ʻOku fakahaaʻi ʻe he tags ʻi he ʻū taá mo e ngaahi fakamatala fakapepá ʻa e kakai ʻoku nau hā aí. ʻOku lava foki ke fakapapauʻi ʻe he tags ʻa e tā pe fakamatala fakapepa ʻoku ʻasi fakataha mo e lekooti ʻo e tokotahá ʻi he Fuʻu ʻAkau Fakafāmilí.
Te ke lava ʻo tag ha ngaahi manatu melie ʻo aʻu ki he 1,000 ki ha tokotaha ʻi he Fuʻu ʻAkau Fakafāmilí. ʻOku ʻikai ha fakangatangata ki he lahi ʻo e tags ʻoku fai ki ha tā pe fakamatala fakapepa ʻoku ʻoatu. Ka neongo ia, ʻi he taimi ʻokú ke tānaki atu ai ha tag ki ha tā, ʻoku fie maʻu ke ke kamata ʻa e tag takitaha ʻi ha feituʻu kehe ʻi he taá. ʻOku ʻikai ke fakaʻatā ʻe he polokalamá ke ke ʻai ha tag foʻou ʻi ʻolunga ʻi ha tag ʻoku lolotonga ʻi ai. Kapau ʻoku ʻi ai ha tā ʻoku ʻasi kakato ʻa e tag ʻi he monitoá, ʻe fie maʻu ke ke fakasiʻisiʻi ia ke lava ʻo tānaki atu ha toe ngaahi tag.
ʻE lava ke ke tānaki ha tag ki ha manatu melie, ʻo tatau ai pē pe ko hai naʻá ne upload iá.
Ngaahi Sitepu (uepisaiti)
ʻI he uepisaití, ʻoku ʻi he ngaahi lekitengikoló ʻa e tags mo ha hingoa ʻi lalo ʻiate kinautolu.
- Hū ki he FamilySearch pea lomiʻi ʻi he Ngaahi Manatu Melié.
- ʻI he kiʻi puha ʻe ʻasi atú, lomiʻi ʻi he Tauhiʻanga Taá.
- Ke mamata ʻi hoʻo ʻū taá, lomiʻi ʻi he fakaʻilonga meʻa faitaá. Ke mamata ki hoʻo ngaahi fakamatala fakapepá, lomiʻi ʻi he documents icon (fakaʻilonga ʻo e ngaahi fakamatala fakapepá).
- (Fili pē) Ke mamata ki he ʻū taá pē pe ngaahi fakamatala fakapepa pē naʻe ʻikai ke tag, lomiʻi ʻi he tao hanga ki laló ʻi he tafaʻaki ʻo e Fokotuʻutuʻú, pea lomiʻi ʻi he Naʻe ʻIkai Tag.
- Lomi‘i ʻi he taá pe fakamatala fakapepa ʻokú ke fie maʻu ke tag.
- Lomiʻi ʻi he feituʻu ʻoku totonu ke tuʻu ai ʻa e tag ʻi he taá.
- ʻI he ngaahi faile pdf, ʻalu ki he fekumí “Ko hai ʻoku ʻi he manatu melie ko ʻení?”, pea taipeʻi ʻa e hingoa ʻo e kuí. He ʻikai te ke lava ʻo ʻai ha tag ʻi ha feituʻu pau ʻi ha faile pdf.
- (Fili pē) Ke fakalahilahi ange pe fakasiʻisiʻi ange ʻa e tag, lomiʻi ʻi he siakale lanumatá, pea ʻai ia ki he lalahi totonú.
- (Fili pē) Ke toe fokotuʻu ʻa e tag ʻi ha feituʻu foʻou , lomiʻi ʻi he tag, pea ʻave ia ki he feituʻu ʻoku fie maʻú.
- ʻI he puha ke fai ai e tohí, fakahū ai ʻa e hingoa ʻo e tokotahá. ʻI hoʻo taipeʻí, ʻe ʻasi ʻa e hingoa ʻo hoʻo ngaahi kuí mo e kāingá ʻi he Fuʻu ʻAkau Fakafāmilí.
- Kapau ʻoku ʻasi ʻa e hingoa ʻoku tonú, lomiʻi ai. ʻOku pipiki he taimí ni ʻa e manatu melié ki he hingoa ko ia ʻi he Fuʻu ʻAkau Fakafāmilí.
- Kapau ʻoku ʻikai ke ʻasi ʻa e hingoa ʻoku tonú, fakaʻosi hono taipeʻi ʻa e hingoá, pea lomiʻi ʻi he Tānaki Foʻou. ʻOku teʻeki ai ke fakapipiki ʻa e manatu melie ko ʻení ki he Fuʻu ʻAkau Fakafāmilí. Kapau ʻoku ʻi he Fuʻu ʻAkau Fakafāmilí ʻa e tokotahá, lomiʻi ʻi he Fakapipiki ki he Fuʻu ʻAkau Fakafāmilí, pea kumi ʻa e tokotaha ʻokú ne ngāue ʻaki hono hingoá pe fika ID.
- Fai pehē ki he tokotaha kotoa pē ʻi he taá pe fakamatala fakapepá.
Ngaahi Sitepú (polokalama telefoni toʻotoʻo ʻo e Fuʻu ʻAkau Fakafāmilí)
ʻI he polokalama telefoni toʻotoʻó, ʻoku siakaleʻi ʻa e tags mo ha hingoa ʻi lalo ʻiate kinautolu.
Ke tag ha tā pe fakamatala fakapepa ʻo fakaʻaongaʻi ʻa e polokalama telefoni toʻotoʻo ʻo e Fuʻu ʻAkau Fakafāmilí, kuo pau ke ʻosi tag ʻa e taá pe fakamatala fakapepá ki ha tokotaha ʻi he Fuʻu ʻAkau Fakafāmilí. Te ke lava ʻo fakaʻaongaʻi ʻa e polokalamá ke tānaki atu ha tags lahi ange ki ai.
- ʻI he polokalama telefoni toʻotoʻo ʻo e Fuʻu ʻAkau Fakafāmilí, fakaʻaliʻali e peesi ʻa e tokotaha ko ia kuo ʻosi tag ki ai ʻi he manatu melié.
- Lomiʻi ʻi he Ngaahi Manatu Melié.
- Lomiʻi ʻi he tā ʻokú ke fie maʻu ke tag.
- Lomiʻi ʻi he taá.
- Lomiʻi ʻi he fakaʻilonga ʻoku ʻasi mai hangē ha tokotaha mo ha + pe ko ha mataʻifika. ʻOku ʻasi kotoa mai ʻa e tags lolotongá.
- Lomiʻi ʻi he feituʻu ʻoku totonu ke tuʻu ai ʻa e tag. Ki he ngaahi faile pdf, fakahū ʻa e hingoa pe ID ʻo e kuí—he ʻikai ke ke lava ʻo fokotuʻu ia ʻi ha feituʻu pau ʻi he failé.
- (Fili pē) Ke ʻai ke mata lalahi ange pe mata iiki ange ʻa e tag, lomiʻi ʻi he siakale lanumatá, pea ʻai ia ki he lalahi pe iiki totonú.
- (Fili pē) Ke toe fokotuʻu ʻa e tag ʻi ha feituʻu ʻe taha, lomiʻi ʻi he siakalé, pea ʻave ia ki he feituʻu ʻoku fie maʻú.
- Lomiʻi ʻi he Tānaki e Hingoá. ʻOku ʻasi atu ha lisi ʻo e kakai ʻi hoʻo polokalama telefoni toʻotoʻó ʻi he Fuʻu ʻAkau Fakafāmilí.
- Kapau ʻoku ʻi he lisí ʻa e tokotahá, lomiʻi ʻi he hingoá. ʻOku pipiki leva he taimi pē ko iá ʻa e manatu melie ki he tokotaha ko iá ʻi he Fuʻu ʻAkau Fakafāmilí.
- Kapau ʻoku ʻikai ke ʻasi ʻa e hingoa ʻo e tokotahá ʻi he lisí, taipeʻi ʻa e hingoá, pea lomiʻi ʻi he Tānaki Foʻou. ʻOku teʻeki ai ke fakapipiki ʻa e manatu melie ko ʻení ki he Fuʻu ʻAkau Fakafāmilí.
- Lomiʻi ʻi he Kuo Lava.
Ngaahi Sitepú (polokalama telefoni toʻotoʻo ʻo e Ngaahi Manatu Melié)
ʻI he polokalama telefoni toʻotoʻo ʻo e Ngaahi Manatu Melié, te ke lava ʻo tag ʻa e ʻū taá mo e ngaahi fakamatala fakapepa naʻá ke upload ki he FamilySearch.org.
- ʻI he polokalama telefoni toʻotoʻo ʻo e Ngaahi Manatu Melié, lomiʻi ʻi he taá pe fakamatala fakapepa ʻokú ke fie maʻu ke tag.
- Lomiʻi ʻi he taá.
- Lomiʻi ʻi he fakaʻilonga ʻoku ʻasi mai hangē ha tokotaha mo ha + pe ko ha mataʻifika. ʻOku ʻasi kotoa mai ʻa e ngaahi tags lolotongá.
- Lomiʻi ʻi he feituʻu ʻoku totonu ke ʻi ai ʻa e tag. He ʻikai ke ke lava ʻo tag ha feituʻu pau ʻi ha faile pdf; fakahū ʻa e hingoá pe ID ke tag ʻa e tokotahá.
- (Fili pē) Ke ʻai ke mata lalahi ange pe mata iiki ange ʻa e tag, lomiʻi ʻi he siakale lanumatá circle, pea ʻai ia ki he lalahi pe iiki totonú.
- (Fili pē) Ke toe fokotuʻu ʻa e tag ʻi ha feituʻu ʻe taha, lomiʻi ʻi loto ʻi he tag, pea ʻave ia ki he feituʻu ʻoku fie maʻú.
- Lomiʻi ʻi he Tānaki e Hingoá. ʻOku ʻasi atu ha lisi ʻo e kakai mei hoʻo laine fakafāmilí.
- Kapau ʻoku ʻi he lisí ʻa e tokotahá, lomiʻi ʻi he hingoá. ʻOku pipiki leva he taimi pē ko iá ʻa e manatu melie ki he tokotaha ko iá ʻi he Fuʻu ʻAkau Fakafāmilí.
- Kapau ʻoku ʻikai ke ʻasi ʻa e hingoa ʻo e tokotahá ʻi he lisí, taipeʻi ʻa e hingoá, pea lomiʻi ʻi he Tānaki Foʻou. ʻOku teʻeki ai ke fakapipiki ʻa e manatu melie ko ʻení ki he Fuʻu ʻAkau Fakafāmilí.
- Lomiʻi ʻi he Kuo Lava.
Ngaahi sitepu (Fuʻu ʻAkau Fakafāmili Laití)
ʻOku ʻikai fakangofua koe ʻe he Fuʻu ʻAkau Fakafāmili Laití ke ke upload, mamataʻi, pe tag ha ngaahi manatu melie.
Ngaahi fakamatala fekauʻakí
Te u tag fēfē nai ʻa e kakai ʻi he ngaahi talanoá mo e ngaahi faile ki he fanongó?
Ko hai ʻoku lava ke ne mamataʻi ʻa e ngaahi meʻa naʻe upload ʻi he Ngaahi Manatu Melie maʻá e kakai moʻuí?
ʻI he Ngaahi Manatu Melié, te u faʻu fēfē nai ha tags fakatāutaha maʻá e kakai ʻoku nau hingoa tataú?
Te u lava nai ʻo tānaki ha ngaahi manatu melie fekauʻaki mo hoku kāinga ʻoku moʻuí ki he Fuʻu ʻAkau Fakafāmilí?
ʻOku ʻasi nai ʻa e ngaahi manatu melie ʻoku ʻikai fakahāhāholó ʻi he liliu ʻo e hisitōliá ʻi he Fuʻu ʻAkau Fakafāmilí?