Mampiditra olona ao amin’ny lisitry ny olonao ny Hazon’ny tetiaram-pianakaviana raha toa izy ireo ka teraka tao anatin’ny 110 taona nanomboka ny andro nampidiranao ny mombamomba ilay olona ao amin’ny Hazon’ny tetiaram-pianakaviana ary raha toa ka tsy nampiditra daty nahafatesana ianao. Raha toa ka voambaran’ny Hazon’ny tetiaram-pianakaviana hoe mbola velona ny olona iray dia mpampiasa voafetra vitsivitsy ihany no afaka mahita izany fampahalalana izany.
Fampahalalana momba ny Hazon’ny tetiaram-pianakaviana
Raha toa ilay olona ka ao amin’ny hazon-tetiaranao ao amin’ny FamilySearch (ny hazon’ny tetiaranao manokana), dia ianao irery ihany no afaka mahita fampahalalana ao amin’ireo vakizoro Antsipiriany, Loharano, Hiara-hiasa, ary Zotram-piainana. Ianao irery ihany no afaka mahita ny tetiarana misy io olona io.
Raha toa ilay olona ka ao anatina hazon-tetiaran’ny vondrom-pianakaviana iray dia hitan’ny mpikambana rehetra ao amin’ilay vondrona izany fampahalalana izany.
Mba hanamafisana hoe ao anatina hazo manao ahoana no misy anao dia jereo ny ilany ankavia indrindra ao amin’ny zava-misy ao amin’ny Hazon’ny tetiaram-pianakaviana.
Ireo fahatsiarovana
Ireo fahatsiarovana rehetra, na dia ireo izay mipaingotra amin’ny olona mbola velona aza, dia azon’ny rehetra jerena raha tsy nisy n’inona n’inona novaina ary azo tadiavina tsara:
- Azo zaraina amin’ny alalan’ny fampiasana rohy, na ny tambajotran-tserasera na ny mailaka izy ireny.
- Azo tadiavina amin’ny alalan’ny fikarohana hampiasana tenifototra manasokajy lohahevitra ao amin’ny Ireo Fahatsiarovana ao amin’ny FamilySearch izy ireny.
- Mety ho hita amin’ny alalan’ny Google na fitaovam-pikarohana hafa izy ireny.
Raha toa ka mety ny hanaovana izany, dia afaka mamela ny fahafahana mijery ilay fahatsiarovana ho azon’ny besinimaro jerena ianao. Raha toa ka tsy mety ny hanaovana izany, dia mandroso izahay ny hanokafanao ilay fahatsiarovana ary ny hanovanao ny fahafahana mijery izany mba ho ana olona manokana (ianao irery ihany) na voafetra (ireo mpikamban’ny vondrom-pianakaviana iray ihany).
Jereo ny Fanekena momba ny fandefasan-javatra ato aminay mialoha ny hampidirana fahatsiarovana ao amin’ny FamilySearch.
Lisitr’ireo fanovana natao
Indraindray ny olona mbola velona iray dia ampifandraisina amina olona efa maty izay afaka hitan’ny mpampiasa ny FamilySearch.
Raha toa ny mpampiasa iray hafa manambatra na mamafa ilay olona afaka hitan’ny besinimaro, dia manavao ny lisitr’ireo fanovana natao ho an’ilay olona mbola velona ny FamilySearch mba hampisehoana fa nisy fanovana natao teo amin’ny rohim-pifandraisana eo amin’ilay olona mbola velona sy ilay olona efa maty.
Izany fanavaozana izany dia mety hampiseho ny laharana ifandraisana an’ilay mpampiasa izay nampitambatra na namafa. Tsy nahita ny mombamomba ilay olona mbola velona io mpampiasa io.
Lahatsoratra mifandray amin’ireto
Iza no afaka mahita ireo havako mbola velona ao amin’ny Hazon’ny tetiaram-pianakaviana?
Ahoana no amantaran’ny Hazon’ny tetiaram-pianakaviana fa mbola velona na efa maty ny olona iray?
Ahoana no iarovan’ny Hazon’ny tetiaram-pianakaviana ny tsiambaratelon’ny olona iray mbola velona?
Mety ho lasa miseho ho lasa azon’ny rehetra jerena ve ny olona tsy natao ho jeren’ny rehetra ao anatin’ny Hazon’ny tetiaram-pianakaviana?
Ahoana no ahitako ny lisitr’ireo olona manokana sy tsy azon’ny rehetra jerena izay nampidiriko tao amin’ny Hazon’ny tetiaram-pianakaviana?
Ahoana no hanaovako ny fahatsiarovana iray ho tsy azon’ny rehetra jerena?