FamilySearch Гэр бүлийн мод нь дэлхийн хамгийн том онлайн гэр бүлийн мод юм. Энэ нь хэрэглэгчид бие биетэйгээ хэрхэн холбогдож байгааг харж, удам угсаагаа мэдэж, нас барсан хамаатан садныхаа талаар мэддэг зүйлсээ хуваалцаж, хамтдаа ажиллах боломжтой, олон нийтэд нээлттэй мод юм.
Та FamilySearch дээрх дундын модтой холбогдох үедээ мэдэхгүй байсан өвөг дээдсээ олж мэдэж, мэддэг тэдний талаар илүү ихийг суралцаж болох юм. Та бусад үр удмынхны оруулсан зургуудыг харж, гэр бүлийн түүхүүдийг унших боломжтой. Та FamilySearch Гэр бүлийн модонд өвөг дээдсийнхээ профайл-ыг үүсгэх үедээ гэр бүлийн бусад гишүүнд өвөг дээдсийнхээ талаар илүү ихийг мэдэж, мэддэг зүйлээ хуваалцах үндэс суурийг тавьж өгдөг.
Хэрхэн эхлэх вэ?
FamilySearch Гэр бүлийн модонд нэгдэхийн тулд FamilySearch.org руу орно уу. Нэвтэрч ор эсвэл үнэгүй аккаунт үүсгэ. Гэр бүлийн мод табын доор байрлах Мод-ыг сонго.
Дараа нь Эцэг нэмэх эсвэл Эх нэмэх дээр дарж, эцэг эхийнхээ талаар юу мэддэгээ оруулна уу.
Амьд, нас барсан өвөг дээдсийн ялгаа
Хэрэв таны нэмсэн эцэг эх эсвэл өөр хамаатан садан амьд байгаа бол FamilySearch нь зөвхөн танд харагддаг нууцлалтай, хамгаалагдсан профайл үүсгэх болно. Та нас барсан мэдээллийг нэмж профайлд нь оруулсны дараа тухайн хүний профайл олон нийтэд нээлттэй болдог. Энэ өөрчлөлт нь уг профайлыг дундын гэр бүлийн модыг ашиглаж буй бусад хүн харах боломжтой гэсэн үг юм.
Өвөг дээдсийнхээ профайлыг дундын модонд байгаа нэгний мэдээлэлтэй тааруулах
Таныг нас барсан хамаатан саднаа нэмэхийг оролдох үед FamilySearch эхлээд тухайн хүний профайл нь 1.2 тэрбум профайлын дотор байгаа эсэхийг шалгах болно. Танд ижил төстэй мэдээлэл бүхий профайл харагдах болно. Жишээлбэл: Та 1918 онд Америкийн Нэгдсэн Улсын Кэнтаки мужид төрсөн Опал Коллинс хэмээх эмэгтэйг нэмэхийг хүсэж байна гэж бодъё. Доор харуулснаар FamilySearch танд Гэр бүлийн модонд аль хэдийнээ байгаа ижил төстэй профайлуудыг мэдэгдэнэ.
“Боломжит таарсан мэдээлэл олдсон” (харагдаж байгаа эцэг эхийн гэр бүлд 1917 онд Кэнтаки мужид төрсөн) гэсний доор байгаа Опал Коллинс нь таны нэмэхийг хүсэж байгаа хүн мөн эсэхийг шийдэх нь та хэрэг.
- Хэрэв уг профайл дээрх мэдээлэл таны өвөг дээдсийн талаар мэддэг зүйлтэй таарч байвал 1-р сонголт болох Таарсан мэдээллийг нэмэх эсвэл Таарсан хосыг нэмэх сонголтыг хүлээн зөвшөөрнө.
- Хэрэв та профайлуудын аль нь ч таарахгүй байна гэдэгт итгэлтэй байгаа бол 2-р сонголт болох Хувь хүн үүсгэх гэснийг ашиглан шинэ профайл үүсгэнэ үү.
- Хэрэв та аль нэг профайл таарч байгаа эсэхэд эргэлзэж байвал профайлын нэр дээр дарж нэмэлт мэдээлэл авах боломжтой. (Зөвлөмж: Хамаатан саднаа нэмэх үйл явцаа тасалдуулахгүйн тулд Ctrl+товших эсвэл Command+товших дарж тухайн хувь хүний хуудсыг шинэ интернэт хөтчийн таб үүсгэж нээнэ үү.) Хэрэв та хамаатан садныхаа профайлыг илүү сайн тодорхойлохын тулд хайлтдаа дэлгэрэнгүй мэдээлэл оруулахыг хүсвэл 3-р сонголт болох Хайлтыг нарийвчлах гэснийг сонгож болно.
Хэрэв та хамаатан садандаа шинэ профайл үүсгэхийн оронд таарсан мэдээллийг зөв эсэхийг шалгахдаа цаг гарган, модондоо нэмбэл та хамаатан садныхаа талаар илүү ихийг олж мэдэж чадах бөгөөд мэддэг зүйлээ тухайн хүний бусад үр удамтай хуваалцах боломжтой болно. Хэрэв та эцэг эх, бусад өвөг дээдсийг нь аль хэдийн хавсаргасан таарсан мэдээллийг нэмбэл гэр бүлийн модоо бөглөх үйл явцаа ихээхэн хөнгөвчлөх болно. Гэр бүлийн модонд аль хэдийн орсон өвөг дээдсийн хувьд давхардсан профайл үүсгэсэн үед эдгээрийг дараа нь нэгтгэх болно.
Илүү олон өвөг дээдсээ нэмэх
Эцэг эхдээ профайл үүсгэх юм уу олсны дараа өвөө эмээ, бусад хамаатан садандаа профайл үүсгэж эсвэл олохын тулд ижил аргыг ашигла. Та хойд эцэг эх, төрсөн эцэг эх, үрчлэн авсан эцэг эх зэрэг хэд хэдэн эцэг эхийг нэмж болно гэдгийг анхаарна уу.
Дундын модоо хөгжүүлэх
Таныг Гэр бүлийн модонд байгаа профайлуудыг холбох үед тэдэнтэй аль хэдийн холбогдсон нас барсан хамаатан садан нь автоматаар гарч ирнэ. Доорх жишээ бүдүүвч зураг нь FamilySearch Гэр бүлийн мод руу модныхоо өөр өөр мөчрүүд дээр холбогдох үйл явцыг харуулж байна.
- Амьд байгаа хамаатан садныхаа нууцлалтай хэвээр байх профайлыг нэм.
- Нас барсан хамаатан садны талаарх мэдээллийг нэмж, дундын Гэр бүлийн модноос боломжит таарсан мэдээллийг шалга. Нас барагсдын профайл нь олон нийт үзэхэд нээлттэй байдаг.
- Хэрэв та модноос таарсан мэдээлэл олсон бол бусад хамаатан садны профайлууд автоматаар гарч ирж магадгүй!
Нас барсан хамаатан садныхаа профайлаас алдаа эсвэл бусадтай буруу холбогдсон байгааг олж болно. Бид таныг тэдгээрийг засахад тусална гэж найдаж байна!
Та тохирсон мэдээлэл олж чадахгүй бол юу хийх вэ?
Зарим хүн FamilySearch дундын модонд аль хэдийн орсон хамаатан саднаа олж чадахгүй байж болох юм. Хэрэв та ийм байдалд орсон бол та мэддэг зүйлээ нэмж оруулах сорилт болон давуу эрх танд байна. Дараа нь та, мөн таны амьд байгаа хамаатан саднууд тэдний талаар илүү ихийг мэдэхээр хамтран ажиллаж болно. Эдгээр хүнтэй холбоотой дэлхий даяар байгаа бусад хүн FamilySearch дундын модноос эцэст нь таныг олж, холбогдож болно.
FamilySearch рүү орж, FamilySearch Гэр бүлийн модонд өөрийн хэсгийг өнөөдөр бүтээ!
Гэр бүлээ хэрхэн хайж олох вэ?
