Kapau ko koe naʻá ke faʻu ʻa e lekōtí pea kuo teʻeki liliu ia ʻe ha taha kehe, te ke lava ʻo tamateʻi e lekooti ʻo ha taha kuo pekia mei he Fuʻu ʻAkau Fakafāmilí. Te ke lava foki ʻo toʻo e lekooti ʻo ha tokotaha moʻui kapau naʻá ke tānaki ia ki he Fuʻu ʻAkau Fakafāmilí.
ʻOku ʻasi atu ʻa e pōpoaki “ʻIkai Maʻu ʻa e Tokotaha ʻOku Toʻó” ʻo kapau ʻoku ʻikai ke ke lava ʻo toʻo ha tokotaha. ʻE lava ke hoko ʻeni kapau naʻe tānaki mai ʻe ha taha kehe ha meʻa ki he lekōtí (kau ai e ngaahi maʻuʻanga tokoní, ngaahi manatu melié, ngaahi vā fetuʻutakí, mo e alā meʻa peheé.) Kapau kuo fai ha ngaahi liliu ki he lekōtí ʻe ha niʻihi fakafoʻituitui kehe, ʻo ʻikai ko koe toko taha pē kuó ke tānaki ha fakamatalá, pea ʻikai lava ke ke toʻo ʻa e lekōtí.
Kimuʻa peá ke kamatá
ʻI he taimi ʻokú ke toʻo ai ha lekooti, ʻe hoko ʻa e ngaahi liliu ko ʻení:
- ʻOku toʻo ʻe he Fuʻu ʻAkau Fakafāmilí ha faʻahinga vā fetuʻutaki pē ki ha niʻihi fakafoʻituitui kehe.
- He ʻikai toe lava ke liliu ʻa e lekōtí.
- ʻE toki lava pē ʻo kumi ʻa e lekōtí ʻaki ʻa e fika ID.
ʻE malava pē ke ngali fakalotosiʻi ʻa e founga ko ʻení, ka ke fiemālie he ʻoku ʻi ai pē ha ngaahi founga ke fakafoki mai ai ʻa e ngaahi lekooti pe ngaahi vā fetuʻutaki kuo toʻo ʻo fakafou ʻi he konga ko e Ngaahi Liliu Fakamuimui Tahá. Ke ʻilo e foungá, vakai ki he fehokotakiʻanga ʻo e ngaahi fakamatala fekauʻakí ʻoku ʻi he ngataʻangá.
Kapau ʻoku ʻikai ke ke lava ʻo toʻo ha lekooti, kātaki ʻoua ʻe toʻo ha fakamatalá koeʻuhí ke ke lava ʻo fakapuliki ia. Fetuʻutaki pē ki he FamilySearch Support ki ha toe tokoni makehe.
Kapau te ke maʻu ha lekooti naʻe liliu ʻe ha taha ke fakapuliki ʻa e lekōtí, kātaki ʻo fakaʻaongaʻi e konga Lipooti ʻo ha Ngaohikoviá, ʻi he peesi Tokotaha ʻo e lekooti ʻoku fakafehuʻiá. ʻE toe vakaiʻi ʻe ha timi ngāue ʻa e meʻa naʻe hokó mo fai ha ngāue ki ai.
Ngaahi Sitepú (uepisaití)
- ʻI he meʻa ke fili mei ai ʻi ʻolungá, lomiʻi ʻa e Fuʻu ʻAkau Fakafāmilí, pea lomiʻi leva ʻa e Fuʻu ʻAkaú.
- Kumi e hingoa ʻokú ke loto ke toʻó.
- Lomiʻi e hingoa ʻo e tokotahá. ʻI he ngaahi fakaikiiki ʻoku ʻasi haké, toe lomiʻi ʻi he hingoa e tokotahá. ʻE toe ʻave koe ki he peesi ʻa e tokotaha ko iá.
- Lomiʻi ʻi he Ngaahi Fakaikiikí.
- ʻAlu hifo ki lalo ki he konga Ngaahi Meʻangāue ʻi he kōlomu toʻomataʻú.
- Lomiʻi ʻi he Toʻo ʻa e Tokotahá. Kapau ʻoku ʻasi ʻi he fehokotakiʻangá ʻIkai Maʻu ʻa e Tokotaha ʻOku Toʻó, ʻoku ʻuhinga ia naʻe fakahoko ʻe ha niʻihi kehe ha liliu ki he lekōtí. Fakakaukau ki he ngaahi founga kehe ko ʻení:
- Kapau ne ʻikai pē ke ʻi ai ha tokotaha pehē ia, fetuʻutaki ki he FamilySearch Support.
- Toʻo ʻa e ngaahi vā fetuʻutakí.
- Fakatahaʻi ʻa e ngaahi lekooti ʻoku ʻasi tuʻo uá.
- Fakatonutonu ʻa e ngaahi fakamatala ʻoku ʻikai tonú.
- Tānaki e fakamatala tefitó.
- Toe vakaiʻi ʻa e fakamatala ʻi he window Tokotaha ʻOku Toʻó, ʻa ia ʻoku ʻasi maí.
- Fakamatalaʻi ʻa e ʻuhinga ʻokú ke toʻo ai ʻa e tokotahá.
- Fakatonuki ʻa e ngaahi puhá ke fakahaaʻi naʻá ke ʻosi vakaiʻi ʻa e ngaahi vā fetuʻutakí pea mo fakakau ha fakamatala ki he ʻuhingá.
- Lomiʻi ʻi he Toʻó.
Ngaahi Sitepú (polokalama telefoni toʻotoʻó)
- ʻI he polokalama mopaila ʻo e Fuʻu ʻAkau Fakafāmilí, ʻalu ki he peesi ʻa e Tokotaha fakafoʻituitui ʻoku ʻaʻana e lekooti ʻokú ke fie toʻó.
- Lomiʻi ʻi he foʻi toti ʻe tolu ʻi he tuliki toʻomataʻu ki ʻolungá.
- Android: Lomiʻi ʻi he Toʻo ‘a e Tokotahá.
- Apple iOS: Lomiʻi ʻi he Meʻa Lahi Angé, pea lomiʻi ʻi heToʻo ʻa e Tokotahá.
- Kapau ʻokú ke maʻu e pōpoaki ʻIkai Maʻu ʻa e Tokotaha ʻOku Toʻó, he ʻikai lava ke ke toʻo ʻa e tokotahá. Ka ʻikai, hoko atu hoʻo muimui ʻi he ngaahi sitepú.
- Toe vakaiʻi ʻa e fakamatala ʻi he window Tokotaha ʻOku Toʻó.
- Fakahū ha ʻuhinga ke toʻo ai e tokotahá.
- Lomiʻi ʻi he Toʻo.
Ngaahi Sitepú (Fuʻu ʻAkau Fakafāmili Laití)
ʻOku ʻikai ke maʻu ʻe he Fuʻu ʻAkau Fakafāmili Laití ha founga ki hono toʻo ʻo e lekooti ʻo ha tokotaha.
Fokotuʻu ha Fehuʻi ʻi he Komiunitī FamilySearch
Kapau ʻoku toe ʻi ai haʻo ngaahi fehuʻi, kātaki ʻo fakahū hoʻo fehuʻí ʻi he FamilySearch Community.
- Hū ki he Family Search Community.
- Lomiʻi ʻi he Tokoni ʻi he FamilySearch.
- Lomiʻi ʻi ha tefito ʻoku feʻunga mo hoʻo fehuʻí.
- Lomiʻi ʻi he Tohi Foʻou.
- Fakahū ha fakamatala fakanounou ʻo hoʻo fehuʻí.
- ʻI he puha ʻi lalo he Fehuʻí, tānaki atu e ngaahi fakaikiikí. Ko e feituʻu ʻeni te ke fakahū ai e Tree ID, hingoa kakato ʻo e tokotahá, mo ho vā fetuʻutaki mo e tokotahá. ʻOua naʻa fakakau ha faʻahinga fakamatala fakataautaha, hangē ko e hingoa ngāué, fika ʻo e tokotaha tokoní pe tuʻasila ʻīmeilí.
- Ke ʻoatu ha fakamatala lahi ange, lomiʻi e fakaʻilonga meʻa fakamaʻu pepá.
- Lomiʻi ʻa e ʻEke ha Fehuʻí.
Ngaahi fakamatala fekauʻakí
Te u fakafoki fēfē nai ha lekooti ʻo ha taha kuo toʻo ʻi he Fuʻu ʻAkau Fakafāmilí?
ʻOku maluʻi fēfē nai ʻe he Fuʻu ʻAkau Fakafāmilí ʻa e totonu fakataautaha ʻa e kakai moʻuí?
Te u fakatahaʻi fēfē nai e ngaahi lekooti ʻasi tuʻo ua ʻi he Fuʻu ʻAkau Fakafāmilí?
Te u fakatahaʻi fēfē nai ha ngaahi lekooti ʻasi tuʻo ua ʻo ha kakai moʻui pe ʻikai fakahāhāholo ʻa e kakai naʻá ku tānaki ki he Fuʻu ʻAkau Fakafāmilí?