Te ke lava ʻo tānaki atu ha kakai ʻoku ʻikai fehokotaki ki hoʻo laine fakafāmilí.
Te ke lava ʻo tānaki atu ha taha ʻoku ʻikai fehokotaki ʻa ia ʻoku ala lava ke ʻi ai haʻane vā fetuʻutaki fakafāmili ʻoku ʻikai ke ke lava ʻo fakapapauʻi. Hangē ko ʻení, te ke lava ʻo tānaki atu ha kakai ʻoku nau maʻu ʻa e fakaiku tatau pea nau nofo ʻi he fanga kiʻi ʻēlia fakasiokālafi tatau pē mo e ngaahi kui ʻoku ʻiloʻí.
Kiʻi Tokoni: ʻI hoʻo tānaki atu ha taha ʻoku ʻikai fakafehokotakí, ʻe tokoni ke lekooti e fika ID ʻo e lekooti foʻoú pe muimui ʻi he tokotaha ko iá ki hano fiemaʻu he kahaʻú.
Kiʻi Tokoni: Ke maʻu ha ngaahi tokoni kuó ke fai ʻi he uepisaití, lomiʻi ʻi he My Contributions, pea hoko ki he My Changes. Lomiʻi ʻi he Private People ke maʻu ha kakai moʻui ʻoku ʻikai fehokotaki kuó ke tānaki atu.
Ngaahi Sitepú (uepisaití)
- Lolotonga hoʻo hū ki he FamilySearch.org, lomiʻi ʻi he ʻAkau Fakafāmilí pea fili ha meʻa pē ʻi he drop-down menu.
- Lomiʻi ʻa e Toki ʻOsí ni ʻi he meʻa ke fili mei ai ʻoku ʻasi ʻi he konga ki ʻolunga ʻo e pēsí.
- ʻI lalo ʻi he lisi ʻo e ngaahi meʻa ne toki ʻosi hono vakaiʻí, lomiʻi ʻi he Tānaki Atu ha Tokotaha ʻoku ʻIkai ha Fakafehokotaki Ki Aí.
- Fakahū e fakamatala fekauʻaki mo e tokotahá, pea lomiʻi ʻi he Hoko Atú.
- Toe vakaiʻi ʻa e ngaahi ola ʻo e fekumí. Kapau te ke maʻu e tokotaha totonú, lomiʻi ʻi he Vakaiʻi e Tokotahá.
- Kapau ʻoku ʻikai ke ke sio ki he tokotahá ʻi he ngaahi ola ʻo e fekumí, lomiʻi ʻi he Faʻu ha Tokotahá.
Ngaahi Sitepú (polokalama telefoni toʻotoʻó)
- ʻI he polokalama telefoni toʻotoʻo ʻo e Fuʻu ʻAkau Fakafāmilí, fakaava hoʻo lisi ʻo e kakai ne toki mamataʻí:
- Android: ʻI he tuliki toʻomataʻu ki ʻolungá, lomiʻi ʻi he fakaʻilonga ʻoku hangē ha kakai ʻe toko 2.
- Apple iOS: ʻI he toolbar ʻi laló, lomiʻi ʻa e Toki ʻOsí ni.
- ʻAlu ki he fakamuimuitaha ʻo e lisí. Kapau ʻoku lōloa hoʻo lisí, tatali ke ʻosi hono load ʻo e lisí, pea ʻalu ai pē ki lalo.
- Lomiʻi ʻa e Tānaki Atu ha Tokotaha ʻoku ʻIkai Fai ha Fakafehokotaki Ki Aí.
- Fakahū ha fakamatala fekauʻaki mo e tokotahá, pea lomiʻi ʻa e Hoko Atú.
- Toe vakaiʻi ʻa e ngaahi ola ʻo e fekumí. Kapau te ke maʻu e tokotaha totonú, lomiʻi ʻa e Tānaki Atu e Tokotahá.
- Kapau ʻoku ʻikai te ke vakai ki he tokotahá ʻi he ngaahi ola ʻo e fekumí, lomiʻi ʻa e Faʻu Foʻoú.
Ngaahi Sitepú (Fuʻu ʻAkau Fakafāmili Laití)
ʻI he taimi ní, ʻoku ʻikai lava ke Tānaki Atu ha Tokotaha ʻoku ʻIkai Fai ha Fakafehokotaki Ki Ai ʻi he Fuʻu ʻAkau Fakafāmili Laití.
Ngaahi fakamatala fekauʻakí
Te u tānaki fēfē nai ha mēmipa ʻo e Fāmilí ki he tohi hohoko ʻi he Fuʻu ʻAkau Fakafāmilí?
Te u toe fakafoki fēfē nai ha lekooti kuo tamateʻi ʻo ha tokotaha ʻi he Fuʻu ʻAkau Fakafāmilí?
Te u toʻo fēfē nai ha tokotaha mei he Fuʻu ʻAkau Fakafāmilí?
Te u fakatahaʻi fēfē nai e ngaahi lekooti ʻasi tuʻo ua ʻi he Fuʻu ʻAkau Fakafāmilí?