ចាប់ផ្តើមនៅក្នុង ឆ្នាំ ២០២៣ អ្នកនឹងអាចចូលទៅក្នុងកម្មវិធីស្រាវជ្រាវក្រុមគ្រួសារបានដោយប្រើ Facebook Google Apple ឬ គណនីសាសនាចក្រ ( ChurchofJesusChrist.org ) ។ ខណៈពេលដែលជម្រើសការចូលមួយចំនួននេះមានពីមុនហើយក្តី ក៏មានមួយចំនួនទៀតថ្មីដែរ ។
ចំណាំ ៖ ជម្រើសចូលមួយចំនួនប្រហែលជាមិនអាចចូលបានគ្រប់ភាសានោះទេ ។
ការប្រើជម្រើសការចូលខុសគ្នាអាចជួយអ្នកកាត់បន្ថយការវាយបញ្ចូលឈ្មោះអ្នកប្រើប្រាស់ និងពាក្យសម្ងាត់ផ្សេងគ្នា ហើយវាអាចធ្វើឲ្យការចូលទៅក្នុងកម្មវិធីស្រាវជ្រាវក្រុមគ្រួសារបានលឿនជាងមុន ។ វាក៏អាចជួយបានផងដែរ ប្រសិនបើអ្នករកឃើញថាអ្នកនៅតែភ្លេចឈ្មោះអ្នកប្រើ និងពាក្យសម្ងាត់របស់កម្មវិធីស្រាវជ្រាវក្រុមគ្រួសាររបស់ ឬប្រសិនបើអ្នកចូលចិត្តវិធីសាស្ត្រផ្សេងទៀតនៅក្នុងការចូល ជាជាងវាយបញ្ចូលពាក្យសម្ងាត់ ( ដូចជាការប្រើ Google ឬApple លេខសម្ងាត់ ជាដើម ) ។
អ្នកក៏មិនចាំបាច់ប្រើជម្រើសការចូលតែមួយនោះដែរ ។ អ្នកអាចភ្ជាប់បានច្រើនតាមដែលអ្នកពេញចិត្ត ! ការភ្ជាប់សម្រាប់ការចូល គឺងាយស្រួល ៖
ប្រសិនបើអ្នកមានគណនីកម្មវិធីស្រាវជ្រាវក្រុមគ្រួសាររួចហើយ នៅលើគេហទំព័រ FamilySearch.orgសូមចុចលើ ចូល ហើយជ្រើសរើសជម្រើសការចូលណាមួយដែលអ្នកពេញចិត្ត ដោយការប្រើរូបតំណាងនៅខាងលើទំព័រនេះ ។ ប្រសិនបើអ្នកមិនទាន់បានភ្ជាប់គណនី កម្មវិធីស្រាវជ្រាវក្រុមគ្រួសាររបស់អ្នកទៅកាន់គណនី Facebook Google ឬ Apple នៅឡើយទេ សូមចុចលើរូបតំណាងណាមួយនៅក្នុងចំណោមគណនីទាំងនេះនឹងផ្តល់ឲ្យអ្នកនូវការរំឭក ដើម្បីជួយភ្ជាប់គណនីរបស់អ្នក ។
សម្រាប់ជំនួយក្នុងការចូលទៅក្នុងការប្រើប្រាស់គណនីសាសនាចក្រ សូមចូលទៅកាន់អត្ថបទជំនួយនេះ ។
ដើម្បីបង្កើតគណនីកម្មវិធីស្រាវជ្រាវក្រុមគ្រួសារថ្មីដោយប្រើជម្រើសការចូលទាំងនេះ សូមចុចលើ បង្កើតគណនី ជំនួសវិញ ហើយជ្រើសរើសយកវិធីសាស្ត្រការចូលដែលអ្នកពេញចិត្តដោយប្រើរូបតំណាងផ្សេងទៀត ។
តើព័ត៌មានអ្វីខ្លះត្រូវបានចែកចាយនៅពេលខ្ញុំភ្ជាប់គណនីទាំងនេះ ?
នៅពេលភ្ជាប់គណនីទាំងនេះជាមួយនឹង Facebook Google និង Apple នោះការរំឭកនឹងបង្ហាញអ្នកនូវការអនុញ្ញាតជាក់លាក់ណាមួយ ដែលអ្នកកំពុងបើកឲ្យមានរវាងគណនីទាំង ២ ។ ជាទូទៅមានតែព័ត៌មានរកឃើញជាមូលដ្ឋានប៉ុណ្ណោះ ដែលអនុញ្ញាតឲ្យគណនីដែលចូលនោះភ្ជាប់ត្រូវបានចែកចាយ ។
ចំណាំ ៖ នៅពេលប្រើកុំព្យូទ័រសាធារណៈ សូមប្រាកដថាបានចាកចេញទាំងគណនីកម្មវិធីស្រាវជ្រាវក្រុមគ្រួសារ និងទាំងគណនីដែលបានភ្ជាប់ ដែលអ្នកបានចូលជាមួយនោះ ។ ការចេញពីគណនីមួយ មិនមែនមានន័យថា គណនីមួយទៀតនោះបានចេញដែរនោះទេ ។
nullយើងសង្ឃឹមថាជម្រើសចូលថ្មីទាំងនេះនឹងជួយអ្នកប្រើប្រាស់ ដែលចូលចិត្តមានជម្រើសច្រើនជាមួយនឹង គណនីរបស់ពួកគេ ។ ហើយប្រសិនបើ អ្នកគ្រាន់តែមានការលំបាកនៅក្នុងការ គ្រប់គ្រងពាក្យសម្ងាត់ផ្សេងគ្នាច្រើនពេក នោះយើងសង្ឃឹមថាជម្រើសទាំងនេះនឹងជួយដល់អ្នកផងដែរ ! សូមចូល ឬចុះឈ្មោះនៅថ្ងៃនេះ ដើម្បីសាកល្បងការចូលថ្មីនេះ ៖
