He ʻikai te ke lava ʻo fakatahaʻi ha ngaahi lekooti ʻe niʻihi ʻi he Fuʻu ʻAkau Fakafāmilí. Ko ha ngaahi ʻuhinga ʻeni ʻe niʻihi:
- Ko e lekooti ʻe taha ko e tangata, pea ko e lekooti ʻe tahá ko e fefine.
- Ko e lekooti ʻe taha ʻoku kei moʻui, pea ko e lekooti ʻe tahá kuo pekia.
- Ko e lekooti ʻe taha ʻoku kei moʻui pe ʻikai fakahāhāholo pea ʻoku fakaʻasi ia kiate koe pē, pea ko e lekooti ʻe tahá ʻoku kei moʻui pe ʻikai fakahāhāholo foki mo ia pea ʻoku fakaʻasi pē ia ki ha tokotaha kehe.
- Ko e lekooti ʻe taha ko ha tokotaha ʻoku ʻikai fakahāhāholo pea ko koe pē ʻokú ke sio ki aí.
- Ko e lekooti ʻe taha ʻoku lau-pē (read-only).
- ʻOku fehokotaki e lekooti ʻe taha ki ha lekooti ʻe taha ko ha mātuʻa pe fānau.
- Ko e lekooti ʻe taha ne fakatahaʻi kimuí ni mai pea kuo ʻosi tamateʻi ia.
- ʻOku fakapipiki fakatouʻosi e ongo lekōtí ki he maʻuʻanga tokoni tatau pē.
- Hili hono fakatahaʻí, ko e lekooti ʻoku toé ʻoku fuʻu tokolahi ai ʻa e ngaahi hoa malí, mātuʻá, fānaú, maʻuʻanga tokoní, ngaahi manatú, fakamatalá, fealeaʻakí, pe kakai ʻi he lisi ʻoku “ʻikai ko ha tataú.”
Ngaahi Sitepú
- Sio angé pe te ke lava ʻo fakatonutonu ʻa e fakamatala ʻi he Fuʻu ʻAkau Fakafāmilí ʻa ia naʻá ne ʻai ke taʻemalava hono fakatahaʻí. Kapau te ke lava, feinga ke toe fakatahaʻi.
- Kapau ʻokú ke kei fie maʻu pē ha tokoni, fetuʻutaki mai kiate kimautolu. Mateuteu ke ʻomi ʻa e ngaahi fakamatala ko ʻení:
- Ko e fika ID, hingoa, ʻaho fāʻeleʻi, mo e feituʻu ne fāʻeleʻi ai ʻi he ngaahi lekooti ʻokú ke loto ke fakatahaʻí. ʻOku ʻikai ke ʻi he ngaahi lekooti kotoa pē ʻa e fakamatala kotoa ko ʻení, ko ia ai ʻomi ʻa e lahi taha te ke lavá.
- Ko hoʻo vā fetuʻutaki mo e tokotahá
- ʻUhinga ʻokú ke ongoʻi ai ʻoku totonu ke fakatahaʻi ʻa e ʻū lekōtí.
Ngaahi fakamatala fekauʻakí
Ko e hā ʻa e ngaahi lekooti ke lau-pē ʻi he Fuʻu ʻAkau Fakafāmilí?
Ko e hā e fakangatangata ʻo e fakamatalá ki he kakai ʻi he Fuʻu ʻAkau Fakafāmilí?
Ko e hā ʻoku fokotuʻu ai e kakai pekiá ʻi heʻeku lisi ʻo e Kakai Fūfūnaki ʻi he Fuʻu ʻAkau Fakafāmilí?