ជំនួយកម្មវិធីស្រាវជ្រាវក្រុមគ្រួសារ គឺជាកន្លែងដែលអ្នកស្រាវជ្រាវដំបូង និងអ្នកមានបទពិសោធន៍ អាចចូលទៅរកចម្លើយចំពោះសំណួរនានាដែលពួកគេមាន នៅពេលពួកគេព្យាយាមស្វែងរកបុព្វការីជនរបស់ពួកគេ ។ នៅក្នុងកំណត់ហេតុបណ្តាញមួយដែលបាន ចុះផ្សាយ ចាប់ពីខែ មិថុនា ឆ្នាំ ២០២១ នោះយើងបានគូសបញ្ជាក់លក្ខណៈពិសេសថ្មីៗ និងលទ្ធភាពនានាដែលមជ្ឈមណ្ឌលផ្តល់ជំនួយត្រូវបានជួលជុលកែលម្អនៅលើកម្មវិធីស្រាវជ្រាវក្រុមគ្រួសារ ។ កំណត់ហេតុបណ្តាញកាលពីមុនដែលបាន ចុះផ្សាយ ផ្តល់ព័ត៌មានលម្អិត អំពីរបៀបដែលម៉ឺនុយនោះសាមញ្ញយ៉ាងណា ដែលជាកន្លែងមួយផ្តល់ពហុចម្លើយចំពោះសំណួរទាំងអស់របស់អ្នក ។
ផ្អែកលើមតិកែលម្អរបស់អ្នកប្រើប្រាស់ វិស្វករកម្មវិធីស្រាវជ្រាវក្រុមគ្រួសារបានរៀបចំឡើងវិញនូវឯកសារជំនួយ ដើម្បីធ្វើឲ្យជំនួយធនធានដ៏អស្ចារ្យមួយចំនួនអាចមើលឃើញកាន់តែឡើង ។ ការផ្លាស់ប្តូរនេះបានធ្វើឡើង បន្ទាប់ពីមានការសាកល្បង និងមតិកែលម្អយ៉ាងទូលំទូលាយមកពីអ្នកប្រើប្រាស់ ។ មតិរបស់អ្នកពិតជាមានតម្លៃណាស់ ។
នីតិវិធីសម្រាប់ការចូលទៅកាន់ជំនួយកម្មវិធីស្រាវជ្រាវក្រុមគ្រួសារមិនបានផ្លាស់ប្តូរទេ ។ ដំបូងអ្នកប្រើប្រាស់ត្រូវចូលទៅកាន់គេហទំព័រ www.familysearch.org ចុះឈ្មោះ បន្ទាប់មកចុចលើរូបតំណាងជំនួយ នៅផ្នែកស្តាំខាងលើអេក្រង់ ។ រូបតំណាងនេះគឺជាសញ្ញាសួរដែលមានរង្វង់ព័ទ្ធជុំវិញ ។
ភាពខុសគ្នាដ៏ធំបំផុតដែលអ្នកប្រើប្រាស់នឹងសង្កេតឃើញនោះគឺការរំឭកក្រាហ្វិកឡើងវិញ និងការរុករកថ្មីមួយសម្រាប់ទំព័រនានា ។ ដូចសព្វមួយដងដែរ ប្រអប់សរសេរសំណួរគឺនៅតែមានទីតាំងនៅផ្នែកខាងលើនៃទំព័រជំនួយ និងការរៀនសូត្រ ។ បន្ទាប់មក ចម្លើយដែលអាចមានចំពោះសំណួរនានា នឹងបង្ហាញឡើង ដោយមានជម្រើសដើម្បីរៀបពាក្យឡើងវិញ ឬបន្ថែមព័ត៌មានបន្ថែម ។ ជួនកាលវាជាការល្អបំផុតដើម្បីសួរសំណួររបស់អ្នក ដោយប្រើពាក្យមួយម៉ាត់ ឬពីរម៉ាត់ ។ ឃ្លា និងប្រយោគពេញលេញមិនអាចបង្ហាញលទ្ធផល ដែលនឹងមានជំនួយបំផុតនោះទេ ។ ការចុចលើ ស្វែងរកជំនួយតាមប្រធានបទ នឹងបង្ហាញប្រធានបទសំខាន់ៗ ដែលនឹងជួយបង្រួមការស្រាវជ្រាវ ។
ផ្ទាំងធំនៅក្បែរផ្នែកខាងលើនៃទំព័រជំនួយ និងការរៀនសូត្រ នាំអ្នកប្រើប្រាស់ទៅកាន់ប្រធានបទមានប្រជាប្រិយភាព ដូចជាសកម្មភាព ចាប់ផ្តើម កំណត់ពាក្យសម្ងាត់ឡើងវិញ និងការមើល សំណួរដែលពេញនិយមទាំងដប់ដែលបានសួរ ( ដោយសារសំណួររបស់អ្នកអាចនឹងមានគេសួររួចទៅហើយ ) ។ នៅខាងក្រោមវគ្គនេះនឹងរកឃើញការធ្វើបច្ចុប្បន្នភាព និងការផ្លាស់ប្តូរថ្មីៗចំពោះកម្មវិធីស្រាវជ្រាវក្រុមគ្រួសារ ។ មានតំណភ្ជាប់មួយដើម្បីមើលព័ត៌មានសំខាន់បន្ថែម អំពីការប្រើប្រាស់គេហទំព័រស្រាវជ្រាវក្រុមគ្រួសារទាំងមូល ។
ពេលទាញទំព័រចុះក្រោមនឹងនាំអ្នកប្រើប្រាស់ទៅកាន់ ធនធានជំនួយដោយខ្លួនឯង ជាកន្លែងដែលអាចធ្វើការរៀនសូត្រ និងការស្រាវជ្រាវបន្ថែមទៀតបាន ។ ការភ្ជាប់ចេញពីវគ្គនេះគឺជា ថ្នាក់រៀន និងវីដេអូ ដ៏មានប្រជាប្រិយភាព ជាកន្លែងដែលអ្នកប្រើប្រាស់អាចជ្រើសរើស និងមើលសិក្ខាសាលា និងវីដេអូនានា ដើម្បីជួយពង្រីកការស្រាវជ្រាវ និងចំណេះដឹងរបស់ពួកគេ ។
គោលដៅសំខាន់នៃទំព័រជំនួយគឺ ដើម្បីជួយអ្នកស្វែងរកធនធានជំនួយសហគមន៍ និងជំនួយមួយទល់នឹងមួយ ។ នៅក្នុងចំណោមមជ្ឈមណ្ឌលស្រាវជ្រាវក្រុមគ្រួសារទូទាំងពិភពលោកជាង ៥០០០ កន្លែង នោះវាទំនងជាមានមជ្ឈមណ្ឌលមួយនៅក្បែរអ្នក ជាកន្លែងដែលអ្នកអាចចូលទៅទទួលបានជំនួយក្នុងបរិយាកាសមួយដ៏រួសរាយ និងជាកន្លែងដែលមានធនធានស្រាវជ្រាវបន្ថែមទៀត ។
ការរៀបចំឡើងវិញនៃជំនួយកម្មវិធីស្រាវជ្រាវក្រុមគ្រួសារនេះ នឹងអនុញ្ញាតឲ្យមានភាពល្អប្រសើរឡើងនាពេលអនាគត ព្រោះមានការរំខានតិចតួច តែកាន់តែមានភាពបត់បែន ដើម្បីបន្ថែមលក្ខណៈពិសេសថ្មីៗទៅលើគេហទំព័រនេះ ។ សូមធានាថា គ្មានអ្វីបាត់បង់ឡើយ សូមដាក់នៅក្នុងកន្លែងត្រឹមត្រូវ នោះនឹងរកឃើញដោយងាយស្រួល ។
សូមបន្តតាមដាន កំណត់ហេតុបណ្តាញស្រាវជ្រាវក្រុមគ្រួសារ ជាកន្លែងដែលយើងនឹងចុះផ្សាយអត្ថបទបន្ថែមទៀត អំពីលក្ខណៈពិសេសនីមួយៗនៃធនធានជំនួយដែលបានជួលជុលកែលម្អ ។ យើងចង់ឲ្យមនុស្សគ្រប់គ្នាមានបទពិសោធន៍ដ៏អស្ចារ្យ ក្នុងការទទួលបានជំនួយដែលពួកគេត្រូវការ ដើម្បីភ្ជាប់ជាមួយគ្រួសាររបស់ពួកគេ ។
