FamilySearch вэбсайт нь үнэ төлбөргүй бөгөөд дэлхийн хамгийн том онлайн гэр бүлийн модыг багтаадаг. FamilySearch Гэр бүлийн мод хэмээн нэрлэгддэг энэхүү дундын гэр бүлийн мод нь сая сая үр удмынхны хувь нэмэр оруулсан 1.2 тэрбум гаруй өвөг дээдсийн талаарх мэдээллийг агуулсан байдаг.
“Дундын Гэр бүлийн мод” гэж юу вэ?
FamilySearch-ийн нэгдсэн гэр бүлийн мод нь бусад ихэнх вэбсайт дахь мод үүсгэх туршлагаас өөр байдаг. FamilySearch-ийн мод үүсгэгчид өөрсдийн бие даасан модыг үүсгэхэд хүчин чармайлт гаргахын оронд танд болон бусад хүнд өвөг дээдэс, гэр бүлийнхээ гишүүдийн талаар илүү ихийг олж мэдэхэд тусалдаг дундын нэг модыг үүсгэхэд хамтран ажилладаг.
Нас барсан хүн бүрд нэг профайл
FamilySearch дундын мод нь нас барсан хүн бүрийг зөвхөн нэг олон нийтэд нээлттэй аккаунттай байлгахыг хичээдэг. Үр удам нь тухайн хүний талаар мэдэж байгаа зүйлээ дундын нэг профайл руу оруулдаг бөгөөд зарим мод нь нууцлалын хамгаалалттай байдаг тул тэрхүү мэдлэгээ хэд хэдэн модон дээр, олон бүртгэлд тараан оруулдаггүй.
Тайлбар: FamilySearch гэр бүлийн мод нь хувийн бүртгэлийн мэдээллийг болон амьд хүмүүсийн талаарх бүх мэдээллийн нууцлалыг хадгалдаг. Зөвхөн нас барсан хүний профайл л олон нийтэд нээлттэй байдаг.
Яагаад FamilySearch дээрх дундын модыг ашиглах ёстой вэ?
FamilySearch Гэр бүлийн мод нь танд гэр бүлтэйгээ илүү хялбар холбогдож, гэр бүлийн түүхээ бүтээхэд тусална. Энэ нь дараах 5 арга замаар танд тусална.
- Шинэ мэдээлэл олж мэдэх: Дундын гэр бүлийн мод нь танд өвөг дээдсийнхээ талаар шинэ мэдээлэл олж мэдэхэд тэр ч байтугай мэддэггүй байсан хамаатан саднаа олоход тусалж чадна. Бичиг баримт, гэрэл зураг, дурсамж, оршуулсан газар гэх мэт хэн нэгний нэмж оруулсан мэдээлэл бүр тухайн өвөг дээдсийн хэн болох эсвэл амьдралын туршлагын талаар дэлгэрэнгүй мэдээллийг өгч болно.
- Гэр бүлийн модоо хялбар үүсгэх: Өвөг дээдэс бүрийнхээ профайлыг ганцаараа бөглөх нь хэцүү байж болох юм. Таныг FamilySearch дээрх дундын модтой холбогдох үед таны зарим өвөг дээдсийн профайл-д арвин их мэдээлэл аль хэдийн орсон байж болно. Та дундын модонд хамгийн түрүүнд тодорхой нэг өвөг дээдсийг нэмсэн ч FamilySearch нь тухайн өвөг дээдсийн боломжтой бүртгэлийг танд харуулах ба гэр бүлийн бусад гишүүн мэддэг зүйлээ оруулж туслах боломжтой.
- Илүү бүрэн дүүрэн мэдээлэлтэй болох: Эх сурвалж сайтай дундын модноос гарах нийт үр дүн нь хувийн модноос илүү бүрэн дүүрэн, үнэн зөв байж чадна. Хэдийгээр хэрэглэгчдийн оруулсан мэдээлэл заримдаа таны өвөг дээдсийнхээ талаар мэддэг зүйлсээс өөр байж болох ч FamilySearch Гэр бүлийн мод нь бүх үр удмынханд нь бусдын мэдэхгүй байж болох мэдээллийг хуваалцаж, зөв мэдээллийг баталгаажуулахын тулд эх сурвалжийг нэмэх боломжийг олгодог.
- Бусад үр удамтай холбогдох: Дэлхийг хамарсан нэг модон дээр хамтарч ажиллах нь үр удмуудыг нэг нэгэнтэйгээ холбогдоход тусалдаг. Та адилхан өвөг дээдсийн газар (булш) дээр очиж, тэдний талаар ижил асуултуудыг асууж, бүр хайрлаж, хүндэтгэдэг хамаатан саднаа ч олж болох юм.
- Гэр бүлийн түүхээ үнэ төлбөргүй хөтлөх: Та FamilySearch бүртгэл-д үнэ төлбөргүй нэвтэрч, өөрийгөө дундын гэр бүлийн модонд холбох үед та өөртэйгөө холбоотой өвөг дээдсээ хувийн модны харагдац гэсэн хэсгээс харах боломжтой. Энэхүү онлайн гэр бүлийн мод нь өвөг дээдсийнхээ профайл дээр тэдний амьдралын үйл явдлыг нэмэх; аялсан байж болох газрын зургийг харах; гэрэл зураг, дурсамж, бүртгэлийг үзэх, нэмэх; мөн бусад олон боломжийг танд олгодог.
FamilySearch Гэр бүлийн модыг ашиглан мэдээлэл олохын тулд FamilySearch.org эсвэл Гэр бүлийн мод гар утасны аппликэйшн руу нэвтэрч орно уу.
FamilySearch-ийн шинэ хэрэглэгч үү? Үнэ төлбөргүй бүртгэл үүсгэх
Дэлхийн хамгийн том дундын мод таны гэр бүлийн талаар юу хэлж чадахыг сонирхоорой. FamilySearch.org-д бүртгүүлнэ үү эсвэл iOS, Android үйлдлийн системд зориулсан FamilySearch аппликэйшн татаж авна уу.
Дундын модны талаар дэлгэрэнгүй мэдээлэл авах
Дундын модонд бүртгэгдсэн байгаа өвөг дээдсээ хэрхэн олох талаар мэдэж авахын тулд FamilySearch-ийг болон бусад аргыг ашиглан гэр бүлийнхээ амьд гишүүдтэй холбогдоорой, мөн доорх холбоосыг үзнэ үү!
