Та FamilySearch.org дээр хэн нэгэн рүү зурвас бичиж эсвэл тэдний хувь хүний хуудсан дахь өвөг дээдсийнх нь талаар ярилцаж байсан уу?FamilySearch-ийн бусад хэрэглэгчтэй холбоо тогтоох нь гэр бүлийн модонд мэдээллээ нэгтгэх, өнгөрсөн болон одоогийн гэр бүлтэйгээ холбогдох гол арга зам байж болно.
FamilySearch Гэр бүлийн мод нь дэлхий даяарх гэр бүлүүдэд хамтран ажиллаж, гэр бүлийн модоо үүсгэх боломжийг өгдөг. Гэр бүлийн төрөл бүрийн мөчрөөс салаалсан үр удмууд ихэвчлэн өөр өөр гэр бүлийн гэрэл зураг, бичиг баримт, дурсамжтай байдаг. Тодорхой хэл дээр, бүс нутаг, архив эсвэл өөр вэбсайтаас хайж байгаа хүмүүс өвөрмөц мэдээлэл олж авах боломжтой.
Үр удмууд нь өөрсдийн мэддэг зүйлсээ хуваалцсанаар гэр бүлийн модонд хувь нэмрээ оруулж, шинэ мэдээлэл олох-ын тулд хамтран ажиллах үед тэдний хуримтлуулсан мэдлэг хүчирхэгждэг. Тэд хувиараа олж мэдсэнээсээ илүү ихийг мэдэж авч мөн тэмдэглэл үлдээж, бусад хэрэглэгчид зурвас илгээснээр цаг хэмнэх боломжтой.
FamilySearch.org-ийн бусад хэрэглэгчтэй харилцах хялбар аргууд
FamilySearch.org-ийн бусад хэрэглэгчтэй харилцах нь урам зориг өгч, тус дэмтэй байж чадна. Магадгүй та хэн нэгэнд зураг оруулж, утга учиртай түүх хуваалцсанд нь талархахыг хүсэж болно. Хэн нэгний мэдээллийн эх сурвалж нь нийтлэгдээгүй байгаа тохиолдолд та үүнийг мэдэхийг хүсэж болох юм. Хэрэв өөр нэг хэрэглэгч алдаа гаргасан бол та асуулт асуухаар түүнтэй холбогдож болно. Эсвэл та зөвхөн тодорхой нэг хамаатан садныхаа талаар таныхтай адил сонирхолтой хэн нэгэнтэй холбогдохыг хүсэж болно.
Гэр бүлийн модыг ашиглах үедээ FamilySearch-ийн бусад хэрэглэгчтэй харилцах хэдэн энгийн арга бий.
Ажлаа тайлбарла
Одоогийн байдлаар, таны гэр бүлийн модон дээрх харилцааны хамгийн чухал хэлбэр бол таны нэмсэн мэдээлэл яагаад зөв гэж бодож байгаагаа бичих явдал юм. Таныг мэдээлэл оруулах, эсвэл засварлах бүрд “Энэ мэдээлэл нь зөвийг илтгэх шалтгаан” гэсэн нүд гарч ирнэ. Энэ мэдээллийг оруулахад хүргэсэн эх сурвалж, мөн шалтгааныг тайлбарлахад цаг гарга. Шалтгааны тань тайлбар өвөг дээдсийн профайлын нэг хэсэг болж, бусад үр удамд яагаад өөрчлөлт хийгдсэнийг ойлгоход мөн тэдний судалгаанд нь тусалж чадна.
Юу гэж хэлэхээ мэдэхгүй байна уу? Үр дүнтэй шалтгааны тайлбарыг хэрхэн бичихийг эндээс үзнэ үү. (Таны хэлж буй зүйлийг батлах түүхэн эх сурвалжуудыг хавсаргах-аа санаарай!)
Хамтран ажиллах табыг ашигла
Таны өвөг дээдэс бүрийн профайл хуудсан дээр Хамтран ажиллах таб байдаг. Энд та тэмдэглэл нэмж, ярилцлага өрнүүлж болох хэсэг байдаг.
Тэмдэглэл хэсэгт та тухайн өвөг дээдсийн талаар судалж буй бусад хүнд зориулж зурвас бичиж болно. Судалгааны ажлыг зохицуулах, бүртгэлүүдийг хаанаас олсон эсвэл олж чадаагүй талаараа мөн тодорхой бүртгэлийн талаар тэмдэглэл хийхийн тулд тэмдэглэлийг ашиглана уу. (Доорх тэмдэглэлийн жишээг үзнэ үү.) Энэ хэсгийн тэмдэглэлийг Гэр бүлийн модыг ашигладаг хүн бүр үзэж, засах боломжтой.
Анхаарах зүйл:Тэмдэглэл таб нь тодорхой холбоо хамаарал эсвэл төрсөн, нас барсан огноо гэх мэт үйл явдлын дэлгэрэнгүй мэдээллийг оруулах талбар биш юм. Эдгээр дэлгэрэнгүй мэдээлэл нь таны өвөг дээдсийн Дэлгэрэнгүй табын доор бичигддэг. Түүх, дурсамжууд ч гэсэн Дурсамж хэсгийн доор тус тусын бичигдэх талбартай байдаг.
Ярилцлага хэсэгт та өвөг дээдсийнхээ талаар ярилцлага эхлүүлж эсвэл үүнд нэгдэж болно (Жишээлбэл: “Чарлэс Валериягаас өөр хүнтэй гэрлэсэн үү?”). Хариултууд нь олон нийтэд нээлттэй байдаг бөгөөд ярилцлагыг эхлүүлсэн хүн нь устгаагүй тохиолдолд харагдсан хэвээр байх болно. Энэ үйлдэл нь хэд хэдэн үр удамтай яриа өрнүүлж болох сайхан арга юм.
Хэрэглэгчтэй холбоо тогтооно уу
Гэр бүлийн модонд мэдээлэл оруулахад хувь нэмрээ оруулсан бүх хэрэглэгч мэдээллийг илгээсэн хэрэглэгчийн дэлгэцийн нэрэнд тэмдэглэгдсэн байдаг. Тэмдэглэгдсэн нэрсийг харахын тулд хэсэг бүрийн дээд талд байрлах Дэлгэрэнгүй харагдац товчлуурыг олж дараад мэдээллийг үзнэ үү.
Мөн та өвөг дээдсийн профайлд хийсэн хамгийн сүүлийн өөрчлөлтүүдийн хураангуй жагсаалтыг (мөн хэн өөрчлөлт хийсэн) Дэлгэрэнгүй табын Сүүлийн өөрчлөлтүүд хэсгээс харж болох ба бүтэн түүхийг харахын тулд Бүгдийг харуул дээр дарна уу.
Дэлгэцийн хаа нэгтээ гарч ирсэн нэр дээр дарж тухайн хэрэглэгчтэй холбогдоно уу. Энд харуулсны дагуу танд зурвас илгээхэд зориулсан шинэ цонх гарч ирнэ. (Та өөрийн зурвасыг шалгахын тулд FamilySearch.org руу нэвтэрч ороод дэлгэцийн баруун дээд талд байрлах Зурвас гэсэн дээр дарна уу. Мөн та FamilySearch.org-ийн өөр нэг хэрэглэгч танд зурвас илгээсэн мэдэгдлийг э-мэйлдээ хүлээн авч болно.)
Зарим үед та хэрэглэгчид хэд хэдэн алдаа илгээсэн байгааг анзаарч болно. Зарим хэрэглэгч бусдын адил туршлага, мэдлэгтэй биш байж болно. Зарим нь бүрэн дүүрэн, зөв мэдээлэлгүй байж болно. FamilySearch нь Гэр бүлийн модоо хөгжүүлэхэд нь бусдад туслах хүсэлтэй хүн бүрийг хүлээн авч, мөн илүү туршлагатай судлаачид нь хүсэл эрмэлзэлтэй суралцагчдад өөрсдийн хувь нэмрийг оруулахад сайжрахад тусална гэж найдаж байна.
Эхлэхийн тулд эсвэл бусад үр удмынхантай одоогийн хамтын ажиллагаагаа сайжруулахын тулд энд дарж FamilySearch Гэр бүлийн мод руу орно уу!
