Te u fakatonutonu fēfē ʻa e ngaahi vā fetuʻutaki ʻa e mātuʻa-fānaú ʻi he ʻAkau Fakafāmilí?

Ko hono fakatonutonu e ngaahi vā fetuʻutaki fānau-mātuʻa, ʻoku faʻa fie maʻu ia ke fai hano vakaiʻi fakalelei kimuʻa peá ke kamatá. ʻE lava ke ʻi ai ha faʻahinga palopalema ʻe ua: ngaahi lekooti ʻoku ʻasi tuʻo ua pe ngaahi fehokotakiʻanga hala ʻo e vā fetuʻutakí.

ʻE lava ke ongo fakafihi hono fakaleleiʻi e faʻahinga palopalema ko ʻení. Kapau te ke toʻo pe fetongi hala ha vā fetuʻutaki, te ke lava ʻo fakafoki ia ʻo fakafou ʻi he polokalama Liliu Fakamuimuitahá. Kumi ha fehokotakiʻanga ki he ngaahi fakahinohino ko ʻení ʻi he lisi ʻo e Ngaahi Fakamatala Fekauʻakí ʻi he ngataʻanga ʻo e fakamatalá ni.  

ʻI he taimi ʻokú ke toʻo ai ha lekooti ʻo ha fānau mei he ngaahi lekooti ʻo ha fāmili, ʻe kei tauhi pē ʻa e lekooti ʻo e fānaú ʻi he ʻAkau Fakafāmilí. Kapau ʻoku fakafehokotaki ʻa e fānaú ki he ngaahi hoa malí mo e fānaú, ʻe kei fakafehokotaki ia kiate kinautolu. Ko e meʻa tatau pē, ʻi he taimi ʻokú ke toʻo ai ʻa e ongomātuʻá mei ha vā fetuʻutaki mo ha fānau, ʻoku kei tuʻu pē ʻa e lekooti ʻo e ʻAkau Fakafāmilí maʻá e mātuʻa takitaha ʻi he ʻAkau Fakafāmilí.

Kimuʻa peá ke kamatá

Tuku ha taimi ke fakakaukauʻi ai ʻa e meʻa ʻoku fehalākí:

• Kapau ʻoku ʻikai kau ʻa e fānaú ki he fāmilí, toʻo pe fetongi e fehokotakiʻanga ʻo e fānaú ki he ongomātuʻá. Fakaʻaongaʻi e ngaahi fakahinohino ʻi he fakamatala ko ʻení ke fakahoko ia.
• Kapau ʻoku tonu pē ʻa e fānaú ka ʻoku hala ha taha ʻo e mātuʻá pe hala fakatouʻosi e ongomātuʻá, ʻoku fie maʻu ke ke toʻo pe fetongi ʻa e mātuʻa ʻoku halá. Toʻo pe fetongi e mali ʻo e mātuʻa totonú. Kumi ha fehokotakiʻanga ki he ngaahi fakahinohino ki hono toʻo pe fetongi ʻo e ngaahi malí ʻi he lisi ʻo e Ngaahi Fakamatala Fekauʻakí ʻi he ngataʻanga ʻo e fakamatalá ni. 
• Kapau te ke sio tuʻo lahi ki he mātuʻá mo e fānaú, pe ʻi ha ngaahi fāmili kehekehe, vakai ki he fika ID ʻo e ngaahi lekooti tataú.
  
  • Kapau ʻoku kehekehe ʻa e ngaahi fika ID, fakatahaʻi ʻa e ngaahi lekooti ʻoku ʻasi tuʻo uá. Kumi ha fehokotakiʻanga ki he ngaahi fakahinohino ko ʻení ʻi he lisi ʻo e Ngaahi Fakamatala Fekauʻakí ʻi he ngataʻanga ʻo e fakamatalá ni. 
  • Kapau ʻoku tatau ʻa e ongo fika ID, ʻoku fakafehokotaki ʻa e fānaú ki ha taha ʻo e ongomātuʻá ʻo lahi hake ʻi he tuʻo tahá. Fakaʻaongaʻi ʻa e ngaahi fakahinohino ʻi he fakamatala ko ʻení ke toʻo ha vā fetuʻutaki ʻoku ʻasi tuʻo lahi.

Kiʻi Tokoni: Hiki hifo ʻa e ngaahi hingoa mo e fika ID ʻo e kakai ʻoku ʻanautolu e vā fetuʻutaki ʻokú ke liliú. Te ke lava leva he taimí ni ʻo fakafoki ha liliu.

Ngaahi Sitepu (uepisaiti)

Ko e ngaahi sitepu ʻeni ki hono toʻo pe fetongi ʻo ha fānau ʻi ha fāmili ʻo fakaʻaongaʻi e ʻAkau Fakafāmili ʻi he uepisaiti FamilySearch.org:

1. Hū ki he FamilySearch.org.
2. Lomiʻi ʻi he ʻAkau Fakafāmilí pea ʻi he Fuʻu ʻAkau.
3. ʻAlu ki he peesi ʻo e fānau ʻoku fehalaaki ʻene mātuʻá.
4. Kapau ʻoku ʻikai ʻasi mai ʻa e konga ki he Ngaahi Fakaikiikí, lomiʻi ʻi he Ngaahi Fakaikiikí.
5. ʻAlu ki he konga ʻo e  Kau Mēmipa ʻo e Fāmilí .
6. ʻI lalo ʻi he Ongomātuʻá mo e Tokouá/Tuofefiné/Tuongaʻané, kumi e hingoa ʻo e fānaú, pea lomiʻi ʻi he fakaʻilonga Fakatonutonú.
7. Kapau ʻoku hala ha taha ʻo e ongomātuʻá, lomiʻi ʻi he Toʻo pe Fetongi he tafaʻaki ʻo e mātuʻa ʻoku halá. Kapau ʻoku hala fakatouʻosi, lomiʻi ʻi he Toʻo pe Fetongi ʻi he tafaʻaki ʻo e fānaú.
8. ʻE ʻasi mai ha puha ki he Toʻo pe Fetongí. Fakapapauʻi ʻa e ngaahi vā fetuʻutakí, ngaahi maʻuʻanga fakamatalá, mo e ngaahi fakamatalá, pea lomiʻi leva ʻi he kiʻi puhá.
9. Fakahoko ha taha ʻo e ngaahi meʻá ni:
   
   1. Ke toʻo ha taha ʻo e mātuʻá pe ko e ongomātuʻá, lomiʻi ʻi he meʻa lomi Toʻo totonú. Fakamatalaʻi hono ʻuhingá, pea lomiʻi leva ʻi he Toʻó.
   2. Ke fetongi ha mātuʻa pe ongomātuʻá, lomiʻi ʻi he meʻa lomi Fetongi totonú. ʻE ʻasi mai leva ʻa e screen ʻo e Tokotaha ke Fetongí.
      
      • Kapau ʻokú ke ʻiloʻi ha fika ID ʻo ha mātuʻa, lomiʻi ʻi he ʻAki e Fika ID. Fakahū e fika ID, pea lomiʻi ʻi he Hoko Atú. Lomiʻi e Tānaki e Meʻa ʻoku Tataú.
        
        • Kapau ʻokú ke fie tānaki fakatouʻosi e ongo mātuʻá, lomiʻi ʻi he Fili ha Ongomātuʻa.
        • Ke tānaki ha mātuʻa ʻe taha, lomiʻi ʻi he Fili e Tokotahá. Fakamatalaʻi ʻa e ʻuhinga ki he liliú, pea lomiʻi ʻi he Fetongí.
      • Kapau ʻoku ʻikai ke ke ʻilo ʻa e fika ID ʻo ha taha ʻo e ongomātuʻá, fakakakato ʻa e ngaahi meʻa ʻoku fie maʻu ki he fekumí, pea lomiʻi ʻi he Hoko Atú.
        
        • Kapau ʻoku ʻasi mai e tokotaha pe mātuʻa totonú ʻi he lisí, lomiʻi ʻi he Tānaki e Meʻa ʻOku Tataú. Kapau ʻokú ke fie tānaki fakatouʻosi e ongo mātuʻá, lomiʻi ʻi he Fili e Ongomātuʻá, Ke tānaki ha mātuʻa ʻe taha, lomiʻi ʻi he Fili e Tokotahá. Fakamatalaʻi ʻa e ʻuhinga ki he liliú, pea lomiʻi ʻi he Fetongí.
        • Kapau ʻokú ke sio ʻoku ʻikai ke tatau, lomiʻi ʻi he Faʻu ha Tokotaha ke faʻu ha lekooti ʻo e mātuʻá.

Ngaahi Sitepú (polokalama mopaila)

Ko e ngaahi sitepu ʻeni ki hono toʻo pe fetongi ʻo ha fānau ʻi ha fāmili ʻo fakaʻaongaʻi ʻa e polokalama mopaila ʻo e ʻAkau Fakafāmilí:

1. ʻI he polokalama mopaila ʻo e ʻAkau Fakafāmilí, ʻalu ki he Peesi ʻa e tama haʻana ʻa e mātuʻa halá.
2. Lomiʻi ʻi he meʻa lomi Mātuʻá .
3. Kumi e hingoa ʻo e fānaú, pea lomiʻi ʻi he fakaʻilonga fakatonutonú.
   
   1. Kapau ko ha taha pē ʻo e mātuʻá ʻoku halá, lomiʻi ʻi he foʻi tao ʻo e ngaahi meʻa ke fili mei ai ʻoku tuku hifó ki he mātuʻá, pea lomiʻi leva ʻi he Toʻo pe Fetongi e Tamaí pe Toʻo pe Fetongi e Faʻeé.
   2. Kapau ʻoku hala fakatouʻosi e ongomātuʻá, lomiʻi ʻi he Toʻo e Ongomātuʻá.
4. ʻE ʻasi atu ha window foʻou. 
   
   1. Ke toʻo ha mātuʻa pe ongomātuʻá, lomiʻi ʻi he puha ʻoku pehē ai kuó ke vakaiʻi e ngaahi vā fetuʻutakí, peá ke lomiʻi leva ʻi he Hoko Atú. Fakamatalaʻi e ʻuhingá pea lomiʻi ʻi he Tamateʻi.
   2. Ke fetongi ha mātuʻa pe ongomātuʻá, lomiʻi ʻi he puha ʻoku pehē ai kuó ke vakaiʻi e ngaahi vā fetuʻutakí, peá ke lomiʻi leva ʻi he Fetongí. ʻE ʻasi mai leva ʻa e screen ʻo e Tokotaha ke Fetongí.
      
      • Kapau ʻokú ke ʻiloʻi ha fika ID ʻo ha mātuʻa, lomiʻi ʻi he Tānaki ʻaki ʻa e ID. Fakahū ʻa e fika ID, pea lomiʻi ʻi he Hoko Atú. Lomiʻi ʻi he Filí. Fakamatalaʻi e ʻuhinga ʻoku tonu ai e fakamatalá, pea lomiʻi ʻi heFetongí.
      • Kapau ʻoku ʻikai ke ke ʻilo e fika ID ʻa ha taha ʻo e ongomātuʻá, fakakakato e ngaahi meʻa ʻoku fie maʻu ki he fekumí, pea lomiʻi ʻi he Hoko Atú.
        
        • Kapau ʻoku ʻasi mai e tokotaha totonú ʻi he lisí, lomiʻi ʻi he Filí.  Fakamatalaʻi e ʻuhinga ʻo hoʻo liliú, pea lomiʻi ʻi he Fetongí.
        • Kapau ʻoku ʻikai ʻasi mai e mātuʻá, ʻIkai ha Tatau. Fakamatalaʻi e ʻuhinga ʻo hoʻo liliú, pea lomiʻi ʻi he Fetongí.

Ngaahi Sitepu (ʻAkau Fakafāmili Lite)

Ko e ngaahi sitepu eni ki hono toʻo pe fetongi ʻo ha fānau ʻi ha fāmili ʻo fakaʻaongaʻi e ʻAkau Fakafāmili Lite:

1. Hū ki he ʻAkau Fakafāmili Laití (lite.fs.org).
2. ʻAlu ki he peesi ki he Tokotaha ʻo e fānau ʻoku hala ʻene ongomātuʻá.
3. ʻI lalo ʻi he hingoa ʻo e tokotahá, lomiʻi ʻi he Vakai ki he Fāmilí.
4. ʻI lalo ʻi he Ongomātuʻá mo e Tokouá/Tuofefiné/Tuongaʻané, kumi e hingoa ʻo e fānaú, pea lomiʻi ʻi he fakaʻilonga Liliú.
5. Kapau ko e mātuʻa pē ʻe taha ʻoku halá, lomiʻi ʻi he Toʻo pe Fetongi ʻi lalo ʻi he hingoa ʻo e mātuʻa ʻoku halá. Kapau ʻoku hala fakatouʻosi, lomiʻi ʻi he Toʻo pe Fetongi ʻi lalo ʻi he hingoa ʻo e fānaú.
6. Fai ha taha ʻo e ngaahi meʻá ni:
   
   1. Ke toʻo ha taha ʻo e mātuʻá pe ko e ongomātuʻá, lomiʻi ʻi he meʻa lomi Toʻo totonú. Fakahū ha ʻuhinga pea lomiʻi ʻi he Toʻo.
   2. Ke fetongi ha mātuʻa pe ongomātuʻá, lomiʻi ʻi he meʻa lomi Fetongitotonú. ʻE ʻasi mai leva ʻa e screen ʻo e Tokotaha ke Fetongí.
      
      • Kapau ʻokú ke ʻilo e fika ID ʻo ha taha ʻo e ongomātuʻá, lomiʻi ʻi he Kumi e Fika ID, fakahū e fika ID, pea lomiʻi leva ʻi he Hoko Atú. (ʻOku ʻikai ʻotomētiki pē hano tānaki atu ʻe he FamilySearch Laití e haifine pe liliu ke mataʻitohi lahi e ngaahi mataʻitohi ʻo e ID. Fakahū ʻiate koe pē ia) Lomiʻi ʻi he Tānaki ha Tokotaha pe Tānaki e Ongomātuʻá.
      • Kapau ʻoku ʻikai ke ke ʻilo e fika ID ʻo ha taha ʻo e ongomātuʻá, fakakakato e ngaahi meʻa ʻoku fie maʻu ki he fekumí, pea lomiʻi ʻi he Hoko Atú. Kapau ʻe ʻasi mai e tokotaha pe ongomātuʻa totonú ʻi he lisí, lomiʻi ʻi he Tānaki e Tokotahá pe Tānaki e Ongomātuʻá. Ka ʻikai, ke faʻu ha lekooti mātuʻa foʻoú, lomiʻi ʻi he Faʻu ʻa e Tokotahá. 

Ngaahi sitepu hoko ʻoku fokotuʻu atú

ʻI hono toʻo pe fetongi e vā fetuʻutaki ʻo e mātuʻa-fānaú, ʻoku ʻikai toʻo pe fetongi ai ʻa e vā fetuʻutaki ia ʻo e ongomātuʻá. Kapau ʻoku hala ʻa e faʻeé pe tamaí, ʻe fie maʻu foki ke ke toʻo pe fetongi ha taha ʻo e ongomeʻa malí.

Ngaahi fakamatala fekauʻakí

Te u fakapapauʻi fēfē e ngaahi vā fetuʻutaki fakaetotó (biological), fānau ʻa e mali ki muʻá, fānau ohi mo tauhi fakataimí (foster) ʻi he ʻAkau Fakafāmilí?
Te u lava fēfē ʻo vakai pe ko e ngaahi liliu hā naʻe fakahoko fekauʻaki mo ha tokotaha ʻi he ʻAkau Fakafāmilí?
Te u fakatahaʻi fēfē nai e ngaahi lekooti ʻasi tuʻo ua ʻi he ʻAkau Fakafāmilí?
ʻOku fehālaaki e hoa mali ʻo ha tokotaha ʻi he ʻAkau Fakafāmilí
ʻOku laka hake ʻi he tuʻo tahá ʻa e asi ʻa e fānau tatau ʻi ha fāmili ʻi he ʻAkau Fakafāmilí.