ʻOku fakaʻatā koe ʻe he ʻAkau Fakafāmilí ke ke fakalahi mo fakatokolahi hoʻo ʻakau fakafāmilí ʻi ha ngaahi founga kehekehe te ke feangai ange mo ia ʻi hoʻo ngāue ke fakahū e ngaahi fakamatala fekauʻaki mo ho fāmilí. ʻI he taimi tatau, kamata ʻaki ʻa kinautolu ʻokú ke ʻiloʻí, hangē ko ha hoa mali, mātuʻa, pe ngaahi kuí. Makatuʻunga ʻi he ngaahi tūkunga fakafoʻituituí, ʻe ala tokoni ke ke fetuʻutaki ki ha kāinga ofi ʻo kau ki ha ngaahi fakaikiiki pē ʻoku ʻikai maʻu ka te ke ala fakatokangaʻi.
Ko e lahi ange ʻa e toʻu tangata te ke tānakí, ko e faingofua ange ia ki he ʻAkau Fakafāmilí ke ne fakafehokotaki koe ki ha ngaahi fakamatala tatau fekauʻaki mo haʻo ngaahi kui kuo ʻosi maʻu ʻi he polokalamá pe ʻoatu ha ngaahi tokoni fakalekooti kiate kinautolu ʻoku teʻeki tānakí.
Koeʻuhí ko e hoko ʻa e FamilySearch ko ha uepisaiti tohi hohoko maʻá e kakaí pea faingofua hono ngāue ʻakí, fakatokangaʻi ange ʻoku tauhi ʻa e ngaahi lekooti maʻá e kakai moʻuí ʻi hoʻo tānakiʻanga fakamatala fakatāutahá pea ʻoku ʻikai kumi ngofua pe ʻasi kotoa ʻa e ngaahi fakamatala fekauʻaki mo kinautolú ki he niʻihi kehé.
Ko ha ngaahi sīpinga eni ʻe niʻihi ke ke kamata ʻaki. Ki ha fakahinohino fakaikiiki ange fekauʻaki mo hono tānaki ʻo e kakaí ki hoʻo fuʻu ʻakaú, pe ki ha fakamatala lahi ange fekauʻaki mo e tuʻutuʻuni ki he totonu fakatāutahá, vakai ki he ngaahi fakamatala ʻi he fehokotakiʻanga ʻi laló.
Ngaahi Sitepú (uepisaiti)
Te ke lava ʻo vakai ki he ʻAkau Fakafāmilí ʻi ha ngaahi founga kehekehe, ʻoku ʻuhinga ia ʻoku ʻi ai ha ngaahi founga kehekehe ke tānaki atu ai ha kau mēmipa ʻo e fāmilí.
Landscape View
- Fakaʻaongaʻi ʻa e ngaahi taó ke fakalahi ʻa e fuʻu ʻakaú ki he ngataʻanga ʻo e foʻi lainé.
- Lomiʻi ʻi he fehokotakiʻanga totonú ki he tokotaha ʻokú ke fie tānakí:
- Ke tānaki ha mātuʻa pe hoa mali, lomiʻi ʻi he Tānaki e Mātuʻa pe Tānaki ʻa e Hoa Mali.
- Ke tānaki ha fānau, lomiʻi ʻi he Fānaú ʻi lalo ʻi he puha ʻo e ongomātuʻá, pea lomiʻi leva ʻi he Tānaki ha Fānaú.
Portrait View
- Fakaʻaongaʻi ʻa e ngaahi taó ke kumi ʻa e ngataʻanga ʻo ha foʻi laine.
- Lomiʻi ʻi he Tānaki ha Mātuʻáke tānaki ha mātuʻa.
- Ke tānaki ha fānau, fakaʻaongaʻi ʻa e view landscape pe descendancy. ʻOku ʻikai ʻasi ʻi he portrait view ʻo e fānau ʻa e ngaahi hoa mali ʻi he tohi hohokó.
Ngaahi Sitepú (polokalama mopailá)
ʻOku ʻotomētiki pē hono fakaava ʻe he polokalama ʻo e ʻAkau Fakafāmilí ʻa e tohi hohokó. ʻI he lolotonga ní ko e founga pē ʻeni ʻe taha ʻoku lava ai ke fakaava ʻa e ʻAkau Fakafāmilí mei he polokalamá.
- Fakaʻaongaʻi ʻa engaahi taó ke fakalahi ʻa e fuʻu ʻakaú ki he ngataʻanga ʻo ha foʻi laine.
- Ke tānaki ha mātuʻa pe hoa mali, lomiʻi ʻi he Tānaki ʻa e Mātuʻa pe Tānaki ʻa e Hoa Mali.
- Ke tānaki ha fānau, lomiʻi ʻi he mātuʻá, lomiʻi ʻi he meʻa lomi ki he Ngaahi Hoa Malí, pea lomiʻi ʻi he Tānaki ʻa e Fānaú.
Ngaahi Sitepú (ʻAkau Fakafāmili Lite)
ʻI he ʻAkau Fakafāmili Lite, te ke lava ʻo tānaki fakahangatonu ʻo aʻu ki ha toʻu tangata ʻe 4 ʻo hoʻo ngaahi kui totonú mei ha screen pē ʻe taha. Te ke lava foki ʻo tānaki hoʻo ngaahi kuí mo e fāmilí ʻo tokolahi ange ʻi he meʻa ʻoku ʻasi mai ʻi he screen. Hangē ko ʻení, te ke lava ʻo tānaki hoʻo kui uá pea toe lahi ange ai; ko e malí, fānaú, mo e makapuna ʻo hoʻo ngaahi kui totonú; pe ko e mātuʻa mo e ngaahi tokoua/tuofāfine/tuongaʻane ʻo ho malí pe fānaú.
- ʻI he meʻa lomi Ko Aú, kumi ʻa e feituʻu ʻoku totonu ke ʻasi ai ʻa e tokotahá. Pe, kapau ʻoku ʻikai ʻasi ʻi he screen ʻo e feituʻu ʻoku fie maʻu ke tānaki ai ʻa e hingoá, kumi ʻa e kāinga ofi tahá, pea muimui leva he ngaahi sitepu ko ení:
- Lomiʻi ʻi he hingoa ʻo e kāinga ofi taha ki he tokotaha ko iá. Hangē ko ʻení, ke tānaki e mātuʻa ho malí, lomiʻi ʻi he hingoa ho malí. Ke tānaki hoʻo kui uá, lomiʻi ʻi he hingoa ʻo e kui ʻuluaki ko ʻene mātuʻá ʻokú ke fie tānakí.
- Lomiʻi ʻi he Vakai ki he Fāmilí. Te ke lava ʻo maʻu ʻa e link ko ʻení ʻi he feituʻu ʻoku ʻasi ai ʻa e hingoa ʻo e tokotahá ʻi he konga ki ʻolunga ʻo e pēsí.
- Lomiʻi ʻi he fehokotakiʻanga totonú ke tānaki ha hoa mali, fānau, pe mātuʻa maʻá e tokotahá.
- Fakahū e hingoa, tuʻunga tangata pe fefine, ʻaho fāʻeleʻi, mo e fakamatala pekiá. Fakapapauʻi ke fakahaaʻi pe ʻoku kei moʻui pe kuo pekia ʻa e tokotahá.
- Lomiʻi ʻi he Hoko Atú.
- Kapau naʻá ke fakahaaʻi ʻoku kei moʻui ʻa e tokotahá, ʻoku tānaki ʻa e fakamatala naʻá ke fakahuú ki he polokalamá. Pe, kapau naʻá ke fakahū kuo pekia ʻa e tokotahá, ʻe kumi leva ʻe he polokalamá pe kuo ʻi he ʻAkau Fakafāmilí ʻa e tokotaha ko iá.
- Ka maʻu ʻe he ʻAkau Fakafāmilí ha lekooti ʻoku meimei tatau, toe vakaiʻi ʻa e lisí. Kapau ʻoku ʻi ai ha taha ʻi he kakai ʻi he lisí ko e tokotaha totonú ia, lomiʻi ʻi he Tānaki ʻa e Tokotahá ʻi ʻolunga ʻi he hingoá.
- Kapau ne ʻikai maʻu ʻe he ʻAkau Fakafāmilí ha lekooti ʻoku meimei hoa tatau pe ʻikai ha taha ʻi he ngaahi hoa tataú ko e tokotaha totonú ia, lomiʻi ʻa e Faʻu ʻa e Tokotahá ʻi ʻolunga ʻi he lisí.
Ngaahi fakamatala fekauʻakí
Ko e hā ʻa e feituʻu fakataautaha ʻi he ʻAkau Fakafāmilí?
Te u tānaki fēfē ha kāinga ʻoku kei moʻui ki ha tokotaha ʻi he ʻAkau Fakafāmilí?
Te u tānaki fēfē ha tokotaha ʻoku ʻikai fakafehokotaki ki he ʻAkau Fakafāmilí?
Te u tānaki fēfē ki heʻeku hohoko fakafāmilí ha kui kuo ʻosi ʻi he ʻAkau Fakafāmilí?