Senitā Ako ki he Source Linker
Ako e founga ke fakapipiki ai e ngaahi lekōtí mo tānaki e ngaahi kuí ki he Fuʻu ʻAkau Fakafāmili ʻi he FamilySearch.
Ko e hā ʻoku foʻou ʻi he Source Linker?
Ako fekauʻaki mo e ngaahi liliu fakamuimuitaha ki he Source Linker.
Vakai ki he ngaahi fakaikiiki mahuʻinga fekauʻaki mo hoʻo kuí kae ʻoua ʻe mavahe mei he Source Linker.
ʻE lava ke liliu ha konga lahi ʻo e ngaahi fakaikiiki mei he Fuʻu ʻAkau Fakafāmilí lolotonga hoʻo ngāue ʻi he Source Linker
Ngaahi tefitoʻi meʻa ʻi he Source Linker
ʻOku hoko ʻa e ngaahi lekooti fakahisitōliá ko ha fakamoʻoni ʻoku tonu ʻa e ngaahi fakaikiiki ʻa e kuí ʻi he Fuʻu ʻAkau Fakafāmilí.
Ako e ngaahi founga tefito ki hono ʻanalaiso ʻo e ngaahi maʻuʻanga fakamatala ʻi he Source Linker
Kumi ʻa e fakamatala ʻokú ke fiemaʻú kae ʻoua ʻe mavahe mei he Source Linker.
ʻOku tokoni ha fakamatala ki he ʻuhingá ke mahino ki he niʻihi kehé ʻa e ʻuhinga naʻá ke liliu ai ʻa e Fuʻu ʻAkaú, pea ʻe siʻisiʻi ange leva ke toe fakafoki pe liliu hoʻo ngāué.
Ako e founga ke fakapipiki ai e maʻuʻanga fakamatalá ki ha niʻihi tokolahi ange.
Toe vakaiʻi e ngaahi meʻa ne ʻosi fakapipikí
ʻI he taimi ʻokú ke toʻo ai ha maʻuʻanga fakamatalá, ʻokú ke motuhi ai ʻa e fehokotaki ʻi he vahaʻa ʻo e maʻuʻanga fakamatalá mo e tokotaha ʻi he Fuʻu ʻAkau Fakafāmilí.
ʻI he taimi ʻoku ʻi ai haʻo ngaahi fehuʻi fekauʻaki mo e fakaikiiki ʻokú ke sio ki ai ʻi he Source Linker, ʻahiʻahi vakai ki he lekōtí pe ko e maʻuʻanga fakamatalá ke maʻu ha fakamatala lahi ange.
Ako e founga ke fekumi ai ʻi he Fuʻu ʻAkau Fakafāmilí kae ʻikai mavahe mei he Source Linker
Fakaʻaongaʻi ʻa e meʻa lomi ʻoku fakahingoa ʻIkai ke Tataú ʻi he taimi ʻoku ʻikai tatau ai ʻa e hingoa ʻi he kōlomu toʻohema ʻo e Source Linker mo ha taha ʻo e ngaahi hingoa ʻi he kōlomu toʻomataʻú.
ʻI he taimi te ke fakaʻilongaʻi ai ha maʻuʻanga fakamatalá, ʻokú ke liliu ia ko ha fakamatala pau ki ha fakamatala fakaikiiki ʻoku lisi ʻi he peesi ʻo e tokotahá ʻi he Fuʻu ʻAkau Fakafāmilí.
Faʻu ha kakai mo ha ngaahi vā fetuʻutaki foʻou
Fakaʻaongaʻi ʻa e Source Linker ke tānaki ha kakai ki he Fuʻu ʻAkau Fakafāmili ʻi he FamilySearch.
Kapau ʻoku ʻikai tonu hono fokotuʻutuʻu e ngaahi hingoa ʻi he kōlomu toʻohema ʻo e Source Linker, te ke lava ʻo toho mo tukuange ʻaki hoʻo mouse ke toe fokotuʻutuʻu foʻou kinautolu.
Ko e tokotaha ʻoku tokanga taha ki aí ko e tokotaha mahuʻinga taha ia ʻi he Source Linker. ʻOku fakaʻaliʻali ʻa e niʻihi fakafoʻituitui kehe kotoa pē ʻi heʻene fekauʻaki mo e tokotaha ko iá.
Ngaahi fehuʻi ʻoku lahi hono ʻeké
Ko e hā e fanga kiʻi tokoni ki he lekōtí ʻi he Fuʻu ʻAkau Fakafāmilí?
Ko e ngaahi tokoni fakalekōtí ko ha lekooti fakahisitōlia ia ʻoku kumi ʻe he FamilySearch fekauʻaki mo hoʻo ngaahi kuí. ʻE lava ke tokoni atu ʻa e fanga kiʻi tokoni ko ʻení ke ke ʻiloʻi ʻa e fānau, mātuʻa, ngaahi tokoua mo e tuofāfine, mo e kāinga kehe ʻoku pulia ʻi hoʻo fuʻu ʻakau fakafāmilí. Ako lahi ange fekauʻaki mo e ngaahi tokoni fakalekōtí.
Ko e hā e faikehekehe ʻi he kōlomu toʻohemá mo e toʻomataʻu ʻi he Source Linker?
ʻOku fakaʻasi atu ʻi he kōlomu toʻohemá ha ngaahi fakaikiiki mei he lekooti fakahisitōliá. ʻOku fakaʻasi atu ʻi he kōlomu toʻomataʻú ʻa e ngaahi fakaikiiki mei he peesi fakataautaha ʻa e kuí ʻi he Fuʻu ʻAkau Fakafāmili ʻa e FamilySearch.
Ko e hā ʻoku fai ʻe he meʻa lomi Ngaahi Fakaikiikí mo e Fakafehoanakí ʻi he Source Linker?
ʻOku fakalahi ʻe he meʻa lomi Fakaikiikí ʻa e kōlomu toʻomataʻu ʻo e Source Linker mo fakahā ʻa e fakaikiiki fekauʻaki mo ha taha ʻi he Fuʻu ʻAkau Fakafāmilí.
ʻOku fakalahi ʻe he meʻa lomi Fakafehoanakí ʻa e ongo kōlomu toʻohema mo toʻomataʻu ʻo e Source Linker koeʻuhí ke ke lava ʻo fakafehoanaki ʻa e tokotaha ʻi he maʻuʻanga fakamatalá (kōlomu toʻohemá) mo e tokotaha ʻi he Fuʻu ʻAkau Fakafāmilí (kōlomu toʻomataʻú).
ʻOku fakalahi ʻe he meʻa lomi Fakafehoanakí ʻa e ongo kōlomu toʻohema mo toʻomataʻu ʻo e Source Linker koeʻuhí ke ke lava ʻo fakafehoanaki ʻa e tokotaha ʻi he maʻuʻanga fakamatalá (kōlomu toʻohemá) mo e tokotaha ʻi he Fuʻu ʻAkau Fakafāmilí (kōlomu toʻomataʻú).
Ko e hā ʻoku ʻi heʻeku puha maʻuʻanga fakamatalá?
Ko hoʻo puha maʻuʻanga fakamatalá ko ha lisi ia ʻo e ngaahi maʻuʻanga tokoni kuó ke fakahaofí. Ko ha meʻangāue ia ki hono muimuiʻi ʻo e fakamatala ki he naunau ʻoku fekauʻaki mo kinautolú.
ʻI hono fili e Tānaki ki he Puha Maʻuʻanga Fakamatalá ʻi he Source Linker, ʻoku seivi ai e fakamatala fekauʻaki mo e maʻuʻanga fakamatala ki hoʻo ʻakauni FamilySearch. Hili iá, te ke lava ʻo toe vakaiʻi ʻa e maʻuʻanga fakamatalá ʻi ha faʻahinga taimi pē ʻokú ke fiemaʻu:
ʻI hono fili e Tānaki ki he Puha Maʻuʻanga Fakamatalá ʻi he Source Linker, ʻoku seivi ai e fakamatala fekauʻaki mo e maʻuʻanga fakamatala ki hoʻo ʻakauni FamilySearch. Hili iá, te ke lava ʻo toe vakaiʻi ʻa e maʻuʻanga fakamatalá ʻi ha faʻahinga taimi pē ʻokú ke fiemaʻu:
- Hū ki he FamilySearch.
- ʻI he tuliki toʻomataʻu ki ʻolungá, lomiʻi ho hingoá.
- Lomiʻi ʻi he Puha Maʻuʻanga Fakamatalá.
Te u fakahū fēfē nai ha ngaahi fakamatala tokoni ki he FamilySearch fekauʻaki mo e Source Linker?
ʻOku mau fie ʻilo pe ko e hā hoʻo fakakaukau ki he Source Linker. Ko e founga ʻeni ke ʻomi ai ha fakamatala tokoni:
- ʻI he konga ki lalo ʻo e peesi Source Linker, lomiʻi ʻi he Feedback.
- Fili ʻa e emoji ʻokú ne fakamatalaʻi lelei taha hoʻo talí.
- ʻI he puha fakamatala ʻoku ʻasi atú, fakahū ki ai hoʻo ngaahi fakakaukaú mo e ngaahi fokotuʻú.
ʻOku ou puputuʻu. Te u maʻu fēfē ha tokoni ki he Source Linker?
Ko e Senitā Ako ki he Source Linker ko ha fili fika ʻuluaki lelei ia. Te ke lava foki ʻo vakai ki he FamilySearch Help and Learning pe fetuʻutaki ki he FamilySearch Support.
Ko e hā ʻoku mahuʻinga ai ke fakapipiki ha maʻuʻanga fakamatalá?
ʻOku tokoni e ngaahi maʻuʻanga fakamatalá ke tali e ngaahi fehuʻí mo ʻai ke tonu ange e fakamatala fekauʻaki mo e ngaahi kuí. ʻOku nau toe ʻai foki ke hoko ʻa e fekumi ʻi he Fuʻu ʻAkaú ko ha aʻusia lelei mo fakalaumālie ange. Ko ha niʻihi siʻi pē ʻeni ʻo e ngaahi lelei hono fakapipiki e ngaahi maʻuʻanga fakamatalá ki he Fuʻu ʻAkau Fakafāmili ʻi he FamilySearch.
Ko e hā te u fai ki ha meʻa ʻoku teʻeki ʻosi hono fakapipikí?
Ko e meʻa ko ia ʻoku teʻeki kakato hono fakapipikí ko ha maʻuʻanga fakamatala ia ʻoku teʻeki ke fakapipiki ki he kakai kotoa pē ʻoku lave ki ai ʻi he maʻuʻanga fakamatalá. Kapau te ke fetaulaki mo ha meʻa teʻeki ʻosi hono fakapipikí, feinga ke toe vakaiʻi ia pea fakapipiki ia ki he kāinga kehe ʻoku lave ki aí.