អ្នកអាចកែតម្រូវទំនាក់ទំនងគូស្វាមីភរិយាមិនត្រឹមត្រូវបានគ្រប់ពេលវេលា ។ នេះគឺជាជំហានដើម្បីដកចេញ ឬជំនួសស្វាមី ឬភរិយាដែលមិនត្រឹមត្រូវ ។
គន្លឹះ ៖ ការដកចេញ ឬការជំនួសកំណត់ត្រារបស់បុគ្គលម្នាក់អាចមានអារម្មណ៍ថាភ័យតក់ស្លុត ។ សូមកុំបារម្ភ ហើយដឹងប្រាកដថា ការផ្លាស់ប្ដូរនានាអាចត្រឡប់វិញបាននៅក្នុងមុខងារការផ្លាស់ប្ដូរចុងក្រោយបំផុត ។ វាក៏មានប្រយោជន៍ផងដែរដើម្បីកត់ត្រាអត្តលេខទុក ដើម្បីឲ្យបុគ្គលដែលត្រូវគេដកចេញ ឬជំនួសនោះងាយស្រួលនឹងរកមកវិញបាននៅពេលក្រោយ ។
ជំហាន ( គេហទំព័រ )
- នៅម៉ឺនុយខាងលើ សូមចុចលើ មែកធាងគ្រួសារ ហើយបន្ទាប់មក សូមចុចលើ មែកធាង ។
- សូមស្វែងរកបុគ្គលនៅលើមែកធាងដែលមានស្វាមី ឬភរិយាមិនត្រឹមត្រូវ ។
- សូមចុចលើ ឈ្មោះ របស់បុគ្គលនោះ ។ នៅក្នុងព័ត៌មានលម្អិតដែលលេចឡើង សូមចុចលើ ឈ្មោះ របស់បុគ្គលនោះម្ដងទៀត ។ អ្នកនឹងត្រូវបាននាំទៅកាន់ទំព័ររបស់បុគ្គលនោះ ។
- សូមចុចលើផ្ទាំង ព័ត៌មានលម្អិត ។
- សូមអូសចុះទៅផ្នែក សមាជិកគ្រួសារ ។
- នៅក្រោមស្វាមីភរិយា និងកូន អ្នកអាចមើលទំនាក់ទំនងខុសៗគ្នាជាច្រើន ។
- នៅក្នុងប្រអប់ដែលបង្ហាញទំនាក់ទំនងគូស្វាមីភរិយាមិនត្រឹមត្រូវ សូមចុចលើ រូបតំណាងកែសម្រួល
- សូមចុច ដកចេញ ឬជំនួស នៅក្បែរស្វាមី ឬភរិយាដែលមិនត្រឹមត្រូវនោះ ។
- សូមចុច ប្រអប់សញ្ញាកែង នៅលើអេក្រង់ដកចេញ ឬជំនួសដើម្បីបញ្ជាក់ថា អ្នកបានពិនិត្យមើលទំនាក់ទំនង ប្រភពដើម និងកំណត់ចំណាំនានារួចហើយ ។
- សូមធ្វើតាមអ្វីមួយដូចខាងក្រោមនេះ ៖
- ដើម្បីដកស្វាមី ឬភរិយាមិនត្រឹមត្រូវចេញ សូមចុច ដកបុគ្គលចេញ ។ សូមពន្យល់អំពីមូលហេតុ រួចហើយចុចលើ ដកចេញ ។
- ដើម្បីជំនួសស្វាមី ឬភរិយាដែលមិនត្រឹមត្រូវ សូមចុច ជំនួសបុគ្គល ។ ផ្ទាំងអេក្រង់ ជំនួសបុគ្គល នឹងបង្ហាញឡើង ។
- ប្រសិនបើអ្នកស្គាល់អត្តលេខរបស់ស្វាមី ឬភរិយានេះ សូមចុច រកតាមអត្តលេខ សូមវាយបញ្ចូលអត្តលេខ រួចហើយចុច ស្វែងរក ។ សូមចុច បន្ថែមបុគ្គល ។ សូមពន្យល់អំពីមូលហេតុរបស់អ្នកសម្រាប់ការផ្លាស់ប្ដូរនេះ រួចចុចលើ ជំនួស ។
- ប្រសិនបើអ្នកមិនស្គាល់អត្តលេខរបស់ស្វាមី ឬភរិយានេះទេ សូមបំពេញប្រអប់ស្រាវជ្រាវ រួចហើយចុច បន្ទាប់ ។ ប្រសិនបើបុគ្គលត្រឹមត្រូវលេចឡើងនៅក្នុងបញ្ជីនេះ សូមចុច បន្ថែមបុគ្គល ។ បើមិនដូច្នោះទេ សូមចុច បង្កើតថ្មី ដើម្បីបង្កើតកំណត់ត្រាថ្មីមួយ ។ សូមពន្យល់អំពីមូលហេតុរបស់អ្នកសម្រាប់ការផ្លាស់ប្ដូរនេះ រួចចុចលើ ជំនួស ។
ជំហាន ( កម្មវិធីឧបករណ៍ចល័ត )
- សូមរុករកទំព័របុគ្គលរបស់ស្វាមី ឬភរិយាដែលមិនត្រឹមត្រូវនោះ ។
- សូមចុចលើផ្ទាំង ស្វាមីភរិយា ។
- នៅខាងក្រោមឈ្មោះរបស់ស្វាមី ឬភរិយាមិនត្រឹមត្រូវ សូមចុចលើ រូបតំណាងខ្មៅដៃ នៅខាងស្ដាំដៃ ។
- សូមចុច ដកចេញ ឬជំនួសភរិយា ។
- សូមចុចប្រអប់ទទេ នៅពេលដែលអ្នកបានអានព័ត៌មានអំពីការដកចេញ និងការជំនួសស្វាមី ឬភរិយារួចហើយ ។
- សូមធ្វើតាមអ្វីមួយដូចខាងក្រោមនេះ ៖
- ការដកចេញស្វាមី ឬភរិយានឹងលុបទំនាក់ទំនងគូស្វាមីភរិយា ហើយដកបុគ្គលនោះចេញពីទំនាក់ទំនងរបស់កូនៗដែលបានបង្ហាញ ។ សូមធ្វើបែបនេះ ប្រសិនបើអ្នកមិនប្រាកដថាស្វាមី ឬភរិយាជានរណា ប៉ុន្តែអ្នកដឹងថាស្វាមី ឬភរិយាដែលបានរាយបញ្ជីនោះ ត្រូវបានបន្ថែមដោយមិនត្រឹមត្រូវទេ ។
- ដើម្បីដកស្វាមី ឬភរិយាមិនត្រឹមត្រូវចេញ សូមចុច ដកចេញ ។ សូមពន្យល់អំពីមូលហេតុ រួចហើយចុចលើ ដកចេញ ។
- ការជំនួសស្វាមី ឬភរិយានឹងបន្ថែមស្វាមី ឬភរិយាត្រឹមត្រូវទៅនឹងទំនាក់ទំនងគូស្វាមី ឬភរិយា ហើយបន្ថែមពួកគេទៅក្នុងទំនាក់ទំនងរបស់កូនៗពួកគេ ។ អ្នកនឹងជ្រើសរើសស្វាមី ឬភរិយាត្រឹមត្រូវបន្ទាប់ពីចុច ជំនួស ។
- ដើម្បីជំនួសស្វាមី ឬភរិយាដែលមិនត្រឹមត្រូវ សូមចុច ជំនួស ។
- ប្រសិនបើអ្នកស្គាល់អត្តលេខរបស់ស្វាមី ឬភរិយានេះ ៖
- កម្មវិធី Android ៖ សូមចុច រកតាមអត្តលេខ ។ សូមវាយបញ្ចូលអត្តលេខ រួចហើយចុច បន្ត ។ សូមពន្យល់អំពីមូលហេតុដែលថា ព័ត៌មាននេះត្រឹមត្រូវ រួចចុច ជំនួស ។
- កម្មវិធី Apple iOS ៖ សូមចុច បន្ថែមតាមអត្តលេខ ។ សូមវាយបញ្ចូលអត្តលេខ រួចហើយចុច បន្ត ។ សូមចុច បន្ថែមបុគ្គលដែលត្រូវគ្នា ។ សូមពន្យល់អំពីមូលហេតុដែលថា ព័ត៌មាននេះត្រឹមត្រូវ រួចចុចលើ ជំនួស ។
- ប្រសិនបើអ្នកមិនស្គាល់អត្តលេខរបស់ស្វាមី ឬភរិយានេះទេ ៖
- សូមបំពេញប្រអប់ស្រាវជ្រាវ រួចហើយចុច បន្ត ។ សូមបង្ហាញថាតើស្វាមី ឬភរិយានៅរស់ ឬស្លាប់ រួចហើយសូមចុច បន្ត ។ ប្រសិនបើបុគ្គលត្រឹមត្រូវលេចឡើងនៅក្នុងបញ្ជីនេះ សូមចុច បន្ថែមបុគ្គលដែលត្រូវគ្នា ។ បើមិនដូច្នោះទេ សូមប្រើលទ្ធផលស្រាវជ្រាវរបស់អ្នកដើម្បីបង្កើតកំណត់ត្រាថ្មីមួយ ។ សូមពន្យល់អំពីមូលហេតុរបស់អ្នកសម្រាប់ការផ្លាស់ប្ដូរនេះ រួចចុចលើ ជំនួស ។
- ប្រសិនបើអ្នកស្គាល់អត្តលេខរបស់ស្វាមី ឬភរិយានេះ ៖
- ដើម្បីជំនួសស្វាមី ឬភរិយាដែលមិនត្រឹមត្រូវ សូមចុច ជំនួស ។
- ការដកចេញស្វាមី ឬភរិយានឹងលុបទំនាក់ទំនងគូស្វាមីភរិយា ហើយដកបុគ្គលនោះចេញពីទំនាក់ទំនងរបស់កូនៗដែលបានបង្ហាញ ។ សូមធ្វើបែបនេះ ប្រសិនបើអ្នកមិនប្រាកដថាស្វាមី ឬភរិយាជានរណា ប៉ុន្តែអ្នកដឹងថាស្វាមី ឬភរិយាដែលបានរាយបញ្ជីនោះ ត្រូវបានបន្ថែមដោយមិនត្រឹមត្រូវទេ ។
ជំហាន ( មែកធាងគ្រួសារមិនពេញលេញ )
- ខណៈកំពុងចូលនៅក្នុង មែកធាងគ្រួសារដែលមិនពេញលេញ សូមរុករកទំព័ររបស់បុគ្គលនោះ ។
- នៅក្រោមឈ្មោះរបស់បុគ្គលនោះ សូមចុច មើលក្រុមគ្រួសារ ។
- នៅក្រោម ស្វាមីភរិយា និងកូន អ្នកអាចមើលទំនាក់ទំនងអាពាហ៍ពិពាហ៍ខុសៗគ្នាជាច្រើន។
- នៅចន្លោះបុគ្គលនោះ និងស្វាមី ឬភរិយា សូមចុចលើ រូបតំណាង កែសម្រួល ។
- សូមចុច ដកចេញ ឬ ជំនួស នៅក្រោមឈ្មោះស្វាមី ឬភរិយាមិនត្រឹមត្រូវនោះ ។
- សូមធ្វើតាមអ្វីមួយដូចខាងក្រោមនេះ ៖
- ដើម្បីដកស្វាមី ឬភរិយាមិនត្រឹមត្រូវចេញ សូមចុចប៊ូតុង ដកចេញ ដែលត្រឹមត្រូវ ។
- ដើម្បីជំនួសស្វាមី ឬភរិយាមិនត្រឹមត្រូវ សូមចុចប៊ូតុង ជំនួស ដែលត្រឹមត្រូវ ។ ផ្ទាំងអេក្រង់ ជំនួសបុគ្គល នឹងបង្ហាញឡើង ។
- ប្រសិនបើអ្នកស្គាល់អត្តលេខរបស់ស្វាមី ឬភរិយានេះ សូមចុច រកតាមអត្តលេខ សូមវាយបញ្ចូលអត្តលេខ រួចហើយចុច ស្វែងរក ។ ( កម្មវិធីស្រាវជ្រាវក្រុមគ្រួសារមិនពេញលេញ មិនបន្ថែមសហសញ្ញា ឬសរសេរអក្សរធំនៃអត្តលេខនោះដោយស្វ័យប្រវត្តិឡើយ ។ ការណ៍នេះត្រូវធ្វើឡើងដោយដៃ ) ។ សូមចុចលើ បន្ថែមបុគ្គល ។
- ប្រសិនបើអ្នកមិនស្គាល់អត្តលេខរបស់ស្វាមី ឬភរិយានេះទេ សូមបំពេញប្រអប់ស្រាវជ្រាវ រួចហើយចុច បន្ទាប់ ។ ប្រសិនបើបុគ្គល ឬគូស្វាមីភរិយាត្រឹមត្រូវលេចឡើងនៅក្នុងបញ្ជីនេះ សូមចុចលើ បន្ថែមបុគ្គល ឬ បន្ថែមស្វាមីភរិយា ។ បើមិនដូច្នោះទេ ដើម្បីបង្កើតកំណត់ត្រាឪពុក ឬម្ដាយថ្មីមួយ សូមចុចលើ បង្កើតបុគ្គល ។
ជំហានបន្ទាប់
នៅពេលអ្នកដកចេញ ឬជំនួសស្វាមី ឬភរិយាមិនត្រឹមត្រូវ នោះទំនាក់ទំនងឪពុក ឬម្ដាយ-កូនក៏ផ្លាស់ប្ដូរសម្រាប់កូនៗដែលបង្ហាញសម្រាប់គូស្វាមីភរិយានោះដែរ ។ ប្រសិនបើកូនភ្ជាប់ទៅនឹងឪពុក ឬម្ដាយមិនត្រឹមត្រូវ នោះស្វាមី ឬភរិយាមិនត្រឹមត្រូវអាចបន្ដបង្ហាញនៅក្នុងទំនាក់ទំនងនោះបាន ។ សូមដកទំនាក់ទំនងឪពុក ឬម្ដាយ-កូនជាមួយស្វាមី ឬភរិយាមិនត្រឹមត្រូវចេញ ដើម្បីដោះស្រាយបញ្ហានេះ ។
អត្ថបទដែលទាក់ទង
តើខ្ញុំកែតម្រូវទំនាក់ទំនងឪពុក ឬម្ដាយកូននៅក្នុងមែកធាងគ្រួសារដោយរបៀបណា ?
តើខ្ញុំមើលឃើញអ្វីដែលបានផ្លាស់ប្តូរ អំពីបុគ្គលម្នាក់នៅក្នុងមែកធាងគ្រួសារដោយរបៀបណា ?
តើខ្ញុំបន្ថែមសមាជិកគ្រួសារម្នាក់ទៅកាន់ពង្សាវលីនៃមែកធាងគ្រួសារដោយរបៀបណា ?
តើខ្ញុំបន្ថែម ឬផ្លាស់ប្ដូរព័ត៌មានអាពាហ៍ពិពាហ៍នៅក្នុងមែកធាងគ្រួសារដោយរបៀបណា ?