2023 онд FamilySearch.org сайт руу 200 сая гаруй удаа хандсан байсан бөгөөд дэлхий даяар маш олон хүн FamilySearch-ийн үнэ төлбөргүй үйлчилгээг ашиглан гэр бүлийнхээ урам зориг хайрлах мэдээллүүдийг олж цуглуулан, холбоо хамаарлаа судалж мэдсэнд бид баяртай байна. Өнгөрсөн жил өвөг дээдсийнхээ талаар илүү ихийг олж мэдэх, гэр бүлийнхээ судалгааг баримтжуулах, ургийнхаа овгийн тухай дэлгэрэнгүй мэдээлэл цуглуулах болон өөр бусад шалтгаанаар FamilySearch-д зочлох үедээ таныг хэрэгтэй мэдээллээ авч чадсан гэдэгт бид найдаж байна.
Өнгөрсөн жил FamilySearch нь угийн бичгийн бүртгэлийн нийтэд зориулсан үнэ төлбөргүй сангаас хайх боломжтой нэрсийн тоог 13 тэрбум гаруйгаар, дижитал дүрсийн тоог 5 тэрбум болгон нэмэгдүүлэв. Бид гайхалтай хичээл, илтгэл бүхий дэлхийн хэмжээний Рүүтстэк арга хэмжээг зохион байгуулсан бөгөөд үүний ихэнх хэсгийг онлайнаар үзэх боломжтой төдийгүй FamilySearch номын сангийн Суралцах төв дэх үнэ төлбөргүй цахим олон хичээлийг тогтмол явагддаг онлайн сургалтаас нэмсэн.
Өнгөрсөн жилийн бусад шинэчлэлтэд Юта мужийн Солт Лэйк Ситид нэвтэрсэн хувийн бүртгэл хадгалах шинэ үйлчилгээ болон орон нутгийн FamilySearch шинэ төвүүд мөн FamilySearch сайтын дэлхий дахиныг хамарсан шинэчлэлтүүд багтаж байна.
Хэрэв та эдгээр шинэчлэлтийг мэдээгүй байгаа бол цаг алдалгүй сонирхоод үзээрэй ! 2023 онд нэвтэрсэн олон нэмэлт өөрчлөлт таныг хүлээсээр байна! Жилийн тоймыг өгүүлэх доорх хэсгээс илүү дэлгэрэнгүй мэдээлэл авна уу.
Үнэ төлбөргүй хандах боломжтой угийн бичгийн бүртгэл
FamilySearch-ийн зүгээс бидний сайн мэдэх нэг зүйл бол хүмүүс өвөг дээдсийнхээ талаар илүү ихийг олж мэдэхэд туслах онлайн бүртгэлд үнэ төлбөргүй нэвтрэх ихээхэн хүсэлтэй байдаг явдал юм. 2023 онд бид Бүгд Найрамдах Ардчилсан Конго Улс, Доминиканы Бүгд Найрамдах Улс, Гватемал, Люксембург, Никарагуа, Уганда зэрэг улс орнуудаас ирэх баримт бүртгэлийн цуглуулгын тоог нэмэгдүүлэхэд илүү анхаарч ажилласан. Бид цуглуулгуудыг өргөжүүлэх ажлыг дэлхий даяар өөр олон улс оронд үргэлжлүүлсэн нь мэдээж. Мөн бид Канад улсын 1931 оны хүн амын тооллогын мэдээллийг онлайнаар үнэ төлбөргүй харах боломжтой болгохын тулд Канад улсын Номын сан, Архив болон Ancestry байгууллагатай хамтран ажилласан.
Хамтран ажиллагч FamilySearch Гэр бүлийн мод
Та өвөө эмээ, элэнц өвөө эмээгийнхээ тухай ихийг мэдэх үү? Холын өвөг дээдсийнхээ тухай хэр их мэдэх вэ? Энэ жил дэлхийн хамгийн том гэр бүлийн модонд 80 сая хүн нэмэгдсэн байна. Энэ нь үеэлүүд болон хамаатан садныхаа илүү олон өвөг дээдсийг судалж олох боломжтойг илтгэж байгаа юм.
Мөн оролцогчид модонд бүртгэлтэй хүмүүсийн мэдээллийг тодорхой болгох, хамтын ажиллагааг нэмэгдүүлэхэд дэмжлэг үзүүлэх 450 сая эх сурвалжийг нэмсэн байна. Та ямар нэр, эх сурвалж, дурсамжууд гэр бүлийн шугамд тань нэмэгдсэнийг сүүлийн үед шалгаж үзсэн үү?
Онлайнаар унших боломжтой FamilySearch дээрх цахим ном
Үнэгүй номоос хэн татгалзах билээ? 2023 онд FamilySearch цахим номын санд 30000 гаруй шинэ ном нэмэгдсэн ба одоогоор гэр бүлийн түүх, удмын бичгийн бичвэр, газрын зураг гэх зэрэг олон төрлийн 586000 гаруй номыг санал болгоод байна. Номуудыг бүтэн бичвэрээр хайх боломжтой ба энэ нь танд хэнийг мөн юуг хайж байгааг олоход ихээхэн тусална. 2023 онд нэмэгдсэн номуудын ихэнх нь сургуулийн дурсамж номууд байв. Түүнчлэн Миссурид байрлах Спрингфийлд-Грийн мужийн нийтийн номын санг шинэ оролцогчоор мөн нийтэд нээлттэй угийн бичгийн холбогдох номуудын мэдээллийг шинжлэх сайтаар нэмэв.
FamilySearch номын сан болон төвүүдийн тоо
2023 онд FamilySearch нь дэлхий даяар танигдсан үйл ажиллагааныхаа тодорхойлолтод илүү нийцэх зорилгоор дэлхийд алдартай Гэр бүлийн түүхийн номын сан болон орон нутгийн төвүүдийнхээ нэрийг өөрчлөв. Шинэ нэр авсан FamilySearch номын сан мөн хамтрагч байгууллага болох FamilySearch төвүүд болон үүний харьяа байгууллагууд нь судалж, хуваалцах ажлууд, хувь хүний гэр бүлийн түүхийн туслах, төлбөртэй сайтуудад хураамжгүй нэвтрэх зэрэгт зориулсан үнэ төлбөргүй эх сурвалжуудаа өргөжүүлэн сайжруулав.
2023 онд FamilySearch нь өөрийн 510 шинэ төвийг нээсэн ба одоогоор дэлхий даяар 6200 гаруй байршилд үйл ажиллагаагаа явуулж байна. Юта мужийн Логан, Нивада мужийн Лас Вэгас хотууд дахь FamilySearch төвүүдийг шинэчлэн засварласнаар эдгээр төв үйлчлүүлэгчдэд илүү олон үйлчилгээ санал болгохоор өргөжин тэлэв. Түүнчлэн дэлхий даяарх хожмын үеийн гэгээнтнүүдийн цуглааны байруудаас эдгээр төвийн онлайн эх сурвалжуудад нэвтрэх боломжтой болсон. Үүнд FamilySearch төв байхгүй газрууд мөн багтаж байна. Энэ нь FamilySearch-ийн эх сурвалжуудыг дэлхий даяарх хүн бүрд хүртээмжтэй байх боломжийг дорвитой нэмэгдүүлэх юм.
Мөн 2023 онд FamilySearch төвийн сайн дурынхан болон ажилтнууд зочдод илүү сайн туслах, илүү гайхалтай туршлага бүтээх шинэ эх сурвалжийг хүлээн авсан. Энэхүү шинэ суралцах эх сурвалжууд нь зочдыг FamilySearch-ийн үйлчилгээг хүлээн авах үед тэдэнд хувь хувьд нь анхаарал хандуулахад туслах сургалтын цогц материалуудыг багтаадаг.
Юта мужийн Солт Лэйк Ситид байрлах FamilySearch номын сангийн шинэ дэд захирлаар Дэбби Гүртлэрийг томилов. Түүнчлэн уг номын сан Дурсамж хадгалах төвөө нээсэн бөгөөд зочид хувийн болон гэр бүлийнхээ зураг, баримт бичиг, видео, аудио материалуудыг энэ төвд авчирснаар тэдгээрийг үеийн үед хадгалах, бусадтай хуваалцах боломжтой цахим хэлбэрт шилжүүлэх үнэ төлбөргүй үйлчилгээ авах юм. (Орон нутгийн FamilySearch төвтэй холбогдон, дурсамж хадгалах ямар тоног төхөөрөмжийг та ашиглах боломжтой байгааг харна уу.)
Энэ жил FamilySearch номын сан нь 75 шинэ онлайн сургалтыг нийтэд санал болгосон ба хүссэн үедээ үзэж болох зуу зуун хичээлийг онлайн Суралцах төвөөс нь олон хэлээр үзэх боломжтой.
Рүүтстэк 2023-ын товч мэдээ
Өнгөрсөн жилийн Рүүтстэк арга хэмжээ дэлхийн өнцөг булан бүрээс оролцсон хүмүүст урам өгч, тэдний анхаарлыг татаж чадсан. Олон сая хүн RootsTech.org дээрх 2023 оны контентуудыг жилийн турш онлайнаар үнэ төлбөргүй үзсээр байна. 2023 онд тохиосон угийн бичгийн дэлхийн хамгийн том чуулган хэр болсныг сонирхуулах сонирхолтой тоймыг оруулав. Тухайлбал:
- Рүүтстэк 2023 арга хэмжээний үеэр 500000 гаруй оролцогч төрөл саднаараа дамжуулан бусад оролцогчтой холбогдох 5.2 сая гаруй өөрсдийн өвөг дээдсийг олж мэдсэн байна.
- Уг арга хэмжээ 236 улс орон, бүс нутгийн оролцогчдыг хамрав.
- 3 сая гаруй оролцогч танхимаар болон онлайнаар хамрагдав.
- Үзэгчид 128000 гаруй цагийн шууд дамжуулалтын видеог болон хүссэн үедээ үзэж болох 70000 цагийн контентыг үзсэн байна
- 4000 гаруй залуу танхимаар оролцов.
Биеэр оролцсон үндсэн илтгэгчид:
- Жордин Спаркс, цомгийн борлуулалт нь 2 сая хувийг давсан уран бүтээлч, жүжигчин
- Шон Астин, шагналт жүжигчин, продюсер, захирал
- Ми Ра Көү, зурагчин, зохиолч, Sony компанийн дүрслэх урлаач
- Стийв Роквүүд, FamilySearch олон улсын байгууллагын гүйцэтгэх захирал
Көрби Хэйборн, алдарт жүжигчин, хошигногч, өгүүлэгч, Рүүтстэк 2023-ын гол тайзнаа олон удаа гарч арга хэмжээг хөтөлсөн.
Алсын зайнаас оролцсон үндсэн илтгэгчид:
- Түти Фүрлан, аз жаргалын шинжлэх ухаанаар мэргэшсэн Гватемалагийн олонд танигдсан сэтгэл зүйч
- Эрхэм дээд Шэйх Салэм бин Султан бин Сакр Ал-Касими
- Мона Магно Вэлүз, Филиппинийн Аутизмын үндэсний нийгэмлэгийн ерөнхийлөгч
Рүүтстэк 2023 арга хэмжээний ихэнх контентыг онлайнаар үзэх боломжтой ба хэсэг хугацааны дараа хичээлүүдийг шинэ агуулгаар шинэчлэх тул зарим видеог (үндсэн илтгэл гэх мэт) бусад видеоны адил үзэх боломжгүй болно. Та Рүүтстэк 2023 арга хэмжээний видеонуудыг үзэж амжаагүй эсвэл өөрт таалагдсан хэсгийг дахин үзэх бол одоо үзэх сайхан боломж тохиож байна!
FamilySearch-ын 2023 оны бусад мэдээ мэдээлэл
2023 оны онцгой ажлын байрны шагнал
FamilySearch нь ажилтнууд болон хэрэглэгчдийнхээ аль алинд урам зориг авахад нь туслах ажлын орчноор хангахыг зорин тэмүүлдэг байгууллагын хувьд Gallup судалгааны хүрээлэнгээс олгодог 2023 оны онцгой ажлын байр гэсэн шагналыг 5 дахь жилдээ дараалан хүртжээ. Энэхүү өргөмжлөлийг ажилтнуудаа сонсож, үр дүнг нь хэмжиж, ажлын байрыг тогтмол сайжруулахыг зорьсноор тэднийг үйл ажиллагааныхаа төв болгон ажилладаг байгууллагуудад олгодог.
Сайт болон аппликэйшны шинэ болон шинэчлэгдсэн үйлдлүүд
Жил бүр FamilySearch-ийн инженерүүд FamilySearch.org болон FamilySearch аппликэйшны олон үйлдэлт ажиллагааг сайжруулахын тулд хичээн хөдөлмөрлөдөг. Энэ жилийн бидний дуртай зарим шинэчлэлт болон хүмүүст харуулах зорилгоор блог дээр онцолсон шинэчлэлтүүдийн холбоосыг энд тавив.
Зочлон орж, сонирхоорой!
Өнгөрсөн жил нэвтэрсэн бүх гайхалтай дэвшил зөвхөн таныг хүлээж байна. Та FamilySearch-д аккаунттай эсвэл аккаунт үүсгэхийг хүсэж байгаа аль нь ч байсан, бид таныг манай сайтаар ойрын хугацаанд зочлон, гэр бүлийн гайхалтай судалгааг явуулна гэдэгт итгэлтэй байна.
FamilySearch дээр бид таныг гэр бүлтэй чинь холбож, хөгжилтэй танин мэдэхүй болон гэр бүлийн түүхийн үйлчилгээг санал болгодог. Яагаад? Учир нь бид гэр бүлүүдийг нандигнаж, үе удмуудыг хооронд нь холбох нь бидний амьдралыг одоо болон үүрд сайжруулдаг гэдэгт итгэдэг. Бид Есүс Христийн Хожмын Үеийн Гэгээнтнүүдийн Сүмээс санхүүждэг ашгийн бус байгууллага юм. Бидний итгэдэг зүйлсийн талаар дэлгэрэнгүй мэдэхийг хүсвэл энд дарна уу.
