ʻOku fakaʻatā koe ʻe he Fuʻu ʻAkau Fakafāmilí ke ke tānaki atu ha ngaahi manatu melie fekauʻaki mo e kāinga ʻoku kei moʻuí.
Maluʻi ʻa e meʻa ʻoku ʻikai fakahāhāholo ʻo e kakai ʻoku kei moʻuí ʻaki hono fakahoko ha ngaahi manatu melie ʻoku ʻikai ke fakahāhāholo.
Kātaki ʻoua ʻe fakahū mai ha ʻū tā ʻo e kakai moʻuí , tukukehe hoʻo fānau tonú, ʻo ka teʻeki ke nau loto ki ai. Kātaki ʻo vakaiʻi ʻemau Aleapau ki hono Fakahū Maí (Submission Agreement) ki ha fakamatala lahi ange.
Kapau te ke fakahū mai ha ʻū tā ʻo ha kakai moʻui, ʻoku mau fokotuʻu atu ke ke ʻai ke ʻoua ʻe fakahāhāholo.
Kapau he ʻikai ke ke ʻai ʻa e manatu melié ke ʻoua ʻe fakahāhāholo, ʻe lava ke vahevahe ia ʻi he ngaahi fehokotakingá, mītia fakasōsialé, mo e ʻīmeilí. ʻOku malava foki ke maʻu hoʻo manatu melié ʻi hono fakaʻaongaʻi ʻo e Google. ʻE lava ke maʻu ʻa e manatu melié ʻi ha fekumi ki ha tefito naʻe tag pea lava ke maʻu ʻi ha ngaahi founga lahi ange ʻi he kahaʻú. ʻAi hoʻo manatu melié ke ʻoua ʻe fakahāhā holo ke fakaʻehiʻehi mei he hoko ʻa e hū noaʻiá.
Ko e hā e meʻa te ke faí kapau te ke maʻu ha manatu melie ʻa ha tokotaha ʻoku kei moʻui?
Kapau te ke maʻu ha manatu melie fekauʻaki mo koe pe ko ha tokotaha ʻoku kei moʻui ʻa ia ʻoku ʻikai totonu ke ʻi he FamilySearch, te ke lava ʻo kole ke toʻo ia. Te ke lava ʻo fai ʻeni ʻi ha founga ʻe ua:
- Lomiʻi ʻi he hingoa ʻo e tokotaha naʻá ne fakahuú, pea tohi ki ai ʻo kole ange ke toʻo.
- Fakaava ʻa e manatu melié, pea lomiʻi ʻi he Report Abuse (Lipooti ʻa e Ngāue Hala ʻAkí). Fakafonu e fakamatala ʻoku fie maʻú, pea lomiʻi ʻi he Fakahū.
Ngaahi fakamatala fekauʻakí
ʻOku maluʻi fēfē nai ʻe he Fuʻu ʻAkau Fakafāmilí ʻa e ngaahi meʻa ʻoku ʻikai fie maʻu ke fakahāhāholo ʻo e kakai moʻuí?
Ko hai ʻoku lava ke ne mamataʻi ʻa e ngaahi meʻa naʻe upload ʻi he Ngaahi Manatu Melie maʻá e kakai moʻuí?
Te u lipooti fēfē nai ʻa e ngāue hala ʻakí, ʻīmeili ʻoku ʻikai ke u fie maʻú, ngaahi manatu melie taʻe-feʻungá, mo e ngaahi fakamatala kehé?
Ko e hā ʻa e ngaahi manatu melie ‘oku ‘ikai ke fakahāhāholó?