Karaniwang dumarating ang verification sa loob ng ilang minuto. Paminsan-minsan, umaabot ito ng 2–3 oras. Kung hindi ito dumating kaagad, narito ang ilang pangunahing bagay na maaari mong tingnan:
- Ang email ay mula sa www.familysearch.org/register/ at may subject line na Complete Your FamilySearch Account Registration....
- Tingnan ang iyong junk o spam folder. Mangyaring hanapin ang mga katagang FamilySearch account, Complete your registration, o pareho. Kung nasa junk o spam folder ang email, ilipat ito sa iyong primary folder o inbox. Maaari mo na itong buksan at i-klik ang activation link. Hindi gumagana ang mga activation link sa junk o spam folder.
- Tingnan ang iba pang email account na mayroon ka.
- Kung nagkamali ka sa paglagay ng iyong email address, magrehistro muli gamit ang tamang email address.
- Kung nilikha mo ang iyong account mahigit 48 oras na ang nakararaan, hindi na magagamit ang link sa email. Magrehistro na lamang ulit.
- Kung bukas pa rin ang registration window, i-klik ang button para ma-resend ang activation email. Tandaang gamitin ang pinakahuling natanggap na verification email, dahil hindi na magagamit ang mga link sa iba pang mga email.
Kung nakakapag-sign in ka sa iyong FamilySearch account, mangyaring gawin ito. Pagkatapos ay piliin ang iyong pangalan sa itaas sa kanang sulok, at piliin ang Mga Setting para matiyak na na-activate ang iyong paraan ng pagrekober.
Maaari mong gamitin ang iyong email address, numero ng cellphone, o pareho bilang paraan ng pagrekorber sa iyong account.
- Opsiyon sa email address:
Sa ibaba ng iyong email address, kung hindi pa ito naa-activate, makikita mo ang: I-verify ang address na ito. I-klik ang mga salitang naka-hyperlink at basahin ang mensaheng ito:
“Pakitingnan ang Email Mo
“Isang verification email ang ipinadala sa [email address here]. Kapag na-verify na, maaari mo nang gamitin ang email address para ma-recover ang iyong impormasyon sa pag-sign-in. Mag-e-expire ang permission link sa loob ng 48 oras.”
Mayroon ka ng mga opsiyon na ito: I-resend ang email o Isara.
- Opsiyon sa numero ng cellphone:
Kung hindi na-activate ang numero ng telepono, makikita mo ang: I-verify ang numero ng telepono na ito. Kapag nagklik ka sa mga salitang naka-hyperlink, lilitaw ang mensaheng ito:
“Tingnan ang mga Text Message
“Ipinadala ang isang verification code sa +1 [phone number here] upang magamit ng FamilySearch ang numerong ito sa account recovery.
“Ipasok ang Verification Code”
[Narito ang kahon kung saan ipapasok ang code na ito].
Mayroon kang mga opsiyon na ito: KANSELAHIN, I-RESEND ANG CODE, at I-VERIFY sa ibaba ng screen.
Kung patuloy kang nagkakaproblema sa pag-set up at pag-activate ng iyong FamilySearch account, huwag mag-atubiling kontakin ang FamilySearch.
Kaugnay na mga artikulo
Paano ako makagagawa ng FamilySearch account?
Maaari ba akong lumikha ng mga account gamit ang shared email address?
Paano ako makagagawa ng libreng account para sa isang bata?