Nganjëherë, kur një përdorues përpiqet të shohë lidhjet familjare, shikuesi i lidhjes familjare shfaq mesazhin “Lidhje Familjare e Panjohur”. Këtu janë disa arsye pse ndodh kjo dhe rregullimet e mundshme:
Duhet të mundësohen lejet
Kur përdoruesit lidhen nëpërmjet mesazheve, ata mund ta shohin lidhjen e tyre familjare me njëri‑tjetrin. Për të qenë në gjendje që ta shohin lidhjen familjare, që të dy përdoruesve do t’iu nevojitet ta aktivizojnë pamjen e lidhjes familjare. Shkoni te Veçoritë tuaja dhe aktivizoni veçorinë Mundëso Pamjen e Lidhjes Familjare. Kjo do t’ju lejojë ju dhe përdoruesit e tjerë që t’i shihni lidhjet familjare me njëri‑tjetrin, si edhe cilindo paraardhës të përbashkët. Kjo leje nuk ka ndikim te pamja e lidhjes familjare mes jush dhe njerëzve në pemën tuaj familjare.
Pema juaj familjare ka nevojë për më shumë të dhëna
Nëse nuk e keni shtuar ende familjen tuaj te pema, nuk do të jemi në gjendje të gjejmë ndonjë të afërm. Ju nevojitet të filloni një pemë në mënyrë që Pema Familjare të ketë informacion rreth jush për të bërë kërkim.
Nëse e keni filluar një pemë familjare, mund t’ju nevojitet thjesht që të shtoni disa breza më shumë, që të mund t’i gjejmë lidhjet tuaja familjare me të tjerët. Përpiquni ta çoni disa breza më tej njërën prej linjave tuaja familjare (paraardhësit e njërit prej prindërve tuaj). Kjo do të çelë më shumë mundësi për lidhje familjare me përdorues të tjerë.
Nuk ka mjaftueshëm pemë
Mund të mos ketë mjaftueshëm pemë familjare të dorëzuara nga pjesa juaj e veçantë e botës. Kjo e bën të vështirë që Pema Familjare të jetë në gjendje të gjejë një lidhje. Ju mund të ndihmoni duke i nxitur njerëzit e tjerë me prejardhje të ngjashme, që ta hedhin informacionin e tyre te Pema Familjare ndërsa ju vazhdoni të punoni vetë.
Paraardhësi juaj i përbashkët nuk është brenda shtrirjes të asaj që është përllogaritur
Shikuesi i lidhjes familjare përllogarit lidhjet familjare brenda një shtrirjeje specifike të të dhënave në linjat tuaja familjare. Për shembull, nëse paraardhësi i përbashkët që ju lidh me një person tjetër ka lindur para vitit 1500 ps.K., lidhja familjare nuk do të gjendej sepse është jashtë asaj shtrirje.
Nëse besoni se shikuesi i lidhjes familjare duhet të shfaqë një lidhje familjare sepse është brenda shtrirjes së specifikuar, ju lutemi, vihuni në kontakt me Sektorin e Përkrahjes të programit FamilySearch.
Artikuj të ngjashëm
Si ta shoh lidhjen time familjare me një person te Pema Familjare?
Pamja e Lidhjes Familjare: Si ta aktivizoj ose çaktivizoj mundësinë për të parë lidhjen time familjare me përdoruesit e tjerë?
Si ta shoh lidhjen time familjare me një person te Kujtimet?
Si e përcakton shikuesi i lidhjes familjare te Pema Familjare nëse kam lidhje familjare apo jo?