Ireo tranonkala ireo dia manolotra fanampiana sarobidy rehefa manompo ao amin’ny ivon-toeran’ny FamilySearch ianao.
- Ny FamilySearch.org no tranonkalan’ny tantaram-pianakaviana an’ny Fiangonana. Ny fiteny hitanao dia miankina amin’ny fiteny ao amin’ny solosaina na fitety ampiasainao. Afaka misafidy fiteny hafa ianao eo ambanin’ny pejy.
- Ny Loharanom-pahalalana ho an’ireo mpitondra fanampiana dia ao anatin’ny tranonkalan’ny FamilySearch. Ampiasao izany hanomanana traikefa amin’ny tantaram-pianakaviana natao ho an’ireo mpitsidika manokana. Ampiasao ireo loharanom-pahalalana eto rehefa mianatra momba ny fomba hahatongavana ho mpanorohevitra mahomby ianao. Trandraho tsara ireo loharanom-pahalalana sy fitaovana enti-mandalina.
- Ny Rantin’ireo vahaolana an’ny FamilySearch dia mitanisa vokatra avy ankolafy hafa izay miara-miasa amin’ny FamilySearch. Maimaim-poana ireo vokatra sasany. Ny sasany dia misy sarany. Azonao vakiana ny antsipiriany momba ny vokatra tsirairay hijerena ny fiasany miaraka amin’ny FamilySearch.
- Ny Fikarohana Wiki an’ny FamilySearch dia torolalana maimaim-poana momba ny tetiarana an-jotra sy ny tantaram-pianakaviana. Io wiki io dia manome fomba fikarohana sy manolotra rakitsoratra sy loharanom-pitaovana avy amin’ny lafivalon’izao tontolo izao. Ny wiki dia loharanom-pahalalana izay manampy anao hahita ireo loharanom-pahalalana misy rehefa manampy ireo mpitsidika hikaroka ny fianakaviany ianao.
- Ny renim-pejin’ny ivon-toeran’ny FamilySearch dia manome fahafahana hiditra ao amin’ireo loharanom-pitaovana ho an’ny tantaram-pianakaviana, isan’izany ireo tranonkala premium. Amin’ireo solosainan’ny ivon-toerana ihany ireo mpitsidika no mahazo mampiasa ilay renim-pejy. Amin’ny fiteny anglisy ihany io tranonkala io.
- Raha hisintona rindrambaiko fitantanana ny zavatra ananana sy rindrambaiko hafa ho an’ny solosainan’ny ivon-toerana dia mandehana ao amin’ny Fitaovana fanampiana an’ny FamilySearch. Eo amin’ny ampahany ambany havanana amin’ny efijery dia tsindrio ny Fitaovana ho an’ny Ivon-toeran’ny tantaram-pianakaviana.
- Ny BYU Print sy Mail dia mamela anao hanafatra fitaovana ho an’ny FamilySearch sy ny tantaram-pianakaviana izay ankatoavina ho an’ny ivon-toerana. Ampiasao ireo fitaovana mba hampivelarana fifandraisana amin’ny fiarahamonina. Anisan’ny zavatra misy ny taratasy zaraina, sy karatra fifandraisana, ary karatra fampahalalana ny ivon-toerana.
- Ny Toeram-pivarotana an-jotra dia misy kiboky Ny fianakaviako sy loharanom-pitaovana hafa an’ny tantaram-pianakaviana.
- Ny Loharanom-pahalalana an’ny ivon-toeran’ny FamilySearch dia manolotra loharanom-pitaovana izay manampy anao hampandeha ny ivon-toeran’ny FamilySearch.
- Ny Ivon-toerana misahana ny fanampiana an’ny FamilySearch dia toerana ahafahanao mikaroka fanampiana rehefa mampiasa ny tranonkalan’ny FamilySearch ianao.
Lahatsoratra mifandray
Ahoana no hianarako ny ho mpitondra fanampiana na momba ny antsoko amin’ny maha mpanorohevitra mikasika ny tempoly sy ny tantaram-pianakaviana ahy?
Ahoana no ahitako ireo vokatra avoakan’ny mpiara-miasa?
Inona ilay fikarohana Wiki an’ny FamilySearch?
Fampiasana ny renim-pejin’ny ivon-toeran’ny FamilySearch
Hanomboka fanaraha-maso avy lavitra amin’ny sampam-panampiana an’ny FamilySearch
Petadrindrina ho an’ireo ivon-toeran’ny FamilySearch
Loharanom-pitaovana misy ho an’ny ivon-toeran’ny FamilySearch avy amin’ireo sampana mpaninjara
Pejin’ny loharanom-pitaovana an’ny ivon-toeran’ny FamilySearch ao amin’ny churchofjesuschrist.org
Torolalana momba ny fampandehanan-draharaha ao amin’ny ivon-toeran’ny FamilySearch