ʻOku maluʻi ʻe he Fuʻu ʻAkau Fakafāmilí ʻa e totonu fakatāutahá ʻaki hono fakangatangata pe ko hai ʻoku lava ʻo sio ki he ngaahi lekooti ʻo e kakai moʻui mo ʻikai fakahāhāholó. Ko e tokotaha pē naʻá ne fakahū ʻa e fakamatala fekauʻaki mo ha tokotaha moʻui pe ʻikai fakahāhāholo ki he ʻAkau Fakafāmilí te ne lava ʻo sio pe liliu iá.
Kātaki ʻo fakatokangaʻi ʻa e ngaahi fakaʻatā makehe ʻe 2 ko ʻení:
- ʻE lava ke mamataʻi ʻe ha taha pē ʻa e ngaahi manatu melie ʻoku fakapipiki ki he kakai moʻui mo ʻikai fakahāhāholó. ʻOku mau fokotuʻu atu ke ke fokotuʻu ʻa e ngaahi manatu melie fekauʻaki mo e kakai moʻui pe ʻikai fakahāhāholó ki he fakafoʻituituí.
- Kapau ʻoku fakafehokotaki ha taha ʻoku kei moʻui pe ʻikai fakahāhāholo ki ha mēmipa ʻo e fāmilí kuo pekia, ʻe lava ke sio, liliu, pe tamateʻi ʻe he niʻihi kehé ʻa e fakamatala fekauʻaki mo e vā fetuʻutakí.
Kakai moʻuí
ʻI he ʻAkau Fakafāmilí, ʻoku fakaʻilongaʻi ʻoku kei moʻui pe pekia ʻa e tokotaha kotoa pē. Te ke lava ʻo vakai ki he fakamatala ko ʻení ʻi he konga ʻo e Ngaahi Meʻa Mahuʻingá ʻi he ngaahi fakaikiiki ʻa e tokotahá.
Kakai ʻikai fakahāhāholó
ʻI he Fuʻu ʻAkau Fakafāmilí, ʻoku faʻa ʻai ʻe he kau pulé ʻa e lekooti ʻo ha tokotaha pekia ke ʻoua naʻa fakahāhāholo. ʻE toki ʻasi leva ʻa e lekōtí ki he tokotaha pē naʻá ne tānaki atu iá. Te ke lava ʻo ʻiloʻi ʻi he ʻAkau Fakafāmilí ha tokotaha ʻoku ʻikai fakahāhāholo koeʻuhí he ʻoku ʻasi mai ʻa e fuka engeengá, pea ʻoku fakahaaʻi ʻe he konga ʻo e Ngaahi Meʻa Mahuʻingá kuo pekia ʻa e tokotahá.
ʻOku fakaʻilongaʻi ʻe he kau pulé ʻoku ʻikai fakahāhāholo ʻa e ngaahi lekōtí kapau ʻe uesia ʻa e tokotaha naʻá ne ʻomaí ʻi ha vakai ʻa e kakaí ki he fakamatalá. ʻOku ʻikai ke mau tali ʻa e ngaahi kole ʻa e tokotaha ʻokú ne fakaʻaongaʻi ʻa e polokalamá ke fakaʻilongaʻi ʻoku ʻikai fakahāhāholo ʻa e ngaahi lekōtí.
Ngaahi fakamatala fekauʻakí
Ko hai ʻe lava ʻo mamata ki hoku kāinga kei moʻui ʻi he Fuʻu ʻAkau Fakafāmilí?
ʻOku fakapapauʻi fēfē ʻe he Fuʻu ʻAkau Fakafāmilí pe ʻoku kei moʻui pe pekia ha taha?
ʻOku maluʻi fēfē nai ʻe he Fuʻu ʻAkau Fakafāmilí ʻa e ngaahi meʻa ʻoku ʻikai fie maʻu ke fakahāhāholo ʻo e kakai moʻuí?
ʻOku ʻi ai nai ha taimi kuo ʻatā ai ki he kakaí ʻa e niʻihi ʻoku ʻikai fakahāhāholo ʻi he feituʻu fakataautaha ʻo ʻeku Fuʻu ʻAkau Fakafāmilí?
Te u vakai fēfē ki ha lisi ʻo e kakai fakafoʻituitui mo ʻikai fakahāhāholo kuó u tānaki ki he Fuʻu ʻAkau Fakafāmilí?
ʻE founga fēfē haʻaku tuku ha manatu melie ke fakapulipuli?