ʻE lava ha taha pē ʻoku taʻu 13 pe lahi ange ʻo lesisita ki ha ʻakauni FamilySearch taʻe maʻu ha fakangofua ʻa e mātuʻá.
ʻE lava ʻo lesisita ʻa e fānau taʻu 8–12 ki ha ʻakauni FamilySearch ʻi hano fakangofua ʻe he mātuʻá. ʻE lava ke faʻu ʻa e ʻakauni ko ʻení ʻi he churchofjesuschrist.org pe FamilySearch.org.
ʻE lava ke hū ʻa e fānau kuo ʻosi ʻi ai ʻenau ʻakauni he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ki he FamilySearch.org ʻo fakaʻaongaʻi ʻa e hingoa ngāue mo e lea fufū ʻo e ʻakauni ko iá ʻaki hano fili ʻa e Sign-in With Church Account ʻi he uepisaití.
Foaki ha ngofua ʻi he churchofjesuschrist.org
ʻE lava ke faʻu ʻe he mātuʻa mo e kau tauhi fakalao ʻoku mēmipa ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ha ngaahi ʻakauni mo foaki ha ngofua ʻi he churchofjesuschrist.org. ʻE lava foki ʻe he mātuʻá ʻo liliu e lea fufū ʻenau fānaú pea tamateʻi e ʻakauni ʻenau fānaú.
Ke maʻu ha ngaahi fakahinohino, hū ki hoʻo ʻakauní ʻi he churchofjesuschrist.org, fakaava hoʻo account settings, pea lomiʻi ʻi he Help.
Foaki ha ngofua ʻi he FamilySearch.org
ʻE lava foki ke faʻu ʻe he mātuʻá mo e fānaú ha ngaahi ʻakauni ʻi he FamilySearch.org. ʻOku ʻikai fiemaʻu ʻa e mēmipasipi ʻi he Siasí.
Lolotonga ʻení, ʻe lava ha mātuʻa pe tauhi fānau fakalao ʻo fili ha founga ʻe 1 mei he 3 ke fakamafaiʻi ha fānau ke lesisita ki he FamilySearch.
- Fika Lekooti ʻo e Siasí (fiemaʻu, maʻá e Kāingalotu ʻo e Siasí)
- Tuʻasila ʻīmeilí
- Fika pōpoaki telefoní
ʻI he founga faʻu ʻo e ʻakauní, ʻe ʻave ʻa e fika fakangofua ʻa e mātuʻá ki ha ʻīmeili pe fika pōpoaki telefoni ha mātuʻa pe tauhi fānau (kapau ʻoku ʻikai faʻu ʻa e ʻakauní ʻaki ʻa e fika lekooti ʻi he Siasí). Te ke fakamahinoʻi foki ha founga ke toe maʻu ha ʻakauní naʻa ngalo ʻi hoʻo fānaú ʻene fakamatala hū ki lotó. Ki he ngaahi ʻakauni ʻoku faʻu ʻaki ʻa e fika lekooti ʻi he Siasí, ʻe fakaʻaongaʻi ʻa e fika tatau ki hono toe maʻu ʻo e ʻakauní.
ʻOku fakamatalaʻi ʻe he toenga ʻo e fakamatalá ni ʻa e founga hono faʻu ʻo e ʻakauní mei he FamilySearch.
Ngaahi Sitepú (FamilySearch.org)
Ke faʻu ha ʻakauni ki ha fānau ʻi he vahaʻa taʻu 8 ki he 12, muimui ʻi he ngaahi sitepu ko ʻení.
- ʻAlu ki ha polokalama ʻa e FamilySearch, pea fakaʻaongaʻi ha 1 ʻo e ngaahi meʻa ko ʻení:
- ʻAlu ki he saiti FamilySearch.org ʻi ha browser, pea lomiʻi ʻi he Faʻu ha ʻAkauni.
- Fakaava ʻa e ʻAkau Fakafāmilí pe ko e polokalama Manatu Melie ʻi he telefoni toʻotoʻó, pea lomiʻi ʻi he Faʻu ha ʻAkauni Taʻetotongi.
- Fakahū ʻa e fakamatala ki he fānaú ʻi he foomu Faʻu ha ʻAkauní, pea lomiʻi ʻi he Hoko Atú.
- ʻE ʻasi mai ʻa e puha ʻoku fakahaaʻi mai ai ʻa e Fiemaʻu e Fakangofua ʻa e Mātuʻá pe Tauhi Fānaú. Te ke lava ʻo fili ke fai ʻa e fakangofuá ʻaki ʻa e:
- Fika Lekooti ʻi he Siasí (vakai ki he sitepu 4)
- Pōpoaki telefoni (vakai ki he sitepu 5)
- ʻĪmeili (vakai ki he sitepu 6)
- Ke maʻu ʻa e fakangofua ʻa e mātuʻá ʻaki hono fakahū ha fika lekooti ʻi he Siasí, muimui ʻi he ngaahi sitepu ko ʻení.
- Fili ʻa e Fakaʻaongaʻi ʻa e Fika Lekooti ʻi he Siasí ʻa e Mātuʻá (fiemaʻu ʻeni).
- Fakahū ʻa e fika lekooti he Siasí hoʻo (mātuʻa pe tauhi fānau fakalao). Pea lomiʻi ʻi he Hoko Atú.
- Hokó, fakahū e fika lekooti he Siasi hoʻo fānaú, pea lomiʻi ʻi he Hoko Atú.
- Fakafonu ʻa e toenga ʻo e fōmú, pea lomiʻi ʻi he Faʻu ha ʻAkauni.
- Hū ki he ʻakauni FamilySearch ke fakakakato ʻa e lesisitá. Kapau ʻe ngalo ʻi hoʻo fānaú ʻa ʻene fakamatala hū ki lotó, ʻe fiemaʻu ʻa e fika lekooti ʻi he Siasí kae lava ke toe maʻu mai.
- Ke fakahoko ha fakangofua ʻa e mātuʻá ʻo fakafou ʻi he pōpoaki telefoní, muimui ʻi he ngaahi sitepu ko ʻení.
- Fakaʻaongaʻi ha pōpoaki text mei he drop-down menu, fili ʻa e Kole ki he mātuʻá, pea fakahū ʻa e fika text. Lomiʻi ʻi he Hoko Atú.
- Fakafonu ʻa e toenga ʻo e fōmú, pea lomiʻi ʻi he Faʻu ha ʻAkauni. ʻOku ʻoatu ha fika fakangofua ʻa e mātuʻá ki he telefoni ʻa e mātuʻá.
- ʻOku ʻeke atu leva e fika fakangofua ʻa e mātuʻá ʻa ia naʻe ʻoatu ki he telefoni ʻa e mātuʻá pe tauhi fānaú. Fakahū ʻa e fiká, pea lomiʻi ʻi he Fakahū.
- Hokó, fakahū ha fika pōpoaki telefoni pe tuʻasila ʻīmeili ke toe maʻu ha ʻakauni, naʻa ngalo ʻi hoʻo fānaú ʻene fakamatala ke hū ki lotó.
- Kapau naʻá ke fili ʻa e pōpoaki telefoní, fakahū ʻa e fika naʻe ʻoatu ki he telefoní pea lomiʻi ʻi he Fakahū.
- Kapau naʻá ke fili ʻa e ʻīmeilí, fakaava ʻa e ʻīmeilí, pea lomiʻi ʻi he Fakakakato ʻa e Lesisitá.
- Hū ki he ʻakauni FamilySearch ke fakakakato ʻa e lesisitá.
- Ke ʻoatu ha fakangofua ʻa e mātuʻá ʻi he ʻīmeilí, muimui ʻi he ngaahi sitepu ko ʻení.
- Fakaʻaongaʻi ha ʻīmeili mei he drop-down menu, fili ʻa e Kole ki he mātuʻá, pea fakahū ʻa e tuʻasila ʻīmeilí. Lomiʻi he Hoko Atu.
- Hoko atu ʻa hono faʻu ʻo e ʻakauní. Fakafonu ʻa e toenga ʻo e fōmú, pea lomiʻi ʻi he Faʻu ha ʻAkauni. ʻOku ʻoatu ha pōpoaki mo ha fehokotakiʻanga fakangofua ʻa e mātuʻá ki he ʻīmeili ʻa e mātuʻá.
- ʻOku ʻeke atu leva ʻa e fika fakangofua ʻa e mātuʻá ʻa ia naʻe ʻoatu ki he ʻīmeili ʻa e mātuʻá pe tauhi fānaú. Fakahū ʻa e fiká, pea lomiʻi ʻi he Fakahū.
- Fakahū ha fika pōpoaki telefoni pe tuʻasila ʻīmeili ke toe maʻu ha ʻakauni, naʻa ngalo ʻi ho fānaú ʻene fakamatala ke hū ʻakí.
- Kapau naʻá ke fili ʻa e pōpoaki telefoní, fakahū ʻa e fika naʻe ʻoatu ki he telefoní pea lomiʻi ʻi he Fakahū.
- Kapau naʻá ke fili ʻa e ʻīmeilí, fakaava ʻa e ʻīmeilí, pea lomiʻi ʻi he Fakakakato ʻa e Lesisitá.
- Hū ki he ʻakauni FamilySearch ke fakakakato ʻa e lesisitá.
ʻIkai maʻu ʻa e ʻīmeili fakapapauʻí pe pōpoaki telefoní
Kapau ʻoku ʻikai maʻu he taimi pē ko iá ʻa e ʻīmeili fakangofuá pe ʻīmeili fakapapauʻí pe pōpoaki telefoní, ʻe seivi leva ʻa e tuʻunga lolotonga ho ʻakauní ʻi ha houa ʻe 48. Lolotonga e taimi ko iá, te ke lava ʻo fai ha taha ʻo e ngaahi meʻá ni ke maʻu ha fakangofua:
- Hū ki hoʻo ʻakauní ʻi he churchofjesuschrist.org, pea fakangofua mei hoʻo account settings (maʻá e Kau Māʻoniʻoni ʻi he Ngaahi ʻAho Kimui Ní).
- Vakaiʻi hoʻo pōpoaki telefoní pe ʻīmeilí ʻi ha ʻaho kakato ʻe taha. Kapau he ʻikai aʻu atu ha meʻa, foki ki he FamilySearch.org, pea lomiʻi ʻi he Hū ki he Polokalamá. Fakahū hoʻo hingoa ngāué mo e lea fufuú, pea ʻe tokoni atu ʻa e FamilySearch ke fakakakato hono faʻu hoʻo ʻakauní.
Kuo ʻosi ʻi ai ha ʻakauni ʻa e fānaú
Kapau te ke maʻu ha taha ʻo e ngaahi pōpoaki fehalaaki ʻi laló, mahalo kuo ʻosi ʻi ai ha ʻakauni ia ʻa e fānaú:
- “ʻOku mau tui kuo ʻosi ʻi ai ha ʻakauni peheni.”
- “Kuo ʻosi fakaʻaongaʻi e fika telefoni toʻotoʻo ia naʻá ke fakahuú ʻi ha ʻakauni ʻe taha.”
- “Kuo ʻosi fakaʻaongaʻi e fika lekooti ko ʻeni he siasí naʻá ke fakahuú ʻi ha ʻakauni ʻe taha.”
ʻI heʻene peheé, lomiʻi ʻi he Hū ki he Polokalamá. Pea kapau leva kuo ngalo ʻi he fānaú ʻene hingoa ngāué pe lea fufuú, fakahoko ha taha ʻo e ongo meʻá ni pe fakatouʻosi:
- Ke kumi e hingoa ngāué, lomiʻi ʻi he Ngalo ʻa e Hingoa Ngāué.
- Ke fakafoʻou e lea fufuú, lomiʻi ʻi he Ngalo ʻa e Lea Fufuú.
- Kapau ʻoku ʻi ai haʻo ngaahi palopalema, ʻe tokoni he taimi ʻe niʻihi ke ke fetongi ki ha browser ʻinitaneti ʻe taha, hangē ko e Chrome, Edge, Firefox, pe Safari.
Ngaahi fakamatala fekauʻakí
Te u kole fēfē ke toe ʻave ʻe he FamilySearch ha ʻīmeili fakapapauʻi ki heʻeku ʻAkauní?
Te u kole fēfē ke toe ʻave ha kouti fakapapauʻi ke fakamoʻui ʻaki ʻeku ʻakauni FamilySearch?
Te u faʻu fēfē ha ʻakauni ʻi he Siasi ʻo ngāue ʻaki e churchofjesuschrist.org?