្វើបច្ចុប្បន្នភាពដើម្បីធ្វើឲ្យការរុករក និងការពង្រីកខ្សែស្រឡាយគ្រួសាររបស់អ្នកកាន់តែងាយស្រួលនៅលើគេហទំព័រ ។
តើអ្វីទៅជាទិដ្ឋភាពបញ្ឈរ ?
តារាងមែកធាងគ្រួសារទិដ្ឋភាពបញ្ឈរ ( ឬតារាងពង្សាវលី ) ត្រូវបានរៀបចំបញ្ឈរ ។ ប្រវត្តិរូបរបស់អ្នកស្ថិតនៅពាក់កណ្តាលតារាង ដោយមានបុព្វការីជនរបស់អ្នកនៅខាងលើអ្នក និងកូនចៅរបស់អ្នកនៅខាងក្រោម ។
ការកែលម្អត្រូវបានបន្ថែមទៅទិដ្ឋភាពបញ្ឈរ
ទិដ្ឋភាពបញ្ឈរដែលបានធ្វើបច្ចុប្បន្នភាពថ្មីភ្ជាប់មកជាមួយនូវមុខងារថ្មីដើម្បីធ្វើឲ្យតារាងពង្សាវលីកាន់តែមានប្រសិទ្ធភាព និងងាយស្រួល ៖
- មើលបងប្អូនបង្កើត បន្ថែមលើការមើលឃើញបុព្វការីជនខ្សែស្រឡាយផ្ទាល់ ឥឡូវនេះអ្នកអាចមើលខ្សែស្រឡាយសាច់ញាតិរបស់គ្រួសារអ្នក ដែលរួមទាំងបងប្អូនរបស់បុព្វការីជនរបស់អ្នក និងកូនចៅរបស់ពួកគាត់ផងដែរ ។ អ្នកអាចធ្វើដូចនេះដោយចុចលើព្រួញនៅចំហៀងនៃកាតរបស់បុគ្គលម្នាក់ៗ ។
- មើលខ្សែស្រឡាយគ្រួសារតែមួយ ពីមុនៗ នៅពេលអ្នកចង់មើលខ្សែស្រឡាយរបស់សាច់ញាតិ ខ្សែស្រឡាយរបស់គូស្វាមីភរិយានឹងត្រូវបានពង្រីកដើម្បីបង្ហាញឪពុកម្តាយ និងជីដូនជីតារបស់គូស្វាមីភរិយាទាំងពីរ ។ ឥឡូវនេះ អ្នកឃើញតែខ្សែស្រឡាយគ្រួសារដែលបានពង្រីកតាមរយៈបុព្វការីជនជាក់លាក់ដែលអ្នកចាប់អារម្មណ៍មើលប៉ុណ្ណោះ ដូចនេះវាសន្សំទំហំអេក្រង់បន្ថែមទៀត និងជួយឲ្យអ្នកផ្តោតលើការស្រាវជ្រាវរបស់អ្នក ។
- មើលខ្សែស្រឡាយគ្រួសារច្រើនក្នុងពេលតែមួយ កាលពីមុន ខ្សែស្រឡាយគ្រួសារណាដែលអ្នកបានបង្ហាញនឹងបិទដោយស្វ័យប្រវត្តិ ប្រសិនបើអ្នកចុចខ្សែស្រឡាយគ្រួសារផ្សេងទៀត ។ មិនដូច្នេះទៀតទេ ! ខ្សែស្រឡាយគ្រួសារនីមួយៗដែលអ្នកបើក នោះស្ថិតនៅលើអេក្រង់រហូតដល់អ្នកសម្រេចចិត្តបិទវា ។
- បន្ថែមសាច់ញាតិឆាប់រហ័សដោយមិនចាកចេញពីទំព័រ ឥឡូវនេះ អ្នកអាចបន្ថែមកូន ស្វាមី ឬភរិយា ឬបងប្អូនបង្កើតរបស់សាច់ញាតិដោយផ្ទាល់ពីកាតរបស់បុគ្គលនោះ ដោយចុចលើ រូបតំណាង + ។ ( អ្នកអាចបន្ថែមតែស្វាមី ឬភរិយាដែលមានរូបតំណាង + ប៉ុណ្ណោះ ប្រសិនបើមិនមានស្វាមី ឬភរិយាដែលបានបន្ថែមរួចហើយទេ ។ ប្រសិនបើមានស្វាមី ឬភរិយាដែលមានស្រាប់ហើយ ស្វាមី ឬភរិយាបន្ថែមនឹងត្រូវបន្ថែមតាមរយៈទំព័រប្រវត្តិរូបរបស់បុគ្គលនោះ ) ។
- កាន់តែងាយស្រួលមើលឃើញបុគ្គលនៅរស់ ការផ្លាស់ប្តូរដែលមើលឃើញត្រូវបានធ្វើឡើង ដើម្បីចង្អុលបង្ហាញឲ្យកាន់តែច្បាស់ថា មនុស្សណានៅក្នុងមែកធាងរបស់អ្នកដែលកំពុងនៅរស់ និងដែលបានស្លាប់ ។ ( សម្រាប់បុគ្គលដែលកំពុងនៅរស់ វាអនុវត្តតែចំពោះសាច់ញាតិ និងសមាជិកគ្រួសារដែល អ្នកតែម្នាក់បានបន្ថែមទៅមែកធាងគ្រួសារប៉ុណ្ណោះ ។ ព័ត៌មានណាក៏ដោយអំពីបុគ្គលដែលនៅរស់ដែលនរណាម្នាក់ផ្សេងទៀតបន្ថែមគឺឯកជន ហើយអ្នកនឹងមិនអាចមើលឃើញឡើយ — លុះត្រាតែអ្នកកំពុងធ្វើការជាមួយគ្នានៅក្នុង មែកធាងចង្កោមគ្រួសារ ) ។
របៀបចូលប្រើទិដ្ឋភាពបញ្ឈរ
ទិដ្ឋភាពបញ្ឈរដែលបានធ្វើបច្ចុប្បន្នភាព ឥឡូវនេះមានសម្រាប់អ្នកប្រើប្រាស់ទាំងអស់ ។ ដើម្បីសាកល្បងវា គ្រាន់តែចូលទៅគណនីកម្មវិធីស្រាវជ្រាវក្រុមគ្រួសាររបស់អ្នក ហើយចូលទៅកាន់ មែកធាងគ្រួសារ ។ បន្ទាប់មកត្រូវប្រាកដថា អ្នកបានជ្រើសរើស បញ្ឈរ នៅជ្រុងខាងស្តាំខាងលើ ។ សម្រាប់ព័ត៌មានលម្អិតបន្ថែមអំពីអ្វីដែលថ្មីនៅក្នុងការធ្វើបច្ចុប្បន្នភាពនេះ អ្នកអាចអាន អត្ថបទជំនួយកម្មវិធីស្រាវជ្រាវក្រុមគ្រួសារនេះ ។
សូមផ្តល់មតិយោបល់របស់អ្នកដល់យើង
សូមពិនិត្យមើលទិដ្ឋភាពបញ្ឈរថ្មីនៅថ្ងៃនេះ ហើយប្រាប់យើងពីគំនិតរបស់អ្នក ! ប្រើ ប៊ូតុងមតិយោបល់ នៅផ្នែកខាងឆ្វេងនៃទិដ្ឋភាពបញ្ឈរ ដើម្បីចែកចាយបទពិសោធន៍របស់អ្នកជាមួយយើង ។ ខណៈដែលអ្នកប្រហែលជាមិនទទួលបានការឆ្លើយតបដោយផ្ទាល់ ក៏មតិយោបល់របស់អ្នកនឹងត្រូវបានអាន និងពិចារណាដោយកម្មវិធីស្រាវជ្រាវក្រុមគ្រួសារដែរ ។
នៅ កម្មវិធីស្រាវជ្រាវក្រុមគ្រួសារ យើងយកចិត្តទុកដាក់លើការភ្ជាប់អ្នកទៅនឹងគ្រួសាររបស់អ្នក ហើយយើងផ្ដល់ជូននូវបទពិសោធន៍រុករកដ៏រីករាយ ព្រមទាំងសេវាកម្មពង្សប្រវត្តិដោយឥតគិតថ្លៃ ។ ហេតុអ្វី ? ព្រោះយើងឲ្យតម្លៃដល់ក្រុមគ្រួសារ ហើយជឿថា ការភ្ជាប់មនុស្សជាច្រើនជំនាន់អាចធ្វើឲ្យជីវិតរបស់យើងបានកាន់តែប្រសើរឡើងនាពេលឥឡូវនេះ និងជារៀងរហូតតទៅ ។ យើងគឺជាអង្គការដែលមិនស្វែងរកប្រាក់កម្រៃ ដោយទទួលបានការឧបត្ថម្ភពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ដើម្បីរៀនបន្ថែមទៀតអំពីជំនឿរបស់យើង សូមចុចត្រង់នេះ ។
