តើ​ខ្ញុំ​បន្ថែម ឬ​ផ្លាស់ប្ដូរ​ព័ត៌មាន​អាពាហ៍ពិពាហ៍​នៅក្នុង​មែកធាង​គ្រួសារ​ដោយ​របៀប​ណា ?

Share

នៅក្នុង​មែកធាង​គ្រួសារ ទំនាក់ទំនង​ស្វាមីភរិយា​ភ្ជាប់​មនុស្ស​ដែល​បាន​រៀបការ​ហើយ ដែល​បាន​រស់នៅ​ជាមួយ​គ្នា ដែល​មាន​កូន​ជាមួយគ្នា ឬ​សន្មត​ថា​ខ្លួន គឺ​ជា​ស្វាមីភរិយា​នឹង​គ្នា ។

ព្រឹត្តិការណ៍​អាពាហ៍ពិពាហ៍​បង្ហាញ​ទំនាក់ទំនង​គូស្វាមី​ភរិយា ។ ព្រឹត្តិការណ៍​នានា​បញ្ជាក់​លម្អិត​ពី​ការបង្កើត ឬ​ការបញ្ចប់​នៃ​ទំនាក់ទំនង​មួយ ។ អ្នក​អាច​បន្ថែម កែតម្រូវ ឬ​លុប​ចោល​ព្រឹត្តិការណ៍​អាពាហ៍ពិពាហ៍​ចំនួន​៥​ប្រភេទ​នៅក្នុង​មែកធាង​គ្រួសារ​បាន ៖

  • អាពាហ៍ពិពាហ៍
  • ការលែងលះ
  • មោឃភាព
  • ច្បាប់​ទូទៅ
  • បាន​រួមរស់​ជាមួយគ្នា

គូស្វាមី​ភរិយា​អាច​មាន​ព្រឹត្តិការណ៍​អាពាហ៍ពិពាហ៍​ច្រើន​ជាង​មួយ ។ អ្នក​អាច​លុប​ព្រឹត្តិការណ៍​ស្ទួន​បាន ។
ព្រឹត្តិការណ៍​អាពាហ៍ពិពាហ៍​ជះឥទ្ធិពល​លើ​របៀប​ដែល​ព័ត៌មាន​ក្នុង​មែកធាង​គ្រួសារ​បង្ហាញ​ឡើង ។ 

  • នៅពេល​បុគ្គល​ម្នាក់​មាន​ស្វាមី ឬ​ភរិយា​ច្រើន​ជាង​ម្នាក់ នោះ​ស្វាមីភរិយា​នោះ​ត្រូវបាន​ដាក់​តាម​លំដាប់​កាលប្រវត្តិ​នៅក្នុង​ព្រឹត្តិការណ៍​អាពាហ៍ពិពាហ៍ ។
  • កាលបរិច្ឆេទ​ដំបូង​បំផុត​បង្ហាញ​នៅក្នុង​ប្រអប់​គូស្វាមី​ភរិយា​នៅលើ​ទំព័រ​បុគ្គល ។

ចំនួន​ព័ត៌មាន​អាពាហ៍ពិពាហ៍​ដែល​មើល​ឃើញ​នៅលើ​មែកធាង​គ្រួសារ ខុសៗ​គ្នា​អាស្រ័យ​ទៅលើ​ការមើល​មែកធាង​តាម​របៀប​ខុសគ្នា ។

ជំហាន ( គេហទំព័រ )

  1. ចូល​ទៅ​ក្នុង​កម្មវិធី​ស្រាវជ្រាវ​ក្រុម​គ្រួសារ ហើយ​ចុច មែកធាង​គ្រួសារ ។ បន្ទាប់មក​ចុច​លើ មែកធាង ។
  2. ស្វែងរក​បុគ្គល​នៅលើ​មែកធាង ។
  3. សូម​ចុច​លើ​ឈ្មោះ​របស់​បុគ្គល​នោះ ។ នៅក្នុង​ព័ត៌មាន​លម្អិត​ដែល​លេច​ឡើង សូម​ចុច​លើ​ឈ្មោះ​របស់​បុគ្គល​នោះ​ម្ដងទៀត ។
  4. សូម​ចុចលើ ផ្ទាំង ព័ត៌មាន​លម្អិត ។
  5. សូម​អូស​ទៅ​ផ្នែក សមាជិក​គ្រួសារ ។
  6. សូម​ចុច​លើ រូបតំណាង​ខ្មៅដៃ នៅជាប់​នឹង​ព្រឹត្តិការណ៍​អាពាហ៍ពិពាហ៍​សម្រាប់​គូ​ស្វាមី​ភរិយា​នោះ ។
  7. បន្ថែម​ព្រឹត្តិការណ៍​អាពាហ៍ពិពាហ៍​មួយ ៖
    1. សូម​ចុចលើ បន្ថែម​ព្រឹត្តិការណ៍ ។
    2. សូម​ចុចលើ ព្រួញ​ទៅក្រោម​ហើយ​ចុចលើ​ប្រភេទ​ព្រឹត្តិការណ៍​នោះ ។
    3. សូម​វាយ​បញ្ចូល​កាលបរិច្ឆេទ និង​ទីកន្លែង ។
    4. សូម​ពន្យល់​ពី​របៀប​ដែល​អ្នក​ដឹង​ថា ព័ត៌មាន​ព្រឹត្តិការណ៍​នេះ​គឺ​ត្រឹមត្រូវ ។
    5. សូម​ចុចលើ រក្សាទុក ។
  8. ផ្លាស់ប្ដូរ​ព្រឹត្តិការណ៍​អាពាហ៍ពិពាហ៍​ដែល​មាន​រួចហើយ ៖
    1. សូម​ចុចលើ រូបតំណាង​ខ្មៅដៃ សម្រាប់​គូ​ស្វាមី​ភរិយា ។
    2. ស្វែងរក​ព្រឹត្តិការណ៍​ដែល​មាន​ស្រាប់ ហើយ​ចុចលើ រូបតំណាង​ខ្មៅដៃ ។
    3. សូម​ធ្វើ​ការផ្លាស់ប្ដូរ ។
    4. សូម​ពន្យល់​ពី​របៀប​ដែល​អ្នក​ដឹង​ថា ការផ្លាស់ប្ដូរ​ដែល​អ្នក​បាន​ធ្វើ​នេះ​គឺ​ត្រឹមត្រូវ ។
    5. សូម​ចុចលើ រក្សាទុក ។
  9. លុបចោល​ព្រឹត្តិការណ៍​អាពាហ៍ពិពាហ៍​មួយ ៖
    1. សូម​ចុចលើ រូបតំណាង​ខ្មៅដៃ សម្រាប់​គូ​ស្វាមី​ភរិយា ។
    2. ស្វែងរក​ព្រឹត្តិការណ៍​ដែល​មាន​ស្រាប់ ហើយ​ចុចលើ រូបតំណាង​ខ្មៅដៃ ។
    3. នៅ​ខាង​ក្រោម​ផ្នែក​ខាងឆ្វេង​នៃ​អេក្រង់​កែសម្រួល សូម​ចុចលើ លុបចោល​ព្រឹត្តិការណ៍ ។
    4. វាយ​បញ្ចូល​ហេតុផល​សម្រាប់​ការលុប​ព្រឹត្តិការណ៍​នេះ ។
    5. សូម​ចុច លុប ។

ជំហាន ( កម្មវិធីឧបករណ៍ចល័ត )

  1. នៅក្នុង​កម្មវិធី​ឧបករណ៍​ចល័ត​មែកធាង​គ្រួសារ សូម​រុករក​ទំព័រ​បុគ្គល របស់​បុគ្គល​នោះ ឬ​របស់​ស្វាមី ឬ​ភរិយា​នោះ ។
  2. សូម​ចុចលើ ស្វាមី ឬ ភរិយា ។
  3. សូម​ចុច​លើ រូបតំណាង ខ្មៅដៃ នៅក្បែរ​សំណេរ​អំពី​អាពាហ៍ពិពាហ៍​នេះ ។
  4. បន្ថែម​ព្រឹត្តិការណ៍​អាពាហ៍ពិពាហ៍​មួយ ៖
    1. សូម​ចុចលើ បន្ថែម​ព្រឹត្តិការណ៍ ។
    2. សូម​ចុចលើ ព្រួញ​ទៅក្រោម ហើយ​ចុចលើ​ប្រភេទ​ព្រឹត្តិការណ៍​នោះ ។
    3. សូម​វាយ​បញ្ចូល​កាលបរិច្ឆេទ និង​ទីកន្លែង ។
    4. សូម​ចុចលើ បន្ដ ។
    5. សូម​ពន្យល់​ពី​របៀប​ដែល​អ្នក​ដឹង​ថា ព័ត៌មាន​ព្រឹត្តិការណ៍​នេះ​គឺ​ត្រឹមត្រូវ ។
    6. សូម​ចុចលើ រក្សាទុក ។
  5. កែសម្រួល​ព្រឹត្តិការណ៍​អាពាហ៍ពិពាហ៍​ដែល​មាន​រួច​ហើយ ៖
    1. សូម​ចុចលើ រូបតំណាង​ខ្មៅដៃ សម្រាប់​ព្រឹត្តិការណ៍​អាពាហ៍ពិពាហ៍ ដែល​អ្នក​ចង់​ផ្លាស់ប្ដូរ ។
    2. សូម​ចុចលើ កែសម្រួល ។
    3. អ្នក​អាច​កែសម្រួល​ប្រភេទ កាល​បរិច្ឆេទ និង​ទីកន្លែង​នៃ​ព្រឹត្តិការណ៍​នោះ​បាន ។
    4. សូម​ពន្យល់​ពី​ហេតុផល​ដែល​ថា ព័ត៌មាន​នោះ​គឺ​ត្រឹមត្រូវ ។
    5. សូម​ចុចលើ រក្សាទុក ។
  6. លុបចោល​ព្រឹត្តិការណ៍​អាពាហ៍ពិពាហ៍​មួយ ៖
    1. សូម​ចុចលើ រូបតំណាង​ខ្មៅដៃ សម្រាប់​ព្រឹត្តិការណ៍​អាពាហ៍ពិពាហ៍ ដែល​អ្នក​ចង់​លុបចោល ។
    2. សូម​ចុចលើ លុបចោល​ព្រឹត្តិការណ៍​អាពាហ៍ពិពាហ៍ ។ 
    3. សូម​ពន្យល់​ពី​មូលហេតុ​ដែល​អ្នក​លុប​ចោល​ព្រឹត្តិការណ៍​នេះ ។
    4. សូម​ចុចលើ លុបចោល ។

ជំហាន ( មែកធាងគ្រួសារមិនពេញលេញ )

នៅក្នុង​មែកធាង​គ្រួសារ​មិន​ពេញលេញ អ្នក​អាច​បន្ថែម​ព្រឹត្តិការណ៍​អាពាហ៍ពិពាហ៍​ចំនួន ៤ ប្រភេទ ៖ អាពាហ៍ពិពាហ៍ ការលែងលះ ច្បាប់​ទូទៅ និង​មោឃភាព ។ ព្រឹត្តិការណ៍ បាន​រួមរស់​ជាមួយគ្នា មិនមាន​នៅក្នុង មែកធាង​គ្រួសារ​មិន​ពេញលេញ​ទេ ។ ដើម្បី​បន្ថែម​ព្រឹត្តិការណ៍ បាន​រួមរស់​ជាមួយគ្នា សូម​ប្រើ​កំណែ​គេហទំព័រ​នៃ​មែកធាង​គ្រួសារ ឬ​កម្មវិធី​ឧបករណ៍​ចល័ត​សម្រាប់​មែកធាង​គ្រួសារ ។
 

  1. សូម​ចូល​ទៅកាន់​មែកធាង​គ្រួសារ​មិន​ពេញលេញ ។
  2. សូម​រុករក​ទំព័រ​បុគ្គល របស់​បុគ្គល​នោះ ឬ​របស់​ស្វាមី ឬ​ភរិយា​នោះ ។
  3. សូម​ចុចលើ រូបតំណាង​ខ្មៅដៃ សម្រាប់​ព័ត៌មាន​អាពាហ៍ពិពាហ៍​របស់​គូ​ស្វាមី​ភរិយា​នោះ ។
  4. បន្ថែម​ព្រឹត្តិការណ៍​អាពាហ៍ពិពាហ៍​មួយ ៖
    1. នៅក្នុង​ផ្នែក ព្រឹត្តិការណ៍​អាពាហ៍ពិពាហ៍ សូម​ចុចលើ បន្ថែម​ព្រឹត្តិការណ៍ ។
    2. សូម​ចុចលើ ព្រួញ​ទៅក្រោម ហើយ​ចុចលើ​ប្រភេទ​ព្រឹត្តិការណ៍​របស់​គូ​ស្វាមី​ភរិយា​នោះ ។
    3. សូម​វាយ​បញ្ចូល​កាលបរិច្ឆេទ និង​ទីកន្លែង ។
    4. សូម​ពន្យល់​ពី​របៀប​ដែល​អ្នក​ដឹង​ថា ព័ត៌មាន​ព្រឹត្តិការណ៍​នេះ​គឺ​ត្រឹមត្រូវ ។
    5. សូម​ចុចលើ រក្សាទុក ។
  5. កែសម្រួល​ព្រឹត្តិការណ៍​អាពាហ៍ពិពាហ៍​ដែល​មាន​រួចហើយ ៖
    1. សូម​ចុចលើ​ព្រឹត្តិការណ៍ ។
    2. សូម​ចុចលើ កែសម្រួល
    3. អ្នក​អាច​កែសម្រួល​ប្រភេទ កាល​បរិច្ឆេទ និង​ទីកន្លែង​នៃ​ព្រឹត្តិការណ៍​នោះ​បាន ។
    4. សូម​ពន្យល់​ពី​របៀប​ដែល​អ្នក​ដឹង​ថា ព័ត៌មាន​ព្រឹត្តិការណ៍​នេះ​គឺ​ត្រឹមត្រូវ ។
    5. សូម​ចុចលើ រក្សាទុក ។
  6. លុបចោល​ព្រឹត្តិការណ៍​អាពាហ៍ពិពាហ៍​មួយ ៖
    1. សូម​ចុចលើ​ព្រឹត្តិការណ៍​អាពាហ៍ពិពាហ៍ ដែល​អ្នក​ចង់​លុបចោល ។
    2. សូម​ចុចលើ លុបចោល ។
    3. សូម​ពន្យល់​ពី​មូលហេតុ​ដែល​អ្នក​លុប​ចោល​ព្រឹត្តិការណ៍​នេះ ។
    4. សូម​ចុចលើ លុបចោល ។

បញ្ហាបច្ចេកទេស

  • ប្រសិនបើ​អ្នក​មិន​អាច​វាយ​បញ្ចូល​កាលបរិចេ្ឆទ​អាពាហ៍​ពិពាហ៍​បាន​ទេ វា​អាច​ដោយសារ​ស្វាមី ឬ​ភរិយា​នោះ​មិនមាន​នៅក្នុង​មែកធាង​គ្រួសារ ។ ទាំង​ស្វាមី និង​ភរិយា​ត្រូវតែ​បង្ហាញ​នៅក្នុង​មែកធាង​គ្រួសារ ពី​មុន​អ្នក​អាច​វាយ​បញ្ចូល​ព័ត៌មាន​អំពី​អាពាហ៍ពិពាហ៍​បាន ។ អ្នក​អាច​ស្វែងរក និង​ភ្ជាប់​ស្វាមី ឬ​ភរិយា ឬ​បង្កើត​កំណត់ត្រា​មួយ​បាន ។
  • អ្នក​ឃើញ​សារ​កំហុស​មួយ ៖ « ការរក្សាទុក​បាន​បរាជ័យ ។ ទិន្នន័យ​នេះ​មាន​រួច​ហើយ » ។ មែកធាង​គ្រួសារ​អនុញ្ញាត​ឲ្យ​អ្នក​ភ្ជាប់​ព្រឹត្តិការណ៍​មួយ​ជាមួយ​នឹង​ការរួមបញ្ចូល​គ្នា​រវាង​កាលបរិច្ឆេទ និង​ទីកន្លែង​មួយ​បាន ។ ប្រសិនបើ​មាន​កំណែ​មួយ​រួច​ហើយ អ្នក​មិនអាច​បន្ថែម​ព្រឹត្តិការណ៍​មួយ​ទៀត​ឲ្យ​ដូចគ្នា​នោះទេ ។ ផ្ទុយ​ទៅវិញ សូម​លុប​ព្រឹត្តិការណ៍​ដែល​មិន​ត្រឹមត្រូវ​ចោល ។

អត្ថបទដែលទាក់ទង

តើ​ខ្ញុំ​ដាក់​ស្វាមី​ភរិយា​តាម​លំដាប់​លំដោយ​កាលបរិច្ឆេទ​អាពាហ៍ពិពាហ៍​នៅក្នុង​មែកធាង​គ្រួសារ​ដោយ​របៀប​ណា ?
បុគ្គល​ម្នាក់​នៅក្នុង​មែកធាង​គ្រួសារ​មាន​ស្វាមី ឬ​ភរិយា​មិនត្រឹមត្រូវ
តើ​ខ្ញុំ​ស្ដារ​ទំនាក់ទំនង​ដែល​បាន​លុបចោល​នៅ​ក្នុង​មែកធាង​គ្រួសារ​ដោយ​របៀប​ណា ?
តើ​ខ្ញុំ​បង្ហាញ​ថា បុគ្គល​ម្នាក់​នៅក្នុង​មែកធាង​គ្រួសារ​ពុំ​មាន​កូន ឬ​មិន​ដែល​មាន​ទំនាក់ទំនង​ដោយ​របៀប​ណា ?
តើ​ខ្ញុំ​បង្ហាញ​ថា ស្វាមីភរិយា​នៅក្នុង​មែកធាង​គ្រួសារ​មិន​ដែល​មាន​កូន​ដោយ​របៀប​ណា ?

តើ​វា​មាន​ប្រយោជន៍​ដែរ​ឬ​ទេ ?