ʻOku lava ke hiki tatau tuʻo ua ha lekooti ʻi he taimi ʻoku ʻi he ʻAkau Fakafāmilí ai ha lekooti lahi ange ʻi he tahá fekauʻaki mo ha tokotaha. Kapau ʻe maʻu ʻe he ʻAkau Fakafāmilí ha lekooti ʻoku ʻasi tuʻo ua, ʻe ʻasi ai ha fakaʻilonga ofo lanu kulokula, fakataha mo e hingoá mo e fika ID, ʻi he Ngaahi Tokoni ki he Fekumí ʻo e tokotahá.
Te ke lava ʻo vakaiʻi ʻa e ngaahi lekooti ʻoku ngali ʻasi tuʻo uá peá ke fakapapauʻi pe ʻoku fekauʻaki ia mo e tokotaha tatau.
- Kapau ʻoku nau ʻuhinga ki he tokotaha tatau, muimui ʻi he ngaahi sitepu ʻi laló ke fakatahaʻi kinaua.
- Kapau ʻoku nau ʻuhinga ki ha kakai kehekehe, fakaʻilongaʻi kinautolu ʻoku “ʻikai ko ha tatau.”
- Kapau ʻoku ʻikai ke ke fakapapauʻi, ʻoua ʻe fakatahaʻi kinautolu. Ka ke fakahoko ha taha ʻo e ngaahi meʻá ni:
- Kaniseli ʻa hono fakatahaʻí ke tuku fakaʻatā ʻa e ngaahi lekooti ʻoku ʻasi tuʻo uá ki he niʻihi kehé ke nau sio ki ai mo vakaiʻi.
- Fakaʻilongaʻi ʻa e lekōtí ko e “ʻikai ko ha tatau” kapau ʻoku ʻikai ke ke fiemaʻu ʻa e lekooti ko ʻeni ʻoku ʻasi tuʻo uá ke faingofua hono mamataʻi ʻe he niʻihi kehe ʻoku nau ngāue ʻakí.
Ngaahi Sitepu (uepisaiti)
- Fakaʻaliʻali ʻi he ʻAkau Fakafāmilí, ha peesi ʻa ha tokotaha.
- Kapau ʻoku ʻikai ʻasi mai ʻa e konga ki he ngaahi fakaikiikí, lomiʻi ʻi heNgaahi Fakaikiikí.
- ʻI he konga ki he Tokoni ki he Fekumí, lomiʻi ʻi ha pōpoaki ʻo ha Lekooti ʻOku Malava ke ʻAsi Tuʻo Ua .
- Lomiʻi ʻi heVakaiʻi ʻa e Fakatahaʻí. ʻOku ʻasi mai leva ʻa e screen ki hono fakatahaʻí ʻi ha browser tab foʻou.
- Toʻohemá: Mahalo ko e lekooti ʻeni ʻoku ʻasi tuʻo uá. ʻE toʻo ia kapau te ke fakatahaʻi ʻa e ongo lekōtí.
- Toʻomataʻú: Ko e lekooti ʻeni naʻá ke kamata mei aí. ʻOku seivi ia kapau te ke fakatahaʻi ʻa e ongo lekōtí.
- Fakapapauʻi pe ʻoku ʻuhinga ʻa e ngaahi lekōtí ki he tokotaha tatau.
- Fakafehoanaki ʻa e ongo tafaʻaki toʻohemá mo e tokomataʻú ki ha ngaahi hingoa, ʻahó, feituʻú, mo e kau mēmipa tatau ʻo e fāmilí.
- Lau ha faʻahinga pōpoaki fakatokanga pē ʻi he screen.
- Kapau ko e lekooti ʻi he toʻohemá ʻoku tonu tahá, lomiʻi ʻi he Liliu ke tauhi ia.
- Kapau ko e lekōtí ʻoku ʻikai ko e tokotaha tatau, lomiʻi ʻi he ʻIkai ha Tatau. Kapau ʻoku fekauʻaki ʻa e ngaahi lekōtí mo e tokotaha tatau, lomiʻi ʻi he ʻIo Hoko Atu. Kapau ʻoku ʻikai ke ke fakapapauʻi, lomiʻi ʻi he Kaniseli.
- Fakapapauʻi ʻa e fakamatala ke tauhí. ʻOku ʻave pē he taimi ko iá ʻa e fakamatala kotoa ʻi he toʻohemá ki he tafaaki toʻomataʻú maʻau.
- Ke fakafehoanaki ʻa e tokotaha naʻá ne ʻomí, ʻaho naʻe ʻomai aí mo e fakamatala ki hono ʻuhinga ʻo e fakamatala takitaha, lomiʻi ʻi he tao ki laló.
- Ke fakafoki ʻa e fakamatalá ki he toʻomataʻú, lomiʻi ʻi he Fakafoki. ʻOku fakafoki ʻa e fakamatalá ki he lekooti ʻoku ngali ʻasi tuʻo uá pea he ʻikai ke seivi ia.
- Ke fetongi ʻa e fakamatala ʻi he toʻomataʻú ʻaki ʻa e fakamatala ʻi he toʻohemá, lomiʻi ʻi he Fetongi. Fakahoko ʻeni, hangē ko ʻení, ke seivi ʻa e fakamatala ki he moʻuí pe ha fakamatala ki he ʻuhingá ʻaki ʻa e taha mei he lekooti ʻoku ʻasi tuʻo ua atú.
- Kapau ʻoku ʻi he toʻohemá ʻa e fakamatala ʻoku ʻikai ke ʻi he tafaʻaki toʻomataʻú, pea ʻokú ke fiemaʻu ke seivi ia, lomiʻi ʻi he Tānaki.
- Lomiʻi ʻi he Hoko Atú.
- Fakakakato hono fakatahaʻí:
- Vakaiʻi ʻa e lekooti ʻoku kei maʻú.
- Kapau ʻoku ʻasi tonu pē ʻa e meʻa kotoa, lomiʻi ʻi he ʻOsi Hono Fakatahaʻí. Kapau ʻoku ʻi ai ha meʻa ʻoku hala, lomiʻi ʻi he Foki, pea fai ʻa e ngaahi fakatonutonu ʻi he screen kimuʻá.
- Fakahū ha fakamatala ki he ʻuhinga naʻá ke fakatahaʻi ai e ongo lekooti ko ʻení.
- Lomiʻi ʻi he Seiví.
Hili pē ha taimi siʻi mei hono fakatahaʻí, ʻoku lava ke maʻu ʻi ha kiʻi taimi nounou ʻa e fili ke “fakafoki”. Te ne fakaʻatā ke faingofua hoʻo fakafoki ʻa e ongo lekooti naʻá ke fakatahaʻí.
Ngaahi Sitepú (polokalama mopailá)
- ʻI he polokalama mopaila ʻo e ʻAkau Fakafāmilí, fakaʻaliʻali ha peesi ʻa ha tokotaha.
- ʻI he tuliki toʻomataʻu ʻi ʻolungá, lomiʻi ʻa e foʻi toti ʻe tolú, pea lomiʻi leva ʻa e Ngaahi Lekooti ʻoku Ngalingali ʻAsi Tuʻo Lahí.
- ʻE ʻasi mai ha lisi ʻo e ngaahi lekooti ʻoku ʻasi tuʻo uá. Lomiʻi ha taha ʻo kinautolu.
- Lomiʻi ʻi heVakaiʻi e Fakatahaʻí.
- Toe vakaiʻi ʻa e fakatokangá, pea lomiʻi ʻi heHoko Atu Hono Fakatahaʻí. ʻE ʻasi mai e screen ki hono fakatahaʻí.
- Toʻohemá: Ngalingali ko e lekooti ʻeni ʻoku ʻasi tuʻo uá. ʻE toʻo ia kapau te ke fakatahaʻi ʻa e ongo lekōtí.
- Tafaʻaki Toʻomataʻú: Ko e lekooti ʻeni naʻá ke kamata mei aí. ʻOku seivi ia kapau te ke fakatahaʻi ʻa e ongo lekōtí.
- Fakapapauʻi pe ʻoku ʻuhinga ʻa e ngaahi lekōtí ki he tokotaha tatau.
- Fakafehoanaki ʻa e tafaʻaki toʻohemá mo e toʻomataʻú ki ha ngaahi hingoa, ʻahó, feituʻú, mo e kau mēmipa ʻo e fāmilí.
- Kapau ko e lekooti ʻi he toʻohemá ʻoku tonu tahá, lomiʻi ʻi he Meʻa Lomí ke tauhi ia.
- Fakapapauʻi pe te ke tauhi ha faʻahinga fakamatala mei he tokotaha ʻoku ʻai ke toʻó.
- Ke hiki ʻa e fakamatala mei he toʻohemá ki he toʻomataʻú, lomiʻi ʻi heFakafetongi.
- Ke tānaki atu ʻa e fakamatala mei he toʻohemá ki he toʻomataʻú, lomiʻi ʻi he Tānaki.
- Kiʻi Tokoni: Kapau ʻoku ʻasi tuʻo ua ʻa e lekooti ʻo e mātuʻá, hoa malí, pe fānau ʻi he toʻohemá, tānaki kinautolu ki he lekooti moʻuí. Te ke lava ʻo fakatahaʻi ʻa e ngaahi lekooti ʻoku ʻasi tuʻo ua ko ʻení ʻamui ange.
- ʻI hoʻo ʻosí, ʻalu ki he konga ki lalo ʻo e pēsí, pea lomiʻi ʻi heHoko Atu Hono Fakatahaʻí.
- Fakahū ha fakamatala ki he ʻuhinga naʻá ke fakatahaʻi ai ʻa e ongo lekooti ko ʻení.
- Lomiʻi ʻi heFakatahaʻí.
Fakatokangaʻi ange: Ko e tatau iOS ʻo e polokalamá ʻoku ʻi ai pē ʻa e fili ke Fetongi ʻa e fakamatalá kae ʻikai ke Fetongi pe Tānaki Atu ia.
Ngaahi Sitepu (ʻAkau Fakafāmili Lite)
ʻI he lolotonga ní, ʻoku fakaʻasi pē ʻe he ʻAkau Fakafāmili Lite ʻa e ngaahi lekooti ʻoku ngalingali ʻoku ʻasi tuʻo uá pea ʻoku ʻikai ngofua ke fakatahaʻí.
Ngaahi sitepu hoko ʻoku fokotuʻu atú
- Kapau ʻoku lolotonga fakaava ha ngaahi tabs lahi, mahalo ʻe fie maʻu ke ke refresh hoʻo browser ke ke vakai ki he ngaahi ola ʻo hono fakatahaʻí.
- Toʻo ʻa e ngaahi maʻuʻanga tokoni pe manatu mei he lekooti ʻoku kei toé.
- Vakaiʻi ʻa e kau mēmipa ʻo e fāmili ʻa e tokotahá pe ʻoku ngalingali ʻoku ʻi ai ha ngaahi lekooti ʻoku ʻasi tuʻo ua.
Ngaahi fakamatala fekauʻakí
Ko e hā ʻoku ʻikai lava ai ʻo fakatahaʻi ʻa e ngaahi meʻa ʻi he ʻAkau Fakafāmilí?
Te u ʻilo fēfē kapau ʻoku fekauʻaki ha ongo lekooti ʻi he ʻAkau Fakafāmilí mo ha tokotaha tatau?
ʻE founga fēfē haʻaku fakafoki ha meʻa naʻe fakatahaʻi ʻi he ʻAkau Fakafāmilí?
Te u fakatahaʻi fēfē ʻa e ngaahi lekooti ʻoku ʻasi tuʻo ua ʻi he ʻAkau Fakafāmilí ʻaki e ID?