ʻI he Fuʻu ʻAkau Fakafāmilí, mahalo ʻe ʻikai lava ʻe he tafaʻaki Ngaahi Lekooti ʻOku Malava ke Tataú ʻo lisi e kotoa e ngaahi lekooti tatau ʻo ha taha. Kapau ʻokú ke ʻiloʻi ʻa e fika ID ʻo ha tatau ʻoku ʻikai ke lisi, te ke lava ʻo ngāue ʻaki ia ke fakatahaʻi e ngaahi lekootí.
Kimuʻa peá ke kamatá
Maʻu ʻa e fika ID ʻo e lekooti ke fakatahaʻí. Kuo pau ke ʻi he fuʻu ʻakau tatau ʻa e ongo lekootí kapau ʻokú ke ʻai ke hiki kinaua, fakatātā ʻaki ʻeni, ʻokú na ʻi he fuʻu ʻakau ki he kakaí, ʻokú na ʻi hoʻo fuʻu ʻakau fakataautaha pē ʻaʻaú, pe ʻokú na ʻi he fuʻu ʻakau kulupu fakafāmili tatau.
Ngaahi Sitepú (uepisaití)
- ʻI he meʻa ke fili mei ai ʻi ʻolungá, lomiʻi ʻa e Fuʻu ʻAkau Fakafāmilí, pea lomiʻi leva ʻa e Fuʻu ʻAkaú.
- Kapau ʻoku fiemaʻu, fetongi ki he fuʻu ʻakau ʻa ia ʻoku ʻi ai ʻa e ngaahi tataú
- Kumi ʻa e tokotaha ʻokú ke loto ke fakatahaʻí.
- Lomiʻi ʻi he hingoa ʻo e tokotahá. ʻI he ngaahi fakaikiiki ʻoku ʻasi haké, toe lomiʻi ʻi he hingoa ʻo e tokotahá. ʻE ʻave leva koe ki he peesi ʻo e tokotaha ko iá.
- Lomiʻi ʻi he fakaʻilonga Ngaahi Fakaikiikí .
- Lomiʻi ʻi he Fakatahaʻiʻaki ʻa e ID. ʻOku ʻi he tafaʻaki ʻo e Ngaahi Meʻangāué, ʻi he feituʻu toʻomataʻu ʻo e pēsí.
- Fakahū ʻa e fika ID ʻi he ʻū mataʻitohi lahí pea mo e haifiné.
- Lomiʻi ʻa e Hoko Atu. ʻOku ʻasi mai leva ʻa e screen [ʻatá] ki hono fakatahaʻí ʻi ha browser foʻou.
- Toʻohemá: Ngalingali ko e lekooti ʻeni ʻoku ʻasi tuʻo uá. ʻE tamateʻi ia kapau te ke fakatahaʻi ʻa e ʻū lekōtí.
- Toʻomataʻú:Ko e lekooti ʻeni naʻá ke kamata mei aí. ʻE seivi ia kapau te ke fakatahaʻi ʻa e ʻū lekōtí.
- Fakapapauʻi pe ʻoku ʻuhinga ʻa e ngaahi lekōtí ki he tokotaha tatau.
- Fakafehoanaki ʻa e tafaʻaki toʻohemá mo e toʻomataʻú ke hoa tatau e ngaahi hingoá, ʻahó, feituʻú, mo e kau mēmipa ʻo e fāmilí.
- Lau ha faʻahinga pōpoaki fakatokanga pē ʻi he screen[ʻatá].
- Kapau ko e lekooti ʻi he toʻohemá ʻa e tonu tahá, toe kamataʻi e founga ʻo e fakatahaʻí mei he peesi ʻa e tokotaha kehé koeʻuhí ke seivi ʻenau lekōtí.
- Kapau ko e lekōtí ʻoku ʻikai ko e tokotaha tatau, lomiʻi ʻa eʻIkai Ha Tatau. Kapau ʻoku fekauʻaki ʻa e ngaahi lekōtí mo e tokotaha tataú, lomiʻi ʻa eʻIo Hoko Atu. Kapau ʻoku ʻikai ke ke fakapapauʻi, lomiʻi ʻa eKaniseli.
- ʻI he lekooti ʻoku kei maʻú, vakaiʻi e ngaahi fakamatala kotoa ʻa ia ʻoku puipuituʻa lanumatá. ʻE hiki tatau e ngaahi fakamatala ʻoku fakaʻilongaʻí ki he lekooti ʻoku kei maʻú ʻi he taimi ʻoku kakato ai hono fakatahaʻí. Kapau ʻoku ʻikai fiemaʻu ke seivi ʻa e fakamatala ko ʻení ʻi he lekooti ʻoku kei maʻú, lomiʻi ʻa e Fakafoki.
- Lomiʻi ʻa e Hoko Atú.
- Fakakakato hono fakatahaʻí:
- Vakaiʻi ʻa e lekooti ʻoku kei maʻú.
- Kapau ʻoku ʻasi tonu pē ʻa e meʻa kotoa, lomiʻi ʻi heʻOsi Hono Fakatahaʻí.
- Ke fakamatalaʻi e ʻuhinga naʻá ke fakatahaʻi ai e ngaahi lekootí ni, fili ha ʻuhinga ʻoku fokotuʻu atú, pe ko haʻo fakahū pē haʻo fakamatala ʻaʻau.
- Lomiʻi ʻá e Seivi.
Hili pē ha taimi siʻi mei hono fakatahaʻí, ʻoku lava ke maʻu ʻi ha kiʻi taimi nounou ʻa e fili ke “fakafoki”. ʻOkú ne fakaʻatā koe ke faingofua hoʻo fakafoki ʻa e ongo lekooti naʻá ke fakatahaʻí.
Ngaahi Sitepu (polokalama telefoni toʻotoʻó)
- ʻI he polokalama telefoni toʻotoʻo ʻo e Fuʻu ʻAkau Fakafāmilí, fakaʻasi ʻa e peesi ʻa e tokotaha ʻo e taha ʻo e ngaahi lekooti tataú.
- Kapau ʻoku fiemaʻu, fetongi ki he fuʻu ʻakaú ʻa ia ʻoku ʻi ai ʻa e ngaahi tataú.
- Lomiʻi ʻa e foʻi toti ʻe tolu ʻi he tuliki toʻomataʻú, ki ʻolungá.
- Lomiʻi ʻa e Ngaahi Tatau ʻe Ala Fakahokó .
- Lomiʻi ʻa e Fakatahaʻi ʻaki ʻa e ID.
- Fakahū ʻa e fika ID ʻi he ʻū mataʻitohi lahí pea mo e haifiné, pea lomiʻi ʻa eFakahokó.
- Lomiʻi ʻa eVakaiʻi e Fakatahaʻí.
- Lau ʻa e fakatokangá, pea lomiʻi ʻa e Hoko Atu Hono Fakatahaʻí. ʻOku ʻasi mai e screen[ʻata] ki hono fakatahaʻí.
- Toʻohemá: Ngalingali ko e lekooti ʻeni ʻoku ʻasi tuʻo uá. ʻE tamateʻi ia kapau te ke fakatahaʻi ʻa e ʻū lekōtí.
- Tafaʻaki Toʻomataʻú: Ko e lekooti ʻeni naʻá ke kamata mei aí. ʻOku seivi ia kapau te ke fakatahaʻi ʻa e ʻū lekōtí.
- Fakapapauʻi pe ʻoku ʻuhinga ʻa e ngaahi lekōtí ki he tokotaha tataú.
- Fakafehoanaki ʻa e tafaʻaki toʻohemá mo e toʻomataʻú ke hoa tatau e ngaahi hingoá, ʻahó, feituʻú, mo e kau mēmipa ʻo e fāmilí.
- Kapau ko e lekooti ʻi he toʻohemá ʻoku tonu tahá, lomiʻi ʻa eLiliu ke tauhi ia.
- Fakapapauʻi pe te ke tauhi ha faʻahinga fakamatala mei he tokotaha ʻoku ʻai ke toʻó.
- Ke hiki ʻa e fakamatala mei he toʻohemá ki he toʻomataʻú, lomiʻi ʻa e Fakafetongi.
- Ke tānaki atu ʻa e fakamatala mei he toʻohemá ki he toʻomataʻú, lomiʻi ʻa e Tānaki.
- Kiʻi Tokoni Kapau ʻoku ʻasi tuʻo ua ʻa e lekooti ʻo e mātuʻá, hoa malí, pe fānau ʻi he toʻohemá, tānaki kinautolu ki he lekooti ʻoku maú. Te ke lava ʻo toki fakatahaʻi ʻa e ngaahi lekooti ko ʻení ʻamui ange.
- ʻI hoʻo ʻosí, ʻalu ki he konga ki lalo ʻo e pēsí, pea lomiʻi ʻi he Hoko Atu Hono Fakatahaʻí.
- Fakahū ha fakamatala ki he ʻuhinga naʻá ke fakatahaʻi ai e ongo lekooti ko ʻení.
- Lomiʻi ʻa e Fakatahaʻí.
Fakatokangaʻi ange: Ko e tatau iOS pē ʻo e polokalamá ʻoku ʻi ai ʻa e fili ke Fakafetongi ʻa e fakamatalá kae ʻikai ke Fetongi pe Tānaki Atu ia.
Ngaahi Sitepu (Family Tree Lite)
ʻI he lolotongá ni, ʻoku ʻikai fakangofua ʻe he Fuʻu ʻAkau Fakafāmili Lāití ha fakatahaʻi. Kātaki ʻo hū ki he uepisaiti ʻi he polokalama telefoni toʻotoʻo ʻo e Fuʻu ʻAkau Fakafāmilí, pea hoko atu e ngāue ki hono fakatahaʻí.
Ngaahi sitepu hoko ʻoku fokotuʻu atú
- Toʻo ʻa e ngaahi maʻuʻanga tokoni pe ngaahi manatu halá mei he lekooti ʻoku kei maʻú.
- Vakaiʻi ʻa e kau mēmipa ʻo e fāmili ʻa e tokotahá pe ʻoku ngalingali ʻoku ʻi ai ha ngaahi lekooti ngalingali ʻoku ʻasi tuʻo ua.
Ngaahi fakamatala fekauʻakí
Te u fakatahaʻi fēfē nai e ngaahi lekooti ngalingali ʻoku ʻasi tuʻo ua ʻi he Fuʻu ʻAkau Fakafāmilí?
Te u maʻu fēfē ha tokotaha kuo pekia ʻi he Fuʻu ʻAkau Fakafāmilí?
Te u ʻilo fēfē nai ko e lekooti ʻe 2 ʻi he Fuʻu ʻAkau Fakafāmilí ʻoku fekauʻaki mo e tokotaha tataú?
Te u fakafoki fēfē ha meʻa ne fakatahaʻi ʻi he Fuʻu ʻAkau Fakafāmilí?