Te ke lava ʻo fakatonutonu e vā fetuʻutaki ʻo ha ongomeʻa ʻi ha faʻahinga taimi pē. Ko e ngaahi sitepu ʻeni ke toʻo pe fetongi ai ha hoa-mali ʻoku fehalaākí.
Tokoni: ʻe malava ke ke ongoʻi momou ʻi hono toʻo pe fetongi e ngaahi lekooti ʻo ha tokotaha. Fiemālie pē he ʻe lava ke toe fakafoki e ngaahi liliú ʻi he tafaʻaki ki he Ngaahi Liliu Fakamuimuitahá. ʻE ʻaonga foki ke lekooti e fika ID koeʻuhí ke faingofua hano maʻu e tokotaha naʻe toʻo pe fetongí ʻamui ange.
Ngaahi Sitepú (uepisaití)
- ʻI he meʻa ke fili mei ai ʻi ʻolungá, lomiʻi ʻa e Fuʻu ʻAkau Fakafāmilí, pea lomiʻi leva ʻa e Fuʻu ʻAkaú.
- Kumi ʻa e tokotahá ʻi he fuʻu ʻakaú mo ha hoa-mali ʻoku fehalaākí.
- Lomiʻi e hingoa ʻo e tokotahá. ʻI he ngaahi fakaikiiki ʻoku ʻasi haké, toe lomiʻi ʻi he hingoa ʻo e tokotahá. ʻE toe fakahoko koe ki he peesi ʻa e tokotaha ko iá.
- Lomiʻi ʻi he Ngaahi Fakaikiikí.
- ʻAlu ki he konga Kau Mēmipa ʻo e Fāmilí.
- ʻI lalo ʻi he Ngaahi Hoa-malí mo e Fānaú, te ke lava ʻo vakai ki he ngaahi vā fetuʻutaki kehekehé.
- ʻI he puha ʻoku ʻasi ai e vā fetuʻutaki fehalaaki ʻo e ongomeʻá, lomiʻi ʻi he fakaʻilonga Fakatonutonú( ).
- Lomiʻi ʻi he Toʻo pe Fetongi ʻi he tafaʻaki ʻo e hoa-mali ʻoku fehalaākí.
- Lomiʻi ʻi he puha ʻi he monitoa Toʻo pe Fetongí ke fakapapauʻi naʻá ke vakaiʻi e ngaahi vā fetuʻutakí, ngaahi maʻuʻanga fakamatalá, mo e ngaahi fakamatala kehé.
- Fai ha taha ʻo e ngaahi meʻá ni:
- Ke toʻo ha hoa-mali ʻoku fehalaaki, lomiʻi ʻi he Toʻo e Tokotahá. Fakamatalaʻi hono ʻuhingá, pea lomiʻi leva ʻi he Toʻó.
- Ke fetongi ha hoa-mali ʻoku fehalaaki, lomiʻi ʻi he Fetongi e Tokotahá. ʻE ʻasi mai leva e monitoa ʻo e Tokotaha ke Fetongí.
- Kapau ʻokú ke ʻilo e fika ID ʻo e hoa-malí, lomiʻi ʻi he Kumi ʻaki e Fika ID, fakahū e fika ID, pea lomiʻi leva ʻi he Kumí. Lomiʻi ʻi he Tānaki e Tokotahá. Fakamatalaʻi hoʻo ʻuhinga ki he liliú, pea lomiʻi ʻi he Fetongí.
- Kapau ʻoku ʻikai ke ke ʻilo e fika ID ʻo e hoa-malí, fakakakato e ngaahi meʻa ʻoku fie maʻu ki he fekumí, pea lomiʻi ʻi he Hoko Atú. Kapau ʻoku ʻasi mai e tokotaha totonú ʻi he lisí, lomiʻi ʻi he Tānaki e Tokotahá. Ka ʻikai, lomiʻi ʻi he Faʻu Foʻoú ke faʻu ha lekooti foʻou. Fakamatalaʻi hoʻo ʻuhinga ki he liliú, pea lomiʻi leva ʻi he Fetongí.
Ngaahi Sitepú (polokalama fakatelefoní toʻotoʻó)
- ʻAlu ki he peesi ʻo e Tokotahá mo e hoa-mali fehalaākí.
- Lomiʻi ʻi he meʻalomi ʻo e Ngaahi Hoa-malí.
- ʻI lalo ʻi he hingoa ʻo e hoa-mali fehalaākí, lomiʻi ʻi he fakaʻilonga penivahevahé he tafaʻaki toʻomataʻú.
- Lomiʻi ʻi he Toʻo pe Fetongi e Uaifí.
- Lomiʻi ʻi he puha ʻataá ʻi he taimi pē kuó ke lau ai e fakamatala fekauʻaki mo hono toʻo mo fetongi ha hoa-malí.
- Fai ha taha ʻo e ngaahi meʻá ni:
- ʻE tamateʻi ʻa e vā fetuʻutaki ʻo e ongomeʻa malí ʻi hano toʻo ha hoa-mali, pea ʻe toʻo ʻa e tokotahá mei he ngaahi vā fetuʻutaki ʻo e fānaú ʻoku ʻasi atú. Fai ʻeni kapau ʻoku ʻikai ke ke fakapapauʻi pe ko hai ʻa e malí, ka ʻokú ke ʻiloʻi naʻe hala hono tānaki atu ʻo e hoa-mali ʻi he lisí.
- Ke toʻo ha hoa-mali ʻoku fehalaaki, lomiʻi ʻi he Toʻó. Fakamatalaʻi e ʻuhingá pea lomiʻi ʻi he Toʻó.
- ʻI hono fetongi ha hoa-mali, ʻe tānaki ʻa e hoa-mali totonú ki he vā fetuʻutaki ʻo e ongomeʻa malí pea tānaki atu kinaua ki he vā fetuʻutaki ʻo ʻena fānaú. Te ke fili ʻa e hoa-mali totonú hili hoʻo lomiʻi ʻa Fetongí.
- Ke fetongi ha hoa-mali ʻoku fehalaaki, lomiʻi ʻi he Fetongí.
- Kapau ʻokú ke ʻilo e fika ID ʻo e hoa-malí:
- Android: Lomiʻi ʻi he Kumi ʻaki e ID. Fakahū ʻa e fika ID, pea lomiʻi ʻi he Hoko Atú. Fakamatalaʻi e ʻuhinga ʻoku tonu ai e fakamatalá, pea lomiʻi ʻi he Fetongi.
- Apple iOS: Lomiʻi ʻi he Tānaki ʻaki e ID. Fakahū e fika ID, pea lomiʻi ʻi he Hoko Atú. Lomiʻi ʻi he Tānaki e Meʻa ʻOku Tonú. Fakamatalaʻi e ʻuhinga ʻoku tonu ai e fakamatalá, pea lomiʻi ʻi he Fetongi.
- Kapau ʻoku ʻikai ke ke ʻilo e fika ID ʻo e hoa-malí:
- Fakakakato e ngaahi meʻa ʻoku fie maʻu ki he fekumí, pea lomiʻi ʻi he Hoko Atú. Fakahaaʻi pe ʻoku kei moʻui pe ʻosi mate ʻa e hoa-malí, pea lomiʻi leva ʻi he Hoko Atú. Kapau ʻe ʻasi mai e tokotaha totonú ʻi he lisí, lomiʻi ʻi he Tānaki e Meʻa ʻOku Tonú. Ka ʻikai, fakaʻaongaʻi e meʻa naʻá ke kumí ke faʻu ʻaki ha lekooti foʻou. Fakamatalaʻi e ʻuhinga ʻo hoʻo liliú, pea lomiʻi ʻi he Fetongí.
- Kapau ʻokú ke ʻilo e fika ID ʻo e hoa-malí:
- Ke fetongi ha hoa-mali ʻoku fehalaaki, lomiʻi ʻi he Fetongí.
- ʻE tamateʻi ʻa e vā fetuʻutaki ʻo e ongomeʻa malí ʻi hano toʻo ha hoa-mali, pea ʻe toʻo ʻa e tokotahá mei he ngaahi vā fetuʻutaki ʻo e fānaú ʻoku ʻasi atú. Fai ʻeni kapau ʻoku ʻikai ke ke fakapapauʻi pe ko hai ʻa e malí, ka ʻokú ke ʻiloʻi naʻe hala hono tānaki atu ʻo e hoa-mali ʻi he lisí.
Ngaahi sitepú (Fuʻu ʻAkau Fakafāmili laití)
- ʻI hoʻo hū ki he Fuʻu ʻAkau Fakafāmili Laití, ʻalu ki he peesi ʻa e Tokotahá.
- ʻI lalo ʻi he hingoa ʻo e tokotahá, lomiʻi ʻi he Vakai ki he Fāmilí.
- ʻI lalo ʻi he Hoa-malí mo e Fānaú, te ke lava ai ʻo vakai ki he ngaahi vā fetuʻutaki ʻo e nofo-mali kehekehé.
- ʻI he vahaʻa ʻo e fakafoʻituituí mo e hoa-malí, lomiʻi ʻi he fakaʻilonga Fakatonutonú.
- Lomiʻi ʻa e Toʻo pe Fetongi ʻi lalo he hingoa ʻo e hoa-mali fehalaakí.
- Fai ha taha ʻo e ngaahi meʻá ni:
- Ke toʻo ha hoa-mali ʻoku fehalaaki, lomiʻi ʻi he meʻa lomi Toʻo totonú.
- Ke fetongi ha hoa-mali ʻoku fehalaaki, lomiʻi ʻi he meʻa lomi Fetongitotonú. ʻE ʻasi mai leva e monitoa Fetongi e Tokotahá.
- Kapau ʻokú ke ʻilo e fika ID ʻo e hoa-malí, lomiʻi ʻi he Kumi ʻaki e Fika ID, fakahū e fika ID, pea lomiʻi leva ʻi he Kumí. (ʻOku ʻikai ʻotomētiki pē hano tānaki atu ʻe he FamilySearch Lite ʻa e haifení (hyphen) pe liliu ke mataʻitohi lahi ʻa e ID. Kuo pau ke fakahū ʻeni ia.) Lomiʻi ʻi he Tānaki e Tokotahá.
- Kapau ʻoku ʻikai ke ke ʻilo e fika ID ʻo e hoa-malí, fakakakato e ngaahi meʻa ʻoku fie maʻu ki he fekumí, pea lomiʻi ʻi he Hokó. Kapau ʻe ʻasi mai e tokotaha pe ongomeʻa mali totonú ʻi he lisí, lomiʻi ʻi he Tānaki ʻa e Tokotahápe Tānaki ʻa e Ongomeʻa Malí. Ka ʻikai, ke faʻu ha lekooti mātuʻa foʻoú, lomiʻi ʻi he Faʻu ha Tokotaha.
Ngaahi sitepu hokó
ʻI he taimi ʻokú ke toʻo pe fetongi ai ha hoa-mali ʻoku fehalaaki, ʻoku liliu foki e vā fetuʻutaki mātuʻa-fānaú ki ha fānau pē ʻoku ʻasi mai maʻá e ongomeʻa malí. Kapau ʻoku fakafehokotaki ha fānau ki ha mātuʻa hala, ʻe malava ke kei ʻasi pē ʻa e hoa-mali fehalaākí ʻi he vā fetuʻutakí. Toʻo ʻa e vā fetuʻutaki mātuʻa-fānaú pea mo e hoa-mali fehalaākí ke fakaleleiʻi ʻa e palopalemá.
Ngaahi fakamatala fekauʻakí
Te u fakatonutonu fēfē nai ʻa e ngaahi vā fetuʻutaki ʻa e mātuʻa-fānaú ʻi he Fuʻu ʻAkau Fakafāmilí?
Te u lava fēfē nai ʻo vakai pe ko e hā e ngaahi liliu naʻe fakahoko fekauʻaki mo ha tokotaha ʻi he Fuʻu ʻAkau Fakafāmilí?
Te u tānaki fēfē nai ha mēmipa ʻo e fāmilí ki he tohihohoko ʻi he Fuʻu ʻAkau Fakafāmilí?
Te u tānaki pe liliu fēfē nai ha fakamatala fekauʻaki mo e nofo-malí ʻi he Fuʻu ʻAkau Fakafāmilí?