Te ke lava ʻo upload ha ʻū tā pe ngaahi fakamatala fakapepa ki he Ngaahi Manatu Melie ʻo e FamilySearch, ko ha meʻa pē ʻe taha pe ko ha ngaahi meʻa fakakulupu.
Ko e fōmeti mo e fakangatangata ʻeni ʻo e lalahi ʻo e failé:
- Ki he ngaahi fakamatala fakapepá,ngaahi fōmeti ki he faile .pdf ʻo aʻu ki he 15 MB. Liliu ʻa e ngaahi founga fakapepa kehe hangē ko e .doc mo e faile .docx ki he .pdf kimuʻa peá ke upload.
- Ki he ʻŪ Taá, ʻe lava ke aʻu ʻo 15 MB ʻa e fōmeti ʻo e faile .jpg, .png, .tif, mo e .bmp.
Fakatokangaʻi ange: Kātaki ʻo tokangaʻi ange ko e .pdf pē ʻa e faʻahinga faile ʻoku poupouʻí he ʻoku lava ke kau ha ngaahi peesi lahi.
Kimuʻa peá ke kamatá
Lau fakalelei ʻa e Aleapau ki he Fakahuú (Submission Agreement) ki hoʻo ngaahi fehuʻi fekauʻaki mo e meʻa ʻokú ke fiemālie ki aí.
Ngaahi Sitepu mei he Ngaahi Manatu Melié (uepisaiti)
- Hū ki he FamilySearch.org.
- ʻI he konga ki he menu ʻi ʻolunga ʻi he monitoá, lomiʻi ʻi he Ngaahi Manatu Melié.
- ʻI he lisi menu, lomiʻi ʻi he ʻŪ Taá.
- Lomiʻi ʻa e fakaʻilonga tānakí (+) ʻi he siakale lanumatá.
- Toʻo pea tuku ʻa e failé mei hoʻo komipiutá ki he monitoá, pe lomiʻi ʻi he Fili e Ngaahi Failé.
- Kuo pau ke ke tag fakafoʻituitui ʻa e laʻitā takitaha, ka ko e lahi ʻo e meʻa te ke upload fakaʻangatahá te ke faʻiteliha pē koe.
Ngaahi sitepu mei he peesi ʻa e tokotahá
- Lomiʻi ʻi he Ngaahi Manatu Melié.
- Lomiʻi ʻi he Upload ha Tā pe Upload ha Fakamatala Fakapepa, pea fili ʻa e failé mei hoʻo komipiutá.
- Lomiʻi ʻa e Fili mei he Tauhiʻanga Taá ke tānaki atu ha meʻa kuó ke ʻosi upload. ʻOku ʻikai ʻatā e founga tohoʻi pea lī ke upload ʻaki ha manatu melie ʻi he peesi fakamatala fakaikiiki ʻa e tokotahá.
Ngaahi sitepu ke ʻohake ha ʻū tā kehekehé
- Kumi pea lomiʻi ʻi he laʻitā ʻuluakí.
- Lomiʻi ʻa e Shift ʻi hoʻo kīpōtí.
- ʻI hono lomiʻi ʻa e Shift, lomiʻi ʻa e laʻitā fakamuimuitaha ʻi he ʻū tā ʻokú ke loto ke upload.
- Te ke sio ki ha lisi ʻo e ngaahi meʻa kuo fakapipikí ʻoku fakaʻilongaʻi atu pea maau ke upload. Muimui ʻi he ngaahi fakahinohino ʻi he monitoá pea upload e ʻū taá.
- Ke fili ha ʻū tā kehekehe mei he foulutaá, kumi pea lomiʻi ʻi he laʻitā ʻuluakí.
- Lomiʻi tuʻumaʻu ʻa e Control (Ctrl).
- ʻI hono lomiʻi tuʻumaʻu ʻo e Control, lomiʻi kotoa ʻa e ʻū tā ʻokú ke loto ke upload. Muimui leva ki he ngaahi fekau ʻi he monitoá ke fakaʻosiʻaki hono upload e ʻū taá.
Ngaahi Sitepu (polokalama telefoni toʻotoʻo ʻo e Ngaahi Manatu Melié)
- Lomiʻi ʻa e fakaʻilonga tānakí (+) ʻi he siakalé.
- Lomiʻi ʻa e Tānaki ha Fakamatala Fakapepá pe Tānaki ha Tā.
- Lomiʻi ʻi he meʻa ʻokú ke fili fakaʻaongaʻí:
- Android: Camera pe File
- Apple iOS: Take Photo, Camera Roll, pe My Files
Fili ha faile mei hoʻo meʻangāue fakaʻilekitulōniká, pea lomiʻi ʻa e Upload. Ngāue ʻaki ʻa e polokalama meʻafaitaá ke faitaaʻi ʻaki. Fakaleleiʻi ʻa e laʻitaá, pea lomiʻi ʻa e Seivi.
Ngaahi Sitepu (Polokalama Telefoni Toʻotoʻo ʻo e Fuʻu ʻAkau Fakafāmilí)
- Lomiʻi ke fakaava ha peesi fakaikiiki ʻo ha tokotaha.
- Lomiʻi ʻi he Ngaahi Manatu Melié.
- Lomiʻi ʻi he fakaʻilonga tānakí (+).
- Lomiʻi ʻa e Tānaki ha Fakamatala Fakapepá pe Tānaki ha Tā.
- Lomiʻi haʻo fili:
- Android: Camera, File, pe FamilySearch Gallery.
- Apple iOS: Take Photo, Camera Roll, My Files, pe My FamilySearch Gallery.
Fili ha faile mei hoʻo meʻangāue fakaʻilekitōniká, pe mei he Gallery, pea lomiʻi ʻi he Upload. Ngāue ʻaki ʻa e polokalama meʻafaitaá ke faitaaʻi ʻaki. Fakaleleiʻi ʻa e laʻitaá, pea lomiʻi ʻa e Seivi.
Fuʻu ʻAkau Fakafāmili Laití
ʻI he taimí ni, ʻoku ʻikai kau ʻi he Fuʻu ʻAkau Fakafāmili Laití ha founga fakapolokalama ʻi he Ngaahi Manatu Melié.
ʻI heʻene ʻosí
Kapau ʻoku liliu e ngaahi lanu ʻoku ʻasi maí (hangē ko e ʻata negative ʻo e laʻitaá) ʻi he FamilySearch, kātaki ʻo toʻo ʻa e taá, liliu ia ki ha faile fōmeti kehe, pea upload. Tag ʻa e laʻitā mo e fakamatala fakapepa takitaha fakafoʻituitui koeʻuhí ke fakafehokotaki ki ha taha fakafoʻituitui ʻi he Fuʻu ʻAkau Fakafāmilí. Tānaki atu ʻa e hingoa, ʻaho ʻo e polokalamá, feituʻu naʻe hoko aí, mo e fakamatalá koeʻuhí ke faingofua ange hono maʻu hoʻo manatu melié.
ʻI he Fuʻu ʻAkau Fakafāmilí, ʻoku hā mai ʻa e ngaahi manatu melie ʻo ha tokotaha ʻo fakatatau mo e hokohoko naʻe tānaki mai ai kinautolú. He ʻikai ke ke lava ʻo liliu ʻa e hokohoko ko iá.
Ngaahi fakamatala fekauʻakí
Te u tānaki pe fakatonutonu fēfē ha hingoa ʻo ha laʻitā, talanoa, fakamatala fakapepa, pe faile ki he fanongó?
Ko e hā e ʻuhinga ʻoku teʻeki upload ai hoku taá pe fakamatala fakapepá?
Te u tag fēfē nai ha ngaahi manatu melie ʻo ʻeku ngaahi kuí pe ngaahi kāingá ʻi he Fuʻu ʻAkau Fakafāmilí?
Ko e hā ha ngaahi lao ʻoku fakaʻaongaʻi ki hono upload e ngaahi manatu melié ki he FamilySearch.org?