Te u fakafoki fēfē ha meʻa ne fakatahaʻi ʻi he ʻAkau Fakafāmilí?

ʻI he taimi ʻokú ke fakatahaʻi ai pe ko ha taha kehe ʻi he ʻAkau Fakafāmilí ha lekooti ʻasi tuʻo ua, ʻoku maʻu ha taha ʻo kinaua ʻi he ʻAkau Fakafāmilí. ʻE ʻākaivi ʻe he polokalamá e tatau ʻe tahá. Koeʻuhí ko e faingofua pē ke fai ha liliu ʻi he FamilySearch, ʻe lava ke fehālaaki hano fakatahaʻi ʻe he kakaí ha ongo lekooti ʻo ha kakai kehekehe. Te ke lava ʻo fakafoki ʻa hono fakatahaʻi ʻo e kakaí kapau naʻe ʻikai ke toe liliu ʻe ha tokotaha hili ʻa hono fakatahaʻí. Kapau ʻe liliu ʻe ha tokotaha ha meʻa hili ʻa hono fakatahaʻí, te ke lava ʻo fakafoki ʻa e tokotaha naʻe ʻosi toʻó.

Ngaahi Sitepu (uepisaiti)

Hū ki he FamilySearch pea ʻalu ki he peesi Person ʻo e tokotaha ʻokú ke fie sio ki aí.

1. Kapau ʻoku ʻikai ke ke sio ki he Ngaahi Fakamatala Mahuʻingá ʻi he konga ki ʻolunga ʻo e pēsí, lomiʻi ʻi he tab Ngaahi Fakaikiikí .
2. Kumi ʻa e puha Liliu Fakamuimuitahá.
3. Lomiʻi ʻi he Fakahā Kotoa.
4. Kumi ʻa e meʻa ne fakatahaʻí. ʻOku ʻasi ʻa e “Fakatahaʻi” ʻi he tafaʻaki toʻohemá.
5. ʻI hoʻo ʻiloʻi ʻa e meʻa ne fakatahaʻí, vakai ki he taupotu taha ki toʻomataʻu ʻo e konga ko iá:
   
   • Kapau te ke lava ʻo fakafoki ʻa e meʻa ne fakatahaʻí ʻi he taimi pē ko iá, ʻe ʻasi atu ʻa e konga ki hono Fakafokí.
   • Kapau he ʻikai ke ke lava ʻo fakafoki ʻa e meʻa ne fakatahaʻí ʻi he taimi pē ko iá, he ʻikai ʻasi atu ʻa e konga ki hono Fakafokí. Fakafoki ʻa e tokotaha ne toʻó.
6. Kapau ʻoku ʻasi atu ʻa e konga ki hono Fakafokí, muimui ʻi he ngaahi sitepu ko ʻení:
   
   1. Lomiʻi ʻi he Fakafoki hono Fakatahaʻí.
   2. Vakaiʻi ʻa e fakamatala te ke fakafokí.
   3. Toe lomiʻi ʻi he Fakafoki hono Fakatahaʻí.
7. Kapau ʻoku ʻikai ʻasi ʻa e konga ki hono Fakafokí, muimui ʻi he ngaahi sitepu ko ʻení ke fakafoki ʻa e tokotaha kuo toʻó:
   
   1. Lomiʻi ʻi he hingoa ʻo e tokotaha kuo toʻó.
   2. Lomiʻi ʻa e Tokotaha.
   3. Lomiʻi ʻi he Fakafoki ʻa e Tokotahá.
   4. Fakahū ha fakamatala ki he ʻuhingá ke fakamatalaʻi e ʻuhinga ʻokú ke fie maʻu ai ke fakafoki ʻa e tokotahá ni.
   5. Lomiʻi ʻi he Fakafokí.
   6. Vakaiʻi ʻa e ongo lekōtí fakatouʻosi. Fakapapauʻi ʻoku fakatou tonu ʻa e fakamatalá takitaha. Mahalo ʻe fie maʻu ke ke tamateʻi ʻa e fakamatalá mei he lekooti ʻe taha pea tānaki ia ki he taha.

Ngaahi Sitepú (polokalama fakatelefoní)

1. Fili e foʻi toti ʻe 3 ʻi he tuliki toʻomataʻu ki ʻolungá. 
2. Android: Lomiʻi Ngaahi Liliu Kimui Ní. Apple iOS: Lomiʻi ʻi he Meʻa Lahi Ange, pea lomiʻi ʻi he Ngaahi Liliu Kimui Ní.
3. Kumi ha puha lanu mata Fakatahaʻi
4. Lomiʻi ʻi he Fakafoki hono Fakatahaʻí. Kapau ʻoku ʻikai lava ke fakaʻaongaʻi eni ki he lekōtí ni, he ʻikai ʻasi mai ia.
5. Fakamatalaʻi e ʻuhingá, pea lomiʻi ʻi he Fakafoki hono Fakatahaʻí.
6. ʻOku lanu melomelo e puhá ʻi he taimí ni pea ʻasi mai “Fakafoki Hono Fakatahaʻí.” Ke toe vakaiʻi e fakamatala kau ki he lekooti ne toe fakafokí, lomiʻi ʻi he hingoa ʻi lalo he Tokotaha ne Fakafokí.

Ngaahi Sitepu (ʻAkau Fakafāmili Laití)

ʻI he taimi ní, ʻoku ʻikai maʻu ʻe he ʻAkau Fakafāmili Laití ha meʻa ke fili mei ai (option) ke ke lava ai ʻo fakaleleiʻi e ngaahi meʻa ne fakatahaʻi ka ʻoku halá.

Ngaahi fakamatala fekauʻakí

Te u fakahaaʻi fēfē ʻoku ʻikai ko e tokotaha tatau ʻa e lekooti ʻoku pehē ʻoku ʻasi tuʻo uá ʻi he ʻAkau Fakafāmilí?
Te u fakaleleiʻi fēfē ha lekooti ne fakatahaʻi ʻoku ʻi ai e fakamatala mei he kakai tokolahi ʻi he ʻAkau Fakafāmilí?