ʻOku faʻa kau ʻi he ngaahi lekooti fakahisitōliá ʻa e ngaahi hingoa ʻo e kau mēmipa kehe ʻo e fāmilí. Te ke lava ʻo fakaʻaongaʻi ʻa e Source Linker ke fakapipiki ʻa e maʻuʻanga fakamatalá ki ha mēmipa pē ʻo e fāmilí kuo ʻosi fakakau ʻi he Fuʻu ʻAkau Fakafāmilí. Kapau ʻoku teʻeki ʻasi ʻa e tokotahá ʻi he Fuʻu ʻAkau Fakafāmilí, te ke lava ʻo tānaki ʻa e tokotahá, pea fakapipiki leva ʻa e maʻuʻanga fakamatalá hili iá.
Ko e founga ʻeni hono fakahokó:
- Toe vakaiʻi ʻa e kōlomu toʻohema ʻo e Source Linker, pea kumi e ngaahi hingoa ʻo e kau mēmipa kehe ʻo e fāmilí.
- ʻI hoʻo maʻu ko ia ha hingoa ʻo ha mēmipa ʻe taha ʻo e fāmilí, vakai pe ʻoku ʻi ai ha hingoa felāveʻi mo ia ʻi he kōlomu toʻomataʻú. (Kiʻi tokoni: kapau ʻoku ʻasi e ngaahi hingoa felāveʻí ʻi ha ngaahi laine kehekehe, te ke lava ʻo tohoʻi pea tukuange ia ʻaki hoʻo mouse ke nau tuʻu fakataha.)
- Lomiʻi ʻa e meʻa lomi Fakafehoanakivāletí.
- Toe vakaiʻi ʻa e fakamatalá, pea fakapapauʻi pe ʻoku fakamatalaʻi ʻe he ongo tafaʻaki ʻe 2 ʻo e Source Linker ʻa e tokotaha tatau.
- Kapau ko e talí ko e ʻio, fai ha fakamatala ki he ʻuhingá ʻo fakamatalaʻi e founga naʻá ke maʻu ai hoʻo aofangatukú, pea lomiʻi ʻi he Fakapipiki.
Fakatokangaʻi ange: Kapau ʻoku ʻi ai ha meʻa ʻi he maʻuʻanga fakamatalá ʻoku foʻou pe puli mei he Fuʻu ʻAkau Fakafāmilí, kuo pau ke ke ʻuluaki lomiʻi ʻi he Tānakí ke tānaki atu ʻa e fakaikiikí ki he kōlomu toʻomataʻú pea lomiʻi leva ʻi he Fakapipiki.