Өвөг дээдсээ олох явцдаа олон асуулттай тулгардаг анхлан болон туршлагатай гэр бүлийн түүх судлаачдын хариултаа олох газар бол FamilySearch тусламж хуудас юм. 2021 оны 6-р сарын блог дахь нийтлэл-д бид FamilySearch дээрх шинэчилсэн тусламжийн төвийн шинэ үйлдлүүд болон хялбар, хүртээмжтэй байдлыг онцлон тэмдэглэсэн. Өмнөх блог дахь нийтлэл-д, хялбарчилсан цэс нь хэрхэн таны бүх асуултын хариултаа авах газар болох талаар дэлгэрэнгүй тайлбарласан.
Хэрэглэгчийн санал хүсэлт дээр үндэслэн FamilySearch-ийн инженерүүд тусламжийн зарим эх сурвалжийг олоход илүү хялбар, хүртээмжтэй болгохын тулд тусламжийн материалыг дахин зохион байгууллаа. Хэрэглэгчдийн санал хүсэлтийн дагуу болон олон дахин шалгасны эцэст эдгээр өөрчлөлтийг хийсэн. Таны санал хүсэлт ашиг тустай байлаа.
FamilySearch Тусламжид нэвтэрч орох үйл явцад өөрчлөлт хийгдээгүй. Хэрэглэгч эхлээд www.familysearch.org-т нэвтэрнэ, дараа нь дэлгэцийн баруун дээд хэсэгт байрлах “Тусламж” гэсэн шигтгээ зураг дээр дарна. Энэхүү шигтгээ зураг нь дугуй доторх асуултын тэмдэг юм.
Хэрэглэгчдийн олж харах хамгийн том өөрчлөлт бол шинэчилсэн график болон хуудасны шилжих товчлуур билээ. Тусламж болон суралцах хуудасны хамгийн дээд хэсэгт асуулт бичих талбар байдаг бөгөөд энэ нь өмнөх байрлалдаа бий. Дараа нь асуултын боломжит хариултыг харуулна. Та асуултаа өөрчилж мөн нэмэлт асуулт асуух боломжтой байх болно. Заримдаа асуултаа нэг юм уу хоёр үгээр асуух нь хамгийн оновчтой байдаг. Олон үг болон бүтэн өгүүлбэр хайлтын оновчтой үр дүнг авчрахгүй байх магадлалтай. Гарчгаар тусламж олох цэс дээр дарснаар гол сэдвүүд гарч ирнэ, ингэснээр танд нарийвчлан хайхад тустай байх болно.
Тусламж ба суралцах хуудасны дээд талд байрлах том самбарууд нь хэрэглэгчдэд дараах түгээмэл сэдвүүдийг олж харахад тусалдаг. Жишээлбэл: Үйл ажиллагааг эхлэх, Нууц үгээ дахин сэргээх, Хамгийн их асуудаг 10 асуултыг харах зэрэг (яагаад гэвэл таны асуултад аль хэдийн хариулсан байж болно). FamilySearch-д саяхан хийгдсэн өөрчлөлт, шинэчлэлтүүд энэ хэсгийн доод хэсэгт байна. FamilySearch вэбсайтыг бүхэлд нь ашиглах талаар нэмэлт чухал мэдээллийг үзэх холбоос байдаг.
Хуудсыг доош гүйлгэвэл хэрэглэгчийг Өөртөө туслах эх сурвалжууд руу авчрах бөгөөд тэнд нэмэлтээр суралцах, хайх боломжтой. Энэ хэсгээс хэрэглэгчид өөрсдийн судалгаа, мэдлэгээ дээшлүүлэхэд туслах зорилгоор түгээмэл Анги болон видео дээрээс онлайн сургалт болон бусад видеог сонгож үзэх боломжтой.
Тусламжийн хуудасны эцсийн зорилго нь танд олон нийтийн болон ганцаарчилсан тусламжийн эх сурвалжийг олоход туслах явдал юм. Дэлхий дахинд FamilySearch-ийн 5000 гаруй төв байдаг, тийм учраас тантай ойрхон, яваад очсон ч болохоор төв байх магадлалтай. Та тэндээс нэмэлт эх сурвалжуудыг хайхаас гадна найрсаг, тав тухтай орчинд тусламж авах боломжтой.
FamilySearch Тусламжийн энэ шинэчилсэн загвар нь ирээдүйд шинэчлэлт хийж, шинэ функцийг нэмэх үед сайтад бага чирэгдэл учруулж, илүү уян хатан болгоно. Зөвхөн тохиромжтой газарт нь бүх зүйлийг байрлуулж, олоход илүү хялбар болгосон бөгөөд юу ч устаж үгүй болоогүй гэдэгт та эргэлзэх хэрэггүй.
FamilySearch блог-т анхаарлаа хандуулж байгаарай, тэнд бид шинэчилсэн Тусламжийн эх сурвалжийн функц болгоны талаар нэмэлт нийтлэл гаргах болно. Бид хүн бүрийг гэр бүлтэйгээ холбогдохоор хэрэгтэй тусламжийг авах үедээ сайхан дурсамжтай үлдээсэй гэж хүсдэг.
