Хэрэв та гэр бүлийн модны талаар суралцаж эхлэхэд бэлэн байгаа бол FamilySearch.org үүнийг хийх хамгийн тохиромжтой газар юм. Өөрийн гэсэн үнэгүй аккаунттай болоход тун амархан. Аккаунтаа тохируулсны дараа та "Одоо яах вэ?" гэж гайхаж магадгүй.
Эхлэх хамгийн сайн арга бол гэр бүлийнхээ эхний дөрвөн үеийг нэмэх явдал юм. Өөрийн гэсэн модтой болсноор FamilySearch-ийн дэлхий дахины гэр бүлийн модтой хаана холбогдож байгаагаа мэдэхэд тань тусална. Нэг холбоос дээр дарахад гэр бүлийн тань жижигхэн мод нүд ирмэхийн зуур олон зуун жилээр урагшлах болно!
Гэр бүлийн модонд гэр бүлийн мэдээллээ цуглуулснаар одоогийн гэр бүлийнхээ дурсамж, мэдээллээ хадгалахад тань бас тус болно. Гэр бүлийн модонд огноо болон газруудыг оруулахаас гадна гэр бүлийнхээ үнэ цэнтэй бичиг баримтыг байршуулах, зураг хадгалах, аудио клипнүүдийг хадгалах боломжтой.
Гэр бүлийнхээ модыг бүтээх нь тийм ч хялбар байгаагүй! Эхлэхийн тулд яг одоо хэдэн алхмыг хийж болно.
Өөрөөсөө эхэл
FamilySearch үндсэн хуудасны дээд талын цэсэн дэх Гэр бүлийн мод дээр заагчаа аваачин бууж ирэх цэсний Мод дээр дар. Таны гэр бүлийн мод дэлгэц дээр харагдах болно. Таны бүртгүүлэхдээ оруулсан нэр чинь гол хэсэгт харагдах ёстой. FamilySearch амьд хүмүүсийн нууцлалыг хамгаалдаг гэдгийг санаарай. Өөр хэн ч таны болон гэр бүлийн амьд гишүүдийн талаар оруулсан зүйлсийг харах боломжгүй. Бусад хамаатан тань таны талаар мэдээлэл оруулсан ч та модны хаанаас ч өөрийгөө олох боломжгүй. Амьд хүмүүсийн талаар мэдээллийг мод тус бүрд оруулна.
Хувь хүний хуудсан дээр очихын тулд өөрийн нэр дээр дарна. Тэндээс та өөрийн хуудсандаа огноо, газар, тайлбар, дурсамж (зураг, баримт, түүх) гэх мэт илүү их мэдээлэл нэмэх боломжтой.
Гэр бүлийнхээ талаар мэддэг зүйлээ нэм
Модныхоо голд буй өөрөөсөө эхлээд гэр бүлийн холбоо хамаарлаа нэмж эхэл. Ээжийгээ нэмэхийн тулд Ээжийг нэм дээр дар.Ийм нүд гарч ирнэ:
Мэддэг бүх мэдээллээ маягт руу оруул.
Та гэр бүлийн бусад гишүүн болох эхнэр/нөхөр, хүүхэд, эцэг/эхийн талаарх мэдээллийг мөн үүний адилаар нэмж болно. Зорилго нь нас барсан өвөг дээдэстээ хүрэх явдал юм. Нас барсан өвөг дээдсээ модондоо нэмэх үед FamilySearch таныг FamilySearch дэлхий дахины модтой холбохын тулд өөрийн асар том модноосоо автоматаар хайх болно.
Хамаатан саднаасаа шинэ мэдээлэл ав
Та модоо үргэлжлүүлэх үед бүх нүдийг бөглөх боломжгүй байж магадгүй. Байхгүй жоохон мэдээллээсээ болоод бүү гацаарай! Мэддэг бүхнээ оруул. Шаардлагатай бол модны зарим хэсгээ хоосон үлдээ. Мэддэг бүхнээ оруулсан бол шинэ мэдээлэл хайх буюу дараагийн шатандаа шилжихэд бэлэн болсон байна.
Шинэ мэдээлэл хайж эхлэх хамгийн тохиромжтой арга зам бол гэр бүлийн гишүүдтэйгээ холбогдох юм. Амьд хүмүүсийн мэдээлэл дутуу бол тэднээс асуух нь зөв шийдэл юм. Нас барсан өвөг дээдсийнхээ дутуу мэдээллийг олохын тулд тэдний талаар мэдэж магадгүй ахмад хамаатан саднаасаа асуу.
Гэр бүлийнхээ мэддэг бүхнийг цуглуулсан бол бүр ихийг мэдэж авахын тулд FamilySearch-ийн асар том бүртгэлийн цуглуулгаас хайх цаг болжээ. Мэдээллээ хаанаас авснаа мэдэгдэхийн тулд эх сурвалжаа нэм.
Гэр бүлийн модон дахь бусад хүмүүстэй холбогдох холбоос
Хэрэв та модондоо амьд хүмүүсийн тухай мэдээлэл оруулж байгаад нас барсан өвөг дээдсийнхээ тухай мэдээлэл оруулж эхэлсэн бол FamilySearch Гэр бүлийн модонд аль хэдийн орсон байгаа хүмүүстэй холбогдох боломжтой болсон гэсэн үг. Ингэж холбогдсоноор цагаа асар ихээр хэмнэж буй хэрэг юм. Бүх мэдээллээ өөрөө оруулахын оронд бусдын оруулсан мэдээллийг ашиглаж болно.
Эхлэхэд бэлэн үү? Эдгээр зөвлөмжийг дагаж, гэр бүлийнхээ эхний дөрвөн үеийг Гэр бүлийн модонд нэмж оруулна уу. Гэхдээ дөрөв дэх үе дээрээ яагаад зогсоно гэж? Модоо бүтээх нь хөгжилтэй үйл явдал тул дөрвөн үе нэмнэ гэдэг гэр бүлийн түүхийн аяллын ердөө эхлэл гэдгийг та олж мэднэ!
