Te u fakafoki fēfē ha meʻa ne fakatahaʻi ʻi he Fuʻu ʻAkau Fakafāmilí?

Koeʻuhí ʻoku fengāueʻaki lelei ʻaupito ʻa e FamilySearch, ʻoku maʻuhala ha niʻihi ʻoku nau fakaʻaongaʻi e fakamatala fakafoʻituituí ʻo fakatahaʻi ha toko ua kehekehe. ʻE lava ʻe he ngaahi fakatahaʻi halá ʻo fakafeʻiloaki ha ngaahi palopalema lahi ki ha laine fakafāmili. Ko e founga lelei taha ke fakatonutonu ʻaki kinautolú ko hono fakafoki ʻo e fakatahaʻí.

Kapau te ke fakafoki ʻa e fakatahaʻí ʻo fakaʻaongaʻi ʻa e uepisaiti FamilySearch, te ke lava ʻo fakaʻaongaʻi ʻa e meʻangāue ki hono fakatahaʻi ʻo e ʻanalaiso ʻo e fakamatalá ke fakafehoanaki ʻa e ngaahi fakamatala fakafoʻituituí kimuʻa mo e hili hono fakatahaʻí. ʻOku ʻikai maʻu e meʻalomi ki he Kulupú ʻi he polokalama telefoni toʻotoʻo ʻo e Fuʻu ʻAkau Fakafāmilí.

Kimuʻa peá ke fakafoki ha fakatahaʻi, kumi ha fanga kiʻi tokoni naʻe fekauʻaki moʻoni ʻa e ongo fakamatala fakafoʻituitui ki ha kakai kehekehe.

• ʻOua ʻe fakafalala pē ki he ngaahi hingoá. ʻOku tokolahi ha kakai ʻoku nau maʻu ʻa e hingoa tatau, ʻo aʻu pē ki ha fāmili.
• Fekumi ki he ngaahi faikehekehe ʻi he fāʻeleʻí, maté, mo e ngaahi meʻa kehe ne hoko ʻi he moʻuí.
• Vakaiʻi ʻa e ngaahi maʻuʻanga fakamatala ki he ngaahi faikehekehe ʻoku ʻikai ʻuhingamālié.
• Fakafehoanaki e hingoa ʻo e kāingá mo e fakamatala ki he meʻa naʻe hokó. Fekumi ki ha ngaahi faikehekehe lalahi ʻi he ngaahi taʻu motuʻá pe ngaahi meʻa kehe ʻoku ʻikai ʻuhingamālié.

Ngaahi Sitepú (uepisaití)

1. ʻI he meʻa ke fili mei ai ʻi ʻolungá, lomiʻi ʻa e Fuʻu ʻAkau Fakafāmilí, pea lomiʻi leva ʻa e Fuʻu ʻAkaú.
2. Kumi ʻa e tokotaha ʻokú ke loto ke fakafoki ki ai hono fakatahaʻí.
3. Lomiʻi e hingoa ʻo e tokotahá.
4. ʻI he laʻipepa he tafaʻakí, lomiʻi ʻi he Tokotahá.
5. Lomiʻi ʻi he tab ʻo e Ngaahi Fakaikiikí.
6. Kumi ʻa e puha Liliu Fakamuimuitahá.
7. Lomiʻi ʻi he Fakahā Kotoa.
8. Scan ʻa e kōlomu toʻohema-lahi tahá ke maʻu ha liliu ʻoku fakahingoa ko e “Fakatahaʻi.” Kapau ʻoku lōloa e lisí, lomiʻi ʻi he Meʻasivi, pea fili ʻa e Fakatahaʻi.
9. Lomiʻi ʻi he Fakatahaʻi e ʻAnalaisó.
10. Fakafehoanaki ʻa e fakamatala ʻi he ongo kōlomu ʻuluakí ke fakapapauʻi pe ʻoku fekauʻaki ʻa e ngaahi fakamatala fakafoʻituituí mo e tokotaha tatau pe fekauʻaki mo ha kakai kehekehe.
11. Vakai ki he tuliki toʻohema ʻi ʻolungá. Kapau ʻoku fakaʻilonga lanumata ʻa e meʻalomi ki hono Fakafoki ʻo e Fakatahaʻí, ʻoku ʻuhinga ia kuo teʻeki liliu ʻa e fakamatala fakafoʻituitui kuo fakatahaʻi talu mei hono fakatahaʻí. Muimui ki he ngaahi sitepú ni:
    
    1. Lomiʻi ʻi he Fakafoki mei hono Fakatahaʻí.
    2. ʻI he pēnolo ʻoku fakaavá, fakahū ha fakamatala ki he ʻuhinga ʻokú ne fakamatalaʻi ʻa e ʻuhinga ʻokú ke toe fakafoki ai ʻa e fakatahaʻí.
    3. Kapau ʻe fiemaʻu, toʻo a e Fakaʻilonga ʻoku ʻikai tatau ʻa e kakai ko ʻení. ʻI he ngaahi meʻa lahi, ʻoku totonu ke ke tuku ʻa e fili ko ʻeni ke fakaʻehiʻehi mei he fehalaaki hono fakatahaʻí.
    4. Lomiʻi ʻi he Fakahū.
12. Kapau ʻoku ʻikai ngāue ʻa e meʻalomi Fakafoki ʻo e Fakatahaʻí, ʻoku ʻuhinga ia naʻe liliu ʻa e puipuituʻá hili hono fakatahaʻí. Muimui ʻi he ngaahi sitepu ko ʻení ke fakapapauʻi ʻoku fakaʻosi ʻa e fakamatala fakafoʻituitui takitaha ʻaki ʻa e fakamatala totonú:
    
    1. Lomiʻi ʻi he hingoa ʻo e tokotaha ʻi he kōlomu ʻuluakí, ʻa ia ʻoku fakahingoa ko e “Tokotaha Kuo Toʻo Kimuʻa hono Fakatahaʻí.”
    2. Lomiʻi ʻa e Tokotaha.
    3. Lomiʻi ʻi he Fakafoki ʻa e Tokotahá.
    4. Fakahū e fakamatala ʻo e ʻuhingá.
    5. Lomiʻi ʻi he Fakafokí.
    6. Vakaiʻi ʻa e ongo lekōtí fakatouʻosi. Fakapapauʻi ʻoku fakatou tonu ʻa e fakamatala takitaha. Mahalo ʻe fiemaʻu ke ke tamateʻi ʻa e fakamatalá mei he lekooti ʻe taha pea tānaki ia ki he taha.

Ngaahi Sitepu (polokalama telefoni toʻotoʻó)

1. ʻAlu ki he tokotaha naʻe fakatahaʻí.
2. ʻI he tafaʻaki toʻomataʻu ki ʻolungá, lomiʻi e ngaahi foʻi toti ʻe 3. 
3. Android: Lomiʻi e Ngaahi Liliu Kimui Ní. Apple iOS: Lomiʻi ʻi he Meʻa Lahi Ange, pea lomiʻi ʻi he Ngaahi Liliu Kimui Ní.
4. Kumi ha liliu ʻoku fakamatalaʻi lanu mata (iOS) pe lanu pulū (Android). ʻI ʻolunga ʻi he liliú, fakatokangaʻi ʻa e foʻi lea “Fakatahaʻi”.
5. Lomiʻi ʻi he Fakafoki hono Fakatahaʻí Kapau he ʻikai ke ke lava ʻo fakafoki ʻa e fakatahaʻí, ʻokú ke sio ki he ʻikai toe ʻasi ha meʻalomi ke Fakafoki hono Fakatahaʻí.
6. Fakamatalaʻi e ʻuhingá, pea lomiʻi ʻi he Fakafoki hono Fakatahaʻí.
7. ʻOku lanu melomelo e puhá ʻi he taimí ni pea ʻasi mai e “Fakafoki Hono Fakatahaʻí.” Ke toe vakaiʻi e fakamatala kau ki he lekooti ne toe fakafokí, lomiʻi ʻi he hingoa ʻi lalo he Tokotaha ne Fakafokí.

Ngaahi Sitepu (ʻAkau Fakafāmili Laití)

ʻI he taimi ní, ʻoku ʻikai maʻu ʻe he ʻAkau Fakafāmili Laití ha meʻa ke fili mei ai ke ke lava ai ʻo fakaleleiʻi e ngaahi meʻa ne fakatahaʻi ka ʻoku halá.

Ngaahi fakamatala fekauʻakí

Te u fakahaaʻi fēfē ʻoku ʻikai ko e tokotaha tatau ʻa e lekooti ʻoku pehē ʻoku ʻasi tuʻo uá ʻi he Fuʻu ʻAkau Fakafāmilí?
Te u fakaleleiʻi fēfē ha lekooti ne fakatahaʻi ʻoku ʻi ai e fakamatala mei he kakai tokolahi ʻi he Fuʻu ʻAkau Fakafāmilí?