Ny FamilySearch.org dia feno firaketana tena tsara, ary ny sasany amin’izany dia azo antoka fa saika ahitana fampahalalana vaovao momba ny fianakavianao daholo. Ianaro avy amin’ity tari-dalana ho an’ny olona vao manomboka mampiasa ity ny fomba hikarohana ireo firaketana ireo sy hitadiavana ny razambenao.
Atombohy amin’ny fankanesana ao amin’ny efijery fanaovana fikarohana fototra ao amin’ny FamilySearch, izay azonao tadiavina amin’ny alalan’ny fisafidianana ny Hikaroka eo amin’ilay faritra lavalava eo ambonin’ilay efijery, ary avy eo ao amin’ny lisitra mitandahatra midina, Firaketana. Afaka mahita fomba marobe hanaovana fikarohana ianao avy eto.
Ny fikarohana tsotra: Hikaroka araka ny olona
Misy fomba vitsivitsy azonao hikarohana firaketana sy hitadiavana ireo razambenao ao amin’ny FamilySearch, kanefa ny iray amin’ireo fomba tsotra indrindra dia ny mikaroka araka ny olona.
Mba hanaovana fikarohana amin’io fomba io dia mifantoha amin’ny efajoro Hikaroka raki-tantara eo amin’ny lafiny havian’ny efijery fikarohana fototra, dia araho ireto dingana tsotra ireto:
- Ampidiro ao ny fampahalalana momba ny razambenao. Mora ny manaiky fa rehefa amin’ny antsipiriany kokoa ny fampahalalana ampidirinao momba ny razambenao dia izay no tsara indrindra. Raha ny marina anefa dia ny mifanohitra amin’izay no marina. Mampidira fampahalalana vitsy araka izay azo atao izay hahazoana isana voka-pikarohana mitombina tsara.
- Tsindrio ny Hikaroka mba hahazoana lisitr’ireo voka-pikarohana. Ao amin’ity ohatra eto ity dia nampiditra fampahalalana ho an’i Charles Mulford isika. Toy izao ny endriky ny voka-pikarohana (ireo izay mifanaraka indrindra amin’ny zavatra tadiavina ihany no aseho eto):
Raha mieritreritra ianao fa mifandraika amin’ny zavatra tadiavina ny iray amin’ireo zavatra ao anatin’ilay lisitra, dia safidio izay toerana tianao ao anatin’ilay andalana mba hijerena ny antsipirian-javatra ao amin’ilay firaketana. Misokatra eo amin’ny ankavia ny fandikana ilay tahirin-kevitra miaraka amin’ny rohy mankao amin’ny sarin’ilay tahirin-kevitra eo amin’ny ankavanana. Ny fisafidianana ny Hijery ny tahirin-kevitra niandohana eo ambanin’ny sombin-tsary kelin’ilay tahirin-kevitra ao amin’io ohatra io dia mamoaka ilay fanisam-bahoaka tamin’ny 1910 izay ahitana an’i Charles sy ny fianakaviany.
Fomba haingana iray hafa hanaovana fikarohana
Misy koa fomba iray hafa hitadiavana olona. Raha mampiasa ny Rafi-tetiarana ianao dia mankanesa ao amin’ny pejin’ny olona. Safidio eo amin’ny ilay havanana amin’ny pejy, ao amin’ny efajoro Hikaroka firaketana ny FamilySearch. Ho ampiasaina hameno ho azy ilay faritra hanaovana fikarohana ny antsipirian-javatra momba io olona io.
Raha vantany vao hitanao ilay olona tadiavinao,dia afaka mampiditra ilay fampahalalana ao amin’ny Rafi-tetiarana ianao ka noho izany dia afaka manitatra ny rafi-tetiaranao ianao ary mitady amin’ny fomba mora kokoa ilay firaketana amin’ny ho avy.
Tadidio ao an-tsainao fa ireo angon-javatra vita firaketana faobe ihany no azo karohina amin’io fomba io. Manana firaketana maro be an-jotra ny FamilySearch izay tsy mbola azo idirana avy amin’ity karazana fikarohana ity.
Ny mampalahelo amin’ny Fikarohana tsy mahomby
Tsy ny fikarohana rehetra atao akory no hahazoana ny vokatra izay tadiavinao, kanefa aza matahotra! Tsy maintsy mbola misy firaketana misy fampahalalana momba ny fianakavianao any ho any. Fantaro ny fomba hanatsaranao ny fikarohanao, na manandrama fomba fikarohana hafa, mba hahafahanao mahita ireo razambenao.
