Te u vakai fēfē nai pe ko e hā e ngaahi liliu naʻe fakahoko fekauʻaki mo ha tokotaha ʻi he Fuʻu ʻAkau Fakafāmilí?

ʻOku fakaʻatā koe ʻe he tafaʻaki ki he Ngaahi Liliu Fakamuimuitahá ke ke toe vakaiʻi kotoa e ngaahi liliu ne fai ʻe kinautolu ʻoku nau fakaʻaongaʻi e peesi ʻo ha kui ʻi he Fuʻu ʻAkau Fakafāmilí. Te ke lava ʻo fulihi ʻa e liliú pe fetuʻutaki ki he tokotaha naʻá ne fai ha liliú.

ʻOku mau fokotuʻu atu ke ke fetuʻutaki ki he tokotaha ʻe taha naʻá ne fakahoko e liliú koeʻuhí—hangē ko koé—mahalo pē ʻokú ne ongoʻi ha fepikitaki mālohi ki he kuí. Mahalo te mou lava ʻo ngāue fakataha ke maʻu ha fakamatala lelei ange ki he moʻui hoʻomou ngaahi kuí.

Ngaahi Sitepú (uepisaití)

1. Hū ki loto ki he FamilySearch, pea lomiʻi e Fuʻu ʻAkau Fakafāmilí.
2. Lomiʻi e Fuʻu ʻAkaú
3. Kumi ʻa e tokotaha ʻokú ke fie sio ki heʻene ngaahi liliú.
4. Lomiʻi e hingoa ʻo e tokotahá. ʻI he ngaahi fakaikiiki ʻoku ʻasi haké, toe lomiʻi ʻi he hingoa ʻo e tokotahá.
5. Lomiʻi ʻi he puha meʻalomi ki he Ngaahi Fakaikiikí.
6. ʻI he toʻomataʻú, kumi e Ngaahi Liliu Fakamuimuitahá, pea lomiʻi ʻi he Fakaʻasi Kotoá.
   
   1. Ke vakai ki he ngaahi liliu ki ha vā fetuʻutaki pau, ʻalu ki he vā fetuʻutaki ʻi he konga ki he Mēmipa ʻo e Fāmilí, lomiʻi ʻi he fakaʻilonga Fakatonutonú. Scroll pea lomiʻi ʻi he Vakai ki he Ngaahi Liliú Kotoa.
7. ʻI he angamahení, ʻoku tomuʻa fakaʻasi mai ʻa e ngaahi liliu fakamuimuitahá. Ke siviʻi e lisi ko ʻení ki ha faʻahinga fakamatala pau, lomiʻi ʻi Siviʻí. Lomiʻi ʻi he ngaahi fakamatala ʻokú ke fie maʻú.
8. Kapau ʻoku ʻasi ʻa e foʻi lea Fakafokí ʻi he tafaʻaki taupotu ki toʻomataʻú, ʻe lava ke ke fakafoki ha liliu:
   
   1. Lomiʻi ʻi he Fakafokí.
   2. ʻI he kiʻi puha ʻe ʻasi haké, toe vakaiʻi e fakamatalá.
   3. Lomiʻi ʻi he Fakafokí.
9. Kapau ʻoku ʻasi e foʻi lea “Ngaahi Fakamatalá” ʻi he tafaʻaki taupotu ki he toʻomataʻú, ʻoku ʻi ai ha ngaahi fakaikiiki lahi ange:
   
   1. Lomiʻi ʻi he Ngaahi Fakamatalá.
   2. Kumi ha meʻa ke ke fili ai ke Fakafoki.
10. Ke fetuʻutaki ki he tokotaha ʻokú ne ngāue ʻaki ʻa e FamilySearch naʻá ne fai e liliú, lomiʻi ʻi hono puipuituʻá. Te ke lava leva ʻo fakaʻaongaʻi ʻa e polokalama feʻaveʻaki pōpoaki ʻa e FamilySearch ke fetuʻutaki ʻaki.

Ngaahi Sitepú (polokalama telefoni toʻotoʻó)

1. Fakaava ʻa e polokalama Fuʻu ʻAkau Fakafāmilí, pea ʻalu ki he kuí. 
2. ʻI he tuliki toʻomataʻu ki ʻolunga ʻo e monitoá, lomiʻi ʻi he toti ʻe 3 ke ʻasi mai ha ngaahi meʻa ke ke fili mei ai.
3. Mei he ngaahi meʻa ʻoku ʻasi atú, ʻi ha meʻangāue Android, lomiʻi ʻi he Ngaahi Liliu Fakamuimuitahá. ʻI ha meʻangāue Apple iOS, lomiʻi ʻi he Lahi Angé, pea ʻi he Ngaahi Liliu Fakamuimuitahá.
4. Te ke sio ki ha lisi ʻo e ngaahi liliú. Fakatokangaʻi ange: Kapau te ke lava ʻo fakafoki ha liliu, te ke sio ki ha meʻalomi Fakafoki. Kapau ʻokú ke fie fetuʻutaki mo e tokotaha naʻá ne fai e liliú, lomiʻi ʻi he hingoa ʻo e tokotaha naʻá ne fai e liliú. Kapau naʻe vahevahe ʻe he tokotahá hono fakamatala fetuʻutakí, te ke lava ʻo fetuʻutaki ki ai. Pe ʻave ha pōpoaki ʻo fakafou ʻi he FamilySearch.  

Ngaahi Sitepú (Fuʻu ʻAkau Fakafāmili Laití)

ʻOku ʻikai maʻu e tafaʻaki ki he Ngaahi Liliu Fakamuimuitahá ʻi he Fuʻu ʻAkau Fakafāmili Laití. Ke maʻu iá, fakaʻaongaʻi e uepisaiti kakato ʻo e polokalama Fuʻu ʻAkau Fakafāmilí.  

Ngaahi fakamatala fekauʻakí

Te u ʻave fēfē nai ha pōpoaki ki ha taha naʻe tokoni ki he Fuʻu ʻAkau Fakafāmilí pe Ngaahi Manatu Melié?