Kātaki ʻo līpooti ha faʻahinga ngāue hala ʻaki pe meʻa taʻe-feʻunga ʻokú ke fehangahangai mo ia ʻi he FamilySearch ʻo ngāue ʻaki e (“Līpooti ʻo ha Ngāue-hala-ʻaki”).
Kapau ʻoku ʻoatu ʻe ha taha ha ngaahi pōpoaki ʻoku ʻikai te ke fiemaʻu, te ke lava ʻo tamateʻi e fakatokanga ki he ngaahi pōpoaki ʻa e tokotaha ko iá. Hili iá, he ʻikai ke toe ʻasi atu ʻene ngaahi pōpoakí kiate koe. Vakai ki he fakahinohino ʻi he ngaahi fakamatala Fekauʻakí ki he ngaahi fakaikiikí.
Ko e hā e meʻa ʻoku lau ko e ngāue hala ʻakí?
ʻI he tuʻunga ko ʻení, ʻoku fakaʻuhingaʻi ʻa e ngāue-hala-ʻakí ko ha faʻahinga meʻa pē ʻoku seivi ʻi he FamilySearch ʻe pehē ʻoku fakatupu loto-mamahi pe taʻe-feʻunga, hangē ko ʻení:
- Lea pe ngaahi meʻa (ʻata, vitiō, ongo etc) taʻefeʻunga
- Ngaahi fakamatala te nau lava ʻo fakalaveaʻi pe fakamaaʻi ha ngaahi kāinga ʻoku kei moʻui.
- Ngaahi fehokotakiʻanga ki he ngaahi peesi uepisaiti ʻi tuʻa ʻoku ʻi ai ha ngaahi meʻa taʻe-feʻunga.
- Ngaahi kole tokoni maʻá e ngaahi pisinisí pe ngaahi polokalama fekumí
- Fakamamahiʻi
- Lea Fakapolitikale
- Maumauʻi e lao ʻo e mafai pulusí
ʻOku kau foki ʻi hono ngāue-hala-ʻaki ʻo e FamilySearch ʻa hono tuku hake ʻo e ngaahi tāpuaki fakapēteliaké pe ngaahi lekooti fakatemipale ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi ha taha ʻo e ngaahi feituʻu ko ʻení:
- Ngaahi fealēleaʻaki
- Maʻuʻanga fakamatalá
- Ngaahi Manatu Melié
- Fakatātā ʻo e Moʻuí
Ko e hā e meʻa ʻoku ʻikai lau ko e ngāue hala ʻakí?
ʻOku ʻikai lau ʻa e ngaahi fehalaaki pe liliu ʻi he ngaahi lekōtí ko ha ngāue hala ʻaki. Kapau ʻoku ʻi ai haʻo ngaahi fehuʻi fekauʻaki mo ha ngaahi fehalaaki tupukoso pe ngali fakafāsifasi ʻi he ngaahi lekooti ʻoku ʻikai ke ke lava ʻo fakaleleiʻí, kātaki ʻo fetuʻutaki ki he Tokoni ki he FamilySearch.
ʻOku fakamatalaʻi atu ʻemau tefitoʻi tuʻutuʻuní ʻi he Fakamatala ki he Ngaahi Totonu mo Hono Fakaʻaongaʻi ʻo e FamilySearch, ʻa ia ʻoku maʻu ʻi he konga ki lalo ʻo e ngaahi peesi lahi tahá ʻi he FamilySearch.
Ngaahi Sitepu (uepisaiti)
- ʻAlu ki ha feituʻu ʻi he FamilySearch ʻa ia te ke lava ʻo līpooti ai e ngāue-hala-ʻakí:
- Ngaahi Meʻangāué: ʻI he peesi ʻo ha Tokotaha fakafoʻituitui, kumi ʻi lalo ʻi he Ngaahi Meʻangāué ki he fehokotakiʻanga Līpooti e Ngāu-hala-ʻakí..
- Tokotaha mamataʻi ʻo e manatu melié: ʻI he tokotaha mamataʻi ʻo e manatu melié, vakai ki he tuliki toʻomataʻu ʻi ʻolungá ki he fehokotakiʻanga Lipooti e Ngāue-hala-ʻakí.
- Ngaahi Pōpoakí: Lomiʻi ʻi he hingoa ʻo e tokotahá ʻi he tafaʻaki ʻo ha pōpoaki, pea lomiʻi ʻi he Līpooti e Ngāue-hala-ʻakí.
- Ngaahi maʻuʻanga tokoni ʻoku ʻoatu ki he fakafoʻituituí: Lomiʻi ʻi ha maʻuʻanga fakamatala. ʻOku ʻasi ʻa e fehokotakiʻanga ki he Līpooti e Ngāue-hala-ʻakí ʻi lalo ʻi he hingoa ʻo e maʻuʻanga fakamatalá.
- Ngaahi maʻuʻanga tokoni ʻoku fakapipiki ki he ngaahi vā fetuʻutakí: ʻAlu ki he peesi toko taha ʻa e fakafoʻituituí. ʻAlu ki he konga ʻa e Kau Mēmipa ʻo e Fāmilí pea lomiʻi ʻi he fakaʻilonga Fakatonutonú. Lomiʻi ha maʻuʻanga tokoni mei he konga Ngaahi Maʻuʻanga Tokoni ki he Vā Fetuʻutakí. ʻOku ʻi lalo ʻi he hingoa ʻo e maʻuʻanga tokoní ʻa e Līpooti e Ngāue-hala-ʻakí.
- Fakafonu e fakamatala ʻoku fie maʻú, pea lomiʻi ʻi he Fakahuú. ʻOku ʻikai fakahāhāholo ʻa e ngaahi lipōtí kotoa.
Ngaahi Sitepú (polokalama telefoni toʻotoʻó)
Te ke lava ʻo līpooti ha pōpoaki taʻe-feʻunga ʻokú ke maʻu ʻi he Ngaahi Pōpoaki ʻa e FamilySearch.
- Fakaava ʻa e polokalama FamilySearch ʻi hoʻo telefoní.
- Lomiʻi ʻi he Lahi Angé ʻi he tuliki toʻomataʻu ʻi lalo ʻo hoʻo monitoá. Pea toki lomiʻi ʻi he Ngaahi Pōpoakí.
- Lomiʻi ʻi he pōpoaki ʻokú ke fie lipōtí.
- ʻI he tuliki toʻomataʻu ki ʻolunga ʻo hoʻo screen, lomiʻi ʻi he ngaahi foʻi toti ʻe tolú (...), pea lomiʻi leva ʻi he Lipooti e Ngāuehala ʻAkí.
- Fakamatalaʻi hoʻo ʻuhingá pea lomiʻi ʻi he Fakahū ʻi he tuliki toʻomataʻu ki ʻolunga ʻo hoʻo monitoá.
Ngaahi sitepu (Fuʻu ʻAkau Fakafāmili Laití)
ʻOku ʻikai ha ngaahi meʻalomi ki he ngāuehala ʻakí ʻi he Fuʻu ʻAkau Fakafāmili Laití. Ka, te ke lava ʻo ʻalu ki he konga ki lalo ʻo ha peesi pē pea lomiʻi ʻi he Ngaahi Fakakaukaú mo e Tokoní ke ʻomi ha pōpoaki fekauʻaki mo e ngāuehala ʻakí ʻe ala hokó.
Ngaahi fakamatala fekauʻakí
Te u fakapuliki pe taʻofi fēfē nai ha taha mei haʻane pōpoaki mai kiate au?
Ko e hā ʻa e ngaahi lao ki he ngaahi fealēleaʻakí mo e ngaahi pōpoakí?
Ko e hā ha ngaahi lao ʻoku fakaʻaongaʻi ki hono upload ha ngaahi manatu melie ki he FamilySearch.org?