ʻOku ʻomai ʻe he FamilySearch ha founga faingofua kiate koe ke ke vahevahe ʻa e ʻu tā ʻo hoʻo ngaahi kuí ke tokoni ki he fāmilí ke nau feʻilongaki mo feʻofaʻaki. ʻOku mau sivisiviʻi kotoa e ngaahi ʻīmisi ʻokú ke upload. Vakai ki heʻetau Ngaahi Fakahinohino mo e Ngaahi Tuʻutuʻuni ki he Upload ki ha toe fakamatala lahi ange.
ʻI hoʻo fakakaukauʻi e meʻa ke upload hangē ko ha laʻitā pe fakamatala fakapepá, manatuʻi e ngaahi meʻa ko ʻení:
- Feʻunga mo Tāú: ʻOku totonu ke poupouʻi ʻe he ʻū taá ʻa e ngaahi tuʻunga moʻui taau ʻo e valá mo e angamaʻá. He ʻikai lava ke ʻasi ʻi he ʻū taá ʻa e ʻumá pe ko e kakai ʻoku teuteu ke ʻuma ʻi he ngutú.
- ʻUhinga Lelei: ʻOku totonu ke nau poupouʻi ha taumuʻa hisitōlia fakafāmili.
- Liliu e lotó: ʻOku totonu ke tokoni ʻa e ngaahi meʻá ki he kakaí ke nau ʻiloʻi mo ʻofa ʻi heʻenau ngaahi kuí.
- ʻIkai Fakakomēsiale: ʻOku ʻikai totonu ke tuʻuaki pe poupouʻi ʻe he fakamatalá ha koloa pe maumauʻi ha ngaahi totonu fakalao.
- Totonu Fakafoʻituituí: Tokanga ʻi he taimi ʻoku fakakau ai ha ʻū tā pe fakamatala fakapepa fekauʻaki mo e kakai moʻuí.
ʻI he taimi ʻokú ke faʻu pe upload ai ha talanoa, vakaiʻi pe ʻoku ʻi ai ha ngaahi foʻi lea taʻefeʻunga. Ko e niʻihi ʻeni ʻo e faʻahinga lea ke ʻoua e ngāue ʻakí:
- Lea taʻetāú mo e kapekapé.
- Ngaahi hingoa ʻoku hala fakapolitikalé.
- Fakahaaʻi ʻo e fehiʻá pe fakafaikehekeheʻí.
- Ngaahi lea tuku hifo pe taʻefakaʻapaʻapaʻi ʻo e ngaahi tui fakalotú.
- Ngaahi foʻi lea pe fakakaukau ʻoku pehē ʻoku taʻetāú.
ʻI he taimi ʻoku ʻikai taau ai ha laʻitā pe fakamatala fakapepa, ʻoku fakaʻilongaʻi ʻe he FamilySearch ʻa e manatu melié ko e “Fakangatangata” pea ʻoatu kiate koe ha pōpoaki ʻīmeili. Kapau ʻokú ke tui ko e fakangatangata ko ʻení ko ha fehalaaki, tali ki he pōpoaki ʻīmeili naʻá ke maʻú, pea ʻomi ha fakamatala. ʻOku ʻalu hangatonu pē hoʻo talí ki he timi naʻa nau vakaiʻi mo sivisiviʻi hoʻo meʻa ʻi he manatú.
Ngaahi fakamatala fekauʻakí
Ko e hā ʻoku talamai ai ʻoku fakangatangata ʻeku laʻitaá?
Te u lava nai ʻo tānaki ha manatu melie fekauʻaki mo hoku kāinga kei moʻuí ʻi he Fuʻu ʻAkau Fakafāmilí?