Олон нийтэд нээлттэй, хамтын ажиллагааны гэр бүлийн мод дээрх өвөг дээдэс тань буруу эх сурвалжтай холбогдсон байх нь ховор тохиолдол биш юм. Аз болоход, буруу эх сурвалжийг амархан засаж болдог. FamilySearch дээрх буруу холбоосыг засах хэд хэдэн арга энд бий.
Холбоосыг салгах
Буруу холбоосыг засах нэг арга бол тэдгээрийг арилгах явдал юм. Энэ засварыг хэд хэдэн энгийн алхмаар хийж болно. Үүнд:
1. Өвөг дээдсийн хувь хүний хуудас руу оч.
2. Хувь хүний хуудас руу ороод хэрэгслийн мөрийн дээр байрлах Эх сурвалж дээр дар.
3. Таныг тухайн хүний эх сурвалжийн жагсаалт бүхий хуудас руу чиглүүлэх болно. Эх сурвалжийг үзэхийн тулд эх сурвалжийн гарчгийн доор байрлах Эх сурвалжийг харах холбоос дээр дар.
4. Эх сурвалжийг харах товчийг дарсны дараа эх сурвалжийг буруу гэж үзэж байгаа бол холбоосыг Салгах дээр дарж эх сурвалжийг өвөг дээдсээс нь салгана.
Хэрэв та эх сурвалж үнэн зөв байсныг хожим олж мэдээд үүнд итгэлтэй байвал (хувь хүний хуудасны баруун талд байрлах) Хамгийн сүүлийн өөрчлөлтүүд цонхон дахь энэ өөрчлөлтийг буцаах боломжтой.
Холбоосыг зөөх
Ихэнхдээ тухайн холбоосыг ижил гэр бүлийн буруу өвөг дээдэст хавсаргасан байдаг. Хэрэв та уг бүртгэл хамаатай өвөг дээдсийн Хувь хүний ID дугаар-ыг мэдэж байвал эх сурвалжийг тухайн хүний эх сурвалжийн жагсаалт руу шилжүүлж болно.
1. Буруу эх сурвалж хавсаргасан өвөг дээдсийнхээ хувь хүний хуудас руу очоод дээд талд нь байрлах Эх сурвалжууд таб руу оч.
2. Эх сурвалжийн жагсаалтаас буруу эх сурвалжийг ол. Эх сурвалжийг харах дээр дар.
3. Өгөгдсөн сонголтуудаас Хавсралтыг шалгах-ыг сонгосноор эх сурвалжийг холбогчийн хуудас нээгдэнэ.
- Тайлбар: Хэрэв Хавсралтыг шалгах сонголт байхгүй бол “холбоосыг зөөх” функц энэ бүртгэлд байхгүй, гэсэн хэдий ч та өөр аргаар бүртгэлийг зөв өвөг дээдэст хавсаргаж болно.
4. Баруун дээд буланд байрлах Таны гэр бүл биш байна уу? гэснийг дар. Гэр бүлээ хайж ол.
5. Дээд талд нь Гэр бүлийн модонд таарах хайлтыг ол гэсэн цонх гарч ирнэ. Та Түүхийн жагсаалт-аас сүүлийн өвөг дээдсээ сонгох эсвэл өвөг дээдсийнхээ хувь хүний ID-г оруулж энэ эх сурвалжийг хавсаргах боломжтой.
Хамтран ажиллах
Та ихэвчлэн холбоос үүсгэсэн эсвэл хувь нэмэр оруулсан хүний холбоо барих нэрийг олох боломжтой. Та энэ нэрийг өвөг дээдсийн Хувь хүний хуудас руу орж, хуудасны дээд хэсэгт байрлах Эх сурвалжууд табыг сонгоод, эх сурвалжийн жагсаалтын баруун талд байрлах Үүсгэсэн хүн баганаас олж болно.
Үүсгэсэн хүн баганаас та бүртгэлийн эх сурвалж бүртэй холбоотой нэрсийг олох болно. Боломжтой байгаа холбоо барих мэдээллийг хайж олох эсвэл FamilySearch-өөр зурвас илгээх-ийн тулд тухайн хүний нэрийг сонго. Ийнхүү холбогдох нь өвөг дээдсийнхээ талаар үүссэн аливаа төөрөгдөл, үл ойлголцлыг арилгах арга юм.
Бусадтай хамтран ажиллахдаа эелдэг, хүндэтгэлтэй хандахаа санаарай. Удмын бичгийн хамгийн сайхан зүйлүүдийн нэг нь гэр бүлүүдийг нэгтгэх хүч бөгөөд харилцан холбогдох боломж нь эв нэгдлийн сүнсийг бий болгож чаддаг.
Гэр бүлийн модыг хэрхэн ашиглах талаарх илүү их мэдээлэл
