Muimui ʻi he ngaahi fakahinohinó ke fetuʻutaki ki ha taha naʻe tokoni ki he Fuʻu ʻAkau Fakafāmilí pe Ngaahi Manatu Melié. Manatuʻi ʻe ʻi ai ha ngaahi meʻa ʻe niʻihi he ʻikai ke tau ʻilo e tokotaha naʻá ne ʻomi ʻa e fakamatalá. Mahalo ko e fakamatalá naʻe ʻomi mei ha polokalama kimuʻa naʻe ʻikai lekooti ai e niʻihi ʻoku nau ʻomi ʻa e fakamatalá, pe kuo mālōlō e tokotaha ia naʻá ne ʻomi ʻa e fakamatalá.
Kātaki ʻo vakai ki heʻemau Ngaahi Tuʻutuʻuni ki hono Fakaʻaongaʻí ki ha ngaahi fakahinohino fekauʻaki mo e fengāueʻaki mo e niʻihi kehe ʻoku nau fakaʻaongaʻí.
Ngaahi Sitepú (uepisaiti)
- ʻI he Fuʻu ʻAkau Fakafāmilí pe Ngaahi Manatu Melié, fakaʻasi e tokotaha naʻá ne ʻomi ʻa e fakamatalá:
- ʻI he Fuʻu ʻAkau Fakafāmilí, kumi ʻa e “Liliu Fakamuimuitahá,” hoko atu ai mo e ʻaho ʻo e liliu fakamuimuitahá pea mo e puipuituʻa ʻo e tokotaha naʻá ne ʻomi ʻa e fakamatalá. ʻOku ʻasi e fakamatala ki he konga takitaha ʻo e fakamatala ne fakahuú.
- ʻI he Ngaahi Manatu Melié, lomiʻi ʻi ha manatu melie naʻe ʻikai ke ke fakahū. ʻOku ʻi he puha Fakaikiikí ʻa e puipuituʻa ʻo e tokotaha naʻá ne ʻomi ʻa e fakamatalá.
- Lomiʻi ʻa e puipuituʻa ʻo e tokotaha naʻá ne ʻomi ʻa e fakamatalá.
- Kapau ko e puipuituʻá ko e “FamilySearch,” naʻe fai e liliú ʻe he polokalamá ʻiate ia pē. Pe naʻe hoko e liliú kimuʻa pea lekooti ʻe he FamilySearch e ngaahi liliu ʻa e tokotaha takitaha naʻá ne fai ha tānakí.
- ʻI he fanongonongo ʻoku ʻasi haké, ʻokú ke sio ai ki he fakamatala fetuʻutaki ʻa e taha ʻokú ne fakaʻaongaʻí, kapau naʻe fakahū ia ʻe he tokotaha ngāue ʻakí ke fakaʻatā ki he kakaí. Te ke lava ʻo fakaʻaongaʻi ia ke fetuʻutaki ki ai.
- Te ke lava foki ʻo tānaki ha taha ki hoʻo lisi fetuʻutakí ʻaki haʻo lomiʻi pē ʻi honau hingoa ʻi he puipuituʻá pea lomiʻi ʻi he Tānaki e Fetuʻutakí. Ke toʻo ha fetuʻutakí, toe lomiʻi ʻi heʻenau puipuituʻá pea fili e Toʻo ʻa e Fetuʻutakí.
- (Fili pē): Vakai ki hoʻo fetuʻutaki fakaekāinga mo e tokotaha naʻá ne ʻomi ʻa e fakamatalá:
- Fakangofua hono Mamataʻi ʻo e Vā Fetuʻutakí: Kapau ʻoku ʻikai ke ke hū ki he tafaʻakí ni, lomiʻi ʻi he fehokotakiʻanga ko ʻení ke ke hū ki loto.
- Vakai Ki Heʻeku Fehokotakí: Kapau ʻokú ke hū mo e tokotaha ʻe tahá ki he tafaʻakí ni, lomiʻi ai ke ke vakai ki homo vā fetuʻutakí.
- Kole ke Vakaiʻi ʻa e Vā Fetuʻutakí: Lomiʻi ke fakaafeʻi e tokotaha ʻe tahá ke hū kae lava ke ke sio ki homo vā fetuʻutakí.
- Fakatokangaʻi ange: Te ke lava ʻo hū ki tuʻa mei he tafaʻakí ni ʻi hoʻo FamilySearch contact settings.
- Kapau naʻe ʻikai fakahū ʻe he tokotaha naʻá ne ʻomi ʻa e fakamatala fetuʻutakí, ʻave ha fekau fakatāutaha ʻo fakafou ʻi he polokalama FamilySearch kae:
- Lomiʻi ʻi he ʻAve ʻa e Pōpoakí.
- Fakahū hoʻo kaveingá mo e pōpoakí. ʻOku fie maʻu ʻa e kaveingá kimuʻa peá ke toki lava ʻo ʻave ʻa e pōpoakí.
- Lomiʻi ʻi he Send (ʻAve)
Fakatokangaʻi ange: Kapau ʻoku ʻoatu ʻe ha tokotaha ha ngaahi pōpoaki ʻoku ʻikai ke fie maʻu, te ke lava ʻo mute e tokotaha ko iá. He ʻikai lava ke ke sio ki ha ngaahi pōpoaki mei ha tokotaha ʻoku mute.
Ngaahi Sitepú (polokalama telefoni toʻotoʻó)
- ʻI he polokalama telefoni toʻotoʻo ʻo e Fuʻu ʻAkau Fakafāmilí, kumi ʻa e tokotaha ʻokú ke saiʻia aí, pea lomiʻi ʻi he hingoá.
- Lomiʻi ʻi he fakamatala ʻoku makehe kiate koé.
- Mei ha peesi ʻo ha kui, lomiʻi ʻi he ngaahi meʻa ʻokú ke saiʻia aí. ʻI he konga ki lalo ʻo e monitoá, ko e ʻaho ia naʻe liliu fakamuimuitaha ai ʻa e fakamatalá. ʻI lalo ʻi he ʻahó ko e puipuituʻa ia ʻo e tokotaha naʻá ne fakahoko ʻa e liliú.
- Lomiʻi ʻi he Ngaahi Manatu Melié. Lomiʻi ʻi ha manatu melie naʻe ʻikai ke ke ʻave ki aí. Toe lomiʻi. Ko e puipuituʻa ʻo e tokotaha naʻá ne ʻomi iá ʻoku ʻasi ia ʻi lalo ʻi he laʻitā ʻi he tafaʻaki toʻohemá.
- Lomiʻi e hingoa ʻo e tokotaha naʻá ne ʻomi e fakamatalá.
Kapau ʻoku pehē ʻi he puipuituʻá ko e “FamilySearch,” naʻe fai e liliú ʻe he polokalamá ʻiate ia pē. Pe naʻe hoko e liliú kimuʻa pea lekooti ʻe he FamilySearch e ngaahi liliu ʻa e tokotaha takitaha naʻá ne ʻomi ʻa e fakamatalá. - Te ke lava ʻo pōpoaki fakahangatonu kiate kinautolu, tānaki kinautolu ko ha fetuʻutaki, pe hiki ʻenau ʻīmeilí.
- Te ke lava foki ʻo tānaki ha taha ki hoʻo lisi fetuʻutakí ʻaki haʻo lomiʻi pē ʻi honau hingoa he puipuituʻá pea lomiʻi ʻi he Tānaki e Fetuʻutakí. Ke toʻo ha fetuʻutakí, toe lomiʻi ʻi heʻenau puipuituʻá pea fili e Toʻo ʻa e Fetuʻutakí.
- (Fili pē): Vakai ki hoʻo fetuʻutaki fakaekāinga mo e tokotaha naʻá ne ʻomi ʻa e fakamatalá:
- Fakangofua hono Mamataʻi ʻo e Vā Fetuʻutakí: Kapau ʻoku ʻikai ke ke hū ki he tafaʻakí ni, lomiʻi ʻi he fili ko ʻení ke ke hū ki loto.
- Vakai ki Hoku Vā Fetuʻutakí: Kapau ʻokú mo fakatou hū ki loto mo e tokotaha ʻokú ne fakaʻaongaʻi ʻe tahá ki he tafaʻakí ni, lomiʻi ʻi he fili ko ʻení ke vakai ki he anga hoʻomo fetuʻutaki fakaekāingá.
- Kole ke Vakaiʻi e Vā Fetuʻutakí: Lomiʻi ke ʻave ki he tokotaha ʻe tahá ʻa ia ʻokú ne fakaʻaongaʻí ha pōpoaki ʻo kole ke hū ki he polokalamá.
- Fakatokangaʻi ange: Te ke lava ʻo hū ki tuʻa mei he tafaʻakí ni ʻi hoʻo FamilySearch contact settings.
- Kapau naʻe ʻikai ʻomi ʻe he tokotaha naʻá ne ʻomi ʻa e fakamatala fetuʻutakí, ʻave ha fekau fakatāutaha ʻo fakafou ʻi he polokalama FamilySearch kae:
- Lomiʻi ʻi he ʻAve ha Pōpoaki.
- Fakahū hoʻo kaveingá mo e pōpoakí. ʻOku fie maʻu ʻa e kaveingá kae lava ʻo ʻave ʻa e pōpoakí.
- Lomiʻi ʻi he ʻAvé.
Ngaahi sitepú (Fuʻu ʻAkau Fakafāmili Laití)
ʻOku fakahaaʻi atu ʻe he Fuʻu ʻAkau Fakafāmili Laití ʻa e tokotaha naʻá ne ʻomi ʻa e fakamatalá. ʻOku ʻikai ke ke sio ki he fakamatala fetuʻutakí pe fili ke ʻave ha pōpoakí. Kātaki ka ke fakaʻaongaʻi kakato ʻa e uepisaití.
Ngaahi fakamatala fekauʻakí
Te u mute pe taʻofi fēfē nai ha taha mei haʻane pōpoaki mai kiate au?
Te u toʻo fēfē nai ha pōpoaki ʻi he ngaahi pōpoaki ʻi he FamilySearch?
Vakaiʻi ʻo e Vā Fetuʻutakí: ʻE founga fēfē nai haʻaku fakamoʻui pe tamateʻi ʻa e fili ke vakai ki hoku vā fetuʻutaki mo e niʻihi kehe ʻoku nau fakaʻaongaʻí?