Te u maʻu fēfē ha tokotaha kuo pekia ʻi he ʻAkau Fakafāmilí?

Te ke lava ʻo maʻu ha kakai kuo pekia ʻi he ʻAkau Fakafāmilí. Te ke lava ʻo fekumi ʻo ngāue ʻaki ʻa e hingoá, tuʻunga tangata pe fefiné, kau mēmipa ʻo e fāmilí pe fakamatala ʻo ha meʻa ne hoko. Te ke lava foki ʻo fekumi ʻaki ha fika ID.

Te ke lava ʻo maʻu e kakai moʻuí ʻi he ʻAkau Fakafāmilí kapau pē naʻá ke fakahū kinautolu ki he ʻAkaú pea fekumi ʻo ngāue ʻaki ʻa e fika ID.

Ngaahi Sitepu (uepisaiti)

1. ʻI hoʻo hū ki he FamilySearch.org, lomiʻi ʻi he ʻAkau Fakafāmilí.
2. Lomiʻi ʻi he Kumí
3. Lomiʻi ʻi he meʻa lomi ki he faʻahinga fekumi ʻokú ke loto ke fakaʻaongaʻí.
   
   • Kumi ʻaki e Hingoá. Fakahū ha hingoa pe fakamatala kehe. Kapau ʻokú ke fie maʻu ke maʻu e tatau ʻo haʻo fekumi ʻe taha pe lahi ange, lomiʻi he puha ke fakaʻilongaʻí ʻi he tafaʻaki ʻo e feituʻú.
     
     • ʻI hono fakakau ha hingoa kehé, ʻe lava ai ke ke maʻu ha taha ʻo fakaʻaongaʻi e ngaahi hingoa fakatenetené, hingoa malí, mo ha ngaahi hingoa kehe ʻoku fakaʻaongaʻi.
     • ʻI hoʻo fekumi ki ha meʻa ne hoko ʻi he taimi fāʻeleʻí, ʻokú ke fekumi ai ki he fakamatala fāʻeleʻí mo tāpuakiʻí fakatouʻosi.
     • ʻI hoʻo fekumi ki ha meʻa ne hoko ʻi he taimi ʻo e pekiá, ʻokú ke fekumi ai ki he fakamatala pekiá mo e tanú fakatouʻosi.
     • Te ke lava ʻo fakaʻaongaʻi ha ngaahi kaati ʻi he hingoa ʻo e kakaí mo e ngaahi feituʻú. Fakahū ʻa e * ke fetongi ʻa e noá pe ha ngaahi mataʻitohi lahi ange. Fakahū ʻa e ? ke fetongi ha mataʻitohi ʻe taha.
   • Kumi ʻaki ʻa e ID. Fakahū e fika ID ʻo ha ʻAkau Fakafāmili.
4. Lomiʻi ʻi he Fekumi
5. Toe vakaiʻi e ngaahi olá.
6. Kapau ʻoku ʻikai ke ke maʻu ʻa e tokotaha ʻokú ke kumí, liliu e meʻa ʻoku fai ʻaki hoʻo fekumí:
   
   1. ʻI he tafaʻaki toʻohemá, fakahū ai hoʻo ngaahi liliú.
   2. Lomiʻi ʻi he Fekumí
   3. Toe vakaiʻi e ngaahi olá.
7. ʻI he ngaahi ola ʻo e fekumí, lomiʻi ʻi he hingoa ʻo e tokotahá ke vakai ki he kaati ʻo e tokotahá.
8. ʻI he kaati ʻo e tokotahá, lomiʻi ʻi he Tokotahá.

Ngaahi Sitepú (polokalama telefoni toʻotoʻó)

1. ʻI he polokalama telefoni toʻotoʻo ʻo e ʻAkau Fakafāmilí, ʻalu ki he tafaʻaki ʻokú ke lava ai ʻo sio ki he hokohoko fakafāmilí.
2. Lomiʻi ʻi he fakaʻilonga sioʻata fakaʻatalahí.
3. Lomiʻi ʻi he faʻahinga fekumi ʻokú ke loto ke fakaʻaongaʻí:
   
   • Kumi ʻaki e Hingoá. Fakahū ha hingoa. Kapau ʻokú ke ʻilo e tuʻunga tangata pe fefine, lomiʻi ʻi he Tangatá pe Fefiné. Kapau ʻokú ke fie tānaki ha fakamatala ki he fāʻeleʻí, pekiá, pe malí, lomiʻi ʻi he Fili e Meʻa Ne Hokó, pea tānaki atu e fakamatalá.
   • Kumi ʻaki ʻa e ID. Fakahū e ID ʻAkau Fakafāmili ʻo e tokotahá.
4. Lomiʻi ʻi he Kumí
5. ʻOku ʻi he konga ki ʻolunga ʻo e screen ʻa e fakamatala fekauʻaki mo e hingoa fakaiku naʻá ke fakahuú. ʻI lalo aí, vakai ki he "Kakai ʻoku maʻu ʻi he ʻAkau Fakafāmili naʻe vahevahé" ki he ola ʻo hoʻo ngaahi fekumí.
6. Toe vakaiʻi e ngaahi olá.
7. Kapau ʻoku ʻikai ke ke maʻu ʻa e tokotaha ʻokú ke fie maʻú, lomiʻi ʻi he Fokí pe Kumi ha Tokotahá ke liliu e fakamatala ʻoku fai ʻaki hoʻo fekumí.
8. ʻI he ngaahi ola ʻo e fekumí, lomiʻi ʻi he hingoa ʻo e tokotahá.

Ngaahi sitepu (ʻAkau Fakafāmili Laití)

1. ʻI hoʻo hū ki he ʻAkau Fakafāmili Laití (lite.fs.org), lomiʻi ʻi he Kumí.
2. Lomiʻi ʻi he faʻahinga fekumi ʻokú ke loto ke fakaʻaongaʻí:
   
   • Hingoá. Fakahū ha hingoa, tuʻunga tangata pe fefine, mo ha fakamatala kehe.
   • ID. Fakahū e ID ʻAkau Fakafāmili ʻo ha tokotaha.
   • Hisitōliá. Vakai ki he kakai ʻe toko 50 naʻá ke vakaiʻi fakamuimui tahá. Lomiʻi ʻi ha hingoa ke ke foki ki hanau taha.
3. Lomiʻi ʻi he Fekumí.
4. Toe vakaiʻi e ngaahi olá.
5. Kapau ʻoku ʻikai ke ke maʻu ʻa e tokotaha ʻokú ke kumí, lomiʻi ʻi he Toe Fakaleleiʻi e Fekumí ke liliu e meʻa ʻoku fai ʻaki hoʻo fekumí.
6. ʻI he ngaahi ola ʻo e fekumí, lomiʻi ʻi he hingoa ʻo e tokotahá.

Ngaahi fakamatala fekauʻakí

Teu lava fēfē ʻo hiki e fika ID ʻo ha tokotaha ʻi he ʻAkau Fakafāmilí?
Ko fē te u lava ʻo maʻu ha tokoni mei ai ki heʻeku tohi hohokó?