Pema Familjare është një koleksion në rritje i gjenealogjive familjare, ku kontribuojnë njerëz nga e gjithë bota, gjatë shumë vjetëve.
Natyra e përbashkët e pemës, bën të mundur që përdoruesit të shohin se si janë të lidhur familjarisht, nëse të dy përdoruesit e kanë aktivizuar pamjen e lidhjes familjare.
Kur ju e aktivizoni pamjen e lidhjes familjare, ju bini dakord që t’i lejoni përdoruesit e tjerë të shohin aspekte të caktuara të llogarisë suaj:
- lidhjen e tyre familjare me ju
- emrin tuaj të kontaktit (kjo mund të redaktohet te veçoritë)
- fotografinë e portretit tuaj në Pemën Familjare, nëse është në dispozicion
- cilindo paraardhës të përbashkët
- E rëndësishme: Informacioni për individët e gjallë në pemën tuaj NUK është i dukshëm për përdoruesit e tjerë si pjesë e pamjes së lidhjes familjare.
Informacioni i lidhjes familjare është në dispozicion kur një përdorues tjetër klikon tek emri juaj i kontaktit te Pema Familjare ose Kujtimet. Shfaqet mundësia për të parë lidhjen familjare, së bashku me hollësitë e kontaktit.
Ju mund ta aktivizoni ose çaktivizoni pamjen e lidhjes familjare te veçoritë e llogarisë suaj.
Hapat (në faqen e internetit)
- Nënshkruani hyrjen në FamilySearch.
- Në cepin e sipërm në të djathtë, klikoni tek emri juaj.
- Klikoni te Veçoritë.
- Klikoni te Lejet.
- Te Pamja e Lidhjes Familjare, përzgjidhni kutinë përzgjedhëse afër [komandës] “Lejojini të tjerët tʼi shohin lidhjet familjare me ju, emrin tuaj të paraqitjes, portretin tuaj në Pemën Familjare, nëse është në dispozicion, dhe cilindo paraardhës të përbashkët”.
- Klikoni tek Aktivizo.
Hapat (programi për telefonat celularë)
Ju mund ta aktivizoni mundësinë kur shihni informacionin e kontaktit të një përdoruesi tjetër. Ju gjithashtu mund ta aktivizoni ose çaktivizoni atë te veçoritë tuaja. Ja se si:
- Pasi të keni nënshkruar hyrjen te programi për telefonat celularë Pema Familjare:
- Apple iOS: Në cepin e poshtëm në të djathtë, prekni me gisht 3 pikat.
- Android: Në cepin e sipërm në të majtë, prekni me gisht 3 vijat.
- Prekni me gisht Veçoritë.
- Poshtë mundësisë Aktivizo Pamjen e Lidhjes Familjare, lexojeni mesazhin për të parë se çfarë informacioni është në dispozicion për përdoruesit e tjerë.
- Për ta aktivizuar mundësinë, prekni me gisht Aktivizo Pamjen e Lidhjes Familjare.
Hapat (Pema Familjare Varianti i Thjeshtuar)
Momentalisht Pema Familjare Varianti i Thjeshtuar nuk e ka mundësinë për të parë lidhjen tuaj familjare me përdoruesit e tjerë. Në vend të kësaj, ju lutemi, përdorni programin për telefonat celularë Pema Familjare.
Artikuj të ngjashëm
Si t’i dërgoj një mesazh dikujt që kontribuoi te Pema Familjare ose Kujtimet?
Si ta përditësoj informacionin e kontaktit në llogarinë time?