ʻOku maluʻi ʻe he Fuʻu ʻAkau Fakafāmilí ʻa e totonu fakafoʻituitui ʻa e kakai moʻuí ʻaki hano fakangatangata ʻa e niʻihi ʻe lava ʻo vakai ki heʻenau ʻū lekōtí. Te ke toki lava pē ʻo sio ki he lekooti ʻo ha tokotaha kei moʻui kapau naʻá ke faʻu ʻa e lekōtí. ʻOku fakapuliki ʻe he polokalamá ʻa e ngaahi lekooti ʻokú ke faʻu ʻo e kakai kei moʻuí mei he tokotaha kotoa pē, ʻo kau ai ʻa e kakai tonu ko iá mo e kau mēmipa kehe ʻo e fāmilí.
Neongo ʻoku ʻikai fakahāhāholo ʻa e ngaahi lekooti maʻá e kakai moʻuí ʻi he Fuʻu ʻAkau Fakafāmilí, ka ʻe lava ke mamataʻi ia ʻe he niʻihi kehé.
Ko hono ʻiloʻi e ngaahi lekooti ʻo e kakai kei moʻui ʻi he Fuʻu ʻAkau Fakafāmilí
ʻOku maʻu ʻe he kakai moʻuí ha fakaʻilonga Tokotaha Moʻui ʻi ʻolunga ʻi heʻenau peesi Tokotahá, ʻi lalo ʻi he hingoa ʻo e tokotaha takitaha. ʻI he ngaahi feituʻu ʻe ʻasi ai ha ʻaho mate ʻo ha taha kuo maté, ʻe ʻasi leva ʻa e foʻi lea “Moʻui” ʻi ai.
Kapau ʻoku ʻi ai ha taha ʻoku ʻikai fakaʻilongaʻi ʻokú ne moʻui, ʻe fakaʻaongaʻi leva ʻe he polokalamá ʻa e ngaahi lao ke fakapapauʻi pe ʻoku kei moʻui koā ha taha.
Ngaahi lekooti memipasipí ʻi he Siasí
ʻOku faʻa mamata ha kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ki hanau kāinga kei moʻui ʻi he taimi ʻe niʻihi. Ne maʻu e fakamatalá mei hoʻo lekooti memipasipi ʻi he Siasí.
Ko hono kumi ʻo e kakai moʻuí ʻi he Fuʻu ʻAkau Fakafāmilí
ʻOku ʻikai ʻohake ʻe he konga ki he Fekumí ha tokotaha kei moʻui ʻi ha fekumi ʻaki e hingoá pe ko e fika ID. Ko e fakaʻatā makehé pē ʻa e taimi ʻte ke fakaʻaongaʻi ai ha fika ID ke kumi ʻaki ha lekooti ʻo ha tokotaha kei moʻui ʻa ia naʻá ke faʻú. Kapau ʻoku ʻikai ke ke ʻiloʻi ʻa e fika ID ʻo ha tokotaha kei moʻui naʻá ke tānaki ki he Fuʻu ʻAkau Fakafāmilí, ko ha ngaahi founga ʻeni ke kumi ʻaki iá:
- Kapau ʻokú ke ʻiloʻi ʻa e feituʻu ke kumi ai ʻa e tokotahá ʻi he fuʻu ʻakaú, ʻalu ki he tokotahá [ʻi he fuʻu ʻakaú].
- Fekumi ki ha kāinga ofi kuo pekia ʻi he fuʻu ʻakaú. ʻAlu leva ki he tokotaha ʻokú ke loto ke kumí.
Ngaahi fakamatala fekauʻakí
ʻOku maluʻi fēfē nai ʻe he Fuʻu ʻAkau Fakafāmilí ʻa e totonu fakafoʻituitui ʻa e kakai moʻuí?
Ko hai ʻoku lava ke vakai ki he ngaahi meʻa naʻe upload ki he ngaahi manatu melié?
ʻOku fakapapauʻi fēfē nai ʻe he Fuʻu ʻAkau Fakafāmilí pe ʻoku kei moʻui pe pekia ha taha?