ʻOku faʻa maʻu ʻa hono fakapapauʻí ʻi he hili pē ha ngaahi miniti siʻi. Taimi e niʻihi, ʻoku faʻa houa ʻe 2–3. Kapau he ʻikai ke maʻu vave ia, ko ha ngaahi meʻa tefito ʻeni te ke lava ʻo vakaiʻi:
- ʻOku haʻu e ʻīmeilí mei he www.familysearch.org/register/ pea ʻoku ʻi ai e laine ki he kaveingá ko e Fakakakato Hoʻo Lesisita ki hoʻo ʻAkauni FamilySearch.
- Vakaiʻi hoʻo foulutā junk pe spam. Kātaki ʻo fekumi ki he ongo foʻi lea ʻAkauni FamilySearch, Fakakakato hoʻo lesisitá, pe fakatouʻosi. Kapau ʻokú ke maʻu ʻa e ʻīmeilí ʻi hoʻo foulutā junk pe spam, hiki ia ki hoʻo foulutā angamahení pe inbox. Te ke lava he taimí ni ʻo fakaava ia pea lomiʻi ʻi he fehokotakiʻanga ki hono fakamoʻuí. ʻOku ʻikai ngāue ʻa e ngaahi fehokotakiʻanga ki hono fakamoʻuí ʻi ha foulutā junk pe spam.
- Vakaiʻi ha toe ʻakauni ʻīmeili kehe pē ʻokú ke maʻu.
- Kapau naʻe fehalaaki hano fakahū ho tuʻasila ʻīmeilí, toe lesisita pē ʻaki e tuʻasila ʻīmeili totonú.
- Kapau naʻá ke faʻu hoʻo ʻakauní ʻi he houa ʻe 48 kuohilí, ʻoku taʻeʻaonga e fehokotakiʻanga ʻi he ʻīmeilí. Toe lesisita pē.
- Kapau ʻoku kei ava pē ʻa e monitoa ki he lesisitá, lomiʻi ʻi he meʻalomí ke toe ʻave ʻa e ʻīmeili ke fakamoʻui ho ʻakauní. Manatuʻi ke fakaʻaongaʻi e ʻīmeili fakapapauʻi fakamuimuitahá he koeʻuhí kuo taʻeʻaonga e ngaahi fehokotakiʻanga ʻi he ngaahi ʻīmeili kehé.
Kapau ʻokú ke lava ʻo hū ki hoʻo ʻakauni FamilySearch, kātaki ʻo hū leva. Fili leva ho hingoá ʻi he tuliki toʻomataʻu ki ʻolungá, pea fili ʻa e Settings ke fakapapauʻi ʻoku fakamoʻui hoʻo fili ke toe maʻu mai ʻaki ho ʻakauní.
Te ke lava ʻo fakaʻaongaʻi ho tuʻasila ʻīmeilí, fika telefoni toʻotoʻó, pe fakatouʻosi ko ha founga ke toe maʻu mai ʻaki ho ʻakauní.
- Fili ki he tuʻasila ʻīmeilí:
ʻI lalo ʻi hoʻo tuʻasila ʻīmeilí, kapau ʻoku teʻeki fakamoʻui, te ke sio ai ki he: Fakapapauʻi e tuʻasila ko ʻení. Lomiʻi ʻi he ngaahi foʻi lea fakafehokotakí (hyperlinked) pea lau ʻa e pōpoaki ko ʻení:
“Kātaki ʻo Vakaiʻi Hoʻo ʻĪmeilí
“Kuo ʻave ha ʻīmeili ki he [tuʻasila ʻīmeili ko ʻení] ke fakapapauʻi. ʻI hono fakapapauʻí pē, te ke lava ʻo fakaʻaongaʻi e tuʻasila ʻīmeilí ke toe maʻu mai ʻaki hoʻo fakamatala hū ki loto ki he polokalamá. ʻE taʻeʻaonga e fehokotakiʻanga ki hono fakamoʻuí ʻi he houa ʻe 48.”
ʻOkú ke maʻu ʻa e ngaahi fili ko ʻení: Toe ʻave ʻa e ʻīmeilí pe Tāpuni.
- Fili ki he fika telefoni toʻotoʻó:
Kapau ʻoku ʻikai fakamoʻui ha fika telefoni, te ke sio ki he: Fakapapauʻi e fika telefoni ko ʻení. Kapau te ke lomiʻi ʻi he ngaahi foʻi lea fakafehokotakí (hyperlinked), ʻe ʻasi atu e pōpoaki ko ʻení:
“Vakaiʻi e Ngaahi Pōpoaki ʻi he Telefoní
“Naʻe ʻave ha fika fakapapauʻi ki he +1 [fika telefoní heni] ke lava ʻa e FamilySearch ʻo fakaʻaongaʻi e fika ko ʻení ki hono toe maʻu mai ʻo e ʻakauní.
“Fakahū e Fika Fakapapauʻí”
[ʻOku ʻi heni ʻa e puha ke fakahū ai ʻa e fiká].
ʻOkú ke maʻu ʻa e ngaahi fili ko ʻení: KANISELI, TOE ʻAVE ʻA E KOUTÍ, mo e FAKAPAPAUʻI ʻi he konga ki lalo ʻo e monitoá.
Kapau ʻe kei hoko atu pē hoʻo foua ha palopalema ʻi hono fokotuʻutuʻu mo fakamoʻui hoʻo ʻakauni FamilySearch, ʻokú ke tauʻatāina ke fetuʻutaki ki he FamilySearch.
Ngaahi fakamatala fekauʻakí
Te u faʻu fēfē haʻaku ʻakauni FamilySearch taʻetotongi?
Te u lava nai ʻo faʻu ha ngaahi ʻakauni ʻaki ha tuʻasila ʻīmeili ʻoku ou vahevahe mo ha tokotaha kehe?
Te u faʻu fēfē ha ʻakauni taʻetotongi maʻa ha fānau?