Faʻu ha ʻakauni • FamilySearch

ʻOku ʻomi ʻe ha ʻakauni FamilySearch taʻetotongi ha faingamālie lahi ange ke maʻu e ngaahi maʻuʻanga tokoni ʻi he uepisaiti FamilySearch.

Kimuʻa peá ke kamatá

ʻE lava ʻe ha taha pē ʻoku laka hake he taʻu 13 ʻo faʻu ha ʻakauni.
ʻI he fakangofua ʻe he mātuʻá, ʻe lava ʻe he fānau taʻu 8–12 ʻo faʻu ha ʻakauni.
ʻOku mau fokotuʻu atu ke fakaʻaongaʻi ʻe he tokotaha kotoa pē ha tuʻasila ʻīmeili pe fika telefoni toʻotoʻo kehekehe. ʻI hono fai iá, ʻoku faingofua ange ai ke toe maʻu ha hingoa ngāue pe fakafoʻou ha lea fufū.
ʻI hoʻo faʻu ha ʻakauní, ʻe lava pē ke ʻosi fakaʻaongaʻi ʻa e hingoa ngāue te ke filí. Kapau ko ia, ʻe ʻomi ʻe he polokalamá ha ngaahi hingoa kehekehe te ke lava ʻo fili mei ai. Pe ko haʻo fakahū ha hingoa ngāue kehe.
ʻOku mau fokotuʻu atu ke ke ngāue ʻaki ha meʻa kehe mei ho tuʻasila ʻīmeilí ki hoʻo hingoa ngāué.
Kapau ʻokú ke ngāue ʻaki ho tuʻasila ʻīmeilí ko hoʻo hingoa ngāué ia, kātaki ʻo ʻomi mo ha fika telefoni toʻotoʻo ke faingofua hono toe maʻu mai ho ʻakauní.

ʻAlu ki he FamilySearch.org, pea lomiʻi ʻi he Faʻu ha ʻAkauní.
Fakahū ʻa e fakamatala ʻoku fie maʻú, pea lomiʻi ʻa e Hoko Atú.
Fakahū ha hingoa ngāue mo ha lea fufū.
Lomiʻi ʻi he tao hanga ki laló, pea fili ha founga ke toe maʻu ʻaki. Kapau ʻoku ʻikai kau ho fonuá ʻi he lisi ʻo e feituʻú, kuo pau ke ke fakaʻaongaʻi ha tuʻasila ʻīmeili ke toe maʻu ʻaki.
Ke fakahaaʻi ʻoku ke tali loto-lelei e ngaahi tuʻutuʻuní, fakaʻilongaʻi ʻa e puhá. Lomiʻi ʻi he Faʻu e ʻAkauní.
Fakamoʻui hoʻo ʻakauní. Kumi ha tohi ʻi hoʻo ʻakauni ʻīmeilí pe ko ha pōpoaki text ʻi hoʻo telefoni toʻotoʻó.

Fakaava ʻa e polokalama FamilySearch Family Tree pe Memories ʻi hoʻo telefoni toʻotoʻó.
Lomiʻi ʻi he Faʻu ha ʻAkauni Taʻetotongi.
Fakaʻaongaʻi e ngaahi fakahinohino ki he uepisaití ke faʻu hoʻo ʻakauní.

Toe vakaiʻi hoʻo fakamatala fetuʻutakí mo e founga ʻokú ke saiʻia ke maʻu ai e ngaahi fanongonongó ʻi hoʻo FamilySearch settings.

Kapau ʻokú ke fepaki mo ha palopalema, fetuʻutaki ki he FamilySearch Support.

Ko e ngaahi pōpoaki ko ʻení ʻoku ʻuhinga ia kuo ʻosi ʻi ai haʻo ʻakauni:

“ʻOku mau tui kuo ʻosi ʻi ai ha ʻakauni peheni.”
“Kuo ʻosi fakaʻaongaʻi e fika telefoni toʻotoʻo naʻá ke fakahuú ʻi ha ʻakauni ʻe taha.”
“Kuo ʻosi fakaʻaongaʻi ʻa e fika lekooti ko ʻeni ʻi he Siasí naʻá ke fakahuú ʻi ha ʻakauni ʻe taha.”

Mahalo ʻoku ʻi ai haʻo ʻakauni ʻi he Siasí ki he uepisaiti ʻa e Siasí pe ngaahi polokalama telefoni toʻotoʻo ʻa e Siasí hangē ko e Ngaahi Meʻangāué (Tools). ʻOku ʻikai ke ke fiemaʻu ha ʻakauni makehe ki he FamilySearch.org. ʻI he peesi hū ki lotó, lomiʻi ʻi he Hū ʻaki hoʻo ʻAkauni he Siasí
Ke fakaʻaongaʻi e polokalama telefoni toʻotoʻo ʻo e Fuʻu ʻAkau Fakafāmilí pe Ngaahi Manatú, kuo pau ke ke faʻu ha ʻakauni FamilySearch.
Kapau te ke fili ke faʻu ha ʻakauni FamilySearch, fakaʻaongaʻi e ngaahi sitepu ki he uepisaití.
- ʻI he monitoa ʻuluakí, lomiʻi ʻi he puhá ke fakahaaʻi ko e mēmipa koe ʻo e Siasí.
- Fakahū hoʻo fika lekooti ʻi he Siasí. Kapau he ʻikai te ke lava ʻo maʻu ia, lomiʻi ʻi he puhá, pea lomiʻi leva ʻi he Hoko Atú.
Ke fakahū hoʻo fika lekooti ʻi he Siasí ki ha ʻakauni lolotonga, ʻalu ki hoʻo Account Settings. ʻI he tafaʻaki ki lalo ʻo e peesí, lomiʻi ʻi he Fakahū e Fika Lekooti ʻi he Siasí.