2023 оноос эхлэн та Facebook, Google, Apple эсвэл (ChurchofJesusChrist.org) Сүмийн аккаунт ашиглан FamilySearch-д нэвтрэн орох боломжтой боллоо. Эдгээр нэвтрэн орох сонголтын заримыг өмнө нь ашиглах боломжтой байсан бол зарим нь шинэ юм.
Тайлбар: Зарим нэвтрэн орох сонголт бүх хэлнээ орчуулагдаагүй байгаа.
Нэвтрэн орох ялгаатай сонголтуудыг ашиглах нь танд хэрэглэгчийн өөр өөр нэр, нууц үгийг бичиж цаг алдахгүй байхад туслах ба FamilySearch-д харьцангуй хурдан нэвтрэн орох боломжийг олгоно. Хэрэв та FamilySearch хэрэглэгчийн нэр, нууц үгээ байнга мартдаг эсвэл нууц үг бичиж оруулахаас өөр аргаар нэвтрэн орохыг илүүд үздэг бол (Google, Apple-ийн passkey ашиглах гэх мэт) энэ нь танд тус болно.
Мөн та нэвтрэн орох зөвхөн нэг сонголтыг ашиглах шаардлагагүй. Та хүссэн сонголтуудаа бүгдийг нь холбох боломжтой! Нэвтрэн орох сонголтуудаа дараах аргаар хялбархан холбож болно. Үүнд:
Та аль хэдийн FamilySearch аккаунттай бол FamilySearch.org-ийн Нэвтрэн орох гэдэг дээр дараад, хуудасны дээд талд байгаа шигтгээ зургуудыг ашиглан нэвтрэн орох сонголтоо хийнэ. Хэрэв та FamilySearch аккаунтаа Facebook, Google, эсвэл Apple-ийн аккаунттайгаа холбож амжаагүй байгаа бол эдгээрийн аль нэг зураг дээр дарахад аккаунтуудаа холбох боломжийг танд өгнө.
Сүмийн аккаунтаа ашиглан нэвтрэн ороход тусламж хэрэгтэй бол тус болох энэ өгүүллийг уншина уу.
Эдгээр нэвтрэн орох сонголтыг ашиглан FamilySearch аккаунт шинээр үүсгэх бол Аккаунт үүсгэх дээр дарж, өөр өөр шигтгээ зургийг ашиглан бүртгүүлэх сонголтоо хийнэ.
Аккаунтуудаа холбоход ямар мэдээлэл хуваалцдаг вэ?
Аккаунтаа Facebook, Google, Apple-тай холбох үед хоёр аккаунтыг холбох ямар тусгай зөвшөөрлүүдэд таныг эрх өгч байгааг танд харуулах болно. Гол төлөв аккаунтад нэвтрэн ороход тусалдаг үндсэн хувийн мэдээллийг зөвхөн хуваалцдаг.
Тайлбар: Нийтийн компьютер ашиглах үедээ FamilySearch болон нэвтрэн орохдоо ашигласан холбоотой аккаунтын аль алинаас нь гарахад анхаарна уу. Нэг аккаунтаас гарахад нөгөө аккаунтаас гарахгүй байх тохиолдол бий.
nullБид эдгээр нэвтрэн орох шинэ сонголт нь аккаунтуудаа илүү уян хатан ашиглах хүсэлтэй хэрэглэгчдэд тус болно гэдэгт найдаж байна. Түүнчлэн хэрэв танд хэт олон нууц үгийг ашиглахад хүндрэлтэй байдаг бол энэ сонголтууд ч бас танд туслах болно! Нэвтрэн орж эсвэл бүртгүүлэн үүнийг ашиглаад үз:
